Suhagrat ਨੂੰ ਬਣਾਓ ਹੋਰ ਵੀ ਰੋਮਾਂਟਿਕ ਅਤੇ ਯਾਦਗਾਰ, ਲਾੜਾ-ਲਾੜੀ ਇਨ੍ਹਾਂ ਗੱਲਾਂ ਦਾ ਰੱਖਣ ਧਿਆਨ

Income Tax News : ਵਿਧਵਾ ਔਰਤ ਦੇ ਬੈਂਕ ਖਾਤੇ 'ਚ ਆਏ 60 ਲੱਖ ਰੁਪਏ, ਇਨਕਮ ਟੈਕਸ ਵਿਭਾਗ ਨੇ ਭੇਜਿਆ ਨੋਟਿਸ, ਜਾਣੋ ਪੂਰਾ ਮਾਮਲਾ

ਸ਼ੰਕਰ ਦਾਸ — Wed, 28 Oct 2026 13:20:15 +0530

Income Tax News : ਬੈਂਕ ਖਾਤੇ ਵਿੱਚ ਅਚਾਨਕ ਵੱਡੀ ਰਕਮ ਜਮ੍ਹਾਂ ਹੋਣ 'ਤੇ ਇਨਕਮ ਟੈਕਸ ਵਿਭਾਗ (Income Tax Department) ਪੈਸਿਆਂ ਦੇ ਸਰੋਤ ਬਾਰੇ ਸਵਾਲ ਪੁੱਛ ਸਕਦਾ ਹੈ। ਅਜਿਹਾ ਹੀ ਇੱਕ ਮਾਮਲਾ ਮਹਾਰਾਸ਼ਟਰ ਦੇ ਪੁਣੇ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਵਿਧਵਾ ਔਰਤ ਦੇ ਬੈਂਕ ਖਾਤੇ ਵਿੱਚ ਕਰੀਬ 60 ਲੱਖ ਰੁਪਏ ਜਮ੍ਹਾਂ ਹੋਣ ਕਾਰਨ ਉਸ ਨੂੰ ਇਨਕਮ ਟੈਕਸ ਵਿਭਾਗ ਵੱਲੋਂ ਨੋਟਿਸ ਭੇਜਿਆ ਗਿਆ। ਹਾਲਾਂਕਿ ਬਾਅਦ ਵਿੱਚ ਔਰਤ ਨੂੰ ਇਨਕਮ ਟੈਕਸ ਅਪੀਲੀ ਟ੍ਰਿਬਿਊਨਲ (ITAT) ਤੋਂ ਵੱਡੀ ਰਾਹਤ ਮਿਲ ਗਈ।

ਪਤੀ ਵੱਲੋਂ ਤੋਹਫ਼ੇ 'ਚ ਮਿਲੇ ਸਨ 60 ਲੱਖ ਰੁਪਏ

ਔਰਤ ਨੇ ਦੱਸਿਆ ਕਿ ਉਹ ਇੱਕ ਘਰੇਲੂ ਔਰਤ ਹੈ ਅਤੇ ਉਸ ਦੀ ਆਪਣੀ ਕਮਾਈ ਦਾ ਕੋਈ ਸਾਧਨ ਨਹੀਂ ਸੀ। ਘਰ ਦੇ ਸਾਰੇ ਆਰਥਿਕ ਮਾਮਲੇ ਉਸ ਦਾ ਪਤੀ ਸੰਭਾਲਦਾ ਸੀ, ਜਿਸ ਦੀ 17 ਮਾਰਚ 2023 ਨੂੰ ਮੌਤ ਹੋ ਗਈ ਸੀ। ਔਰਤ ਮੁਤਾਬਕ ਉਸ ਦੇ ਪਤੀ ਨੇ ਪਰਿਵਾਰ ਦੀ ਆਰਥਿਕ ਸੁਰੱਖਿਆ ਲਈ ਇਹ ਰਕਮ ਉਸ ਨੂੰ ਅਤੇ ਉਨ੍ਹਾਂ ਦੀਆਂ ਦੋ ਧੀਆਂ ਨੂੰ ਤੋਹਫ਼ੇ ਵਜੋਂ ਦਿੱਤੀ ਸੀ।

ਇਨਕਮ ਟੈਕਸ ਵਿਭਾਗ ਨੇ ਕਿਉਂ ਭੇਜਿਆ ਨੋਟਿਸ?

ਇਹ ਮਾਮਲਾ ਵਿੱਤੀ ਸਾਲ 2015-16 ਨਾਲ ਸਬੰਧਤ ਹੈ। ਔਰਤ ਦੇ ਬੈਂਕ ਆਫ ਮਹਾਰਾਸ਼ਟਰ ਦੇ ਬਚਤ ਖਾਤੇ ਵਿੱਚ ਕਰੀਬ 60.07 ਲੱਖ ਰੁਪਏ ਨਕਦ ਜਮ੍ਹਾਂ ਹੋਏ ਸਨ। ਇਸ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਇਨਕਮ ਟੈਕਸ ਵਿਭਾਗ ਨੇ ਔਰਤ ਤੋਂ ਪੈਸਿਆਂ ਦਾ ਸਰੋਤ ਪੁੱਛਿਆ। ਸ਼ੁਰੂ ਵਿੱਚ ਔਰਤ ਨੇ ਵਿਭਾਗ ਦੇ ਨੋਟਿਸਾਂ ਦਾ ਜਵਾਬ ਨਹੀਂ ਦਿੱਤਾ। ਬਾਅਦ ਵਿੱਚ ਉਸ ਨੇ ਆਪਣੀ ਇਨਕਮ ਟੈਕਸ ਰਿਟਰਨ ਭਰੀ, ਜਿਸ ਵਿੱਚ ਸਿਰਫ਼ 12 ਹਜ਼ਾਰ ਰੁਪਏ ਦੀ ਆਮਦਨ ਦਿਖਾਈ ਗਈ ਸੀ। ਵਿਭਾਗ ਦੇ ਅਧਿਕਾਰੀ ਔਰਤ ਦੇ ਜਵਾਬ ਤੋਂ ਸੰਤੁਸ਼ਟ ਨਹੀਂ ਹੋਏ ਅਤੇ ਇਨਕਮ ਟੈਕਸ ਕਾਨੂੰਨ ਦੀ ਧਾਰਾ 69A ਤਹਿਤ 60 ਲੱਖ ਰੁਪਏ ਨੂੰ ਅਣਐਲਾਨੀ ਰਕਮ ਮੰਨ ਕੇ ਉਸ ਦੀ ਆਮਦਨ ਵਿੱਚ ਜੋੜ ਦਿੱਤਾ।

ਅਦਾਲਤ 'ਚ ਕਿਵੇਂ ਜਿੱਤੀ ਔਰਤ?

ਔਰਤ ਨੇ ਆਪਣੇ ਪੱਖ ਵਿੱਚ ਬੈਂਕ ਸਟੇਟਮੈਂਟ, ਹਲਫ਼ਨਾਮਾ, ਦੋਵਾਂ ਧੀਆਂ ਦੇ ਹਲਫ਼ਨਾਮੇ, ਪਤੀ ਦਾ ਮੌਤ ਸਰਟੀਫਿਕੇਟ ਅਤੇ ਹੋਰ ਵਿੱਤੀ ਦਸਤਾਵੇਜ਼ ਪੇਸ਼ ਕੀਤੇ। ਪਹਿਲੀ ਅਪੀਲ ਵਿੱਚ ਰਾਹਤ ਨਾ ਮਿਲਣ ਤੋਂ ਬਾਅਦ ਔਰਤ ਨੇ ITAT ਦੀ ਪੁਣੇ ਬੈਂਚ ਦਾ ਦਰਵਾਜ਼ਾ ਖੜਕਾਇਆ। ਟ੍ਰਿਬਿਊਨਲ ਨੇ ਦਸਤਾਵੇਜ਼ਾਂ ਅਤੇ ਔਰਤ ਦੇ ਸਪੱਸ਼ਟੀਕਰਨ 'ਤੇ ਵਿਚਾਰ ਕਰਦਿਆਂ ਉਸ ਦੇ ਹੱਕ ਵਿੱਚ ਫ਼ੈਸਲਾ ਸੁਣਾਇਆ ਅਤੇ 60 ਲੱਖ ਰੁਪਏ ਦੀ ਆਮਦਨ ਵਿੱਚ ਕੀਤੀ ਗਈ ਵਾਧੂ ਐਂਟਰੀ ਹਟਾਉਣ ਦੇ ਨਿਰਦੇਸ਼ ਦਿੱਤੇ।

ਬੈਂਕ ਖਾਤੇ 'ਚ ਵੱਡੀ ਰਕਮ ਜਮ੍ਹਾਂ ਕਰਵਾਉਣ ਵਾਲੇ ਧਿਆਨ ਦੇਣ

ਇਸ ਮਾਮਲੇ ਤੋਂ ਪਤਾ ਲੱਗਦਾ ਹੈ ਕਿ ਬੈਂਕ ਖਾਤੇ ਵਿੱਚ ਵੱਡੀ ਰਕਮ ਜਮ੍ਹਾਂ ਕਰਵਾਉਣ ਸਮੇਂ ਪੈਸਿਆਂ ਦੇ ਸਰੋਤ ਨਾਲ ਜੁੜੇ ਦਸਤਾਵੇਜ਼ ਸੰਭਾਲ ਕੇ ਰੱਖਣੇ ਚਾਹੀਦੇ ਹਨ। ਜੇਕਰ ਪਰਿਵਾਰ ਦੇ ਕਿਸੇ ਮੈਂਬਰ ਤੋਂ ਤੋਹਫ਼ੇ ਵਜੋਂ ਪੈਸੇ ਮਿਲੇ ਹਨ ਤਾਂ ਉਨ੍ਹਾਂ ਦਾ ਰਿਕਾਰਡ ਹੋਣਾ ਜ਼ਰੂਰੀ ਹੈ। ਨਾਲ ਹੀ ਇਨਕਮ ਟੈਕਸ ਵਿਭਾਗ ਦੇ ਨੋਟਿਸ ਦਾ ਸਮੇਂ ਸਿਰ ਜਵਾਬ ਦੇਣਾ ਵੀ ਬਹੁਤ ਜ਼ਰੂਰੀ ਹੈ।

Fashion News : 440 ਕਰੋੜ ਰੁਪਏ ਦੀ ਬ੍ਰਾਅ ਨੇ ਮਚਾਈ ਹਲਚਲ! 4,410 ਹੀਰਿਆਂ ਨਾਲ ਜੜੀ, ਜਾਣੋ ਕੀ ਹੈ ਇਸ ਦੀ ਖ਼ਾਸੀਅਤ

ਸ਼ੰਕਰ ਦਾਸ — Fri, 23 Oct 2026 14:40:43 +0530

Fashion News : ਫੈਸ਼ਨ ਦੀ ਦੁਨੀਆ ਵਿੱਚ ਮਹਿੰਗੇ ਕੱਪੜਿਆਂ ਅਤੇ ਗਹਿਣਿਆਂ ਦੀ ਕੋਈ ਕਮੀ ਨਹੀਂ ਹੈ, ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਇੱਕ ਬ੍ਰਾਅ ਦੀ ਕੀਮਤ 440 ਕਰੋੜ ਰੁਪਏ ਵੀ ਹੋ ਸਕਦੀ ਹੈ? ਵਿਕਟੋਰੀਆ ਸੀਕ੍ਰੇਟ (Victoria's Secret) ਦੀ ਫੈਂਟਸੀ ਬ੍ਰਾਅ ਇਨ੍ਹੀਂ ਦਿਨੀਂ ਚਰਚਾ ਵਿੱਚ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਲਾਸ ਏਂਜਲਸ ਵਿੱਚ ਹੋਏ ਇੱਕ ਫੈਸ਼ਨ ਸ਼ੋਅ ਦੌਰਾਨ ਮਸ਼ਹੂਰ ਸਟਾਰ ਕਾਇਲੀ ਜੇਨਰ (Kylie Jenner) ਨੇ ਆਪਣੇ ਰਨਵੇ ਡੈਬਿਊ ਦੌਰਾਨ ਇਹ ਬੇਹੱਦ ਕੀਮਤੀ ਬ੍ਰਾਅ ਪਹਿਨੀ।

4,410 ਹੀਰਿਆਂ ਨਾਲ ਤਿਆਰ ਕੀਤੀ ਗਈ ਬ੍ਰਾਅ

ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਇਸ ਬ੍ਰਾਅ ਦੀ ਕੀਮਤ ਲਗਭਗ 5 ਕਰੋੜ ਡਾਲਰ ਯਾਨੀ ਕਰੀਬ 440 ਕਰੋੜ ਰੁਪਏ ਦੱਸੀ ਜਾ ਰਹੀ ਹੈ। ਇਸ ਨੂੰ ਮਸ਼ਹੂਰ ਜਿਊਲਰੀ ਬ੍ਰਾਂਡ ਜੈਕਬ ਐਂਡ ਕੰਪਨੀ (Jacob & Co.) ਦੇ ਸਹਿਯੋਗ ਨਾਲ ਤਿਆਰ ਕੀਤੇ ਜਾਣ ਦਾ ਦਾਅਵਾ ਹੈ। ਇਸ ਉੱਤੇ ਕੁੱਲ 4,410 ਕੁਦਰਤੀ ਹੀਰੇ ਜੜੇ ਗਏ ਹਨ। ਇਸ ਦੇ ਵਿਚਕਾਰ 77 ਕੈਰੇਟ ਤੋਂ ਵੱਧ ਦਾ ਪੀਲਾ ਹੀਰਾ ਲੱਗਿਆ ਹੋਇਆ ਦੱਸਿਆ ਗਿਆ ਹੈ, ਜਿਸ ਦੀ ਕੀਮਤ ਹੀ ਕਰੀਬ 22 ਮਿਲੀਅਨ ਡਾਲਰ ਹੈ।

