ਨਜਾਇਜ਼ ਸਬੰਧਾਂ ਦੇ ਮਾਮਲੇ ਤੇਜੀ ਨਾਲ ਵੱਧ ਰਹੇ ਹਨ। ਕਿਤੇ ਨਾ ਕਿਤੇ ਸੋਸ਼ਲ ਮੀਡੀਆ ਨੂੰ ਵੀ ਇਸਦਾ ਦੋਸ਼ੀ ਠਹਿਰਾਇਆ ਜਾ ਸਕਦਾ ਹੈ। ਅਜਿਹਾ ਹੀ ਇਕ ਮਾਮਲਾ ਛੱਤੀਸਗੜ੍ਹ ਤੋਂ ਸਾਹਮਣੇ ਆਇਆ ਹੈ ਜਿਥੇ ਪਤੀ ਦੇ ਨਾਲ ਨਾ ਰਹਿਣ ਦੇ ਬਾਵਜੂਦ ਪਤਨੀ ਨੇ 8 ਤੋਂ 12 ਵਾਰ ਗਰਭਪਾਤ ਕਰਵਾਇਆ। ਹਾਈ ਕੋਰਟ ਨੇ ਇਸ ਨੂੰ ਤਲਾਕ ਦਾ ਆਧਾਰ ਮੰਨਿਆ ਹੈ। ਅਦਾਲਤ ਨੇ ਪਤੀ ਦੀ ਪਟੀਸ਼ਨ ਨੂੰ ਸਵੀਕਾਰ ਕਰ ਲਿਆ ਅਤੇ ਤਲਾਕ ਦੇ ਦਿੱਤਾ ਕਿਉਂਕਿ ਪਤੀ-ਪਤਨੀ ਵਿਚਕਾਰ ਸੁਲ੍ਹਾ-ਸਫਾਈ ਦਾ ਰਾਹ ਬੰਦ ਹੋ ਗਿਆ ਸੀ।
ਦਰਅਸਲ ਸਾਲ 1996 ‘ਚ ਪਟੀਸ਼ਨਰ ਪਤੀ ਨੇ ਦੁਰਗ ਜ਼ਿਲ੍ਹੇ ਦੀ ਰਹਿਣ ਵਾਲੀ ਲੜਕੀ ਨਾਲ ਹਿੰਦੂ ਰੀਤੀ-ਰਿਵਾਜ਼ਾਂ ਅਨੁਸਾਰ ਵਿਆਹ ਕਰਵਾਇਆ ਸੀ। 2005 ਵਿੱਚ ਪਤੀ ਆਪਣੇ ਕੰਮ ਲਈ ਮਹਾਰਾਸ਼ਟਰ ਚਲਿਆ ਗਿਆ। ਇਸ ਤੋਂ ਬਾਅਦ ਉਸ ਦਾ ਤਬਾਦਲਾ ਕੇਰਲ ਕਰ ਦਿੱਤਾ ਗਿਆ। ਬੇਟੀ ਦਾ ਜਨਮ 2006 ‘ਚ ਹੋਇਆ ਸੀ। ਇਸ ਦੌਰਾਨ ਪਤਨੀ ਕਿਸੇ ਹੋਰ ਵਿਅਕਤੀ ਦੇ ਸੰਪਰਕ ‘ਚ ਰਹੀ ਅਤੇ ਪਤੀ ਦੇ ਨਾਲ ਨਾ ਹੋਣ ਦੇ ਬਾਵਜੂਦ ਪਤਨੀ ਨੇ 8 ਤੋਂ 12 ਵਾਰ ਗਰਭਪਾਤ ਕਰਵਾਇਆ।
ਹਰ ਵਾਰ ਉਸਦਾ ਪ੍ਰੇਮੀ ਉਸਦੇ ਪਤੀ ਦੀ ਬਜਾਏ ਹਸਪਤਾਲ ਵਿੱਚ ਉਸਦੇ ਨਾਲ ਰਹਿੰਦਾ ਸੀ। ਇਸ ਦੇ ਬਾਵਜੂਦ ਪਤੀ ਨੇ ਸਮਝੌਤਾ ਕਰ ਲਿਆ ਅਤੇ ਉਸ ਨੂੰ ਆਪਣੇ ਨਾਲ ਰੱਖਣ ਲਈ ਰਾਜ਼ੀ ਹੋ ਗਿਆ, ਪਰ ਪਤਨੀ ਨੇ ਦੂਜੇ ਮਰਦ ਨਾਲ ਸੰਪਰਕ ਬਣਾਈ ਰੱਖਿਆ। ਪਤੀ ਨੇ ਦੁਰਗ ਫੈਮਿਲੀ ਕੋਰਟ ‘ਚ ਤਲਾਕ ਲਈ ਅਰਜ਼ੀ ਦਿੱਤੀ ਪਰ ਜ਼ੁਬਾਨੀ ਸਬੂਤਾਂ ਦੇ ਆਧਾਰ ‘ਤੇ ਪਤੀ ਦੀ ਅਰਜ਼ੀ ਰੱਦ ਕਰ ਦਿੱਤੀ ਗਈ।
