ਟੋਕੀਓ: ਜਾਪਾਨ 'ਚ ਇੱਕ ਵਿਅਕਤੀ ਨੇ ਹੈਰਾਨੀਜਨਕ ਕਰਨਾਮਾ ਕੀਤਾ ਹੈ। ਇਸ ਵਿਅਕਤੀ ਨੇ ਕੁੱਤੇ ਵਰਗਾ ਦਿਖਣ ਲਈ 12 ਲੱਖ ਰੁਪਏ ਖਰਚ ਕੀਤੇ ਹਨ। ਟਵਿੱਟਰ ਯੂਜ਼ਰ @toco_eevee ਨੇ ਆਪਣੀ ਫੋਟੋ ਟਵੀਟ ਕੀਤੀ ਜਿਸ ਵਿਚ ਉਸ ਨੇ ਦੱਸਿਆ ਕਿ ਇਹ ਉਸ ਦੀ ਜ਼ਿੰਦਗੀ ਦਾ ਸੁਪਨਾ ਸੀ। ਕੁੱਤੇ ਵਰਗੇ ਇਨਸਾਨ ਦੀ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਇੰਟਰਨੈੱਟ ਯੂਜ਼ਰ ਕ੍ਰੇਜ਼ੀ ਹੋ ਗਏ ਹਨ। ਇਸ ਸ਼ਖਸ ਨੇ ਕੋਲੀ ਨਸਲ ਦੇ ਕੁੱਤੇ ਦਾ ਰੂਪ ਧਾਰ ਲਿਆ।
ਜਾਪਾਨੀ ਮੀਡੀਆ ਮੁਤਾਬਕ ਜ਼ੇਪੇਟ ਨਾਂ ਦੀ ਕੰਪਨੀ ਨੇ ਇਸ ਵਿਅਕਤੀ ਦੀ ਕੁੱਤੇ ਦਾ ਰੂਪ ਬਣਾਉਣ 'ਚ ਮਦਦ ਕੀਤੀ ਹੈ। ਇਹ ਕੰਪਨੀ ਫਿਲਮਾਂ ਅਤੇ ਇਸ਼ਤਿਹਾਰਾਂ ਲਈ ਪੋਸ਼ਾਕ ਬਣਾਉਂਦੀ ਹੈ। ਕੁੱਤੇ ਵਰਗੀ ਦਿਖਣ ਵਾਲੀ ਇਹ ਪੋਸ਼ਾਕ 20 ਲੱਖ ਯੇਨ ਭਾਵ 12 ਲੱਖ ਭਾਰਤੀ ਰੁਪਏ ਦੀ ਹੈ। ਇਸ ਨੂੰ ਬਣਾਉਣ ਵਿੱਚ ਲਗਭਗ 40 ਦਿਨ ਲੱਗੇ।
ਇਸ ਲਈ ਕੁੱਤਾ ਬਣਿਆ ਸ਼ਖਸ
ਇਸ ਬਾਰੇ ਗੱਲ ਕਰਦੇ ਹੋਏ, ਟੋਕੋ ਨੇ ਕਿਹਾ ਕਿ ਮੇਰਾ ਕੋਲੀ ਨੂੰ ਚੁਣਨ ਦਾ ਕਾਰਨ ਇਹ ਹੈ ਕਿ ਜਦੋਂ ਮੈਂ ਇਸਨੂੰ ਪਹਿਨਦਾ ਹਾਂ, ਤਾਂ ਇਹ ਮੇਰੀ ਹਰਕਤਾਂ ਤੋਂ ਬਹੁਤ ਅਸਲੀ ਦਿਖਾਈ ਦਿੰਦਾ ਹੈ। ਨਾਲ ਹੀ ਇਹ ਮੇਰਾ ਮਨਪਸੰਦ ਜਾਨਵਰ ਹੈ। ਮੈਨੂੰ ਇਹ ਸਭ ਤੋਂ ਪਿਆਰਾ ਲੱਗਦਾ ਹੈ। ਉਸੇ ਸਮੇਂ, ਮੈਂ ਲੰਬੇ ਵਾਲਾਂ ਵਾਲਾ ਜਾਨਵਰ ਬਣਨਾ ਚਾਹੁੰਦਾ ਸੀ, ਕਿਉਂਕਿ ਇਹ ਪਹਿਰਾਵੇ ਵਿੱਚ ਆਸਾਨੀ ਨਾਲ ਛੁਪਿਆ ਜਾ ਸਕਦਾ ਸੀ।
ਹੱਥ-ਪੈਰ ਆਸਾਨੀ ਨਾਲ ਹਿਲ ਸਕਦੇ
ਇਹ ਪੁੱਛੇ ਜਾਣ 'ਤੇ ਕਿ ਕੀ ਉਹ ਪੋਸ਼ਾਕ ਪਹਿਨ ਕੇ ਆਪਣੇ ਸਰੀਰ ਦੇ ਅੰਗਾਂ ਨੂੰ ਹਿਲਾ ਸਕਦਾ ਹੈ, ਟੋਕੋ ਨੇ ਕਿਹਾ ਕਿ ਇਸ 'ਤੇ ਕੁਝ ਪਾਬੰਦੀਆਂ ਹਨ। ਹਾਲਾਂਕਿ ਤੁਸੀਂ ਆਪਣੇ ਹੱਥ ਅਤੇ ਪੈਰ ਹਿਲਾ ਸਕਦੇ ਹੋ। ਪਰ ਜੇਕਰ ਤੁਸੀਂ ਅਜਿਹਾ ਜ਼ਿਆਦਾ ਕਰਦੇ ਹੋ ਤਾਂ ਇਹ ਇਨਸਾਨਾਂ ਵਰਗਾ ਨਹੀਂ ਲੱਗੇਗਾ।