ਨਵੀਂ ਦਿੱਲੀ: ਕੀ ਤੁਸੀਂ ਕਦੇ ਲਾਲ ਅੰਗੂਰ ਖਾਧੇ (red grapes) ਹਨ? ਹੁਣ ਤੁਸੀਂ ਕਹੋਗੇ ਕਿ ਲਾਲ ਅੰਗੂਰ ਹੁੰਦੇ ਹੀ ਕਿੱਥੇ ਹਨ ਜੋ ਖਾਵਾਂਗੇ। ਅੰਗੂਰ ਹਰੇ ਹੋਣ ਜਾਂ ਕਾਲੇ, ਪਰ ਤੁਹਾਨੂੰ ਦੱਸ ਦੇਈਏ ਕਿ ਲਾਲ ਅੰਗੂਰ ਵੀ ਹੁੰਦੇ ਹਨ। ਹਾਲਾਂਕਿ ਇਹ ਭਾਰਤ ਵਿੱਚ ਆਸਾਨੀ ਨਾਲ ਉਪਲਬਧ ਨਹੀਂ ਹੈ। ਇਸ ਦੇ ਇੱਕ ਝੁੰਡ ਦੀ ਕੀਮਤ ਤੁਹਾਨੂੰ ਹੈਰਾਨ ਕਰ ਦੇਵੇਗੀ।
24 ਲਾਲ ਅੰਗੂਰਾਂ ਦੇ ਗੁੱਛੇ ਦੀ ਕੀਮਤ ਜਾਪਾਨ (Japan) ‘ਚ 7.5 ਲੱਖ ਰੁਪਏ ਲਾਈ ਗਈ ਹੈ। ਨਿਲਾਮੀ 2019 'ਚ ਹੋਈ ਸੀ ਜਿਸ ‘ਚ ਖਾਸ ਕਿਸਮ ਦੇ ਇੱਕ ਅੰਗੂਰ ਦਾ ਵਜ਼ਨ ਕਰੀਬ 20 ਗ੍ਰਾਮ ਦਰਜ ਕੀਤਾ ਗਿਆ। 12 ਸਾਲ ਪਹਿਲਾਂ ਅੰਗੂਰ ਦੀ ਇੱਕ ਖਾਸ ਕਿਸਮ ਨੂੰ ਇਸ਼ੀਕਾਵਾ ਖੇਤਰ ਦੀ ਸਰਕਾਰ ਨੇ ਵਿਕਸਤ ਕੀਤਾ ਸੀ, ਜੋ ਖਾਸ ਕਰ ਅਮੀਰਾਂ ਦੇ ਫਲਾਂ ਦੇ ਤੌਰ ‘ਤੇ ਜਾਣੀ ਜਾਂਦੀ ਹੈ।
ਦੱਸ ਦਈਏ ਕਿ ਜਾਪਾਨ ‘ਚ ਇਸ ਨੂੰ ਰੂਬੀ ਰੋਮਨ (ruby roman) ਕਿਹਾ ਜਾਂਦਾ ਹੈ। ਇਹ ਸੁਆਦ ‘ਚ ਬੇਹੱਦ ਮਿੱਠਾ ਤੇ ਰਸੀਲਾ ਹੁੰਦਾ ਹੈ ਪਰ ਇਹ ਕੁਝ ਐਸੀਡਿਕ ਵੀ ਹੁੰਦਾ ਹੈ। ਰੂਬੀ ਰੋਮਨ ਜਾਪਾਨ ਦੇ ਲਗਜ਼ਰੀ ਫਰੂਟ ‘ਚ ਸ਼ਾਮਲ ਹੈ। ਇਸ ਨੂੰ ਕਿਸੇ ਖਾਸ ਮੌਕੇ ‘ਤੇ ਗਿਫਟ ਵਜੋਂ ਵੀ ਦਿੱਤਾ ਜਾਂਦਾ ਹੈ। ਨਿਲਾਮੀ ਕਰਨ ਵਾਲੇ ਅਧਿਕਾਰੀ ਮੁਤਾਬਕ, ਇਸ ਦੀ ਡਿਮਾਂਡ ਜ਼ਿਆਦਾ ਹੋਣ ਕਰਕੇ ਇਹ ਗੁੱਛਾ ਕਾਫੀ ਮਹਿੰਗਾ ਵਿੱਕਦਾ ਹੈ।
ਜਾਪਾਨ ‘ਚ ਅਸਾਨੀ ਨਾਲ ਨਾ ਮਿਲਣ ਕਰਕੇ ਇਸ ਨੂੰ ਜਾਪਾਨ ਦੀ ਇੱਕ ਕੰਪਨੀ ਹਯਾਕੁਰਾਕੁਸੋ ਨੇ ਖਰੀਦਿਆ ਹੈ। ਨਿਲਾਮੀ ਅਧਿਕਾਰੀ ਤਕਾਸ਼ੀ ਨੇ ਦੱਸਿਆ ਕਿ ਇਸ ਕਿਸਮ ਨੂੰ ਇਜਾਦ ਕੀਤੇ 12 ਸਾਲ ਹੋ ਗਏ ਹਨ। ਉਧਰ ਫਾਰਮਿੰਗ ਏਜੰਸੀ ਦਾ ਕਹਿਣਾ ਹੈ ਕਿ ਰੂਬੀ ਰੋਮਨ ਦੇ 26 ਹਜ਼ਾਰ ਗੁੱਛੇ ਸਤੰਬਰ ‘ਚ ਐਕਸਪੋਰਟ ਕੀਤੇ ਜਾਣਗੇ ਪਰ ਫਾਰਮਿੰਗ ਕੰਪਨੀ ਨੂੰ ਫਿਕਰ ਹੈ ਕਿ ਕੀਤੇ ਵਧ ਰਹੇ ਤਾਪਮਾਨ ਨਾਲ ਇਨ੍ਹਾਂ ਦੀ ਗੁਣਵੱਤਾ ਖਰਾਬ ਨਾ ਹੋ ਜਾਵੇ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin