ਵਾਸ਼ਿੰਗਟਨ: ਅਮਰੀਕਾ 'ਚ ਇਕ ਅਜਿਹੀ ਘਟਨਾ ਵਾਪਰੀ ਹੈ ਜੋ ਸ਼ਾਇਦ ਕਿਸੇ ਹਾਲੀਵੁੱਡ ਫ਼ਿਲਮ ਦੇ ਸੀਨ ਤੋਂ ਘੱਟ ਨਹੀਂ ਹੋਵੇਗੀ। ਫਲੋਰੀਡਾ ਵਿੱਚ ਅਸਮਾਨ 'ਚ ਉੱਡ ਰਹੇ ਜਹਾਜ਼ ਦੇ ਪਾਇਲਟ ਦੀ ਸਿਹਤ ਅਚਾਨਕ ਵਿਗੜ ਜਾਣ ਕਾਰਨ ਜਹਾਜ਼ ਨੂੰ ਇੱਕ ਅਜਿਹੇ ਯਾਤਰੀ ਨੇ 70 ਮੀਲ ਤੱਕ ਉਡਾਇਆ, ਜਿਸ ਨੂੰ ਜਹਾਜ਼ ਉਡਾਉਣ ਦੀ ABC ਵੀ ਨਹੀਂ ਆਉਂਦੀ ਸੀ।

ਇੰਨਾ ਹੀ ਨਹੀਂ ਇਸ ਯਾਤਰੀ ਨੇ ਏਅਰ ਟਰੈਫਿਕ ਕੰਟਰੋਲਰ (ATC) ਦੇ ਦਿਸ਼ਾ-ਨਿਰਦੇਸ਼ਾਂ ਨੂੰ ਫਾਲੋ ਕਰਦੇ ਹੋਏ ਜਹਾਜ਼ ਨੂੰ ਸੁਰੱਖਿਅਤ ਲੈਂਡ ਵੀ ਕਰਾ ਦਿੱਤਾ।ਪਾਇਲਟ ਬਣਨ ਵਾਲੇ ਯਾਤਰੀ ਦੀ ਪਛਾਣ ਗੁਪਤ ਰੱਖੀ ਗਈ ਹੈ। ਘਟਨਾ ਮੰਗਲਵਾਰ ਦੀ ਹੈ। ਇੱਕ 14 ਸੀਟਰ ਸੇਸਾਨਾ ਕਾਰਾਵੈਨ ਜਹਾਜ਼ ਫਲੋਰੀਡਾ ਦੇ ਪਾਮ ਵਿੱਚ ਕੌਮਾਂਤਰੀ ਏਅਰਪੋਰਟ ਤੋਂ ਜਦੋਂ ਤਕਰੀਬਨ 70 ਮੀਲ ਉੱਤਰ ਦਿਸ਼ਾ ਵਲ ਸੀ ਤਾਂ ਅਚਾਨਕ ਪਾਇਲਟ ਦੀ ਸਿਹਤ ਖ਼ਰਾਬ ਹੋ ਗਈ ਅਤੇ ਉਹ ਬੇਹੋਸ਼ ਹੋ ਗਿਆ। ਜਹਾਜ਼ ਦੇ ਇੱਕ ਯਾਤਰੀ ਨੇ ਇਸ ਦੀ ਜਾਣਕਾਰੀ ਏਅਰ ਟਰੈਫਿਕ ਕੰਟਰੋਲਰ ਨੂੰ ਦਿੱਤੀ।

ਯਾਤਰੀ ਅਤੇ ATC ਦੇ ਵਿੱਚ ਦਾ ਵਾਇਰਲੈਸ ਆਡੀਓ ਸਾਹਮਣੇ ਆਇਆ ਹੈ। ਇਸ ਆਡੀਓ ਵਿੱਚ ਯਾਤਰੀ ਰੇਡੀਓ 'ਤੇ ਆਖ਼ ਰਿਹਾ ਹੈ, ਮੈਂ ਇੱਥੇ ਇਕ ਗੰਭੀਰ ਹਾਲਤ ਵਿੱਚ ਹਾਂ। ਮੇਰਾ ਪਾਇਲਟ ਬੇਹੋਸ਼ ਹੋ ਗਿਆ ਹੈ। ਇਸ ਤੋਂ ਬਾਅਦ ATC ਨੇ ਜਦੋਂ ਉਸ ਤੋਂ ਜਹਾਜ਼ ਉਡਾਉਣ ਬਾਰੇ ਪੁੱਛਿਆ ਤਾਂ ਉਸ ਨੇ ਕਿਹਾ ਕਿ ਉਸਨੇ ਕਦੇ ਜਹਾਜ਼ ਉਡਾਉਣਾ ਤਾਂ ਦੂਰ ਕਾਕਪਿਟ ਵਿੱਚ ਵੀ ਨਹੀਂ ਦੇਖਿਆ, ਪਰ ਉਸਨੇ ਕਿਹਾ ਕਿ ਫਲੋਰੀਡਾ ਦਾ ਸਮੁੰਦਰੀ ਤਟ ਮੈਨੂੰ ਸਾਹਮਣੇ ਵਿੱਖ ਰਿਹਾ ਹੈ।

