ਘਟਨਾ ਐਤਵਾਰ ਨੂੰ ਕੈਲੀਫੋਰਨੀਆ ਦੇ ਕੋਲੀਜ਼ੀਅਮ ਸਟੇਸ਼ਨ ‘ਤੇ ਹੋਈ, ਜਦੋਂ ਲੋਕ ਓਕਲੈਂਡ ਰੈੱਡਰਸ ਖੇਡ ਤੋਂ ਬਾਅਦ ਵਾਪਸੀ ਕਰ ਰਹੇ ਸੀ। ਘਟਨਾ ਸਟੇਸ਼ਨ ‘ਤੇ ਲੱਗੇ ਸੀਸੀਟੀਵੀ ਕੈਮਰਿਆਂ ‘ਚ ਰਿਕਾਰਡ ਹੋ ਗਈ। ਟ੍ਰਾਂਜਿਟ ਵਰਕਰ ਜੌਨ ਓ’ਕੌਨਰ ਜੋ ਸਟੇਸ਼ਨ ‘ਤੇ ਭੀੜ ਨੂੰ ਕੰਟਰੋਲ ਕਰਨ ਦਾ ਕੰਮ ਕਰਦੇ ਹਨ, ਨੇ ਵਿਅਕਤੀ ਦੀ ਜਾਨ ਬਚਾਈ।
ਸੈਨ ਫ੍ਰਾਂਸਿਸਕੋ BART ਨੇ ਵੀਡੀਓ ਨੂੰ ਟਵੀਟ ਕਰ ਪੋਸਟ ਕੀਤਾ ਹੈ। ਇਸ ‘ਚ ਸਾਫ਼ ਨਜ਼ਰ ਆ ਰਿਹਾ ਹੈ ਕਿ ਉਹ ਵਿਅਕਤੀ ਜੌਨ ਦੇ ਕਾਫੀ ਕਰੀਬ ਖੜ੍ਹਿਆ ਸੀ ਤੇ ਜਿਵੇਂ ਹੀ ਟਰੇਨ ਸਾਹਮਣੇ ਡਿੱਗਿਆ ਤਾਂ ਜੌਨ ਨੇ ਕੁੱਦ ਕੇ ਉਸ ਨੂੰ ਵਾਪਸ ਸਟੇਸ਼ਨ ‘ਤੇ ਖਿੱਚ ਲਿਆ।
BART ਦੀ ਰਿਪੋਰਟ ਮੁਤਾਬਕ ਜੋ ਵਿਅਕਤੀ ਡਿੱਗਦਾ ਹੈ, ਉਹ ਨਸ਼ੇ ਦੀ ਹਾਲਤ ‘ਚ ਸੀ ਤੇ ਵੀਡੀਓ ਨੂੰ ਲੱਖ ਤੋਂ ਜ਼ਿਆਦਾ ਵਿਊ ਮਿਲ ਚੁੱਕੇ ਹਨ। ਇਸ ਦੇ ਨਾਲ ਹੀ ਜੌਨ ਦੀ ਖੂਬ ਤਾਰੀਫ ਕੀਤੀ ਜਾ ਰਹੀ ਹੈ।