ਮੱਧ ਪ੍ਰਦੇਸ਼ ਦਾ ਇੱਕ ਇਸ਼ਤਿਹਾਰ ਯਾਦ ਹੋਵੇਗਾ ਜੋ ਟੀਵੀ 'ਤੇ ਆਇਆ ਸੀ, ਜਿਸ ਵਿੱਚ ਕਿਹਾ ਗਿਆ ਸੀ, 'ਐਮਪੀ ਕਮਾਲ ਹੈ'। ਇੱਥੇ ਹੀ ਬਸ ਨਹੀ ਇਨਸਾਨਾਂ ਦੇ ਨਾਲ-ਨਾਲ ਤੁਸੀਂ ਕੁੱਤਿਆਂ, ਬਿੱਲੀਆਂ, ਪਸ਼ੂਆਂ, ਪਾਲਤੂ ਪੰਛੀਆਂ ਆਦਿ ਦੇ ਜਨਮ ਦਿਨ ਮਨਾਉਣ ਦੀਆਂ ਖਬਰਾਂ ਵੀ ਤੁਸੀਂ ਇੱਥੋ ਕਈ ਵਾਰ ਸੁਣੀਆਂ ਹੋਣਗੀਆਂ। ਪਰ ਕੀ ਤੁਸੀਂ ਸੁਣਿਆ ਹੈ ਕਿ ਕਿਸੇ ਪਰਿਵਾਰ ਨੇ ਖੱਚਰਾਂ ਦੇ ਜਨਮ 'ਤੇ ਪਾਰਟੀ ਕੀਤੀ ਹੈ। ਜੀ ਹਾਂ ਅਜਿਹਾ ਮੱਧ ਪ੍ਰਦੇਸ਼ ਦੇ ਮੋਰੇਨਾ 'ਚ ਹੋਇਆ ਹੈ। ਜ਼ਿਲ੍ਹੇ ਦੇ ਬਨਮੋਰ ਕਸਬੇ ਵਿੱਚ ਰਹਿਣ ਵਾਲੇ ਇੱਕ ਪਰਿਵਾਰ ਨੇ ਆਪਣੀ ਘੋੜੀ ਦੇ ਬੱਚਿਆਂ ਦੇ ਜਨਮ 'ਤੇ ਵੱਡੀ ਪਾਰਟੀ ਦਿੱਤੀ।
ਉਨ੍ਹਾਂ ਦਾ ਕੇਕ ਕੱਟਿਆ ਗਿਆ ਅਤੇ 300 ਤੋਂ ਵੱਧ ਲੋਕਾਂ ਨੂੰ ਦਾਅਵਤ ਦਿੱਤੀ ਗਈ। ਘੋੜੀ ਦੇ ਮਾਲਕ ਦੇ ਸਹੁਰੇ ਵੱਲੋਂ ਝੂਲੇ, ਖਿਡੌਣੇ ਅਤੇ ਹੋਰ ਸਾਮਾਨ ਵੀ ਭੇਜਿਆ ਗਿਆ ਸੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਖੰਡ ਰੋਡ, ਬਨਮੋਰ 'ਤੇ ਰਹਿਣ ਵਾਲੇ ਸੁਨੀਲ ਪ੍ਰਜਾਪਤੀ ਦੇ ਪਰਿਵਾਰ ਵਲੋਂ ਘੋੜਿਆਂ ਕਾਰੋਬਾਰ ਕੀਤਾ ਜਾਂਦਾ ਹੈ। ਉਸ ਕੋਲ ਘੋੜਾ ਅਤੇ ਘੋੜੀ ਹੈ।