ਇਸਦੇ ਬਾਵਜੂਦ ATC ਨੇ ਉਸਨੂੰ ਜਹਾਜ਼ ਦਾ ਸਟੇਇਰਿੰਗ ਸੰਭਾਲਣ ਨੂੰ ਕਿਹਾ ਅਤੇ ਇੱਕ ਮਾਹਰ ਨੂੰ ਉਸਦਾ ਫਲਾਇਟ ਇੰਸਟਰਕਟਰ ਬਣਾ ਦਿੱਤਾ ਗਿਆ। ਫਲਾਇਟ ਇੰਸਟਰਕਟਰ ਨੇ ਯਾਤਰੀ ਨੂੰ ਵਿੰਗਸ ਲੇਵਲ ਨੂੰ ਬੈਲੇਂਸ ਰੱਖਣ ਦੀ ਜਾਣਕਾਰੀ ਜ਼ੁਬਾਨੀ ਦਿੱਤੀ ਅਤੇ ਉਸ ਨੂੰ ਸਮੁੰਦਰ ਦੇ ਕੰਡੇ ਨੂੰ ਫਾਲੋ ਕਰਦੇ ਹੋਏ ਉਦੋਂ ਤੱਕ ਉਡ਼ਾਨ ਭਰਦੇ ਰਹਿਣ ਲਈ ਕਿਹਾ, ਜਦੋਂ ਤੱਕ ATC ਉਸਨੂੰ ਲੱਭ ਨਹੀਂ ਲੈਂਦਾ। ਉਸਨੂੰ ਪਾਮ ਵਿੱਚ ਏਅਰਪੋਰਟ ਤੋਂ ਕਰੀਬ 25 ਮੀਲ ਪਹਿਲਾਂ ਸਪਾਟ ਕੀਤਾ ਗਿਆ। ਇਸ ਤੋਂ ਬਾਅਦ ਉਸ ਨੂੰ ਲੈਂਡਿੰਗ ਦੇ ਤਰੀਕੇ ਦੀ ਜਾਣਕਾਰੀ ਦਿੱਤੀ ਗਈ।

ਪਾਮ ਵਿੱਚ ਏਅਰਪੋਰਟ 'ਤੇ ਜਹਾਜ਼ ਦੀ ਲੈਂਡਿੰਗ ਲਈ ATC ਨੇ ਬਾਕੀ ਪਲੇਂਸ ਜਹਾਜ਼ਾਂ ਨੂੰ ਅਸਮਾਨ 'ਚ ਉਚਾਈ ਉੱਤੇ ਹੀ ਰੋਕ ਦਿੱਤਾ। ਬਾਅਦ 'ਚ ਜਦੋਂ ਇੱਕ ਜਹਾਜ਼ ਦੇ ਪਾਇਲਟ ਨੇ ਇਸਦਾ ਕਾਰਨ ਪੁੱਛਿਆ ਤਾਂ ਕੰਟਰੋਲਰ ਨੇ ਉਸਨੂੰ ਕਿਹਾ, ਤੁਸੀਂ ਹੁਣੇ ਕੁੱਝ ਮੁਸਾਫਰਾਂ ਨੂੰ ਇੱਕ ਜਹਾਜ਼ ਲੈਂਡ ਕਰਵਾਉਂਦੇ ਹੋਏ ਵੋਖੋਗੇ। ਇਹ ਸੁਣਕੇ ਉਸ ਪਾਇਲਟ ਦੇ ਮੂੰਹ 'ਚੋਂ ਨਿਕਲਿਆ, ਓਹ ਮਾਈ ਗਾਡ, ਗਰੇਟ ਜਾਬ. . . ਇਹ ਆਡੀਓ ਵੀ ਵਾਇਰਲ ਹੋ ਰਹੀ ਹੈ।