15 ਕਾਰੀਗਰਾਂ ਨੇ 1,000 ਘੰਟੇ ਕੀਤੀ ਮਿਹਨਤ

ਇਸ ਬੇਹੱਦ ਮਹਿੰਗੀ ਬ੍ਰਾਅ ਨੂੰ ਤਿਆਰ ਕਰਨ ਲਈ 15 ਮਾਹਿਰ ਕਾਰੀਗਰਾਂ ਵੱਲੋਂ 1,000 ਘੰਟਿਆਂ ਤੋਂ ਵੱਧ ਮਿਹਨਤ ਕੀਤੇ ਜਾਣ ਦੀ ਗੱਲ ਆਖੀ ਗਈ ਹੈ। ਇਸ ਦਾ ਭਾਰ ਲਗਭਗ 1.8 ਕਿਲੋਗ੍ਰਾਮ ਦੱਸਿਆ ਗਿਆ ਹੈ। ਹੀਰਿਆਂ ਅਤੇ ਧਾਤੂ ਦੀ ਵਰਤੋਂ ਕਰਕੇ ਇਸ ਨੂੰ ਖ਼ਾਸ ਡਿਜ਼ਾਈਨ ਦਿੱਤਾ ਗਿਆ ਹੈ।

1996 ਵਿੱਚ ਸ਼ੁਰੂ ਹੋਇਆ ਸੀ ਫੈਂਟਸੀ ਬ੍ਰਾਅ ਦਾ ਸਫ਼ਰ

ਵਿਕਟੋਰੀਆ ਸੀਕ੍ਰੇਟ ਦੀ ਫੈਂਟਸੀ ਬ੍ਰਾਅ ਦਾ ਇਤਿਹਾਸ ਸਾਲ 1996 ਤੋਂ ਸ਼ੁਰੂ ਹੁੰਦਾ ਹੈ। ਉਸ ਸਮੇਂ ਮਸ਼ਹੂਰ ਸੁਪਰਮਾਡਲ ਕਲਾਉਡੀਆ ਸ਼ਿਫਰ (Claudia Schiffer) ਨੇ ਪਹਿਲੀ ਫੈਂਟਸੀ ਬ੍ਰਾਅ ਪੇਸ਼ ਕੀਤੀ ਸੀ। ਸ਼ੁਰੂ ਵਿੱਚ ਇਸ ਦੀ ਵਰਤੋਂ ਇਸ਼ਤਿਹਾਰਾਂ ਅਤੇ ਫੋਟੋਸ਼ੂਟ ਲਈ ਹੁੰਦੀ ਸੀ। ਸਾਲ 2001 ਵਿੱਚ ਇਸ ਨੂੰ ਪਹਿਲੀ ਵਾਰ ਰਨਵੇ ਉੱਤੇ ਪੇਸ਼ ਕੀਤਾ ਗਿਆ। ਇਸ ਤੋਂ ਬਾਅਦ ਫੈਂਟਸੀ ਬ੍ਰਾਅ ਫੈਸ਼ਨ ਦੀ ਦੁਨੀਆ ਵਿੱਚ ਮਹਿੰਗੇ ਅਤੇ ਸ਼ਾਨਦਾਰ ਡਿਜ਼ਾਈਨਾਂ ਦੀ ਪਛਾਣ ਬਣ ਗਈ।

Cinema Ads : ਫ਼ਿਲਮ ਦੇਖਣ ਗਿਆ ਸ਼ਖਸ ਇਸ਼ਤਿਹਾਰਾਂ ਤੋਂ ਹੋਇਆ ਪਰੇਸ਼ਾਨ, ਮਿਲਿਆ 25 ਹਜ਼ਾਰ ਰੁਪਏ ਮੁਆਵਜ਼ਾ

ਸ਼ੰਕਰ ਦਾਸ — Mon, 5 Oct 2026 15:22:47 +0530

Cinema Ads : ਜਦੋਂ ਤੁਸੀਂ ਸਿਨੇਮਾ ਹਾਲ ਵਿੱਚ ਫਿਲਮ ਦੇਖਣ ਜਾਂਦੇ ਹੋ ਤਾਂ ਫਿਲਮ ਸ਼ੁਰੂ ਹੋਣ ਤੋਂ ਪਹਿਲਾਂ ਇਸ਼ਤਿਹਾਰ (Advertisement) ਅਤੇ ਟ੍ਰੇਲਰ ਦਿਖਾਏ ਜਾਂਦੇ ਹਨ ਪਰ ਜੇਕਰ ਇਸ਼ਤਿਹਾਰ ਅਤੇ ਹੋਰ ਵੀਡੀਓਜ਼ ਲੰਬੇ ਸਮੇਂ ਤੱਕ ਚੱਲਣ ਅਤੇ ਫਿਲਮ ਤੈਅ ਸਮੇਂ ਤੋਂ ਬਾਅਦ ਸ਼ੁਰੂ ਹੋਵੇ ਤਾਂ ਦਰਸ਼ਕਾਂ ਨੂੰ ਪਰੇਸ਼ਾਨੀ ਹੋ ਸਕਦੀ ਹੈ। ਅਜਿਹਾ ਹੀ ਇੱਕ ਮਾਮਲਾ ਹੈਦਰਾਬਾਦ ਵਿੱਚ ਸਾਹਮਣੇ ਆਇਆ ਹੈ, ਜਿੱਥੇ PVR INOX ਖ਼ਿਲਾਫ਼ ਸ਼ਿਕਾਇਤ ਕਰਨ ਵਾਲੇ ਦਰਸ਼ਕ ਨੂੰ ਮੁਆਵਜ਼ਾ ਮਿਲਿਆ ਹੈ।

ਮਾਮਲਾ 20 ਜੂਨ 2025 ਦਾ ਦੱਸਿਆ ਜਾ ਰਿਹਾ ਹੈ। ਹੈਦਰਾਬਾਦ ਦੇ ਮੂਸੀਰਾਮਬਾਗ ਸਥਿਤ ਨੇਕਸਟ ਗੈਲਰੀਆ ਮਾਲ ਦੇ PVR ਵਿੱਚ ਅਧਿਵਕਤਾ ਚੰਦਾ ਅਤੀਸ਼ ਕੁਮਾਰ ਨੇ ਤੇਲਗੂ ਫਿਲਮ ‘ਕੁਬੇਰਾ’ ਦੇਖਣ ਲਈ ਦੋ ਟਿਕਟਾਂ ਖਰੀਦੀਆਂ ਸਨ। ਟਿਕਟ ’ਤੇ ਸ਼ੋਅ ਦਾ ਸਮਾਂ ਰਾਤ 10:35 ਵਜੇ ਦਰਜ ਸੀ।

ਦਰਸ਼ਕ ਤੈਅ ਸਮੇਂ ’ਤੇ ਫਿਲਮ ਸ਼ੁਰੂ ਹੋਣ ਦੀ ਉਮੀਦ ਕਰ ਰਹੇ ਸਨ, ਪਰ 10:35 ਵਜੇ ਤੋਂ ਬਾਅਦ ਵੀ ਸਕਰੀਨ ’ਤੇ ਕਮਰਸ਼ੀਅਲ ਇਸ਼ਤਿਹਾਰ ਅਤੇ ਫਿਲਮਾਂ ਦੇ ਟ੍ਰੇਲਰ ਚੱਲਦੇ ਰਹੇ। ਇਸ ਤੋਂ ਬਾਅਦ ਜਾਗਰੂਕਤਾ ਨਾਲ ਸਬੰਧਤ ਵੀਡੀਓ ਵੀ ਦਿਖਾਏ ਗਏ। ਆਖ਼ਰਕਾਰ ਫਿਲਮ ਕਰੀਬ 10:52 ਵਜੇ ਸ਼ੁਰੂ ਹੋਈ, ਯਾਨੀ ਸਕਰੀਨਿੰਗ ਲਗਭਗ 22 ਮਿੰਟ ਦੇਰੀ ਨਾਲ ਸ਼ੁਰੂ ਹੋਈ।

ਦੇਰੀ ਕਾਰਨ ਰਾਤ ਦਾ ਸਫਰ ਹੋਇਆ ਪ੍ਰਭਾਵਿਤ

ਸ਼ਿਕਾਇਤਕਰਤਾ ਨੇ ਖਪਤਕਾਰ ਕਮਿਸ਼ਨ ਨੂੰ ਦੱਸਿਆ ਕਿ ਫਿਲਮ ਦੇਰ ਨਾਲ ਸ਼ੁਰੂ ਹੋਣ ਕਾਰਨ ਉਨ੍ਹਾਂ ਦੇ ਵਾਪਸ ਘਰ ਜਾਣ ਦੇ ਪ੍ਰੋਗਰਾਮ ’ਤੇ ਵੀ ਅਸਰ ਪਿਆ। ਰਾਤ ਦੇ ਸ਼ੋਅ ਵਿੱਚ ਹੋਈ ਦੇਰੀ ਕਾਰਨ ਉਨ੍ਹਾਂ ਨੂੰ ਦੇਰ ਰਾਤ ਸਫਰ ਕਰਨਾ ਪਿਆ ਅਤੇ ਘਰ ਪਹੁੰਚਣ ਦਾ ਸਮਾਂ ਵੀ ਅੱਗੇ ਹੋ ਗਿਆ। ਸ਼ਿਕਾਇਤਕਰਤਾ ਨੇ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਇੱਕ ਦਫ਼ਤਰੀ ਮੈਮੋਰੈਂਡਮ ਦਾ ਹਵਾਲਾ ਦਿੰਦਿਆਂ ਦਲੀਲ ਦਿੱਤੀ ਕਿ ਤੈਅ ਸਮੇਂ ਤੋਂ ਵੱਧ ਸਮੇਂ ਤੱਕ ਕਮਰਸ਼ੀਅਲ ਸਮੱਗਰੀ ਦਿਖਾਉਣਾ ਦਰਸ਼ਕਾਂ ਦੇ ਹਿੱਤਾਂ ਦੇ ਖ਼ਿਲਾਫ਼ ਹੈ।

PVR INOX ਨੇ ਦਿੱਤੀ ਆਪਣੀ ਦਲੀਲ

ਕੰਪਨੀ ਵੱਲੋਂ ਕਿਹਾ ਗਿਆ ਕਿ ਇਸ਼ਤਿਹਾਰ, ਫਿਲਮ ਟ੍ਰੇਲਰ ਅਤੇ ਜਨਹਿੱਤ ਨਾਲ ਸਬੰਧਤ ਵੀਡੀਓ ਦਿਖਾਉਣਾ ਸਿਨੇਮਾ ਕਾਰੋਬਾਰ ਦਾ ਹਿੱਸਾ ਹੈ। PVR INOX ਨੇ ਆਪਣੇ ਪੱਖ ਵਿੱਚ ਸੁਪਰੀਮ ਕੋਰਟ ਦੇ ਕੇਸੀ ਸਿਨੇਮਾ ਬਨਾਮ ਜੰਮੂ-ਕਸ਼ਮੀਰ ਰਾਜ ਮਾਮਲੇ ਦਾ ਵੀ ਹਵਾਲਾ ਦਿੱਤਾ।

ਹਾਲਾਂਕਿ ਖਪਤਕਾਰ ਕਮਿਸ਼ਨ ਕੰਪਨੀ ਦੀ ਦਲੀਲ ਨਾਲ ਸਹਿਮਤ ਨਹੀਂ ਹੋਇਆ। ਕਮਿਸ਼ਨ ਨੇ ਮੰਨਿਆ ਕਿ ਟਿਕਟ ’ਤੇ ਦਿੱਤਾ ਗਿਆ ਸ਼ੋਅ ਟਾਈਮ ਦਰਸ਼ਕ ਨੂੰ ਉਸ ਸਮੇਂ ਸੇਵਾ ਮਿਲਣ ਦੀ ਉਮੀਦ ਦਿੰਦਾ ਹੈ। ਤੈਅ ਸਮੇਂ ਤੋਂ ਬਾਅਦ ਲੰਬੇ ਸਮੇਂ ਤੱਕ ਕਮਰਸ਼ੀਅਲ ਸਮੱਗਰੀ ਦਿਖਾ ਕੇ ਫਿਲਮ ਸ਼ੁਰੂ ਕਰਨ ਵਿੱਚ ਦੇਰੀ ਕਰਨਾ ਸੇਵਾ ਵਿੱਚ ਕਮੀ ਅਤੇ ਅਨੁਚਿਤ ਵਪਾਰਕ ਵਿਵਹਾਰ ਦੇ ਦਾਇਰੇ ਵਿੱਚ ਆਉਂਦਾ ਹੈ।

ਦਰਸ਼ਕ ਨੂੰ ਮਿਲੇ 25 ਹਜ਼ਾਰ ਰੁਪਏ

ਹੈਦਰਾਬਾਦ ਦੇ ਜ਼ਿਲ੍ਹਾ ਖਪਤਕਾਰ ਵਿਵਾਦ ਨਿਵਾਰਣ ਕਮਿਸ਼ਨ ਨੇ PVR Cinemas ਅਤੇ PVR INOX ਨੂੰ ਸ਼ਿਕਾਇਤਕਰਤਾ ਨੂੰ 20 ਹਜ਼ਾਰ ਰੁਪਏ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ। ਇਸ ਤੋਂ ਇਲਾਵਾ 5 ਹਜ਼ਾਰ ਰੁਪਏ ਮੁਕੱਦਮੇ ਦੇ ਖਰਚੇ ਵਜੋਂ ਦੇਣੇ ਹੋਣਗੇ।

