ਮਸ਼ਰੂਮ ਨੂੰ ਪੂਰੀ ਦੁਨੀਆ ਵਿੱਚ ਸਭ ਤੋਂ ਸਿਹਤਮੰਦ ਸਬਜ਼ੀਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਡਾਇਟੀਸ਼ੀਅਨ ਵੀ ਇਸਦੇ ਗੁਣਾਂ ਦੀ ਗਿਣਤੀ ਕਰਦੇ ਨਹੀਂ ਥੱਕਦੇ। ਦੁਨੀਆ 'ਚ ਕਈ ਤਰ੍ਹਾਂ ਦੇ ਮਸ਼ਰੂਮ ਪਾਏ ਜਾਂਦੇ ਹਨ ਅਤੇ ਇਨ੍ਹਾਂ 'ਚੋਂ ਕਈ ਅਜਿਹੇ ਮਸ਼ਰੂਮ ਹਨ, ਜਿਨ੍ਹਾਂ ਦੀ ਕੀਮਤ ਇਕ-ਦੋ ਹਜ਼ਾਰ ਰੁਪਏ ਪ੍ਰਤੀ ਕਿਲੋ ਨਹੀਂ ਸਗੋਂ ਲੱਖਾਂ 'ਚ ਹੈ। ਅੱਜ ਅਸੀਂ ਤੁਹਾਨੂੰ ਅਜਿਹੇ ਹੀ ਇੱਕ ਮਸ਼ਰੂਮ ਬਾਰੇ ਦੱਸਾਂਗੇ, ਜਿਸ ਨੂੰ ਦੁਨੀਆ ਦੇ ਸਭ ਤੋਂ ਮਹਿੰਗੇ ਮਸ਼ਰੂਮਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।
ਕੁਝ ਮਸ਼ਰੂਮ ਇੰਨੇ ਦੁਰਲੱਭ ਹੁੰਦੇ ਹਨ ਕਿ ਉਨ੍ਹਾਂ ਦੀ ਕੀਮਤ ਅਸਮਾਨ ਨੂੰ ਛੂਹਣ ਲੱਗ ਜਾਂਦੀ ਹੈ। ਅਜਿਹੇ ਕਈ ਮਸ਼ਰੂਮ ਵਿਦੇਸ਼ਾਂ ਵਿੱਚ ਹੀ ਨਹੀਂ ਬਲਕਿ ਭਾਰਤ ਵਿੱਚ ਵੀ ਪਾਏ ਜਾਂਦੇ ਹਨ, ਜੋ ਕਾਫ਼ੀ ਮਹਿੰਗੇ ਅਤੇ ਫ਼ਾਇਦੇਮੰਦ ਹੁੰਦੇ ਹਨ। ਅੱਜ ਅਸੀਂ ਤੁਹਾਨੂੰ ਅਜਿਹੇ ਮਸ਼ਰੂਮਜ਼ ਬਾਰੇ ਦੱਸਦੇ ਹਾਂ, ਜਿਸ ਦੀ ਇਕ ਕਿੱਲੋ ਦੀ ਕੀਮਤ ਵਿਚ, ਤੁਸੀਂ ਆਰਾਮ ਨਾਲ ਪਾਰਟੀ ਮਨਾ ਸਕਦੇ ਹੋ।
ਦੁਨੀਆ ਦੇ ਸਭ ਤੋਂ ਮਹਿੰਗੇ ਮਸ਼ਰੂਮਜ਼
