Trending News : ਰਤਨ ਟਾਟਾ, ਟਾਟਾ ਗਰੁੱਪ ਦੇ ਆਨਰੇਰੀ ਚੇਅਰਮੈਨ, ਬਿਨਾਂ ਸ਼ੱਕ ਭਾਰਤ ਦੇ ਸਭ ਤੋਂ ਮਸ਼ਹੂਰ ਉਦਯੋਗਪਤੀਆਂ ਵਿੱਚੋਂ ਇੱਕ ਹਨ। ਹਾਲ ਹੀ 'ਚ ਉਨ੍ਹਾਂ ਨੇ ਇਕ ਵਾਰ ਫਿਰ ਟਾਟਾ ਨੈਨੋ 'ਚ ਤਾਜ ਹੋਟਲ ਪਹੁੰਚ ਕੇ ਇੰਟਰਨੈੱਟ 'ਤੇ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ। ਟਾਟਾ ਦੀ ਨੈਨੋ ਕਾਰ ਨੂੰ ਗਰੀਬਾਂ ਦੀ ਕਾਰ ਕਿਹਾ ਜਾਂਦਾ ਹੈ। ਜਿਸ ਨੂੰ ਸਾਲ 2008 ਵਿੱਚ ਲਾਂਚ ਕੀਤਾ ਗਿਆ ਸੀ ਤੇ ਇਸ ਕਾਰ ਨੇ ਭਾਰਤ ਵਿੱਚ ਬਹੁਤ ਸਾਰੇ ਮੱਧ ਵਰਗ ਪਰਿਵਾਰਾਂ ਦੇ ਕਾਰ ਦੇ ਸੁਪਨੇ ਪੂਰੇ ਕੀਤੇ ਸਨ।
ਫਿਲਹਾਲ ਰਤਨ ਟਾਟਾ ਨੂੰ ਤਾਜ ਹੋਟਲ 'ਚ ਸਫੇਦ ਰੰਗ ਦੀ ਨੈਨੋ ਕਾਰ 'ਚ ਦੇਖਿਆ ਗਿਆ ਹੈ। ਜਿਸ ਦੌਰਾਨ ਉਨ੍ਹਾਂ ਨਾਲ ਕੋਈ ਸੁਰੱਖਿਆ ਤੇ ਬਾਡੀ ਗਾਰਡ ਵੀ ਨਜ਼ਰ ਨਹੀਂ ਆਇਆ। ਉਸ ਦੀ ਸਾਦਗੀ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਹੈ। ਉਨ੍ਹਾਂ ਦੀ ਇਹ ਵੀਡੀਓ ਮੁੰਬਈ ਦੇ ਮਸ਼ਹੂਰ ਫੋਟੋਗ੍ਰਾਫਰ ਵਿਰਲ ਭਯਾਨੀ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤੀ ਹੈ। ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ 'ਚ ਲਿਖਿਆ ਹੈ ਕਿ ਅੱਜ ਸਾਡੇ ਬਾਬਾ ਖਾਨ ਨੇ ਤਾਜ ਹੋਟਲ ਦੇ ਪ੍ਰਵੇਸ਼ ਦੁਆਰ 'ਤੇ ਲੀਜੈਂਡ ਨੂੰ ਦੇਖਿਆ ਬਾਬਾ ਕਹਿੰਦਾ ਹੈ ਕਿ ਉਹ ਉਨ੍ਹਾਂ ਦੀ ਸਾਦਗੀ ਤੋਂ ਹੈਰਾਨ ਰਹਿ ਗਏ ਕਿਉਂਕਿ ਉਨ੍ਹਾਂ ਕੋਲ ਕੋਈ ਬਾਡੀ ਗਾਰਡ ਨਹੀਂ ਸੀ।
ਸਿਰਫ ਹੋਟਲ ਦਾ ਸਟਾਫ ਸੀ ਵੀਡੀਓ ਨੂੰ 1 ਲੱਖ 33 ਹਜ਼ਾਰ ਤੋਂ ਵੱਧ ਲਾਈਕਸ ਨਾਲ ਲੱਖਾਂ ਵਿਊਜ਼ ਮਿਲ ਚੁੱਕੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਕੁਝ ਦਿਨ ਪਹਿਲਾਂ ਹੀ ਰਤਨ ਟਾਟਾ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ 'ਤੇ ਨੋਟ ਲਿਖਿਆ ਸੀ ਕਿ ਉਨ੍ਹਾਂ ਲਈ ਟਾਟਾ ਨੈਨੋ ਦਾ ਕੀ ਮਤਲਬ ਹੈ। ਇੱਕ ਛੂਹਣ ਵਾਲੀ ਅਤੇ ਵਿਸਤ੍ਰਿਤ ਕੈਪਸ਼ਨ ਵਿੱਚ, ਉਨ੍ਹਾਂ ਨੇ ਕਿਹਾ ਕਿ ਨੈਨੋ ਕਾਰ ਹਮੇਸ਼ਾ ਸਾਡੇ ਸਾਰੇ ਲੋਕਾਂ ਲਈ ਸੀ। ਇਸ ਦੌਰਾਨ ਉਨ੍ਹਾਂ ਨੇ ਨੈਨੋ ਦੀ ਲਾਂਚਿੰਗ ਦੀ ਇੱਕ ਤਸਵੀਰ ਵੀ ਸਾਂਝੀ ਕੀਤੀ।