ਸੁਨੀਲ ਨੇ ਦੱਸਿਆ ਕਿ ਘੋੜੀ ਨੇ ਅਪ੍ਰੈਲ 'ਚ ਦੋ ਬੱਚਿਆਂ ਨੂੰ ਜਨਮ ਦਿੱਤਾ ਸੀ। ਉਨ੍ਹਾਂ ਨੇ ਇਸ ਸਬੰਧੀ ਬੇਹਟ ਦੇ ਕਾਸ਼ੀ ਬਾਬਾ ਅੱਗੇ ਸੁੱਖਣਾ ਸੁੱਖੀ ਸੀ ਅਤੇ ਕਿਹਾ ਸੀ ਕਿ ਜੇਕਰ ਖੱਚਰਾਂ ਦਾ ਜਨਮ ਸਹੀ-ਸਲਾਮਤ ਹੋ ਗਿਆ ਤਾਂ ਉਹ ਉਨ੍ਹਾਂ ਦਾ ਜਨਮ ਦਿਨ ਬੜੀ ਧੂਮ-ਧਾਮ ਨਾਲ ਮਨਾਉਣਗੇ। ਉਸ ਦੀ ਇੱਛਾ ਪੂਰੀ ਹੋ ਗਈ ਅਤੇ ਫਿਰ ਉਸ ਨੇ ਦਾਸਤੋਨ ਦੀ ਰਸਮ ਉਸੇ ਤਰ੍ਹਾਂ ਮਨਾਈ ਜਿਸ ਤਰ੍ਹਾਂ ਬੱਚਿਆਂ ਦਾ ਜਨਮ ਦਿਨ ਮਨਾਇਆ ਜਾਂਦਾ ਹੈ। ਦੋਵੇਂ ਖੱਚਰਾਂ ਦੇ ਨਾਂ ਵੀ ਰਖੇ ਗਏ ਹਨ । ਨਰ ਖੱਚਰ ਦਾ ਨਾਮ ਭੋਲਾ ਅਤੇ ਮਾਦਾ ਖੱਚਰ ਦਾ ਨਾਮ ਚਾਂਦਨੀ ਰੱਖਿਆ ਗਿਆ ਹੈ।
ਸੁਨੀਲ ਪ੍ਰਜਾਪਤੀ ਨੇ ਦੱਸਿਆ ਕਿ ਉਸ ਦਾ ਸਹੁਰਾ ਘਰ ਗਵਾਲੀਅਰ ਵਿੱਚ ਹੈ। ਉਸ ਦੇ ਸਹੁਰੇ ਇਸ ਮੌਕੇ ਝੂਲੇ, ਖਿਡੌਣੇ, ਸਾੜੀਆਂ, ਪੰਘੂੜੇ ਆਦਿ ਲਿਆਉਂਦੇ ਸਨ। ਸੁਨੀਲ ਨੇ ਬੈਂਡ ਨਾਲ ਉਨ੍ਹਾਂ ਦਾ ਸਵਾਗਤ ਕੀਤਾ। ਇਸ ਤੋਂ ਇਲਾਵਾ ਪਿੰਡ ਦੇ ਲੋਕਾਂ ਅਤੇ ਰਿਸ਼ਤੇਦਾਰਾਂ ਨੂੰ ਵੀ ਇਸ ਸਮਾਗਮ ਵਿੱਚ ਬੁਲਾਇਆ ਗਿਆ। ਇਸ ਸਮਾਰੋਹ ਵਿੱਚ 300 ਤੋਂ ਵੱਧ ਲੋਕਾਂ ਨੇ ਹਿੱਸਾ ਲਿਆ।
ਸੁਨੀਲ ਨੇ ਦੱਸਿਆ ਕਿ ਉਸ ਨੇ ਆਪਣੇ ਬੱਚਿਆਂ ਭਾਵਨਾ, ਨਿਖਿਲ, ਨੈਨਸੀ ਅਤੇ ਵੇਦ ਦਾ ਜਨਮਦਿਨ ਨਹੀਂ ਮਨਾਇਆ, ਜਿਸ ਕਾਰਨ ਕੁਝ ਲੋਕ ਖੱਚਰਾਂ ਦਾ ਜਨਮ ਦਿਨ ਮਨਾਉਣ ਕਰਕੇ ਹੈਰਾਨ ਰਹਿ ਗਏ। ਸੁਨੀਲ ਦਾ ਕਹਿਣਾ ਹੈ ਕਿ ਘਰ ਵਿੱਚ ਪਲ ਰਹੇ ਜਾਨਵਰ ਵੀ ਪਰਿਵਾਰ ਦੇ ਮੈਂਬਰ ਹਨ। ਸਾਨੂੰ ਵੀ ਉਨ੍ਹਾਂ ਨਾਲ ਪਰਿਵਾਰਕ ਮੈਂਬਰਾਂ ਵਾਂਗ ਪੇਸ਼ ਆਉਣਾ ਚਾਹੀਦਾ ਹੈ।