Viral Video: ਦੁਨੀਆ ਭਰ ਵਿੱਚ ਬਹੁਤ ਸਾਰੇ ਲੋਕ ਅਜਿਹੇ ਹਨ ਜੋ ਖਤਰਨਾਕ ਜੰਗਲੀ ਜਾਨਵਰਾਂ ਨੂੰ ਪਾਲਤੂ ਜਾਨਵਰ ਸਮਝਦੇ ਹਨ, ਜਿਸਦਾ ਨਤੀਜਾ ਕਈ ਵਾਰ ਬਹੁਤ ਖਤਰਨਾਕ ਸਾਬਤ ਹੁੰਦਾ ਹੈ। ਸੋਸ਼ਲ ਮੀਡੀਆ 'ਤੇ ਅਕਸਰ ਅਜਿਹੀਆਂ ਵੀਡੀਓਜ਼ ਸਾਹਮਣੇ ਆਉਂਦੀਆਂ ਹਨ, ਜੋ ਕਈ ਵਾਰ ਦਿਲ ਨੂੰ ਝੰਜੋੜ ਦਿੰਦੀਆਂ ਹਨ। ਚਿੜੀਆਘਰ ਨਾਲ ਸਬੰਧਤ ਕੁਝ ਵਾਇਰਲ ਵੀਡੀਓਜ਼ ਵਿੱਚ, ਲੋਕ ਅਕਸਰ ਪਿੰਜਰਿਆਂ ਵਿੱਚ ਰੱਖੇ ਭਿਆਨਕ ਜਾਨਵਰਾਂ ਨੂੰ ਬੇਸਹਾਰਾ ਸਮਝ ਕੇ ਛੇੜਦੇ ਦੇਖੇ ਜਾਂਦੇ ਹਨ, ਜਿਸਦਾ ਨਤੀਜਾ ਦਿਲ ਦਹਿਲਾ ਦੇਣ ਵਾਲਾ ਹੁੰਦਾ ਹੈ।
ਹਾਲ ਹੀ 'ਚ ਇੱਕ ਅਜਿਹਾ ਹੀ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ 'ਚ ਇੱਕ ਕੁੱਤਾ ਗਲਤੀ ਨਾਲ ਲੋਹੇ ਦੀ ਜ਼ੰਜੀਰੀ ਨਾਲ ਬੰਨ੍ਹੇ ਇੱਕ ਬਾਘ ਨੂੰ ਬੇਵੱਸ ਸਮਝ ਕੇ ਉਸ 'ਤੇ ਭੌਂਕਦਾ ਹੈ ਅਤੇ ਉਸ ਨੂੰ ਪਰੇਸ਼ਾਨ ਕਰਦਾ ਹੈ ਪਰ ਫਿਰ ਗੁੱਸੇ 'ਚ ਆ ਕੇ ਬਾਘ ਨੇ ਇੱਕ ਝਟਕੇ 'ਚ ਉਸ ਦੀ ਗਰਦਨ ਫੜ੍ਹ ਲਈ।
ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਕਿਸ ਤਰ੍ਹਾਂ ਘਰ ਦੀ ਚਾਰਦੀਵਾਰੀ ਦੇ ਅੰਦਰ ਇੱਕ ਕੁੱਤਾ ਜੰਜ਼ੀਰਾਂ ਨਾਲ ਬੰਨ੍ਹੇ ਬਾਘ ਦੇ ਸਾਹਮਣੇ ਸ਼ੇਰ ਬਣਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਅੱਗੇ ਵੀਡੀਓ 'ਚ ਤੁਸੀਂ ਦੇਖੋਂਗੇ ਕਿ ਕੁੱਤਾ ਭੌਂਕ ਕੇ ਬਾਘ ਨੂੰ ਡਰਾਉਣ ਦੀ ਕੋਸ਼ਿਸ਼ ਕਰਦਾ ਹੈ, ਪਰ ਇਸ ਦੌਰਾਨ ਗੁੱਸੇ ਨਾਲ ਭੜਕਿਆ ਟਾਈਗਰ ਕੁੱਤੇ ਦਾ ਸਾਰਾ ਹੰਕਾਰ ਪਲਾਂ 'ਚ ਹੀ ਕੱਢ ਦਿੰਦਾ ਹੈ। ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਕੁਝ ਹੀ ਸਕਿੰਟਾਂ 'ਚ ਬਾਘ ਕੁੱਤੇ ਦੀ ਗਰਦਨ ਫੜ੍ਹ ਲੈਂਦਾ ਹੈ।
ਇਹ ਵੀ ਪੜ੍ਹੋ: Viral Video: ਅਜਗਰ ਦੇ ਅੰਡੇ ਚੋਰੀ ਕਰ ਹਹੇ ਵਿਅਕਤੀ 'ਤੇ ਭਿਆਨਕ ਜਾਨਵਰ ਕਰ ਦਿੱਤਾ ਹਮਲਾ
ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) 'ਤੇ @TheBrutalNature ਨਾਮ ਦੇ ਅਕਾਊਂਟ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਸਿਰਫ 11 ਸੈਕਿੰਡ ਦੇ ਇਸ ਵੀਡੀਓ ਨੂੰ ਹੁਣ ਤੱਕ 1.1 ਮਿਲੀਅਨ ਲੋਕ ਦੇਖ ਚੁੱਕੇ ਹਨ, ਜਦੋਂ ਕਿ ਇਸ ਵੀਡੀਓ ਨੂੰ 10 ਹਜ਼ਾਰ ਤੋਂ ਵੱਧ ਲੋਕ ਪਸੰਦ ਕਰ ਚੁੱਕੇ ਹਨ। ਵੀਡੀਓ ਦੇਖ ਚੁੱਕੇ ਯੂਜ਼ਰਸ ਇਸ 'ਤੇ ਵੱਖ-ਵੱਖ ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦੇ ਰਹੇ ਹਨ। ਇੱਕ ਯੂਜ਼ਰ ਨੇ ਪੁੱਛਿਆ, 'ਕੀ ਕੁੱਤਾ ਮਰ ਗਿਆ ਹੈ?' ਇੱਕ ਹੋਰ ਯੂਜ਼ਰ ਨੇ ਲਿਖਿਆ, 'ਬਾਘ ਹਰ ਜਗ੍ਹਾ ਟਾਈਗਰ ਹੁੰਦਾ ਹੈ, ਚਾਹੇ ਜੰਗਲ ਵਿੱਚ ਹੋਵੇ ਜਾਂ ਸੰਗਲਾਂ ਵਿੱਚ ਬੰਨ੍ਹਿਆ ਹੋਵੇ।'
ਇਹ ਵੀ ਪੜ੍ਹੋ: Viral Video: ਮੰਗਵਾਈ ਚਿਕਨ ਬਿਰਯਾਨੀ, ਅੰਦਰੋਂ ਨਿਕਲੀ ਮਰੀ ਹੋਈ ਕਿਰਲੀ, ਦੇਖੋ ਵੀਡੀਓ