Viral Video: ਸੋਸ਼ਲ ਮੀਡੀਆ 'ਤੇ ਡੈਸ਼ਕੈਮ ਦੀ ਇੱਕ ਫੁਟੇਜ ਵਾਇਰਲ ਹੋਈ ਹੈ, ਜਿਸ ਨੂੰ ਦੇਖ ਕੇ ਲੋਕਾਂ 'ਚ ਹਾਹਾਕਾਰ ਮੱਚ ਗਈ ਹੈ। ਹੋਇਆ ਇੰਝ ਕਿ ਜਦੋਂ ਦੋ ਟਰੱਕ ਪਹਾੜੀ ਸੜਕ ਤੋਂ ਲੰਘ ਰਹੇ ਸਨ ਤਾਂ ਇੱਕ ਵੱਡੀ ਚੱਟਾਨ ਚੱਲਦੀ ਗੱਡੀ 'ਤੇ ਆ ਡਿੱਗੀ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਟਰੱਕ ਚੱਟਾਨ ਨਾਲ ਟਕਰਾਉਂਦੇ ਹੀ ਟੋਟੇ-ਟੋਟੇ ਹੋ ਗਿਆ। ਹਾਲਾਂਕਿ ਇਸ ਭਿਆਨਕ ਹਾਸਦੇ ਤੋਂ ਸਾਰੇ ਲੋਕ ਚਮਤਕਾਰੀ ਢੰਗ ਨਾਲ ਬਚ ਗਏ। ਇਹ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਪੇਰੂ ਵਿੱਚ ਵਾਪਰੀ ਹੈ।
ਇੱਕ ਰਿਪੋਰਟ ਦੇ ਅਨੁਸਾਰ, ਦੋ ਵਪਾਰਕ ਟਰੱਕਾਂ ਦੇ ਡਰਾਈਵਰ ਹੁਆਨਚੋਰ, ਸੈਨ ਮਾਟੇਓ ਵਿੱਚ ਪਿਛਲੇ ਸ਼ਨੀਵਾਰ ਨੂੰ ਹੋਈ ਜ਼ਮੀਨ ਖਿਸਕਣ ਦੀ ਇਸ ਘਟਨਾ ਤੋਂ ਬਚ ਗਏ। ਹਾਲਾਂਕਿ ਸੈਂਟਰਲ ਹਾਈਵੇਅ ਦਾ ਇੱਕ ਹਿੱਸਾ ਪੂਰੀ ਤਰ੍ਹਾਂ ਤਬਾਹ ਹੋ ਗਿਆ। ਪੱਥਰ ਇੰਨਾ ਭਾਰਾ ਸੀ ਕਿ ਸੜਕ 'ਤੇ ਡੂੰਘਾ ਟੋਆ ਬਣ ਗਿਆ। ਇਨ੍ਹੀਂ ਦਿਨੀਂ ਸੈਨ ਮਾਤੇਓ ਵਿੱਚ ਭਾਰੀ ਮੀਂਹ ਪੈ ਰਿਹਾ ਹੈ। ਇਸ ਖੇਤਰ ਵਿੱਚ ਜ਼ਮੀਨ ਖਿਸਕਣਾ ਅਤੇ ਚੱਟਾਨਾਂ ਦਾ ਡਿੱਗਣਾ ਆਮ ਗੱਲ ਨਹੀਂ ਹੈ।
ਵਾਇਰਲ ਡੈਸ਼ਕੈਮ ਫੁਟੇਜ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਇੱਕ ਕਾਰ ਦੇ ਆਕਾਰ ਦਾ ਪੱਥਰ ਸਿੱਧਾ ਟਰੱਕ 'ਤੇ ਡਿੱਗਦਾ ਹੈ। ਇਸ ਤੋਂ ਬਾਅਦ ਟਰੱਕ ਦੇ ਪਹੀਏ ਉੱਡ ਜਾਂਦੇ ਹਨ ਅਤੇ ਗੱਡੀ ਹਵਾ ਵਿੱਚ ਉਛਲ ਜਾਂਦੀ ਹੈ। ਇਸ ਦੇ ਨਾਲ ਹੀ ਜਿਸ ਕਾਰ ਦੇ ਡੈਸ਼ਕੈਮ ਨੇ ਇਹ ਫੁਟੇਜ ਹਾਸਲ ਕੀਤੀ, ਉਹ ਵੀ ਬੱਚ ਗਈ ਹੈ।
ਘਟਨਾ ਤੋਂ ਬਾਅਦ ਤਸਵੀਰਾਂ 'ਚ ਵੱਖ-ਵੱਖ ਆਕਾਰ ਦੇ ਦਰਜਨਾਂ ਪੱਥਰ ਸੜਕ 'ਤੇ ਖਿੱਲਰੇ ਦਿਖਾਈ ਦੇ ਰਹੇ ਹਨ। ਦੋ ਟਰੱਕਾਂ ਦਾ ਮਲਬਾ ਵੀ ਦਿਖਾਈ ਦੇ ਰਿਹਾ ਹੈ, ਜਿਨ੍ਹਾਂ ਵਿੱਚੋਂ ਇੱਕ ਟਰੱਕ ਸੜਕ ਕਿਨਾਰੇ ਮੌਜੂਦ ਹੈ। ਪੇਰੂ ਦੇ ਆਊਟਲੈਟ ਲਾ ਰਿਪਬਲੀਕਾ ਨੇ ਦੱਸਿਆ ਕਿ ਸੜਕ ਨੂੰ ਸਾਫ਼ ਕਰਨ ਵਿੱਚ ਲਗਭਗ ਚਾਰ ਘੰਟੇ ਲੱਗ ਗਏ।
CNN ਚਿਲੀ ਅਤੇ ਲਾ ਰਿਪਬਲਿਕਾ ਦੀਆਂ ਰਿਪੋਰਟਾਂ ਦੇ ਅਨੁਸਾਰ, ਅਧਿਕਾਰੀਆਂ ਨੇ ਖੇਤਰ ਵਿੱਚ ਭਾਰੀ ਬਾਰਸ਼ ਨੂੰ ਜ਼ਮੀਨ ਖਿਸਕਣ ਦਾ ਕਾਰਨ ਦੱਸਿਆ ਹੈ। ਇੱਕ ਸਾਲ ਤੋਂ ਵੱਧ ਸਮਾਂ ਪਹਿਲਾਂ, ਦੇਸ਼ ਨੂੰ ਇੱਕ ਭਿਆਨਕ ਤ੍ਰਾਸਦੀ ਦਾ ਸਾਹਮਣਾ ਕਰਨਾ ਪਿਆ ਸੀ ਜਦੋਂ ਲਗਾਤਾਰ ਮੀਂਹ ਕਾਰਨ ਜ਼ਮੀਨ ਖਿਸਕਣ ਕਾਰਨ ਦਰਜਨਾਂ ਲੋਕ ਮਾਰੇ ਗਏ ਸਨ।
ਇਹ ਵੀ ਪੜ੍ਹੋ: Viral Video: ਨੌਕਰੀ ਛੱਡ ਕੇ ਖੁਸੀ ਨਾਲ ਸੜਕ 'ਤੇ ਨੱਚਣ ਲੱਗਾ ਵਿਅਕਤੀ, ਵੀਡੀਓ ਹੋਈ ਵਾਇਰਲ