ਇਸ ਤੋਂ ਇਲਾਵਾ ਕੰਪਨੀ ਨੂੰ 50 ਹਜ਼ਾਰ ਰੁਪਏ ਦੰਡਾਤਮਕ ਹਰਜਾਨੇ ਵਜੋਂ ਜ਼ਿਲ੍ਹਾ ਖਪਤਕਾਰ ਕਲਿਆਣ ਫੰਡ ਵਿੱਚ ਜਮ੍ਹਾਂ ਕਰਵਾਉਣ ਦਾ ਹੁਕਮ ਵੀ ਦਿੱਤਾ ਗਿਆ। ਇਸ ਤਰ੍ਹਾਂ ਕੰਪਨੀ ’ਤੇ ਕੁੱਲ 75 ਹਜ਼ਾਰ ਰੁਪਏ ਦੀ ਰਕਮ ਬਣਦੀ ਹੈ, ਜਿਸ ਵਿੱਚੋਂ ਸ਼ਿਕਾਇਤਕਰਤਾ ਨੂੰ 25 ਹਜ਼ਾਰ ਰੁਪਏ ਮਿਲਣੇ ਹਨ। ਕੰਪਨੀ ਨੂੰ ਹੁਕਮ ਦੀ ਪਾਲਣਾ ਕਰਨ ਲਈ 45 ਦਿਨਾਂ ਦਾ ਸਮਾਂ ਦਿੱਤਾ ਗਿਆ ਹੈ। ਤੈਅ ਸਮੇਂ ਵਿੱਚ ਭੁਗਤਾਨ ਨਾ ਕਰਨ ’ਤੇ 9 ਫੀਸਦੀ ਸਾਲਾਨਾ ਵਿਆਜ ਵੀ ਦੇਣਾ ਪਵੇਗਾ।

ਅੱਗੇ ਲਈ ਵੀ ਦਿੱਤੇ ਨਿਰਦੇਸ਼

ਕਮਿਸ਼ਨ ਨੇ PVR INOX ਨੂੰ ਭਵਿੱਖ ਵਿੱਚ ਟਿਕਟ ’ਤੇ ਦਿੱਤੇ ਤੈਅ ਸ਼ੋਅ ਟਾਈਮ ਤੋਂ ਬਾਅਦ ਲੰਬੇ ਸਮੇਂ ਤੱਕ ਕਮਰਸ਼ੀਅਲ ਸਮੱਗਰੀ ਚਲਾ ਕੇ ਫਿਲਮ ਦੀ ਸ਼ੁਰੂਆਤ ਵਿੱਚ ਦੇਰੀ ਨਾ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਇਹ ਫੈਸਲਾ ਉਨ੍ਹਾਂ ਦਰਸ਼ਕਾਂ ਲਈ ਅਹਿਮ ਹੈ ਜੋ ਟਿਕਟ ’ਤੇ ਦਿੱਤੇ ਸਮੇਂ ਮੁਤਾਬਕ ਫਿਲਮ ਸ਼ੁਰੂ ਹੋਣ ਦੀ ਉਮੀਦ ਕਰਦੇ ਹਨ।

Bryan Johnson : ਸ਼ਾਮ 5 ਵਜੇ ਤੋਂ ਬਾਅਦ ਗਰਲਫ੍ਰੈਂਡ ਨਾਲ ਬਹਿਸ ਨਹੀਂ ਕਰਦਾ ਇਹ ਸ਼ਖ਼ਸ ! ਵਜ੍ਹਾ ਜਾਣ ਕੇ ਰਹਿ ਜਾਓਗੇ ਹੈਰਾਨ

ਸ਼ੰਕਰ ਦਾਸ — Fri, 4 Sep 2026 18:39:03 +0530

Bryan Johnson lifestyle Rules : ਅੱਜ ਦੇ ਸਮੇਂ ਵਿੱਚ ਲੋਕ ਖੁਦ ਨੂੰ ਫਿੱਟ ਰੱਖਣ ਲਈ ਕਈ ਤਰ੍ਹਾਂ ਦੀ ਡਾਈਟ ਅਤੇ ਰੂਟੀਨ ਫਾਲੋ ਕਰਦੇ ਹਨ। ਉੱਥੇ ਹੀ ਹਾਲ ਹੀ ਵਿੱਚ ਬ੍ਰਾਇਨ ਜੌਨਸਨ ਆਪਣੀ ਅਨੋਖੀ ਲਾਈਫਸਟਾਈਲ ਅਤੇ ਆਦਤਾਂ ਕਾਰਨ ਇੱਕ ਵਾਰ ਫਿਰ ਚਰਚਾ ਵਿੱਚ ਹਨ। ਬ੍ਰਾਇਨ ਜੌਨਸਨ ਨੇ ਹਾਲ ਹੀ ਵਿੱਚ ਆਪਣੀ ਰੂਟੀਨ ਦੇ ਕੁਝ ਅਜਿਹੇ ਨਿਯਮ ਸਾਂਝੇ ਕੀਤੇ ਹਨ, ਜਿਨ੍ਹਾਂ ਨੂੰ ਸੁਣ ਕੇ ਕਈ ਲੋਕ ਹੈਰਾਨ ਹੋ ਸਕਦੇ ਹਨ। ਜੌਨਸਨ ਨੇ ਸੋਸ਼ਲ ਮੀਡੀਆ ’ਤੇ ਇੱਕ ਪੋਸਟ ਕਰਕੇ ਦੱਸਿਆ ਕਿ ਉਹ ਆਪਣਾ ਡਿਨਰ ਸਵੇਰੇ 11 ਵਜੇ ਤੱਕ ਕਰ ਲੈਂਦੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਬਹਿਸ ਕਰਨ ਲਈ ਵੀ ਸਮਾਂ ਤੈਅ ਕੀਤਾ ਹੋਇਆ ਹੈ। ਸੋਸ਼ਲ ਮੀਡੀਆ ’ਤੇ ਇਹ ਪੋਸਟ ਕਾਫੀ ਵਾਇਰਲ ਹੋ ਰਹੀ ਹੈ ਅਤੇ ਲੋਕ ਇਸ ’ਤੇ ਵੱਖ-ਵੱਖ ਤਰ੍ਹਾਂ ਦੇ ਰਿਐਕਸ਼ਨ ਦੇ ਰਹੇ ਹਨ।

ਗਰਲਫ੍ਰੈਂਡ ਨਾਲ ਇੱਕੋ ਬਿਸਤਰੇ ’ਤੇ ਨਹੀਂ ਸੌਂਦੇ

ਜੌਨਸਨ ਨੇ ਇੰਸਟਾਗ੍ਰਾਮ ’ਤੇ ਇੱਕ ਸੂਚੀ ਸਾਂਝੀ ਕੀਤੀ, ਜਿਸ ਦਾ ਸਿਰਲੇਖ ਸੀ, “ਮੇਰੇ ਅਜਿਹੇ ਨਿਯਮ, ਜੋ ਜ਼ਿਆਦਾਤਰ ਲੋਕਾਂ ਨੂੰ ਅਜੀਬ ਲੱਗਦੇ ਹਨ।” ਇਸ ਵਿੱਚ ਉਨ੍ਹਾਂ ਨੇ ਆਪਣੀਆਂ ਕੁਝ ਖਾਸ ਆਦਤਾਂ ਬਾਰੇ ਦੱਸਿਆ। ਉਨ੍ਹਾਂ ਦਾ ਇੱਕ ਨਿਯਮ ਹੈ ਕਿ ਉਹ ਆਪਣੀ ਗਰਲਫ੍ਰੈਂਡ ਨਾਲ ਇੱਕੋ ਬਿਸਤਰੇ ’ਤੇ ਨਹੀਂ ਸੌਂਦੇ। ਜੌਨਸਨ ਦੇ ਮੁਤਾਬਕ ਦੋਵੇਂ ਵੱਖ-ਵੱਖ ਬਿਸਤਰਿਆਂ ’ਤੇ ਅਤੇ ਇੱਥੋਂ ਤੱਕ ਕਿ ਵੱਖ-ਵੱਖ ਘਰਾਂ ਵਿੱਚ ਸੌਂਦੇ ਹਨ।

ਜੌਨਸਨ ਦਾ ਕਹਿਣਾ ਹੈ ਕਿ ਹਰ ਵਿਅਕਤੀ ਦੀ ਨੀਂਦ ਦੀ ਲੋੜ ਵੱਖਰੀ ਹੁੰਦੀ ਹੈ। ਕੁਝ ਲੋਕਾਂ ਨੂੰ ਪਾਰਟਨਰ ਨਾਲ ਸੌਣ ’ਤੇ ਚੰਗੀ ਨੀਂਦ ਆਉਂਦੀ ਹੈ, ਜਦਕਿ ਕੁਝ ਲੋਕ ਇਕੱਲੇ ਸੌਣ ’ਤੇ ਬਿਹਤਰ ਆਰਾਮ ਕਰ ਸਕਦੇ ਹਨ।

ਸਵੇਰੇ 11 ਵਜੇ ਕਰਦੇ ਹਨ ਡਿਨਰ

ਜੌਨਸਨ ਦੀ ਇੱਕ ਹੋਰ ਹੈਰਾਨ ਕਰਨ ਵਾਲੀ ਆਦਤ ਉਨ੍ਹਾਂ ਦਾ ਬਹੁਤ ਜਲਦੀ ਡਿਨਰ ਕਰਨਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਉਹ ਸਵੇਰੇ 11 ਵਜੇ ਹੀ ਡਿਨਰ ਕਰ ਲੈਂਦੇ ਹਨ। ਜੌਨਸਨ ਦੇ ਮੁਤਾਬਕ, ਉਹ ਦਿਨ ਭਰ ਦਾ ਪੂਰਾ ਖਾਣਾ ਸਵੇਰੇ 6 ਵਜੇ ਤੋਂ 11 ਵਜੇ ਦੇ ਵਿਚਕਾਰ ਹੀ ਖਾ ਲੈਂਦੇ ਹਨ। ਉਨ੍ਹਾਂ ਕਿਹਾ ਕਿ ਇਸ ਰੂਟੀਨ ਨੂੰ ਅਪਣਾਉਣ ਤੋਂ ਪਹਿਲਾਂ ਉਨ੍ਹਾਂ ਨੇ ਇਸ ਨੂੰ ਕਈ ਵਾਰ ਅਜ਼ਮਾਇਆ ਅਤੇ ਆਪਣੇ ਤਜਰਬੇ ਮੁਤਾਬਕ ਇਸ ਨਾਲ ਉਨ੍ਹਾਂ ਨੂੰ ਬਿਹਤਰ ਨੀਂਦ ਲੈਣ ਵਿੱਚ ਮਦਦ ਮਿਲਦੀ ਹੈ।

ਜੌਨਸਨ ਨੇ ਆਪਣੀ ਇੱਕ ਹੋਰ ਆਦਤ ਬਾਰੇ ਦੱਸਿਆ ਕਿ ਉਹ ਹਰ ਰੋਜ਼ ਛਤਰੀ ਦੀ ਵਰਤੋਂ ਕਰਦੇ ਹਨ। ਉਨ੍ਹਾਂ ਮੁਤਾਬਕ, ਧੁੱਪ ਸਰੀਰ ਲਈ ਫਾਇਦੇਮੰਦ ਹੈ, ਪਰ ਜ਼ਿਆਦਾ ਧੁੱਪ ਨਾਲ ਚਮੜੀ ਦੀ ਉਮਰ ਵਧਣ ਅਤੇ ਕੈਂਸਰ ਦਾ ਖ਼ਤਰਾ ਵੀ ਹੋ ਸਕਦਾ ਹੈ। ਇਸ ਲਈ ਜਦੋਂ UV ਇੰਡੈਕਸ 3 ਤੋਂ ਘੱਟ ਹੁੰਦਾ ਹੈ, ਤਾਂ ਹੀ ਉਹ ਸਿੱਧੀ ਧੁੱਪ ਵਿੱਚ ਨਿਕਲਦੇ ਹਨ।

ਬਹਿਸ ਕਰਨ ਦਾ ਸਮਾਂ ਵੀ ਤੈਅ

ਜੌਨਸਨ ਦਾ ਸ਼ਾਇਦ ਸਭ ਤੋਂ ਅਜੀਬ ਨਿਯਮ ਇਹ ਹੈ ਕਿ ਉਹ ਬਹਿਸ ਕਰਨ ਦਾ ਸਮਾਂ ਵੀ ਤੈਅ ਕਰਦੇ ਹਨ। ਉਨ੍ਹਾਂ ਨੇ ਦੱਸਿਆ, “ਮੈਂ ਆਪਣੀ ਬਹਿਸ ਦਾ ਸਮਾਂ ਤੈਅ ਕਰਦਾ ਹਾਂ। ਮੈਂ ਸ਼ਾਮ 5 ਵਜੇ ਤੋਂ ਬਾਅਦ ਕਿਸੇ ਵੀ ਤਰ੍ਹਾਂ ਦੀ ਬਹਿਸ ਜਾਂ ਲੜਾਈ ਨਹੀਂ ਕਰਦਾ। ਉਹ ਆਪਣੀ ਗਰਲਫ੍ਰੈਂਡ ਜਾਂ ਕਿਸੇ ਹੋਰ ਵਿਅਕਤੀ ਨਾਲ ਵੀ ਸ਼ਾਮ 5 ਵਜੇ ਤੋਂ ਬਾਅਦ ਬਹਿਸ ਨਹੀਂ ਕਰਦੇ। ਉਨ੍ਹਾਂ ਦੇ ਮੁਤਾਬਕ, ਬਹਿਸ ਕਰਨ ਨਾਲ ਦਿਲ ਦੀ ਧੜਕਨ ਤੇਜ਼ ਹੋ ਸਕਦੀ ਹੈ, ਨੀਂਦ ’ਤੇ ਅਸਰ ਪੈ ਸਕਦਾ ਹੈ ਅਤੇ ਇਨਸਾਨ ਜ਼ਿਆਦਾ ਚਿੜਚਿੜਾ ਮਹਿਸੂਸ ਕਰ ਸਕਦਾ ਹੈ।