ਦੁਨੀਆ ਦਾ ਸਭ ਤੋਂ ਮਹਿੰਗਾ ਮਸ਼ਰੂਮ ਜਾਪਾਨ ਦਾ ਮਾਤਸੁਤਾਕੇ ਮਸ਼ਰੂਮ ਹੈ। ਕੋਰੀਆਈ ਪ੍ਰਾਇਦੀਪ ਅਤੇ ਚੀਨ ਵਿੱਚ ਉਗਾਈ ਜਾਣ ਵਾਲੀ ਮਸ਼ਰੂਮ ਦੀ ਇਹ ਕਿਸਮ ਅਮਰੀਕਾ ਵਿੱਚ ਵੀ ਉਗਾਈ ਜਾਂਦੀ ਹੈ ਪਰ ਜਾਪਾਨ ਦੇ ਕਿਓਟੋ ਵਿੱਚ ਉਗਾਈ ਜਾਣ ਵਾਲੀ ਇਸ ਮਸ਼ਰੂਮ ਦੀਆਂ ਕੀਮਤਾਂ ਅਸਮਾਨ ਨੂੰ ਛੂਹ ਰਹੀਆਂ ਹਨ। ਇਸ ਮਸ਼ਰੂਮ ਦੀ ਖਾਸੀਅਤ ਇਸ ਦੀ ਮਹਿਕ ਹੈ। ਇਹ ਆਪਣੀ ਤਿੱਖੀ ਖੁਸ਼ਬੂ ਅਤੇ ਮੀਟ ਵਰਗੀ ਬਣਤਰ ਕਾਰਨ ਖਾਸ ਤੌਰ 'ਤੇ ਪਸੰਦ ਕੀਤਾ ਜਾਂਦਾ ਹੈ। ਇਨ੍ਹਾਂ ਦੀ ਕੀਮਤ $500 ਯਾਨੀ 41,708 ਰੁਪਏ ਪ੍ਰਤੀ ਪੌਂਡ ਹੈ।
1 ਕਿਲੋ ਦੀ ਕੀਮਤ ਵਿਚ ਹੋ ਜਾਵੇਗੀ ਪਾਰਟੀ
ਜੇਕਰ ਇਸ ਖੁੰਬ ਦੀ ਇੱਕ ਕਿਲੋ ਕੀਮਤ ਦਾ ਹਿਸਾਬ ਲਗਾਇਆ ਜਾਵੇ ਤਾਂ ਇਹ 1 ਤੋਂ 1.5 ਲੱਖ ਰੁਪਏ ਤੱਕ ਹੈ। ਅਜਿਹੇ 'ਚ ਇਕ ਕਿਲੋ ਮਸ਼ਰੂਮ ਦੀ ਕੀਮਤ ਵਿਚ ਪਾਰਟੀ ਕੀਤੀ ਜਾ ਸਕਦੀ ਹੈ। ਹਾਲਾਂਕਿ ਟਰਫਲ ਮਸ਼ਰੂਮ ਦੀ ਕੀਮਤ ਵੀ ਇਸ ਤੋਂ ਘੱਟ ਨਹੀਂ ਹੈ, ਪਰ ਮਾਤਸੁਤਾਕੇ ਮਸ਼ਰੂਮ ਦੀ ਘੱਟ ਪੈਦਾਵਾਰ ਇਸ ਨੂੰ ਹੋਰ ਕੀਮਤੀ ਬਣਾਉਂਦੀ ਹੈ। ਇਹ ਹਲਕੇ ਭੂਰੇ ਰੰਗ ਦਾ ਮਸ਼ਰੂਮ ਚੰਗੀ ਤਰ੍ਹਾਂ ਬਣਦਾ ਹੈ, ਜਿਸ ਦੀ ਕੈਪ ਵੀ ਹੁੰਦੀ ਹੈ। ਇਸ ਦਾ ਉਤਪਾਦਨ ਇੱਕ ਸਾਲ ਵਿੱਚ 1000 ਟਨ ਤੋਂ ਵੀ ਘੱਟ ਹੈ। ਜਾਪਾਨ ਵਿੱਚ, ਇਸ ਨੂੰ ਸੂਪ ਜਾਂ ਚੌਲਾਂ ਨਾਲ ਪਰੋਸਿਆ ਜਾਂਦਾ ਹੈ ਜਾਂ ਇਸ ਨੂੰ ਗਰਿੱਲ ਕੀਤਾ ਜਾਂਦਾ ਹੈ।