ਇਸ ‘ਤੇ ਪਤੀ ਨੇ ਹਾਈਕੋਰਟ ‘ਚ ਪਟੀਸ਼ਨ ਦਾਇਰ ਕੀਤੀ। ਇਸ ਮਾਮਲੇ ਦੀ ਸੁਣਵਾਈ ਜਸਟਿਸ ਗੌਤਮ ਭਾਦੁੜੀ ਅਤੇ ਜਸਟਿਸ ਰਜਨੀ ਦੂਬੇ ਦੀ ਡੀ.ਬੀ. ‘ਚ ਸੁਣਵਾਈ ਦੌਰਾਨ ਅਦਾਲਤ ਨੇ ਪਤਨੀ ਦੀ ਮੈਡੀਕਲ ਰਿਪੋਰਟ ਜਿਸ ਵਿਚ ਉਸ ਨੇ 8 ਤੋਂ 12 ਗਰਭਪਾਤ ਕਰਵਾਏ ਸਨ, ਪਤੀ ਦੇ ਭਰਾ ਅਤੇ ਉਸ ਦੀ ਨੌਕਰਾਣੀ ਦੇ ਬਿਆਨ ਨੂੰ ਠੋਸ ਸਬੂਤ ਮੰਨਿਆ ਅਤੇ ਪਤੀ ਦੀ ਤਲਾਕ ਦੀ ਪਟੀਸ਼ਨ ਨੂੰ ਸਵੀਕਾਰ ਕਰ ਲਿਆ।
ਮਾਮਲੇ ਦੀ ਸੁਣਵਾਈ ਦੌਰਾਨ ਡਿਵੀਜ਼ਨ ਬੈਂਚ ਨੂੰ ਦੱਸਿਆ ਗਿਆ ਕਿ ਘਰ ਵਿੱਚ ਕੰਮ ਕਰਨ ਵਾਲੀ ਲੜਕੀ ਨੇ ਅਹਿਮ ਬਿਆਨ ਦਿੱਤਾ ਹੈ। ਲੜਕੀ ਨੇ ਆਪਣੇ ਬਿਆਨ ‘ਚ ਕਿਹਾ ਸੀ, ‘ਇਕ ਵਾਰ ਰਾਤ ਨੂੰ ਇਕ ਵਿਅਕਤੀ ਮੈਮ ਦੇ ਨਾਲ ਆਇਆ। ਉਨ੍ਹਾਂ ਨੇ ਮੈਨੂੰ ਵਰਾਂਡੇ ਵਿੱਚ ਸੌਣ ਲਈ ਕਿਹਾ ਅਤੇ ਦੋਵੇਂ ਕਮਰੇ ਦਾ ਦਰਵਾਜ਼ਾ ਬੰਦ ਕਰਕੇ ਅੰਦਰ ਚਲੇ ਗਏ। ਬਿਨੈਕਾਰ ਦੇ ਭਰਾ ਦਾ ਬਿਆਨ ਵੀ ਅਹਿਮ ਸੀ। ਉਨ੍ਹਾਂ ਨੇ ਆਪਣੇ ਬਿਆਨ ‘ਚ ਕਿਹਾ, ‘ਭਾਬੀ ਕੇਰਲ ਤੋਂ ਆ ਰਹੀ ਸੀ, ਇਸ ਲਈ ਮੈਂ ਉਨ੍ਹਾਂ ਨੂੰ ਲੈਣ ਲਈ ਰਾਤ 12 ਵਜੇ ਸਟੇਸ਼ਨ ‘ਤੇ ਗਿਆ, ਪਰ ਉੱਥੇ ਦੇਖਿਆ ਕਿ ਭਾਬੀ ਕਿਸੇ ਹੋਰ ਵਿਅਕਤੀ ਨਾਲ ਜਾ ਰਹੀ ਸੀ। ਮੈਂ ਪਿੱਛਾ ਕੀਤਾ। ਘਰ ਪਹੁੰਚ ਕੇ ਦੋਵੇਂ ਕਮਰੇ ਅੰਦਰ ਚਲੇ ਗਏ।