ਜੌਨਸਨ ਨੇ ਲੰਬੀ ਉਮਰ ਜੀਣ ਦੀ ਆਪਣੀ ਇੱਛਾ ਨੂੰ ਲੈ ਕੇ ਹੋਣ ਵਾਲੀ ਆਲੋਚਨਾ ਦਾ ਵੀ ਜਵਾਬ ਦਿੱਤਾ। ਉਨ੍ਹਾਂ ਕਿਹਾ ਕਿ ਲੋਕ ਅਕਸਰ ਉਨ੍ਹਾਂ ਨੂੰ ਕਹਿੰਦੇ ਹਨ ਕਿ ਉਨ੍ਹਾਂ ਨੂੰ ਜ਼ਿੰਦਗੀ ਥੋੜ੍ਹੇ ਸਹਿਜ ਤਰੀਕੇ ਨਾਲ ਜੀਣੀ ਚਾਹੀਦੀ ਹੈ, ਪਰ ਲੋਕ ਉਨ੍ਹਾਂ ਦੀ ਸੋਚ ਨੂੰ ਸਹੀ ਤਰ੍ਹਾਂ ਨਹੀਂ ਸਮਝਦੇ।

ਵਾਇਰਲ ਹੋਈ ਪੋਸਟ

ਜੌਨਸਨ ਦਾ ਕਹਿਣਾ ਹੈ ਕਿ ਉਹ ਖੁਸ਼ੀ ਦੇ ਖ਼ਿਲਾਫ਼ ਨਹੀਂ ਹਨ, ਸਗੋਂ ਦਿਖਾਵੇ ਅਤੇ ਬਣਾਵਟੀ ਚੀਜ਼ਾਂ ਤੋਂ ਬਚਣਾ ਚਾਹੁੰਦੇ ਹਨ। ਉਹ ਥੋੜ੍ਹੇ ਸਮੇਂ ਲਈ ਮਿਲਣ ਵਾਲੀ ਖੁਸ਼ੀ ਦੀ ਬਜਾਏ ਜ਼ਿੰਦਗੀ ਨੂੰ ਪੂਰੀ ਤਰ੍ਹਾਂ ਅਤੇ ਬਿਹਤਰ ਤਰੀਕੇ ਨਾਲ ਜੀਣ ’ਤੇ ਧਿਆਨ ਦਿੰਦੇ ਹਨ। ਜੌਨਸਨ ਦੀਆਂ ਇਨ੍ਹਾਂ ਆਦਤਾਂ ਨੂੰ ਲੈ ਕੇ ਸੋਸ਼ਲ ਮੀਡੀਆ ’ਤੇ ਲੋਕਾਂ ਦੇ ਵੱਖ-ਵੱਖ ਰਿਐਕਸ਼ਨ ਦੇਖਣ ਨੂੰ ਮਿਲੇ। ਕੁਝ ਲੋਕਾਂ ਨੇ ਉਨ੍ਹਾਂ ਦੇ ਨਿਯਮਾਂ ਦਾ ਮਜ਼ਾਕ ਉਡਾਇਆ, ਜਦਕਿ ਕੁਝ ਲੋਕਾਂ ਨੇ ਇਨ੍ਹਾਂ ਵਿੱਚ ਦਿਲਚਸਪੀ ਦਿਖਾਈ ਅਤੇ ਤਾਰੀਫ਼ ਵੀ ਕੀਤੀ।

ਲੋਕਾਂ ਨੇ ਕੀਤੇ ਕਮੈਂਟ

ਇੱਕ ਯੂਜ਼ਰ ਨੇ ਮਜ਼ਾਕ ਵਿੱਚ ਲਿਖਿਆ, “ਉਹ ਕਦੇ-ਕਦੇ ਸ਼ਾਮ 4:59 ਵਜੇ ਵੀ ਬਹਿਸ ਕਰ ਲੈਂਦਾ ਹੈ, ਤਾਂ ਜੋ ਥੋੜ੍ਹਾ ਹੋਰ ਗੱਲ ਕਰਨ ਦਾ ਸਮਾਂ ਮਿਲ ਸਕੇ।” ਉੱਥੇ ਹੀ ਇੱਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਉਹ ਰਾਤ 1 ਵਜੇ ਇਹ ਪੋਸਟ ਪੜ੍ਹ ਰਿਹਾ ਹੈ ਅਤੇ ਇੱਕ ਸਟਾਲ ’ਤੇ ਆਪਣੇ ਡਬਲ ਐੱਗ ਬਰਗਰ ਦੀ ਉਡੀਕ ਕਰ ਰਿਹਾ ਹੈ।

ਇੱਕ ਯੂਜ਼ਰ ਨੇ ਕਿਹਾ ਕਿ ਬਹਿਸ ਲਈ ਸਮਾਂ ਤੈਅ ਕਰਨਾ ਉਨ੍ਹਾਂ ਨੂੰ ਆਪਣੀ ਜ਼ਿੰਦਗੀ ’ਤੇ ਬਿਹਤਰ ਕੰਟਰੋਲ ਰੱਖਣ ਵਰਗਾ ਲੱਗਦਾ ਹੈ। ਕੁਝ ਲੋਕਾਂ ਨੇ ਜੌਨਸਨ ਦੇ ਖਾਣ ਅਤੇ ਸੌਣ ਦੇ ਸਮੇਂ ’ਤੇ ਵੀ ਸਵਾਲ ਚੁੱਕੇ। ਇੱਕ ਯੂਜ਼ਰ ਨੇ ਪੁੱਛਿਆ ਕਿ ਜੇਕਰ ਉਹ ਸਵੇਰੇ 11 ਵਜੇ ਡਿਨਰ ਕਰਦੇ ਹਨ ਤਾਂ ਇਹ ਸੌਣ ਤੋਂ ਚਾਰ ਘੰਟੇ ਪਹਿਲਾਂ ਖਾਣਾ ਖਾਣ ਵਾਲੀ ਉਨ੍ਹਾਂ ਦੀ ਗੱਲ ਨਾਲ ਕਿਵੇਂ ਮੇਲ ਖਾਂਦਾ ਹੈ।

ਉੱਥੇ ਹੀ ਕੁਝ ਲੋਕਾਂ ਨੇ ਇਹ ਵੀ ਦੱਸਿਆ ਕਿ ਜੌਨਸਨ ਵੱਲੋਂ ਦੱਸੀਆਂ ਆਦਤਾਂ ਨਾਲ ਉਨ੍ਹਾਂ ਨੂੰ ਫਾਇਦਾ ਹੋਇਆ ਹੈ। ਇੱਕ ਯੂਜ਼ਰ ਨੇ ਕਮੈਂਟ ਕਰਦਿਆਂ ਕਿਹਾ ਕਿ ਜੌਨਸਨ ਨੂੰ ਫਾਲੋ ਕਰਨ ਤੋਂ ਬਾਅਦ ਉਸ ਨੇ ਦੋ ਸਾਲਾਂ ਤੋਂ ਨਸ਼ਾ ਨਹੀਂ ਕੀਤਾ, ਰਾਤ ਨੂੰ 7-8 ਘੰਟੇ ਦੀ ਨੀਂਦ ਲੈ ਰਿਹਾ ਹੈ ਅਤੇ ADHD ਦੀਆਂ ਸਾਰੀਆਂ ਦਵਾਈਆਂ ਲੈਣੀਆਂ ਵੀ ਬੰਦ ਕਰ ਦਿੱਤੀਆਂ ਹਨ।

ਯੂਜ਼ਰ ਨੇ ਕਿਹਾ ਕਿ ਹੁਣ ਉਹ ਪਹਿਲਾਂ ਨਾਲੋਂ ਕਾਫੀ ਬਿਹਤਰ ਮਹਿਸੂਸ ਕਰ ਰਿਹਾ ਹੈ ਅਤੇ ਇਸ ਲਈ ਉਸ ਨੇ ਜੌਨਸਨ ਦਾ ਧੰਨਵਾਦ ਵੀ ਕੀਤਾ।

MRP ਤੋਂ 400 ਰੁਪਏ ਮਹਿੰਗੀ ਵੇਚੀ ਬ੍ਰਾ, ਮਹਿਲਾ ਪਹੁੰਚੀ ਕੋਰਟ, ਜੱਜ ਬੋਲੇ- ਮਰਦ ਝੂਠ ਬੋਲ ਸਕਦੇ ਹਨ, ਪਰ...

ਸ਼ੰਕਰ ਦਾਸ — Fri, 28 Aug 2026 13:33:26 +0530

Bra Overcharging : ਦਿੱਲੀ ਦੀ ਇੱਕ ਮਹਿਲਾ ਨੂੰ ਬ੍ਰਾ ਦੀ ਕੀਮਤ ਨੂੰ ਲੈ ਕੇ ਦੁਕਾਨਦਾਰ ਨਾਲ ਬਹਿਸ ਕਰਨੀ ਮਹਿੰਗੀ ਪਈ, ਪਰ ਉਸ ਨੇ ਹਾਰ ਨਹੀਂ ਮੰਨੀ। ਜਦੋਂ ਮਹਿਲਾ ਨੇ ਬਿੱਲ ਅਤੇ ਪ੍ਰੋਡਕਟ 'ਤੇ ਲਿਖੀ ਕੀਮਤ ਵਿੱਚ 400 ਰੁਪਏ ਦਾ ਫਰਕ ਦੇਖਿਆ ਤਾਂ ਮਾਮਲਾ ਕੰਜਿਊਮਰ ਕੋਰਟ ਤੱਕ ਪਹੁੰਚ ਗਿਆ। ਸੁਣਵਾਈ ਦੌਰਾਨ ਕੋਰਟ ਨੇ ਬਿੱਲ ਨੂੰ ਅਹਿਮ ਸਬੂਤ ਮੰਨਦਿਆਂ ਸਟੋਰ ਨੂੰ ਮਹਿਲਾ ਦੇ ਪੈਸੇ ਵਾਪਸ ਕਰਨ ਦੇ ਨਾਲ ਮੁਆਵਜ਼ਾ ਦੇਣ ਦਾ ਵੀ ਹੁਕਮ ਦਿੱਤਾ।

ਘਰ ਪਹੁੰਚਣ ਤੋਂ ਬਾਅਦ ਜਦੋਂ ਮਹਿਲਾ ਨੇ ਆਪਣਾ ਬਿੱਲ ਦੇਖਿਆ ਤਾਂ ਉਸ ਨੂੰ ਯਕੀਨ ਨਹੀਂ ਹੋਇਆ। ਜਿਸ ਬ੍ਰਾ 'ਤੇ 1,495 ਰੁਪਏ ਦੀ MRP ਲਿਖੀ ਹੋਈ ਸੀ, ਉਸ ਲਈ ਦੁਕਾਨ ਨੇ 1,895 ਰੁਪਏ ਵਸੂਲ ਕੀਤੇ ਸਨ। ਯਾਨੀ ਮਹਿਲਾ ਤੋਂ 400 ਰੁਪਏ ਵੱਧ ਲਏ ਗਏ। ਇਸ ਦੀ ਸ਼ਿਕਾਇਤ ਲੈ ਕੇ ਉਹ ਕੋਰਟ ਪਹੁੰਚੀ, ਜਿੱਥੇ ਉਸ ਕੋਲ ਮੌਜੂਦ ਬਿੱਲ ਅਤੇ ਪ੍ਰਾਈਸ ਟੈਗ ਸਭ ਤੋਂ ਵੱਡੇ ਸਬੂਤ ਸਾਬਤ ਹੋਏ।

ਮਹਿਲਾ ਨੇ 3 ਮਾਰਚ 2024 ਨੂੰ ਦਿੱਲੀ ਦੇ ਲਾਜਪਤ ਨਗਰ ਸਥਿਤ ਇੱਕ ਲਿੰਗਰੀ ਸਟੋਰ ਤੋਂ ਦੋ ਬ੍ਰਾ ਖਰੀਦੀਆਂ ਸਨ। ਇਨ੍ਹਾਂ ਵਿੱਚੋਂ ਇੱਕ ਬ੍ਰਾ 'ਤੇ 1,495 ਰੁਪਏ MRP ਲਿਖੀ ਸੀ, ਪਰ ਬਿੱਲ ਵਿੱਚ ਇਸੇ ਬ੍ਰਾ ਦੀ ਕੀਮਤ 1,895 ਰੁਪਏ ਦਰਜ ਕੀਤੀ ਗਈ। ਇਸ ਤਰ੍ਹਾਂ ਉਸ ਤੋਂ 400 ਰੁਪਏ ਵੱਧ ਵਸੂਲੇ ਗਏ। ਮਹਿਲਾ ਨੇ GPay ਰਾਹੀਂ ਕੁੱਲ 3,395 ਰੁਪਏ ਦਾ ਭੁਗਤਾਨ ਕੀਤਾ ਸੀ।

