ਮੱਧ ਪ੍ਰਦੇਸ਼: ਮੱਧ ਪ੍ਰਦੇਸ਼ ਦੇ ਪੰਨਾ ਦੇ ਇੱਕ ਮਜ਼ਦੂਰ ਦੀ ਇੱਛਾ ਪੂਰੀ ਹੋ ਗਈ ਜਦੋਂ ਉਸ ਨੂੰ ਇੱਕ ਕੀਮਤੀ ਹੀਰਾ ਮਿਲਿਆ। ਕ੍ਰਿਸ਼ਨਾ ਕਲਿਆਣਪੁਰ ਵਿੱਚ ਸੋਮਵਾਰ ਨੂੰ ਇੱਕ ਮਜ਼ਦੂਰ ਨੂੰ 13 ਕੈਰੇਟ ਦਾ ਇੱਕ ਵੱਡਾ ਹੀਰਾ ਮਿਲਿਆ। ਇਸ ਦੀ ਕੀਮਤ ਕਰੀਬ 60 ਲੱਖ ਰੁਪਏ ਦੱਸੀ ਜਾ ਰਹੀ ਹੈ।
ਇਹ ਹੀਰਾ ਮਿਲਣ ਤੋਂ ਬਾਅਦ ਮਜ਼ਦੂਰ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ। ਇੰਨਾ ਹੀ ਨਹੀਂ ਅੱਜ ਛੇ ਹੋਰ ਹੀਰੇ ਮਿਲੇ ਹਨ। ਇਸ ਤਰ੍ਹਾਂ ਬੀਤਾ ਦਿਨ ਪੰਨਾ ਦੇ ਮਜ਼ਦੂਰਾਂ ਲਈ ਡਾਇਮੰਡ ਡੇ ਸਾਬਤ ਹੋਇਆ। ਅਸਲ ਵਿੱਚ, ਪੰਨੇ ਦੀ ਧਰਤੀ ਹਮੇਸ਼ਾ ਸੁੰਦਰ ਹੀਰੇ ਉਗਾਉਂਦੀ ਹੈ। ਇੱਥੇ ਪੂਰੀ ਦੁਨੀਆ ਵਿੱਚ ਸੁੰਦਰ ਵਧੀਆ ਕੁਆਲਿਟੀ ਦੇ ਹੀਰੇ ਪਾਏ ਜਾਂਦੇ ਹਨ।
ਆਦਿਵਾਸੀ ਕਿਸਾਨ ਮੁਲਾਇਮ ਸਿੰਘ ਨੂੰ ਸੋਮਵਾਰ ਨੂੰ 13 ਕੈਰੇਟ ਦਾ ਹੀਰਾ ਮਿਲਿਆ। ਇਹ ਦੇਖ ਕੇ ਉਸ ਦੀਆਂ ਅੱਖਾਂ ਫੱਟ ਗਈਆਂ। ਹੁਣ ਉਸ ਦੀ ਖੁਸ਼ੀ ਦੀ ਕੋਈ ਹੱਦ ਨਹੀਂ ਰਹੀ। ਉਸ ਦਾ ਕਹਿਣਾ ਹੈ ਕਿ ਮੈਂ ਇਸ ਹੀਰੇ ਤੋਂ ਮਿਲੇ ਪੈਸਿਆਂ ਨਾਲ ਬੱਚੇ ਨੂੰ ਪੜ੍ਹਾਵਾਂਗਾ।
ਮੁਲਾਇਮ ਸਿੰਘ ਵੱਲੋਂ ਲੱਭੇ ਗਏ ਹੀਰੇ ਬਾਰੇ ਹੀਰੇ ਦੇ ਮਾਹਰ ਅਨੁਪਮ ਸਿੰਘ ਦਾ ਕਹਿਣਾ ਹੈ ਕਿ ਇਹ ਸਭ ਤੋਂ ਵਧੀਆ ਕੁਆਲਿਟੀ ਦਾ ਹੀਰਾ ਹੈ, ਜਿਸ ਨੂੰ ਆਉਣ ਵਾਲੀ ਨਿਲਾਮੀ ਵਿੱਚ ਰੱਖਿਆ ਜਾਵੇਗਾ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਅੱਜ ਮਿਲੇ ਹੀਰਿਆਂ ਦੀ ਕੀਮਤ ਲੱਖਾਂ ਰੁਪਏ ਹੈ, ਇਹ ਹੀਰੇ 13.54 ਕੈਰੇਟ, 6 ਕੈਰੇਟ, 4 ਕੈਰੇਟ, 43 ਸੈਂਟ, 37 ਕੈਰੇਟ ਤੇ 74 ਸੈਂਟ ਦੇ ਹਨ, ਜਿਨ੍ਹਾਂ ਦੀ ਕੀਮਤ ਇੱਕ ਕਰੋੜ ਦੇ ਕਰੀਬ ਵੀ ਹੋ ਸਕਦੀ ਹੈ।
ਹੀਰਿਆਂ ਦੇ ਮਾਹਰ ਅਨੁਪਮ ਸਿੰਘ ਨੇ ਕਿਹਾ ਕਿ ਇਨ੍ਹਾਂ ਦੀ ਅਸਲ ਕੀਮਤ ਤਾਂ ਨਿਲਾਮੀ ਸਮੇਂ ਹੀ ਪਤਾ ਲੱਗੇਗੀ ਪਰ ਜਿਸ ਤਰ੍ਹਾਂ ਹੀਰੇ ਮਿਲੇ ਹਨ, ਉਸ ਤੋਂ ਗਰੀਬ ਲੋਕ ਖੁਸ਼ ਹਨ ਕਿਉਂਕਿ ਇਸ ਨਾਲ ਉਨ੍ਹਾਂ ਦਾ ਭਵਿੱਖ ਬਦਲ ਸਕਦਾ ਹੈ।
ਇਹ ਵੀ ਪੜ੍ਹੋ: Punjab Election 2022: ਕੈਪਟਨ ਅਮਰਿੰਦਰ ਦੀ ਕੇਂਦਰੀ ਮੰਤਰੀ ਨਾਲ ਮੁਲਾਕਾਤ, ਬੀਜੇਪੀ ਨਾਲ ਸੀਟਾਂ 'ਤੇ ਹੋ ਸਕਦੀ ਸਹਿਮਤੀ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/