Viral Video: ਕਈ ਵਾਰ ਛੋਟੀ ਜਿਹੀ ਗਲਤੀ ਕਰਨ ਦੇ ਵੀ ਗੰਭੀਰ ਨਤੀਜੇ ਭੁਗਤਣੇ ਪੈਂਦੇ ਹਨ। ਤੁਸੀਂ ਸੋਸ਼ਲ ਮੀਡੀਆ 'ਤੇ ਅਜਿਹੇ ਕਈ ਵੀਡੀਓ ਦੇਖੇ ਹੋਣਗੇ, ਜਿਨ੍ਹਾਂ 'ਚ ਲੋਕਾਂ ਵਲੋਂ ਕੀਤੀ ਗਈ ਛੋਟੀ ਜਿਹੀ ਗਲਤੀ ਨੇ ਉਨ੍ਹਾਂ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰ ਦਿੱਤਾ। ਕਈ ਵਾਰ ਇਨ੍ਹਾਂ ਗਲਤੀਆਂ ਕਾਰਨ ਮਾਮਲਾ ਜਾਨਲੇਵਾ ਵੀ ਹੋ ਜਾਂਦਾ ਹੈ। ਇਨ੍ਹੀਂ ਦਿਨੀਂ ਇੱਕ ਅਜਿਹਾ ਵੀਡੀਓ ਇੰਟਰਨੈੱਟ 'ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖਣ ਤੋਂ ਬਾਅਦ ਤੁਹਾਡੇ ਰੌਂਗਟੇ ਖੱੜ੍ਹੇ ਹੋ ਜਾਣਗੇ।
ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਇੱਕ ਵਿਅਕਤੀ ਸਿਗਰਟ ਪੀ ਰਿਹਾ ਹੈ। ਜਦੋਂ ਉਹ ਸਿਗਰਟ ਪੀ ਲੈਂਦਾ ਹੈ ਤਾਂ ਉਹ ਇੱਕ ਛੋਟੇ ਜਿਹੇ ਟੋਏ ਵੱਲ ਤੁਰ ਪੈਂਦਾ ਹੈ। ਵਿਅਕਤੀ ਸੋਚਦਾ ਹੈ ਕਿ ਇਹ ਕੋਈ ਮਾਮੂਲੀ ਟੋਆ ਹੈ, ਜਿਸ ਵਿੱਚ ਉਹ ਸਿਗਰੇਟ ਸੁੱਟ ਸਕਦਾ ਹੈ। ਪਰ, ਉਸ ਨੂੰ ਇਹ ਨਹੀਂ ਪਤਾ ਸੀ ਕਿ ਜਿਸ ਟੋਏ ਵਿੱਚ ਉਹ ਮਾਮੂਲੀ ਸਮਝ ਕੇ ਸਿਗਰਟ ਸੁੱਟਣ ਦੀ ਯੋਜਨਾ ਬਣਾ ਰਿਹਾ ਸੀ, ਉਹ ਟੋਆ ਕਿੰਨਾ ਖਤਰਨਾਕ ਹੈ।
ਵਿਅਕਤੀ ਬਿਨਾਂ ਕੁਝ ਸੋਚੇ ਬਲਦੀ ਸਿਗਰਟ ਨੂੰ ਸਿੱਧਾ ਟੋਏ ਵਿੱਚ ਸੁੱਟ ਦਿੰਦਾ ਹੈ। ਜਿਵੇਂ ਹੀ ਸਿਗਰਟ ਟੋਏ ਵਿੱਚ ਜਾਂਦੀ ਹੈ, ਉਸੇ ਵੇਲੇ ਇੱਕ ਜ਼ੋਰਦਾਰ ਧਮਾਕਾ ਹੁੰਦਾ ਹੈ। ਇਸ ਧਮਾਕੇ ਕਾਰਨ ਨਾ ਸਿਰਫ ਵਿਅਕਤੀ ਮੂੰਹ ਦੇ ਭਾਰ ਡਿੱਗਦਾ ਹੈ, ਸਗੋਂ ਚੰਗੀ ਜ਼ਮੀਨ ਵੀ ਪਾਟ ਜਾਂਦੀ ਹੈ। ਇਸ ਧਮਾਕੇ ਤੋਂ ਬਾਅਦ ਕੁਝ ਦੇਰ ਤੱਕ ਹਰ ਪਾਸੇ ਧੂੰਆਂ ਹੀ ਛਾ ਗਿਆ ਅਤੇ ਆਸਪਾਸ ਮੌਜੂਦ ਲੋਕ ਇਧਰ-ਉਧਰ ਭੱਜਦੇ ਨਜ਼ਰ ਆਏ। ਟੋਏ ਵਿੱਚ ਸਿਗਰਟ ਸੁੱਟਣ ਵਾਲੇ ਵਿਅਕਤੀ ਨੂੰ ਵੀ ਗੰਭੀਰ ਸੱਟਾਂ ਲੱਗੀਆਂ। ਅਸਲ ਵਿੱਚ ਜਿਸ ਟੋਏ ਨੂੰ ਵਿਅਕਤੀ ਨੇ ਆਮ ਸਮਝ ਕੇ ਗਲਤੀ ਕੀਤੀ ਸੀ, ਅਸਲ ਵਿੱਚ ਉਸ ਦੇ ਅੰਦਰ ਸੀਵਰੇਜ ਸੀ।
ਇਹ ਵੀ ਪੜ੍ਹੋ: Viral Video: ਮਗਰਮੱਛ ਦੇ ਮੂੰਹ 'ਚ ਪਾਇਆ ਪੰਜਾ, ਕੱਢ ਲਿਆ ਭੋਜਨ! ਬਿੱਲੀ ਦੀ ਬਹਾਦਰੀ ਦੇਖ ਤੁਸੀਂ ਹੈਰਾਨ ਰਹਿ ਜਾਓਗੇ
ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਵਿਅਕਤੀ ਆਪਣੇ ਸ਼ਰੀਰ ਨੂੰ ਖਿੱਚ ਕੇ ਉਸ ਜਗ੍ਹਾ ਤੋਂ ਬਾਹਰ ਨਿਕਲਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਧਮਾਕੇ ਕਾਰਨ ਉਸ ਦਾ ਸਰੀਰ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ ਹੈ ਅਤੇ ਉਹ ਠੀਕ ਤਰ੍ਹਾਂ ਉੱਠ ਵੀ ਨਹੀਂ ਪਾ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸੀਵਰੇਜ ਵਿੱਚੋਂ ਮੀਥੇਨ ਗੈਸ ਨਿਕਲਦੀ ਹੈ, ਜੋ ਜਲਣਸ਼ੀਲ ਹੁੰਦੀ ਹੈ। ਇਸ ਕਾਰਨ ਇਹ ਧਮਾਕਾ ਹੋਇਆ, ਕਿਉਂਕਿ ਉਕਤ ਵਿਅਕਤੀ ਨੇ ਬਲਦੀ ਸਿਗਰਟ ਨੂੰ ਸੀਵਰੇਜ 'ਚ ਪਾ ਦਿੱਤਾ ਸੀ।
ਇਹ ਵੀ ਪੜ੍ਹੋ: Shocking News: ਏਅਰਪੋਰਟ 'ਤੇ ਹੋਈ ਚੈਕਿੰਗ, ਵਿਅਕਤੀ ਦੇ ਅੰਡਰਵੀਅਰ 'ਚੋਂ ਨਿਕਲਣ ਲੱਗੇ ਸੱਪ! ਹੈਰਾਨ ਹੋ ਗਏ ਅਧਿਕਾਰੀ...