ਸਟੋਰ ਨੇ ਮਹਿਲਾ ਦੇ ਦਾਅਵੇ 'ਤੇ ਚੁੱਕੇ ਸਵਾਲ

ਮਾਮਲਾ ਕੰਜਿਊਮਰ ਕੋਰਟ ਪਹੁੰਚਣ ਤੋਂ ਬਾਅਦ ਸਟੋਰ ਨੇ ਮਹਿਲਾ ਦੇ ਗਾਹਕ ਹੋਣ 'ਤੇ ਹੀ ਸਵਾਲ ਖੜ੍ਹੇ ਕਰ ਦਿੱਤੇ। ਸਟੋਰ ਨੇ ਕਿਹਾ ਕਿ ਬਿੱਲ 'ਤੇ ਗਾਹਕ ਦਾ ਨਾਮ ILMA ਲਿਖਿਆ ਹੋਇਆ ਹੈ, ਜਦਕਿ ਮਹਿਲਾ ਨੇ ਆਪਣਾ ਨਾਮ ਕੁਝ ਹੋਰ ਦੱਸਿਆ ਸੀ। ਸਟੋਰ ਨੇ ਇਹ ਵੀ ਕਿਹਾ ਕਿ ਖਰੀਦਦਾਰੀ ਤੋਂ ਤੁਰੰਤ ਬਾਅਦ ਮਹਿਲਾ ਨੇ ਉਨ੍ਹਾਂ ਨਾਲ ਸੰਪਰਕ ਨਹੀਂ ਕੀਤਾ ਅਤੇ ਕਰੀਬ 5 ਮਹੀਨੇ ਬਾਅਦ ਕਾਨੂੰਨੀ ਨੋਟਿਸ ਭੇਜਿਆ।

GPay ਅਤੇ ਪ੍ਰਾਈਸ ਟੈਗ ਨੇ ਖੋਲ੍ਹਿਆ ਰਾਜ

ਮਹਿਲਾ ਨੇ ਆਪਣਾ ਦਾਅਵਾ ਸਹੀ ਸਾਬਤ ਕਰਨ ਲਈ GPay ਭੁਗਤਾਨ ਦਾ ਰਿਕਾਰਡ ਅਤੇ ਬ੍ਰਾ ਦਾ ਪ੍ਰਾਈਸ ਟੈਗ ਕੋਰਟ ਵਿੱਚ ਪੇਸ਼ ਕੀਤਾ। ਕੋਰਟ ਨੇ ਦੇਖਿਆ ਕਿ GPay ਰਾਹੀਂ ਕੀਤਾ ਗਿਆ 3,395 ਰੁਪਏ ਦਾ ਭੁਗਤਾਨ ਉਹੀ ਸੀ, ਜੋ ਬਿੱਲ ਵਿੱਚ ਦਰਜ ਸੀ। ਇਸ ਤੋਂ ਇਲਾਵਾ ਪ੍ਰੋਡਕਟ ਦੇ ਪ੍ਰਾਈਸ ਟੈਗ ਅਤੇ ਬਿੱਲ 'ਤੇ ਦਿੱਤੀ ਗਈ ਜਾਣਕਾਰੀ ਵੀ ਆਪਸ ਵਿੱਚ ਮੇਲ ਖਾਂਦੀ ਸੀ।

ਕੋਰਟ ਦੀ ਪ੍ਰਧਾਨ ਮੋਨਿਕਾ ਏ. ਸ਼੍ਰੀਵਾਸਤਵ ਅਤੇ ਮੈਂਬਰ ਕਿਰਨ ਕੌਸ਼ਲ ਨੇ ਮਹਿਲਾ ਦੇ ਹੱਕ ਵਿੱਚ ਫੈਸਲਾ ਸੁਣਾਇਆ। ਹੁਕਮ ਵਿੱਚ ਕਿਹਾ ਗਿਆ, "ਮਰਦ ਝੂਠ ਬੋਲ ਸਕਦੇ ਹਨ, ਪਰ ਦਸਤਾਵੇਜ਼ ਨਹੀਂ।" ਕੋਰਟ ਨੇ ਮੰਨਿਆ ਕਿ ਸਟੋਰ ਨੇ MRP ਤੋਂ 400 ਰੁਪਏ ਵੱਧ ਵਸੂਲੇ ਸਨ।

ਮਹਿਲਾ ਨੂੰ ਮਿਲਣਗੇ 20 ਹਜ਼ਾਰ ਰੁਪਏ

ਕੋਰਟ ਨੇ ਸਟੋਰ ਨੂੰ 400 ਰੁਪਏ ਵਾਪਸ ਕਰਨ ਦਾ ਹੁਕਮ ਦਿੱਤਾ। ਇਸ ਰਕਮ 'ਤੇ 3 ਮਾਰਚ 2024 ਤੋਂ 8 ਫੀਸਦੀ ਸਾਲਾਨਾ ਵਿਆਜ ਵੀ ਦੇਣਾ ਹੋਵੇਗਾ। ਜੇਕਰ ਤਿੰਨ ਮਹੀਨਿਆਂ ਦੇ ਅੰਦਰ ਭੁਗਤਾਨ ਨਹੀਂ ਕੀਤਾ ਜਾਂਦਾ ਤਾਂ ਵਿਆਜ ਵਧ ਕੇ 10 ਫੀਸਦੀ ਸਾਲਾਨਾ ਹੋ ਜਾਵੇਗਾ। ਇਸ ਤੋਂ ਇਲਾਵਾ ਮਹਿਲਾ ਨੂੰ ਹੋਈ ਪਰੇਸ਼ਾਨੀ ਅਤੇ ਮੁਕੱਦਮੇ ਦੇ ਖਰਚੇ ਲਈ 20,000 ਰੁਪਏ ਮੁਆਵਜ਼ਾ ਦੇਣ ਦਾ ਵੀ ਹੁਕਮ ਦਿੱਤਾ ਗਿਆ।

Girlfriend ਤੋਂ ਕਾਰ ’ਤੇ ਕਰਵਾਏ 3400 ਕਿੱਸ , ਲਿਪਸਟਿਕ ਦੇ ਨਿਸ਼ਾਨ ਦੇਖ ਕੇ ਪੁਲਿਸ ਨੇ ਕੀਤੀ ਕਾਰਵਾਈ

ਸ਼ੰਕਰ ਦਾਸ — Tue, 25 Aug 2026 12:43:19 +0530

Girlfriend Kissing on Car : ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਣ ਦੀ ਚਾਹਤ ਲੋਕਾਂ ਨੂੰ ਕਿਹੋ-ਕਿਹੇ ਅਜੀਬੋ-ਗਰੀਬ ਕੰਮ ਕਰਨ ਲਈ ਮਜਬੂਰ ਕਰ ਦਿੰਦੀ ਹੈ, ਇਸ ਦੀ ਇੱਕ ਹੋਰ ਉਦਾਹਰਨ ਮੱਧ ਪ੍ਰਦੇਸ਼ ਦੇ ਗਵਾਲੀਅਰ ਤੋਂ ਸਾਹਮਣੇ ਆਈ ਹੈ। ਇੱਥੇ ਇੱਕ ਨੌਜਵਾਨ ਨੂੰ ਇੰਸਟਾਗ੍ਰਾਮ ’ਤੇ ਵਾਇਰਲ ਹੋਣ ਦਾ ਅਜਿਹਾ ਸ਼ੌਕ ਚੜ੍ਹਿਆ ਕਿ ਉਸ ਨੇ ਆਪਣੀ ਸਵਿਫਟ ਕਾਰ ਨੂੰ ਹੀ ‘ਕਿਸਿੰਗ ਕਾਰ’ ਬਣਾ ਦਿੱਤਾ।

ਵਿਦੇਸ਼ੀ ਟ੍ਰੈਂਡ ਤੋਂ ਪ੍ਰੇਰਿਤ ਹੋ ਕੇ ਨੌਜਵਾਨ ਦੀ ਗਰਲਫ੍ਰੈਂਡ ਨੇ ਸਾਢੇ ਤਿੰਨ ਘੰਟੇ ਮਿਹਨਤ ਕਰਕੇ ਕਾਰ ’ਤੇ 3400 ਲਿਪਸਟਿਕ ਦੇ ਨਿਸ਼ਾਨ ਬਣਾ ਦਿੱਤੇ। ਇਹ ਵੀਡੀਓ ਦੇਖਦੇ ਹੀ ਦੇਖਦੇ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਫੈਲਣ ਲੱਗੀ ਅਤੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਣ ਲੱਗੀ। ਪਰ ਵਾਇਰਲ ਹੋਣ ਦੀ ਇਹ ਕੋਸ਼ਿਸ਼ ਨੌਜਵਾਨ ਨੂੰ ਮਹਿੰਗੀ ਪੈ ਗਈ, ਕਿਉਂਕਿ ਗਵਾਲੀਅਰ ਟ੍ਰੈਫਿਕ ਪੁਲਿਸ ਦੀ ਨਜ਼ਰ ਇਸ ਮਾਮਲੇ ’ਤੇ ਪੈ ਗਈ ਅਤੇ ਮਾਮਲਾ ਥਾਣੇ ਤੱਕ ਪਹੁੰਚ ਗਿਆ।

ਵੀਡੀਓ ਵਿੱਚ ਕੀ ਦਿਖਾਇਆ ਗਿਆ?

ਵਾਇਰਲ ਵੀਡੀਓ ਵਿੱਚ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਨੌਜਵਾਨ ਦੀ ਕਾਰ ਪੂਰੀ ਤਰ੍ਹਾਂ ਲਿਪਸਟਿਕ ਦੇ ਨਿਸ਼ਾਨਾਂ ਨਾਲ ਰੰਗੀ ਹੋਈ ਹੈ। ਵੀਡੀਓ ਵਿੱਚ ਨੌਜਵਾਨ ਨੇ ਖੁਦ ਦੱਸਿਆ ਕਿ ਉਸ ਨੇ ਇਹ ਸਾਰਾ ਕੰਮ ਜਾਣਬੁੱਝ ਕੇ ਵਾਇਰਲ ਹੋਣ ਲਈ ਕੀਤਾ ਸੀ, ਤਾਂ ਜੋ ਇਸ ਤਰ੍ਹਾਂ ਦੀ ਅਨੋਖੀ ਹਰਕਤ ਕਾਰਨ ਵੀਡੀਓ ਸੋਸ਼ਲ ਮੀਡੀਆ ’ਤੇ ਛਾ ਜਾਵੇ।

ਦਿਲਚਸਪ ਗੱਲ ਇਹ ਰਹੀ ਕਿ ਗਰਲਫ੍ਰੈਂਡ ਨੇ ਕਾਰ ’ਤੇ ਲਿਖੇ ‘ਠਾਕੁਰ’ ਸ਼ਬਦ ਨੂੰ ਵੀ ਨਹੀਂ ਬਖ਼ਸ਼ਿਆ ਅਤੇ ਉਸ ’ਤੇ ਵੀ ਕਿਸ ਦੇ ਨਿਸ਼ਾਨ ਬਣਾ ਦਿੱਤੇ। ਬਾਅਦ ਵਿੱਚ ਪੁਲਿਸ ਨੇ ਇਹ ਨਿਸ਼ਾਨ ਹਟਾਉਣ ਲਈ ਕਿਹਾ।
ਨੌਜਵਾਨ ਨੇ ਇਹ ਵੀ ਦੱਸਿਆ ਕਿ ਉਸ ਦੀ ਗਰਲਫ੍ਰੈਂਡ ਨੂੰ ਇਹ ਆਈਡੀਆ ਵਿਦੇਸ਼ ਦੀ ਇੱਕ ਵੀਡੀਓ ਦੇਖ ਕੇ ਆਇਆ ਸੀ, ਜਿੱਥੇ ਇਸ ਤਰ੍ਹਾਂ ਦਾ ਕੰਟੈਂਟ ਵਾਇਰਲ ਹੋਇਆ ਸੀ। ਨੌਜਵਾਨ ਨੇ ਖੁਦ ਇਹ ਵੀਡੀਓ ਸੋਸ਼ਲ ਮੀਡੀਆ ’ਤੇ ਪੋਸਟ ਕੀਤੀ ਸੀ, ਜਿਸ ਤੋਂ ਬਾਅਦ ਪੁਲਿਸ ਨੇ ਕਾਰ ਨੂੰ ਥਾਣੇ ਬੁਲਾ ਕੇ ਕਾਰਵਾਈ ਕੀਤੀ।

ਪੁਲਿਸ ਮੁਤਾਬਕ, ਇਸ ਤੋਂ ਕੁਝ ਦਿਨ ਪਹਿਲਾਂ ਵੀ ਪਟੇਲ ਨਗਰ ਸਿਟੀ ਸੈਂਟਰ ਇਲਾਕੇ ਵਿੱਚ ਇਸੇ ਕਾਰ ਦੀ ਇੱਕ ਹੋਰ ਵੀਡੀਓ ਵਾਇਰਲ ਹੋਈ ਸੀ। ਇਸ ਵਿੱਚ ਕਾਰ ਨੂੰ ਬਾਜ਼ਾਰ ਵਿੱਚ ਤੇਜ਼ ਰਫ਼ਤਾਰ ਨਾਲ ਦੌੜਾਉਂਦੇ ਹੋਏ ਦਿਖਾਇਆ ਗਿਆ ਸੀ। ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਪੁਲਿਸ ਨੇ ਕਾਰ ਨੂੰ ਥਾਣੇ ਬੁਲਾਇਆ ਸੀ।

