Watch Video: ਉੱਤਰ ਪ੍ਰਦੇਸ਼ ਦੇ ਇੱਕ ਸਰਕਾਰੀ ਸਕੂਲ ਵਿੱਚ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿਸ ਦੀ ਜਿੰਨੀ ਨਿੰਦਾ ਕੀਤੀ ਜਾਵੇ ਘੱਟ ਹੈ। ਇੱਥੇ ਲਖੀਮਪੁਰ ਖੀਰੀ ਜ਼ਿਲ੍ਹੇ 'ਚ ਸਕੂਲ 'ਚ ਦੇਰੀ ਨਾਲ ਆਉਣ 'ਤੇ ਹੈੱਡਮਾਸਟਰ ਨੇ ਮਹਿਲਾ ਟੀਚਰ ਦੀ ਜੁੱਤੀ ਨਾਲ ਕੁੱਟਮਾਰ ਕੀਤੀ। ਸਰਕਾਰੀ ਸਕੂਲ 'ਚ ਜ਼ਾਲਮ ਪ੍ਰਿੰਸੀਪਲ ਨੇ ਗੁੱਸੇ 'ਚ ਆ ਕੇ ਅਧਿਆਪਕ ਨੂੰ ਜੁੱਤੀਆਂ ਨਾਲ ਬੁਰੀ ਤਰ੍ਹਾਂ ਕੁੱਟਿਆ। ਇਸ ਦੇ ਵਿਰੋਧ 'ਚ ਬਾਅਦ 'ਚ ਜ਼ੋਰਦਾਰ ਹੱਥੋਪਾਈ ਦੀ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ।
ਪ੍ਰਿੰਸੀਪਲ ਵੱਲੋਂ ਮਹਿਲਾ ਅਧਿਆਪਕ 'ਤੇ ਕੀਤੇ ਹਮਲੇ ਦੀ ਪੂਰੀ ਵੀਡੀਓ ਸੋਸ਼ਲ ਵੀਡੀਓ ਵਾਇਰਲ ਹੋਈ ਹੈ। ਇਹ ਘਟਨਾ ਖੀਰੀ ਥਾਣਾ ਖੇਤਰ ਦੇ ਮਹੂੰਗੂ ਖੇੜਾ ਸਕੂਲ ਦੀ ਹੈ।
ਇਸ ਘਟਨਾ ਤੋਂ ਬਾਅਦ ਹੁਣ ਇਸ ਜ਼ਾਲਿਮ ਪ੍ਰਿੰਸੀਪਲ ਨੂੰ ਬਰਖਾਸਤ ਕਰ ਦਿੱਤਾ ਗਿਆ ਹੈ। ਨਿਊਜ਼ ਏਜੰਸੀ ਏਐਨਆਈ ਦੀ ਰਿਪੋਰਟ ਦੇ ਅਨੁਸਾਰ, ਜ਼ਿਲ੍ਹਾ ਬੁਨਿਆਦੀ ਸਿੱਖਿਆ ਅਧਿਕਾਰੀ (ਬੀਐਸਏ- ਬੇਸਿਕ ਸਿੱਖਿਆ ਅਧਿਕਾਰੀ) ਲਕਸ਼ਮੀਕਾਂਤ ਪਾਂਡੇ ਨੇ ਜਾਣਕਾਰੀ ਦਿੱਤੀ ਹੈ ਕਿ ਵਾਇਰਲ ਵੀਡੀਓ ਦੇ ਆਧਾਰ 'ਤੇ ਪ੍ਰਿੰਸੀਪਲ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ।
ਦਰਅਸਲ, ਵੀਡੀਓ 'ਚ ਪ੍ਰਿੰਸੀਪਲ ਅਜੀਤ ਵਰਮਾ ਹੈ, ਜੋ ਸਕੂਲ 'ਚ 10 ਮਿੰਟ ਲੇਟ ਆਉਣ 'ਤੇ ਮਹਿਲਾ ਟੀਚਰ (ਸ਼ਿਕਸ਼ਾਮਿਤਰਾ) ਦੀ ਕੁੱਟਮਾਰ ਕਰਦਾ ਨਜ਼ਰ ਆ ਰਿਹਾ ਹੈ। ਇਸ ਘਟਨਾ ਦੇ ਸਮੇਂ ਸਕੂਲ 'ਚ ਹੋਰ ਲੋਕਾਂ ਦੇ ਨਾਲ ਸਕੂਲੀ ਬੱਚੇ ਵੀ ਮੌਜੂਦ ਸਨ, ਜੋ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ। ਵਿੱਦਿਆ ਪ੍ਰਾਪਤ ਕਰਨ ਵਾਲੇ ਪਵਿੱਤਰ ਅਸਥਾਨ ਵਿੱਚ ਜਦੋਂ ਸਿੱਖਿਆ ਦੇਣ ਵਾਲੇ ਹੀ ਅਜਿਹੇ ਮਾੜੇ ਕਾਰੇ ਕਰਦੇ ਹਨ ਤਾਂ ਸਿੱਖਿਆ ਪ੍ਰਾਪਤ ਕਰਨ ਵਾਲੀ ਆਉਣ ਵਾਲੀ ਪੀੜ੍ਹੀ ਇਨ੍ਹਾਂ ਤੋਂ ਕੀ ਸਿੱਖੇਗੀ।