Viral Video: ਕਿਸੇ ਜੰਗਲੀ ਜਾਨਵਰ ਦਾ ਸਾਹਮਣਾ ਕਰਨ ਦਾ ਮਤਲਬ ਆਪਣੀ ਜਾਨ ਨੂੰ ਖਤਰੇ ਵਿੱਚ ਪਾਉਣਾ ਹੈ ਅਤੇ ਜੇਕਰ ਉਹ ਜੰਗਲੀ ਜਾਨਵਰ ਸ਼ੇਰ ਜਾਂ ਬਾਘ ਹੈ ਤਾਂ ਉਸ ਤੋਂ ਬਚਣ ਦੀ ਸੰਭਾਵਨਾ ਬਹੁਤ ਘੱਟ ਹੈ ਕਿਉਂਕਿ ਇਹ ਜਾਨਵਰ ਧਰਤੀ ਦੇ ਸਭ ਤੋਂ ਖਤਰਨਾਕ ਜਾਨਵਰਾਂ ਵਿੱਚ ਗਿਣੇ ਜਾਂਦੇ ਹਨ। ਹਾਲਾਂਕਿ ਇਹ ਜਾਨਵਰ ਜੰਗਲਾਂ ਜਾਂ ਚਿੜੀਆਘਰਾਂ ਵਿੱਚ ਹੀ ਦੇਖੇ ਜਾਂਦੇ ਹਨ, ਪਰ ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਉਹ ਜੰਗਲਾਂ 'ਚੋਂ ਨਿਕਲ ਕੇ ਮਨੁੱਖੀ ਖੇਤਰਾਂ 'ਚ ਆ ਕੇ ਤਬਾਹੀ ਮਚਾਉਂਦੇ ਹਨ ਪਰ ਕੀ ਤੁਸੀਂ ਕਦੇ ਮਨੁੱਖ ਨੂੰ ਰਿੰਗ 'ਚ ਖੂੰਖਾਰ ਸ਼ੇਰ ਨਾਲ ਲੜਦੇ ਦੇਖਿਆ ਹੈ? ਜੀ ਹਾਂ, ਸੋਸ਼ਲ ਮੀਡੀਆ 'ਤੇ ਇਨ੍ਹੀਂ ਦਿਨੀਂ ਇੱਕ ਅਜਿਹਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੇ ਨਾ ਸਿਰਫ ਲੋਕਾਂ ਨੂੰ ਪਰੇਸ਼ਾਨ ਕੀਤਾ ਹੈ, ਸਗੋਂ ਉਨ੍ਹਾਂ ਨੂੰ ਹੈਰਾਨ ਵੀ ਕੀਤਾ ਹੈ।
ਆਮਤੌਰ 'ਤੇ ਰਿੰਗ 'ਚ ਪਹਿਲਵਾਨਾਂ ਦੀ ਲੜਾਈ ਦੇਖਣ ਨੂੰ ਮਿਲਦੀ ਹੈ ਪਰ ਇਸ ਵੀਡੀਓ 'ਚ ਇੱਕ ਇਨਸਾਨ ਅਤੇ 'ਜੰਗਲ ਦੇ ਬਾਦਸ਼ਾਹ' ਦੀ ਲੜਾਈ ਨਜ਼ਰ ਆ ਰਹੀ ਹੈ। ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਕਿਵੇਂ ਸ਼ੇਰ ਵੀ ਇਨਸਾਨ ਦੀ ਤਰ੍ਹਾਂ ਵਿਅਕਤੀ ਨਾਲ ਲੜ ਰਿਹਾ ਹੈ। ਕਦੇ ਸ਼ੇਰ ਉਸ ਨੂੰ ਪਛਾੜ ਦਿੰਦਾ ਹੈ ਤੇ ਕਦੇ ਉਹ ਸ਼ੇਰ ਨੂੰ ਪਛਾੜਦਾ ਜਾਪਦਾ ਹੈ। ਇੱਕ ਸਮਾਂ ਅਜਿਹਾ ਆਉਂਦਾ ਹੈ ਜਦੋਂ ਉਹ ਸ਼ੇਰ ਨੂੰ ਚੁੱਕ ਕੇ ਹੇਠਾਂ ਸੁੱਟ ਦਿੰਦਾ ਹੈ ਪਰ ਸ਼ੇਰ ਵੀ ਹਾਰ ਨਹੀਂ ਮੰਨ ਰਿਹਾ ਸੀ। ਉਹ ਤੁਰੰਤ ਖੜ੍ਹਾ ਹੋ ਜਾਂਦਾ ਹੈ ਅਤੇ ਦੁਬਾਰਾ ਉਸ ਦਾ ਸਾਹਮਣਾ ਕਰਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਵੀਡੀਓ 1930 ਦਾ ਹੈ। ਹਾਲਾਂਕਿ, ਏਬੀਪੀ ਸਾਂਝਾ ਇਹ ਪੁਸ਼ਟੀ ਨਹੀਂ ਕਰਦਾ ਹੈ ਕਿ ਇਹ ਵੀਡੀਓ ਸੱਚ ਹੈ ਜਾਂ ਸੰਪਾਦਿਤ ਕੀਤਾ ਗਿਆ ਹੈ।
ਇਸ ਖਤਰਨਾਕ ਲੜਾਈ ਦੀ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ @historyinmemes ਨਾਮ ਦੀ ਆਈਡੀ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਇੱਕ ਮਿੰਟ 9 ਸੈਕਿੰਡ ਦੇ ਇਸ ਵੀਡੀਓ ਨੂੰ ਹੁਣ ਤੱਕ 13 ਮਿਲੀਅਨ ਜਾਂ 1.3 ਕਰੋੜ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦੋਂ ਕਿ ਇਸ ਵੀਡੀਓ ਨੂੰ 83 ਹਜ਼ਾਰ ਤੋਂ ਵੱਧ ਲੋਕ ਪਸੰਦ ਵੀ ਕਰ ਚੁੱਕੇ ਹਨ।
ਇਹ ਵੀ ਪੜ੍ਹੋ: Viral News: ਵਿਲੱਖਣ ਮਾਮਲਾ! ਔਰਤ ਨੇ ਦੋ ਦਿਨਾਂ 'ਚ ਦਿੱਤਾ ਦੋ ਬੱਚਿਆਂ ਨੂੰ ਜਨਮ, ਡਾਕਟਰ ਵੀ ਰਹਿ ਗਏ ਹੈਰਾਨ
ਇਸ ਦੇ ਨਾਲ ਹੀ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਨੇ ਤਰ੍ਹਾਂ-ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਜ਼ਿਆਦਾਤਰ ਯੂਜ਼ਰਸ ਸਿਰਫ ਇਹੀ ਕਹਿ ਰਹੇ ਹਨ ਕਿ 'ਸ਼ੇਰ ਤਾਂ ਉਸ ਨਾਲ ਖੇਡ ਰਿਹਾ ਹੈ, ਕਿਉਂਕਿ ਜੇਕਰ ਉਹ ਉਸ ਨਾਲ ਲੜ ਰਿਹਾ ਹੁੰਦਾ ਤਾਂ ਉਹ ਆਪਣੀ ਤਾਕਤ ਨਾਲ ਉਸ ਨੂੰ ਪਲਾਂ ਵਿੱਚ ਹਰਾ ਦਿੰਦਾ।'
ਇਹ ਵੀ ਪੜ੍ਹੋ: Viral News: ਪ੍ਰੀਖਿਆ 'ਚ ਪੁੱਛੀ ਗਈ ਭਾਰਤ-ਪਾਕਿਸਤਾਨ ਸਰਹੱਦ ਦੀ ਲੰਬਾਈ, ਵਿਦਿਆਰਥੀ ਨੇ ਲਿਖਿਆ…