ਪੁਲਿਸ ਦੀ ਕਾਰਵਾਈ ਅਤੇ ਲੋਕਾਂ ਦੀ ਪ੍ਰਤੀਕਿਰਿਆ

ਮਾਮਲਾ ਸਾਹਮਣੇ ਆਉਂਦੇ ਹੀ ਗਵਾਲੀਅਰ ਟ੍ਰੈਫਿਕ ਪੁਲਿਸ ਹਰਕਤ ਵਿੱਚ ਆ ਗਈ। ਪੁਲਿਸ ਨੇ ਨੌਜਵਾਨ ਨੂੰ 5,500 ਰੁਪਏ ਦਾ ਚਲਾਨ ਕੀਤਾ। ਇਸ ਤੋਂ ਇਲਾਵਾ ਉਸ ਨੂੰ ਥਾਣੇ ਬੁਲਾ ਕੇ ਆਪਣੇ ਹੀ ਹੱਥਾਂ ਨਾਲ ਕਾਰ ’ਤੇ ਲੱਗੇ ਸਾਰੇ ‘ਪਿਆਰ ਦੇ ਨਿਸ਼ਾਨ’ ਸਾਫ਼ ਕਰਵਾਏ।ਪੁਲਿਸ ਨਾਲ ਗੱਲਬਾਤ ਦੌਰਾਨ ਨੌਜਵਾਨ ਨੇ ਹੋਰਨਾਂ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਕੋਈ ਵੀ ਇਸ ਤਰ੍ਹਾਂ ਦੀ ਹਰਕਤ ਨਾ ਕਰੇ, ਕਿਉਂਕਿ ਇਸ ਦਾ ਖਮਿਆਜ਼ਾ ਭਾਰੀ ਚਲਾਨ ਦੇ ਰੂਪ ਵਿੱਚ ਭੁਗਤਣਾ ਪੈ ਸਕਦਾ ਹੈ।

ਇਹ ਵੀਡੀਓ ਅਤੇ ਖ਼ਬਰ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋਈ, ਜਿਸ ’ਤੇ ਯੂਜ਼ਰਾਂ ਨੇ ਵੀ ਖੂਬ ਪ੍ਰਤੀਕਿਰਿਆਵਾਂ ਦਿੱਤੀਆਂ। ਕਈ ਯੂਜ਼ਰਾਂ ਨੇ ਇਸ ਨੂੰ ਮਜ਼ਾਕੀਆ ਅੰਦਾਜ਼ ਵਿੱਚ ਲੈਂਦਿਆਂ ਕਿਹਾ ਕਿ ਅੱਜਕੱਲ੍ਹ ਵਾਇਰਲ ਹੋਣ ਲਈ ਲੋਕ ਕੁਝ ਵੀ ਕਰਨ ਨੂੰ ਤਿਆਰ ਹਨ।

ਇੱਕ ਯੂਜ਼ਰ ਨੇ ਲਿਖਿਆ, “ਕਿੱਥੋਂ ਆਉਂਦੇ ਹਨ ਅਜਿਹੇ ਲੋਕ?” ਉੱਥੇ ਹੀ ਦੂਜੇ ਯੂਜ਼ਰ ਨੇ ਪੁੱਛਿਆ ਕਿ ਆਖ਼ਿਰ 3400 ਕਿਸਾਂ ਦੀ ਗਿਣਤੀ ਕਿਸ ਨੇ ਕੀਤੀ ਹੋਵੇਗੀ? ਕੁਝ ਲੋਕਾਂ ਨੇ ਇਸ ਨੂੰ ਪਿਆਰ ਦੀ ਨਿਸ਼ਾਨੀ ਦੱਸਦਿਆਂ ਮਜ਼ਾਕ ਕੀਤਾ ਕਿ ਇੰਨੀ ਮਿਹਨਤ ਤੋਂ ਬਾਅਦ ਵੀ ਜੁਰਮਾਨਾ ਭਰਨਾ ਪੈ ਗਿਆ। ਉੱਥੇ ਹੀ ਕੁਝ ਲੋਕਾਂ ਨੇ ਇਸ ਨੂੰ ‘ਪਿਆਰ ਨਹੀਂ, ਪਾਗਲਪਨ’ ਕਰਾਰ ਦਿੱਤਾ।ਕੁੱਲ ਮਿਲਾ ਕੇ ਇਹ ਵੀਡੀਓ ਸੋਸ਼ਲ ਮੀਡੀਆ ਦੇ ਵੱਖ-ਵੱਖ ਪਲੇਟਫਾਰਮਾਂ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।

Suhaag Raat Tradition : ਫਰਸਟ ਨਾਈਟ ਦਾ ਰਿਵਾਜ ਕਿੱਥੋਂ ਸ਼ੁਰੂ ਹੋਇਆ, ਸਭ ਤੋਂ ਪਹਿਲਾਂ ਕਿਸਨੇ ਮਨਾਈ ਸੀ ਸੁਹਾਗ ਰਾਤ?

ਸ਼ੰਕਰ ਦਾਸ — Fri, 14 Aug 2026 15:06:29 +0530

Suhaag Raat Tradition : ਸੁਹਾਗ ਰਾਤ ਦੀ ਗੱਲ ਹੁੰਦੇ ਹੀ ਵਿਆਹ ਨਾਲ ਜੁੜੀ ਇਸ ਖਾਸ ਰਸਮ ਦੀ ਸਭ ਤੋਂ ਜ਼ਿਆਦਾ ਚਰਚਾ ਹੁੰਦੀ ਹੈ। ਫਿਲਮਾਂ ਅਤੇ ਸੀਰੀਅਲਾਂ ਵਿੱਚ ਇਸਨੂੰ ਫੁੱਲਾਂ ਨਾਲ ਸਜੇ ਬਿਸਤਰੇ, ਦੁੱਧ ਦੇ ਗਿਲਾਸ ਅਤੇ ਸ਼ਰਮਾਉਂਦੀ ਦੁਲਹਨ ਦੇ ਰੂਪ ਵਿੱਚ ਦਿਖਾਇਆ ਜਾਂਦਾ ਰਿਹਾ ਹੈ। ਇਸ ਕਾਰਨ ਇਹ ਰਸਮ ਹਰ ਕਿਸੇ ਲਈ ਖਾਸ ਅਤੇ ਉਤਸੁਕਤਾ ਭਰੀ ਬਣ ਜਾਂਦੀ ਹੈ ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਇਹ ਪਰੰਪਰਾ ਆਖਿਰ ਸ਼ੁਰੂ ਕਿੱਥੋਂ ਹੋਈ ਅਤੇ ਸਭ ਤੋਂ ਪਹਿਲਾਂ ਕਿਸਨੇ ਇਹ ਰਸਮ ਨਿਭਾਈ ਸੀ? ਇਹ ਸਵਾਲ ਅੱਜ ਵੀ ਬਹੁਤ ਸਾਰੇ ਲੋਕਾਂ ਦੇ ਮਨ ਵਿੱਚ ਆਉਂਦਾ ਹੈ। ਆਓ ਜਾਣਦੇ ਹਾਂ ਸੁਹਾਗ ਰਾਤ ਦੀ ਪਰੰਪਰਾ ਨਾਲ ਜੁੜੀ ਦਿਲਚਸਪ ਜਾਣਕਾਰੀ।

ਸੁਹਾਗ ਰਾਤ ਸ਼ਬਦ ਕਿੱਥੋਂ ਆਇਆ ਅਤੇ ਇਹ ਪਰੰਪਰਾ ਕਿਵੇਂ ਸ਼ੁਰੂ ਹੋਈ?

ਮੰਨਿਆ ਜਾਂਦਾ ਹੈ ਕਿ ਸੁਹਾਗ ਰਾਤ ਸ਼ਬਦ ਸੰਸਕ੍ਰਿਤ ਭਾਸ਼ਾ ਤੋਂ ਨਿਕਲਿਆ ਹੈ, ਜਿੱਥੇ “ਸੁਹਾਗ” ਦਾ ਮਤਲਬ ਸੁਹਾਗਣ, ਯਾਨੀ ਵਿਆਹੀ ਹੋਈ ਔਰਤ ਦਾ ਸੁਭਾਗ ਹੁੰਦਾ ਹੈ। ਇਤਿਹਾਸ ਨਾਲ ਜੁੜੀ ਜਾਣਕਾਰੀ ਮੁਤਾਬਕ ਇਸ ਰਸਮ ਦੀ ਸ਼ੁਰੂਆਤ ਮੁਗਲ ਅਤੇ ਰਾਜਪੂਤ ਰਾਜਘਰਾਣਿਆਂ ਤੋਂ ਹੋਈ ਮੰਨੀ ਜਾਂਦੀ ਹੈ। ਮੱਧਕਾਲੀਨ ਦੌਰ ਵਿੱਚ ਵਿਆਹ ਦੀ ਪਹਿਲੀ ਰਾਤ ਨੂੰ ਇੱਕ ਖਾਸ ਸਮਾਰੋਹ ਵਾਂਗ ਮਨਾਇਆ ਜਾਂਦਾ ਸੀ। ਇਸ ਦੌਰਾਨ ਨਵੇਂ ਵਿਆਹੇ ਜੋੜੇ ਦੇ ਕਮਰੇ ਨੂੰ ਫੁੱਲਾਂ ਨਾਲ ਸਜਾਇਆ ਜਾਂਦਾ ਸੀ।

ਬਾਅਦ ਵਿੱਚ ਬ੍ਰਿਟਿਸ਼ ਸ਼ਾਸਨ ਦੇ ਸਮੇਂ ਭਾਰਤੀ ਪਰੰਪਰਾਵਾਂ ਅਤੇ ਪੱਛਮੀ ਸੱਭਿਆਚਾਰ ਦੇ ਮੇਲ ਨਾਲ ਇਸ ਰਸਮ ਨੂੰ ਹੋਰ ਵੀ ਭਾਵਨਾਤਮਕ ਰੂਪ ਮਿਲਿਆ। ਹਾਲਾਂਕਿ, ਇਹ ਗੱਲ ਧਿਆਨ ਵਿੱਚ ਰੱਖਣੀ ਜ਼ਰੂਰੀ ਹੈ ਕਿ ਇਤਿਹਾਸ ਵਿੱਚ ਕਿਸੇ ਇੱਕ ਵਿਅਕਤੀ ਜਾਂ ਜੋੜੇ ਦਾ ਨਾਮ ਦਰਜ ਨਹੀਂ ਹੈ, ਜਿਸਨੇ ਸਭ ਤੋਂ ਪਹਿਲਾਂ ਸੁਹਾਗ ਰਾਤ ਮਨਾਈ ਹੋਵੇ। ਇਹ ਪਰੰਪਰਾ ਹੌਲੀ-ਹੌਲੀ ਰਾਜਘਰਾਣਿਆਂ ਤੋਂ ਸ਼ੁਰੂ ਹੋ ਕੇ ਸਮਾਜ ਦੇ ਵੱਖ-ਵੱਖ ਵਰਗਾਂ ਤੱਕ ਫੈਲਦੀ ਗਈ।

ਵੱਖ-ਵੱਖ ਸੂਬਿਆਂ ਵਿੱਚ ਵੱਖਰੇ ਨਾਮ ਅਤੇ ਰਸਮਾਂ

ਖਾਸ ਗੱਲ ਇਹ ਹੈ ਕਿ ਭਾਰਤ ਦੇ ਹਰ ਹਿੱਸੇ ਵਿੱਚ ਇਸ ਰਸਮ ਨੂੰ ਸੁਹਾਗ ਰਾਤ ਦੇ ਨਾਮ ਨਾਲ ਨਹੀਂ ਜਾਣਿਆ ਜਾਂਦਾ। ਬੰਗਾਲ ਵਿੱਚ ਇਸਨੂੰ ਫੁੱਲਸ਼ੱਯਾ, ਤਾਮਿਲਨਾਡੂ ਵਿੱਚ ਇਰਾਵੁ ਥਿਰੁਮਣਮ ਅਤੇ ਮਹਾਰਾਸ਼ਟਰ ਵਿੱਚ ਪਹਿਲੀ ਰਾਤ ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ। ਉੱਥੇ ਹੀ ਰਾਜਸਥਾਨ ਅਤੇ ਪੰਜਾਬ ਵਿੱਚ ਇਸਨੂੰ ਆਮ ਤੌਰ ’ਤੇ ਸੁਹਾਗ ਰਾਤ ਕਿਹਾ ਜਾਂਦਾ ਹੈ।

ਇਹ ਪਰੰਪਰਾ ਸਿਰਫ਼ ਹਿੰਦੂ ਧਰਮ ਤੱਕ ਹੀ ਸੀਮਿਤ ਨਹੀਂ ਹੈ। ਜੈਨ, ਬੌਧ, ਸਿੱਖ ਅਤੇ ਮੁਸਲਿਮ ਸਮਾਜਾਂ ਵਿੱਚ ਵੀ ਵਿਆਹ ਤੋਂ ਬਾਅਦ ਪਹਿਲੀ ਰਾਤ ਨਾਲ ਜੁੜੀਆਂ ਆਪਣੀਆਂ-ਆਪਣੀਆਂ ਰਸਮਾਂ ਅਤੇ ਰਿਵਾਜ ਹਨ। ਪੂਰਬੀ ਭਾਰਤ ਦੇ ਕੁਝ ਇਲਾਕਿਆਂ ਵਿੱਚ ਇਹ ਰਸਮ ਵਿਆਹ ਦੀ ਚੌਥੀ ਰਾਤ ਨੂੰ ਮਨਾਈ ਜਾਂਦੀ ਹੈ, ਜਿਸ ਕਾਰਨ ਇਸਨੂੰ “ਚੌਥੀ ਰਾਤ” ਵੀ ਕਿਹਾ ਜਾਂਦਾ ਹੈ। ਸਮੇਂ ਦੇ ਨਾਲ ਇਸ ਪਰੰਪਰਾ ਦਾ ਰੂਪ ਵੀ ਕਾਫ਼ੀ ਬਦਲਦਾ ਗਿਆ ਹੈ।

ਰੇਲ ਯਾਤਰੀਆਂ ਦਾ ਸਫ਼ਰ ਹੋਵੇਗਾ ਹੋਰ ਆਸਾਨ! ਟਿਕਟ ਤੋਂ ਲੈ ਕੇ ਖਾਣਾ ਆਰਡਰ ਕਰਨ ਤੱਕ, ਇੱਕੋ ਐਪ ਕਰੇਗੀ ਹਰ ਕੰਮ

ਨੈਨਸੀ — Fri, 31 Jul 2026 17:02:50 +0530

Benefits of RailOne App: ਹਰ ਰੇਲ ਯਾਤਰੀ ਨੂੰ RailOne ਐਪ ਬਾਰੇ ਜਾਣੂ ਹੋਣਾ ਚਾਹੀਦਾ ਹੈ, ਕਿਉਂਕਿ ਇਹ ਸਿੰਗਲ ਐਪ ਕਈ ਕੰਮ ਪੂਰੇ ਕਰ ਸਕਦੀ ਹੈ, ਜਿਸ ਨਾਲ ਕਈ ਐਪਸ ਡਾਊਨਲੋਡ ਕਰਨ ਦੀ ਜ਼ਰੂਰਤ ਖਤਮ ਹੋ ਜਾਂਦੀ ਹੈ। RailOne ਐਪ ਦੀ ਵਰਤੋਂ ਤੁਹਾਡੀ ਰੇਲ ਯਾਤਰਾ ਨੂੰ ਆਸਾਨ ਅਤੇ ਵਧੇਰੇ ਸੁਵਿਧਾਜਨਕ ਬਣਾ ਸਕਦੀ ਹੈ। ਪਤਾ ਕਰੋ ਕਿ ਇਸ ਸਿੰਗਲ ਪਲੇਟਫਾਰਮ 'ਤੇ ਕਿਹੜੀਆਂ ਵਿਸ਼ੇਸ਼ਤਾਵਾਂ ਉਪਲਬਧ ਹਨ।

ਇਸ ਐਪ ਵਿੱਚ ਕਿਹੜੀਆਂ ਵਿਸ਼ੇਸ਼ਤਾਵਾਂ ਉਪਲਬਧ ਹਨ?

