ਅਸੀਂ ਜਦੋਂ ਵੀ ਖਾਣਾ ਆਰਡਰ ਕਰਦੇ ਹਾਂ ਤਾਂ ਡਿਲੀਵਰੀ ਬੁਆਏ ਸਾਨੂੰ ਜਲਦੀ ਤੋਂ ਜਲਦੀ ਖਾਣਾ ਪਹੁੰਚਾਉਂਦਾ ਹੈ ਪਰ ਜੇਕਰ ਤੁਹਾਨੂੰ ਪਤਾ ਲੱਗੇ ਕਿ ਡਿਲੀਵਰੀ ਬੁਆਏ ਤੁਹਾਡਾ ਆਰਡਰ ਕੀਤਾ ਖਾਣਾ ਖਾ ਰਿਹਾ ਹੈ ਤਾਂ ਕੀ ਹੋਵੇਗਾ? ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਡਿਲੀਵਰੀ ਬੁਆਏ ਆਰਡਰ ਕੀਤਾ ਸਮਾਨ ਖਾਂਦੇ ਹੋਏ ਰੰਗੇ ਹੱਥੀਂ ਫੜਿਆ ਗਿਆ ਹੈ। ਇਕ ਵਿਅਕਤੀ ਨੇ ਦਾਅਵਾ ਕੀਤਾ ਕਿ ਉਸ ਨੇ ਡਿਲੀਵਰੀ ਬੁਆਏ ਨੂੰ ਉਹ ਸਾਮਾਨ ਖਾਂਦੇ ਦੇਖਿਆ , ਜੋ ਉਸ ਨੇ ਆਰਡਰ ਕੀਤਾ ਸੀ। ਡਿਲੀਵਰੀ ਬੁਆਏ ਦੀ ਇਹ ਹਰਕਤ ਦਰਵਾਜ਼ੇ 'ਤੇ ਲੱਗੇ ਕੈਮਰੇ 'ਚ ਕੈਦ ਹੋ ਗਈ। ਜਿਸ ਦੀ ਵੀਡੀਓ ਵਿਅਕਤੀ ਵੱਲੋਂ ਸ਼ੇਅਰ ਕੀਤੀ ਗਈ ਹੈ।
'ਦਿ ਸਨ' ਦੀ ਰਿਪੋਰਟ ਮੁਤਾਬਕ ਬ੍ਰਿਟੇਨ 'ਚ ਰਹਿਣ ਵਾਲੇ 36 ਸਾਲਾ ਪੈਕਿਸ਼ ਨਾਈਫ ਸਟੋਰਰ ਦਾ ਕਹਿਣਾ ਹੈ ਕਿ ਉਸ ਰਾਤ ਉਸ ਨੇ ਨੇੜਲੇ ਰੈਸਟੋਰੈਂਟ ਤੋਂ ਖਾਣੇ ਦਾ ਆਰਡਰ ਦਿੱਤਾ ਸੀ ਪਰ ਆਰਡਰ ਦੇਣ ਤੋਂ ਥੋੜ੍ਹੀ ਦੇਰ ਬਾਅਦ ਹੀ ਡਿਲੀਵਰੀ ਬੁਆਏ ਤਿੰਨ ਚਿਕਨ ਰੈਪ , ਇੱਕ ਗਰਿੱਲ ਚਿਕਨ ਬਰਗਰ,ਚਾਰ ਚਿਪਸ ਦੇ ਪੈਕੇਟ ਅਤੇ ਚਾਰ ਡਰਿੰਕ ਲੈ ਕੇ ਘਰ ਪਹੁੰਚਿਆ ਪਰ ਆਰਡਰ ਦੇਣ ਤੋਂ ਪਹਿਲਾਂ ਉਸ ਨੇ ਬੈਗ ਵਿੱਚੋਂ ਚਿਪਸ ਕੱਢ ਕੇ ਖਾਣੀ ਸ਼ੁਰੂ ਕਰ ਦਿੱਤੀ। ਡੋਰ ਬੈੱਲ 'ਚ ਲੱਗੇ ਕੈਮਰੇ 'ਚ ਡਿਲੀਵਰੀ ਬੁਆਏ ਦੀ ਇਹ ਹਰਕਤ ਕੈਦ ਹੋ ਰਹੀ ਸੀ। ਪੇਕਿਸ਼ ਨਾਯੇਫ ਆਪਣੇ ਮੋਬਾਇਲ 'ਚ ਇਹ ਸਭ ਦੇਖ ਰਿਹਾ ਸੀ।
ਪੈਕਿਸ਼ ਦਾ ਕਹਿਣਾ ਹੈ ਕਿ ਜਿਵੇਂ ਹੀ ਮੈਂ ਇਹ ਦੇਖਿਆ, ਮੈਂ ਆਪਣੀ ਪਤਨੀ ਨੂੰ ਫੋਨ ਕੀਤਾ ਅਤੇ ਇਸ ਦੀ ਜਾਣਕਾਰੀ ਦਿੱਤੀ। ਇਹ ਸੁਣ ਕੇ ਪਤਨੀ ਵੀ ਹੈਰਾਨ ਰਹਿ ਗਈ। ਪੈਕਿਸ਼ ਨੇ ਰੈਸਟੋਰੈਂਟ 'ਚ ਸ਼ਿਕਾਇਤ ਕੀਤੀ ,ਜਿਸ ਤੋਂ ਬਾਅਦ ਮੁਆਫੀ ਮੰਗ ਲਈ ਗਈ। ਨਾਲ ਹੀ ਡਿਲੀਵਰੀ ਬੁਆਏ ਨੇ ਕਿਹਾ ਕਿ ਉਹ ਬੈਗ ਵਿੱਚੋਂ ਆਪਣੇ ਬਿਸਕੁਟ ਖਾ ਰਿਹਾ ਸੀ। ਬਾਅਦ ਵਿੱਚ ਰੈਸਟੋਰੈਂਟ ਵੱਲੋਂ ਦੱਸਿਆ ਗਿਆ ਕਿ ਉਸ ਨੇ ਡਿਲੀਵਰੀ ਬੁਆਏ ਨੂੰ ਪ੍ਰਤਿਬੰਧਿਤ ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ :ਪਰਗਟ ਸਿੰਘ ਨੇ ਭਗਵੰਤ ਮਾਨ ਨੂੰ ਘੇਰਿਆ, ਬੋਲੇ ਪੀਐਮ ਮੋਦੀ ਨਾਲ BSF ਦੀ ਸੀਮਾ ਘਟਾਉਣ ਬਾਰੇ ਕਰਨੀ ਚਾਹੀਦੀ ਸੀ ਗੱਲ