ਤੁਸੀਂ ਰੇਲ ਮਦਦ ਰਾਹੀਂ ਸ਼ਿਕਾਇਤ ਕਰ ਸਕਦੇ ਹੋ।
ਜੇਕਰ ਤੁਸੀਂ ਟ੍ਰੇਨ ਵਿੱਚ ਖਾਣਾ ਔਨਲਾਈਨ ਆਰਡਰ ਕਰਨਾ ਚਾਹੁੰਦੇ ਹੋ।
ਉੱਥੇ ਪਲੇਟਫਾਰਮ ਟਿਕਟਾਂ ਵੀ ਬੁੱਕ ਕੀਤੀਆਂ ਜਾ ਸਕਦੀਆਂ ਹਨ।
ਤੁਸੀਂ ਇਸ ਐਪ ਰਾਹੀਂ ਰਿਜ਼ਰਵਡ ਰੇਲ ਟਿਕਟਾਂ ਬੁੱਕ ਕਰ ਸਕਦੇ ਹੋ।
ਇਸ ਤੋਂ ਇਲਾਵਾ, ਤੁਸੀਂ ਇਸ ਐਪ ਤੋਂ ਜਨਰਲ ਟਿਕਟਾਂ ਵੀ ਖਰੀਦ ਸਕਦੇ ਹੋ।
ਜੇਕਰ ਤੁਸੀਂ PNR ਸਥਿਤੀ ਦੀ ਜਾਂਚ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਹ ਕਰ ਸਕਦੇ ਹੋ।
ਤੁਸੀਂ ਟ੍ਰੇਨ ਦੀ ਲਾਈਵ ਲੋਕੇਸ਼ਨ ਵੀ ਟ੍ਰੈਕ ਕਰ ਸਕਦੇ ਹੋ।
ਇਸ ਤੋਂ ਇਲਾਵਾ, ਮਾਸਿਕ ਪਾਸ ਦੀ ਸਹੂਲਤ ਵੀ ਉਪਲਬਧ ਹੈ।
RailOne ਐਪ ਕਿਵੇਂ ਡਾਊਨਲੋਡ ਕਰੀਏ?

ਇਸ ਐਪ ਨੂੰ ਡਾਊਨਲੋਡ ਕਰਨ ਲਈ, ਤੁਹਾਨੂੰ ਗੂਗਲ ਪਲੇ ਸਟੋਰ ਜਾਂ ਐਪਲ ਐਪ ਸਟੋਰ 'ਤੇ ਜਾਣਾ ਪਵੇਗਾ, ਫਿਰ RailOne ਐਪ ਨੂੰ ਸਰਚ ਕਰਕੇ ਇੰਸਟਾਲ ਕਰਨਾ ਪਵੇਗਾ। ਫਿਰ ਆਪਣੇ ਮੋਬਾਈਲ ਨੰਬਰ ਨਾਲ ਲੌਗਇਨ ਕਰੋ। ਇਸ ਤੋਂ ਬਾਅਦ, ਤੁਸੀਂ ਇਨ੍ਹਾਂ ਸਾਰੀਆਂ ਵਿਸ਼ੇਸ਼ਤਾਵਾਂ ਦਾ ਲਾਭ ਉਠਾ ਸਕੋਗੇ।

ਯਾਤਰੀਆਂ ਨੂੰ ਫਾਇਦਾ ਹੋ ਸਕਦਾ ਹੈ

ਜੇਕਰ ਤੁਹਾਨੂੰ ਟਿਕਟ ਬੁੱਕ ਕਰਨ ਦੀ ਲੋੜ ਹੈ ਜਾਂ ਟ੍ਰੇਨ ਨਾਲ ਸਬੰਧਤ ਕੋਈ ਜਾਣਕਾਰੀ ਚਾਹੀਦੀ ਹੈ, ਤਾਂ ਤੁਸੀਂ ਇਸਨੂੰ ਇਸ ਐਪ 'ਤੇ ਲੱਭ ਸਕਦੇ ਹੋ। ਜੇਕਰ ਤੁਹਾਨੂੰ ਆਪਣੀ ਯਾਤਰਾ ਦੌਰਾਨ ਟ੍ਰੇਨ ਵਿੱਚ ਕੋਈ ਸਮੱਸਿਆ ਆਉਂਦੀ ਹੈ, ਤਾਂ ਤੁਸੀਂ ਇਸਦੀ ਵਰਤੋਂ ਕਰਕੇ ਇਸਦੀ ਰਿਪੋਰਟ ਵੀ ਕਰ ਸਕਦੇ ਹੋ। ਤੁਹਾਨੂੰ ਸਾਰੀਆਂ ਸਹੂਲਤਾਂ ਇੱਕ ਪਲੇਟਫਾਰਮ 'ਤੇ ਮਿਲਦੀਆਂ ਹਨ, ਜਿਸ ਨਾਲ ਤੁਹਾਡਾ ਸਮਾਂ ਬਚੇਗਾ।

ਸਾਵਣ ‘ਚ ਜੋਤੀਰਲਿੰਗ ਦਰਸ਼ਨ ਹੋਣਗੇ ਆਸਾਨ, ਰੇਲਵੇ ਨੇ ਚਲਾਈਆਂ ਸਪੈਸ਼ਲ ਟਰੇਨਾਂ

ਨੈਨਸੀ — Thu, 30 Jul 2026 16:27:23 +0530

Sawan Special Trains 2026: ਸਾਵਣ ਮਹੀਨੇ ਦੀ ਸ਼ੁਰੂਆਤ ਦੇ ਨਾਲ, ਦੇਸ਼ ਭਰ ਵਿੱਚ ਭਗਵਾਨ ਸ਼ਿਵ ਪ੍ਰਤੀ ਸ਼ਰਧਾ ਅਤੇ ਸ਼ਰਧਾ ਦਾ ਮਾਹੌਲ ਬਣਿਆ ਰਹਿੰਦਾ ਹੈ। ਇਸ ਮਹੀਨੇ ਦੌਰਾਨ, ਲੱਖਾਂ ਸ਼ਰਧਾਲੂ ਕੰਵਰ ਯਾਤਰਾ 'ਤੇ ਨਿਕਲਦੇ ਹਨ ਅਤੇ ਭਗਵਾਨ ਸ਼ਿਵ ਅਤੇ ਜੋਤਿਰਲਿੰਗਾਂ ਦੇ ਪ੍ਰਸਿੱਧ ਮੰਦਰਾਂ ਦੇ ਦਰਸ਼ਨ ਕਰਨ ਦੀ ਯੋਜਨਾ ਬਣਾਉਂਦੇ ਹਨ। ਨਤੀਜੇ ਵਜੋਂ, ਰੇਲਗੱਡੀਆਂ ਅਕਸਰ ਭੀੜ-ਭੜੱਕੇ ਵਾਲੀਆਂ ਹੋ ਜਾਂਦੀਆਂ ਹਨ, ਜਿਸ ਨਾਲ ਯਾਤਰੀਆਂ ਨੂੰ ਅਸੁਵਿਧਾ ਹੁੰਦੀ ਹੈ। ਖਾਸ ਤੌਰ 'ਤੇ, ਲੰਬੀਆਂ ਉਡੀਕ ਸੂਚੀਆਂ ਇੱਕ ਮਹੱਤਵਪੂਰਨ ਚੁਣੌਤੀ ਪੇਸ਼ ਕਰਦੀਆਂ ਹਨ। ਇਸ ਮੁੱਦੇ ਨੂੰ ਹੱਲ ਕਰਨ ਲਈ, ਭਾਰਤੀ ਰੇਲਵੇ ਨੇ ਸਾਵਣ ਅਤੇ ਕੰਵਰ ਮੇਲਾ 2026 ਲਈ ਕਈ ਵਿਸ਼ੇਸ਼ ਟ੍ਰੇਨਾਂ ਸ਼ੁਰੂ ਕੀਤੀਆਂ ਹਨ। ਆਓ ਇਨ੍ਹਾਂ ਵਿਸ਼ੇਸ਼ ਟ੍ਰੇਨਾਂ ਬਾਰੇ ਹੋਰ ਜਾਣੀਏ...

ਜਯੋਤਿਰਲਿੰਗ ਦਰਸ਼ਨ ਲਈ ਚੱਲਣਗੀਆਂ ਵਿਸ਼ੇਸ਼ ਰੇਲ ਗੱਡੀਆਂ

ਹੁਣ ਸ਼ਰਧਾਲੂ ਪ੍ਰਯਾਗਰਾਜ ਅਤੇ ਵੇਰਾਵਲ ਵਿਚਕਾਰ ਚੱਲਣ ਵਾਲੀ ਹਫ਼ਤਾਵਾਰੀ ਵਿਸ਼ੇਸ਼ ਰੇਲਗੱਡੀ (04173/04174) ਰਾਹੀਂ ਆਸਾਨੀ ਨਾਲ ਸੋਮਨਾਥ ਧਾਮ ਪਹੁੰਚ ਸਕਣਗੇ।
ਸੂਬੇਦਾਰਗੰਜ ਅਤੇ ਇੰਦੌਰ ਵਿਚਕਾਰ ਇਹ ਦੋ-ਹਫ਼ਤਾਵਾਰੀ ਵਿਸ਼ੇਸ਼ ਰੇਲਗੱਡੀ (04169/04170) ਵਿਸ਼ੇਸ਼ ਤੌਰ 'ਤੇ ਮਹਾਕਾਲੇਸ਼ਵਰ ਜਯੋਤਿਰਲਿੰਗ ਜਾਣ ਵਾਲੇ ਯਾਤਰੀਆਂ ਲਈ ਚਲਾਈ ਜਾ ਰਹੀ ਹੈ।
ਝਾਂਸੀ ਅਤੇ ਆਸਨਸੋਲ ਵਿਚਕਾਰ ਚੱਲਣ ਵਾਲੀ ਵਿਸ਼ੇਸ਼ ਰੇਲਗੱਡੀ (04185/04186) ਯਾਤਰੀਆਂ ਨੂੰ ਬਾਬਾ ਬੈਦਿਆਨਾਥ ਧਾਮ ਅਤੇ ਕਾਸ਼ੀ ਵਿਸ਼ਵਨਾਥ ਜਾਣ ਵਿੱਚ ਬਹੁਤ ਸਹੂਲਤ ਪ੍ਰਦਾਨ ਕਰੇਗੀ।
ਕੰਵਰ ਸ਼ਰਧਾਲੂਆਂ ਲਈ ਰੇਲ ਸੇਵਾਵਾਂ ਵਧਾਈਆਂ ਗਈਆਂ

ਹਰ ਸਾਲ, ਲੱਖਾਂ ਸ਼ਰਧਾਲੂ ਗੰਗਾ ਜਲ ਇਕੱਠਾ ਕਰਨ ਲਈ ਹਰਿਦੁਆਰ ਅਤੇ ਰਿਸ਼ੀਕੇਸ਼ ਜਾਂਦੇ ਹਨ। ਰੇਲਵੇ ਨੇ ਦਿੱਲੀ, ਪੱਛਮੀ ਉੱਤਰ ਪ੍ਰਦੇਸ਼ ਅਤੇ ਹਰਿਆਣਾ ਤੋਂ ਹਰਿਦੁਆਰ ਜਾਣ ਵਾਲੇ ਇਨ੍ਹਾਂ ਸ਼ਰਧਾਲੂਆਂ ਲਈ ਵਿਸ਼ੇਸ਼ ਪ੍ਰਬੰਧ ਵੀ ਕੀਤੇ ਹਨ। ਇਸ ਵਿੱਚ ਕੁਝ ਸਥਾਨਕ ਰੇਲਗੱਡੀਆਂ ਦੀਆਂ ਸੇਵਾਵਾਂ ਦਾ ਵਿਸਤਾਰ ਕਰਨਾ ਵੀ ਸ਼ਾਮਲ ਹੈ।
- ਦਿੱਲੀ-ਸ਼ਾਮਲੀ ਡੈਮੂ ਹੁਣ ਹਰਿਦੁਆਰ ਤੱਕ ਜਾਵੇਗਾ।
- ਦਿੱਲੀ-ਸਹਾਰਨਪੁਰ ਮੇਮੂ ਹਰਿਦੁਆਰ ਤੱਕ ਵੀ ਚੱਲੇਗਾ।
- ਹਰਿਦੁਆਰ ਅਤੇ ਰਿਸ਼ੀਕੇਸ਼ ਤੋਂ ਦਿੱਲੀ ਸ਼ਾਹਦਰਾ ਅਤੇ ਲਖਨਊ ਲਈ ਵੀ ਅਣਰਿਜ਼ਰਵਡ ਮੇਲਾ ਵਿਸ਼ੇਸ਼ ਰੇਲਗੱਡੀਆਂ ਚਲਾਈਆਂ ਜਾਣਗੀਆਂ।
- ਯਾਤਰੀ ਇਨ੍ਹਾਂ ਰੇਲਗੱਡੀਆਂ ਵਿੱਚ ਆਮ ਟਿਕਟਾਂ ਲੈ ਕੇ ਯਾਤਰਾ ਕਰ ਸਕਣਗੇ।
ਛੋਟੇ ਸਟੇਸ਼ਨਾਂ 'ਤੇ ਵੀ ਰਾਹਤ ਮਿਲੇਗੀ।

ਕੰਵਰ ਸ਼ਰਧਾਲੂਆਂ ਦੀ ਸਹੂਲਤ ਲਈ, 30 ਜੁਲਾਈ ਤੋਂ 13 ਅਗਸਤ, 2026 ਤੱਕ ਰਾਏਵਾਲਾ, ਮੋਤੀਚੁਰ ਅਤੇ ਜਵਾਲਾਪੁਰ ਵਰਗੇ ਸਟੇਸ਼ਨਾਂ 'ਤੇ ਕਈ ਐਕਸਪ੍ਰੈਸ ਰੇਲਗੱਡੀਆਂ ਨੂੰ ਅਸਥਾਈ ਤੌਰ 'ਤੇ ਰੋਕਿਆ ਜਾਵੇਗਾ। ਇਸ ਨਾਲ ਯਾਤਰੀਆਂ ਨੂੰ ਲੰਬੀ ਦੂਰੀ ਦੀ ਯਾਤਰਾ ਕਰਨ ਦੀ ਜ਼ਰੂਰਤ ਖਤਮ ਹੋ ਜਾਵੇਗੀ। ਇਸ ਨਾਲ ਖਾਸ ਤੌਰ 'ਤੇ ਨੇੜਲੇ ਖੇਤਰਾਂ ਦੇ ਸ਼ਰਧਾਲੂਆਂ ਨੂੰ ਫਾਇਦਾ ਹੋਵੇਗਾ।

ਯਾਤਰਾ ਕਰਨ ਤੋਂ ਪਹਿਲਾਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ
- ਯਾਤਰਾ ਕਰਨ ਤੋਂ ਪਹਿਲਾਂ ਰੇਲਗੱਡੀ ਦੇ ਸਮੇਂ ਅਤੇ ਰੂਟ ਦੀ ਜਾਂਚ ਕਰਨਾ ਯਕੀਨੀ ਬਣਾਓ।
- ਟਿਕਟ ਬੁਕਿੰਗ ਅਤੇ ਅੱਪਡੇਟ ਲਈ IRCTC ਜਾਂ ਰੇਲਵੇ ਦੇ ਅਧਿਕਾਰਤ ਪਲੇਟਫਾਰਮ ਦੀ ਵਰਤੋਂ ਕਰੋ।
- ਵਧਦੀ ਭੀੜ ਨੂੰ ਦੇਖਦੇ ਹੋਏ, ਯਾਤਰਾ ਦੀ ਪਹਿਲਾਂ ਤੋਂ ਯੋਜਨਾ ਬਣਾਉਣਾ ਬਿਹਤਰ ਹੋਵੇਗਾ।

Suhagrat ਨੂੰ ਬਣਾਓ ਹੋਰ ਵੀ ਰੋਮਾਂਟਿਕ ਅਤੇ ਯਾਦਗਾਰ, ਲਾੜਾ-ਲਾੜੀ ਇਨ੍ਹਾਂ ਗੱਲਾਂ ਦਾ ਰੱਖਣ ਧਿਆਨ

ਸ਼ੰਕਰ ਦਾਸ — Tue, 28 Jul 2026 19:43:47 +0530

Suhagrat romantic : ਵਿਆਹ ਹਰ ਇਨਸਾਨ ਦੀ ਜ਼ਿੰਦਗੀ ਦਾ ਇੱਕ ਖਾਸ ਪਲ ਹੁੰਦਾ ਹੈ ਅਤੇ ਸੁਹਾਗਰਾਤ ਦਾ ਵੀ ਆਪਣਾ ਵਿਸ਼ੇਸ਼ ਮਹੱਤਵ ਹੁੰਦਾ ਹੈ। ਕਈ ਵਾਰ ਲਾੜੇ ਆਪਣੀ ਵਿਆਹ ਦੀ ਪਹਿਲੀ ਰਾਤ ਨੂੰ ਲੈ ਕੇ ਇੰਨੇ ਉਤਸ਼ਾਹਿਤ ਅਤੇ ਘਬਰਾਏ ਹੋਏ ਹੁੰਦੇ ਹਨ ਕਿ ਉਹ ਕੁਝ ਅਜਿਹੀਆਂ ਗਲਤੀਆਂ ਕਰ ਬੈਠਦੇ ਹਨ, ਜਿਨ੍ਹਾਂ ਕਾਰਨ ਇਹ ਖਾਸ ਪਲ ਖਰਾਬ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਕਿ ਕਿਹੜੀਆਂ ਗੱਲਾਂ ਦਾ ਧਿਆਨ ਰੱਖ ਕੇ ਤੁਸੀਂ ਆਪਣੀ ਸੁਹਾਗਰਾਤ ਨੂੰ ਹੋਰ ਸੁੰਦਰ ਅਤੇ ਯਾਦਗਾਰ ਬਣਾ ਸਕਦੇ ਹੋ।

ਜਲਦਬਾਜ਼ੀ ਤੋਂ ਬਚੋ

ਵਿਆਹ ਤੋਂ ਬਾਅਦ ਪਹਿਲੀ ਰਾਤ ਨੂੰ ਲੈ ਕੇ ਅਕਸਰ ਉਤਸ਼ਾਹ ਅਤੇ ਬੇਸਬਰੀ ਹੋਣਾ ਸੁਭਾਵਿਕ ਹੈ ਪਰ ਬਿਨਾਂ ਮਾਹੌਲ ਨੂੰ ਸਮਝੇ ਜਲਦਬਾਜ਼ੀ ਕਰਨ ਨਾਲ ਤੁਹਾਡਾ ਜੀਵਨਸਾਥੀ ਅਸਹਜ ਮਹਿਸੂਸ ਕਰ ਸਕਦਾ ਹੈ। ਇਸ ਲਈ ਧੀਰਜ ਅਤੇ ਸਮਝਦਾਰੀ ਨਾਲ ਕੰਮ ਲਓ ਅਤੇ ਆਪਣੇ ਸਾਥੀ ਨਾਲ ਆਰਾਮਦਾਇਕ ਅਤੇ ਭਰੋਸੇਮੰਦ ਮਾਹੌਲ ਬਣਾਉਣ ਦੀ ਕੋਸ਼ਿਸ਼ ਕਰੋ।

ਫ਼ਿਲਮਾਂ ਵਰਗੀਆਂ ਉਮੀਦਾਂ ਨਾ ਰੱਖੋ

ਕਈ ਲੋਕ ਫ਼ਿਲਮਾਂ ਵਿੱਚ ਦਿਖਾਈ ਜਾਣ ਵਾਲੀ ਪਰਫੈਕਟ ਅਤੇ ਰੋਮਾਂਟਿਕ ਸੁਹਾਗਰਾਤ ਦੀ ਕਲਪਨਾ ਕਰਦੇ ਹਨ। ਹਕੀਕਤ ਅਕਸਰ ਇਸ ਤੋਂ ਵੱਖਰੀ ਹੁੰਦੀ ਹੈ। ਇਸ ਲਈ ਬੇਲੋੜੀਆਂ ਉਮੀਦਾਂ ਨਾ ਰੱਖੋ ਅਤੇ ਆਪਣੇ ਜੀਵਨਸਾਥੀ ਨਾਲ ਖੁੱਲ੍ਹ ਕੇ ਗੱਲਬਾਤ ਕਰੋ ਤਾਂ ਜੋ ਦੋਵਾਂ ਵਿਚਕਾਰ ਸਮਝ ਅਤੇ ਭਰੋਸਾ ਹੋਰ ਮਜ਼ਬੂਤ ਹੋ ਸਕੇ।

ਆਪਣੇ ਉੱਤੇ ਦਬਾਅ ਨਾ ਬਣਾਓ

ਸੁਹਾਗਰਾਤ ਬਾਰੇ ਬਹੁਤ ਜ਼ਿਆਦਾ ਸੋਚਣਾ ਜਾਂ ਪਹਿਲਾਂ ਤੋਂ ਹੀ ਹਰ ਗੱਲ ਦੀ ਯੋਜਨਾ ਬਣਾਉਣਾ ਤੁਹਾਡੇ ਉੱਤੇ ਮਾਨਸਿਕ ਦਬਾਅ ਪਾ ਸਕਦਾ ਹੈ। ਕੋਸ਼ਿਸ਼ ਕਰੋ ਕਿ ਤੁਸੀਂ ਕੁਦਰਤੀ ਅਤੇ ਆਰਾਮਦਾਇਕ ਰਹੋ। ਜੇ ਸਭ ਕੁਝ ਤੁਹਾਡੀ ਸੋਚ ਮੁਤਾਬਕ ਨਾ ਵੀ ਹੋਵੇ, ਤਾਂ ਇਸ ਨੂੰ ਆਮ ਗੱਲ ਸਮਝੋ ਅਤੇ ਇਕੱਠੇ ਬਿਤਾਏ ਸਮੇਂ ਦਾ ਆਨੰਦ ਲਓ।

ਗੁੱਸੇ 'ਤੇ ਕਾਬੂ ਰੱਖੋ

ਵਿਆਹ ਸਮਾਗਮ ਦੌਰਾਨ ਛੋਟੀਆਂ-ਮੋਟੀਆਂ ਗੱਲਾਂ ਕਰਕੇ ਤਣਾਅ ਹੋ ਸਕਦਾ ਹੈ, ਪਰ ਉਸ ਗੁੱਸੇ ਦਾ ਅਸਰ ਆਪਣੇ ਜੀਵਨਸਾਥੀ 'ਤੇ ਨਹੀਂ ਪੈਣਾ ਚਾਹੀਦਾ। ਦਿਨ ਭਰ ਦੀ ਥਕਾਵਟ ਅਤੇ ਪਰੇਸ਼ਾਨੀਆਂ ਨੂੰ ਪਿੱਛੇ ਛੱਡੋ ਅਤੇ ਆਪਣੇ ਨਵੇਂ ਰਿਸ਼ਤੇ ਦੀ ਸ਼ੁਰੂਆਤ ਸਕਾਰਾਤਮਕ ਸੋਚ ਨਾਲ ਕਰੋ।

ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਆਪਣੇ ਜੀਵਨਸਾਥੀ ਨਾਲ ਖੁੱਲ੍ਹ ਕੇ ਗੱਲ ਕਰੋ। ਉਨ੍ਹਾਂ ਦੀਆਂ ਭਾਵਨਾਵਾਂ ਨੂੰ ਸਮਝੋ ਅਤੇ ਆਪਣੀਆਂ ਭਾਵਨਾਵਾਂ ਵੀ ਸਾਂਝੀਆਂ ਕਰੋ। ਇਸ ਦਿਨ ਸਿਰਫ਼ ਸਰੀਰਕ ਨੇੜਤਾ ਹੀ ਨਹੀਂ, ਸਗੋਂ ਇੱਕ ਮਜ਼ਬੂਤ ਭਾਵਨਾਤਮਕ ਰਿਸ਼ਤਾ ਬਣਾਉਣਾ ਵੀ ਉਤਨਾ ਹੀ ਜ਼ਰੂਰੀ ਹੈ।

ਸੁਹਾਗਰਾਤ ਨੂੰ ਲੈ ਕੇ ਘਬਰਾਹਟ ਜਾਂ ਉਲਝਣ ਹੋਣਾ ਬਿਲਕੁਲ ਆਮ ਗੱਲ ਹੈ। ਧੀਰਜ, ਸਮਝਦਾਰੀ ਅਤੇ ਆਪਸੀ ਗੱਲਬਾਤ ਨਾਲ ਤੁਸੀਂ ਇਸ ਖਾਸ ਪਲ ਨੂੰ ਹਮੇਸ਼ਾ ਲਈ ਯਾਦਗਾਰ ਬਣਾ ਸਕਦੇ ਹੋ। ਸਭ ਤੋਂ ਜ਼ਰੂਰੀ ਗੱਲ ਇਹ ਹੈ ਕਿ ਤੁਸੀਂ ਆਪਣੇ ਜੀਵਨਸਾਥੀ ਨੂੰ ਆਰਾਮਦਾਇਕ ਅਤੇ ਸੁਰੱਖਿਅਤ ਮਹਿਸੂਸ ਕਰਵਾਓ ਅਤੇ ਆਪਣੇ ਨਵੇਂ ਰਿਸ਼ਤੇ ਦੀ ਸ਼ੁਰੂਆਤ ਪਿਆਰ, ਸਤਿਕਾਰ ਅਤੇ ਭਰੋਸੇ ਨਾਲ ਕਰੋ।