Mahindra Thar : ਦੇਸ਼ ਵਿੱਚ ਮਹਿੰਦਰਾ ਦੇ ਚੋਣਵੇਂ ਡੀਲਰ ਇਸ ਮਹੀਨੇ ਮਹਿੰਦਰਾ ਥਾਰ ਦੇ ਚੋਣਵੇਂ ਵੇਰੀਐਂਟ 'ਤੇ ਛੋਟ ਦੇ ਰਹੇ ਹਨ। ਡੀਲਰ ਇਹ ਛੋਟਾਂ ਨਕਦ ਅਤੇ ਐਕਸਚੇਂਜ ਬੋਨਸ ਦੇ ਰੂਪ ਵਿੱਚ ਦੇ ਰਹੇ ਹਨ। ਇਸ ਆਫ-ਰੋਡ ਕਾਰ ਦੇ ਕਿਹੜੇ ਵੇਰੀਐਂਟ 'ਤੇ ਕਿੰਨਾ ਡਿਸਕਾਊਂਟ ਦਿੱਤਾ ਜਾ ਰਿਹਾ ਹੈ, ਅੱਗੇ ਅਸੀਂ ਤੁਹਾਨੂੰ ਇਸ ਬਾਰੇ ਜਾਣਕਾਰੀ ਦੇਣ ਜਾ ਰਹੇ ਹਾਂ।
ਮਹਿੰਦਰਾ ਥਾਰ 4X4 ਪੈਟਰੋਲ 'ਤੇ 65,000 ਦੀ ਛੋਟ
ਜੇਕਰ ਕੋਈ ਗਾਹਕ ਮਹਿੰਦਰਾ ਦਾ ਮਹਿੰਦਰਾ ਥਾਰ 4X4 ਪੈਟਰੋਲ ਆਟੋਮੈਟਿਕ ਵੇਰੀਐਂਟ ਖਰੀਦਦਾ ਹੈ ਤਾਂ ਉਸ ਨੂੰ 40,000 ਰੁਪਏ ਦਾ ਕੈਸ਼ ਡਿਸਕਾਊਂਟ ਅਤੇ 25,000 ਰੁਪਏ ਦਾ ਐਕਸਚੇਂਜ ਬੋਨਸ ਦਿੱਤਾ ਜਾ ਰਿਹਾ ਹੈ। ਇਹ ਐਕਸਚੇਂਜ ਬੋਨਸ ਕੁਝ ਹੋਰ ਵੇਰੀਐਂਟਸ 'ਤੇ ਵੀ ਦਿੱਤਾ ਜਾ ਰਿਹਾ ਹੈ। ਹਾਲਾਂਕਿ ਇਹ ਵੱਖ-ਵੱਖ ਥਾਵਾਂ 'ਤੇ ਵੱਖ-ਵੱਖ ਹੋ ਸਕਦਾ ਹੈ।
ਮਹਿੰਦਰਾ ਥਾਰ 4X4 ਇੰਜਣ
ਮਹਿੰਦਰਾ ਦੀ ਫੋਰ ਵੀਲ੍ਹ ਡਰਾਈਵ ਆਫ ਰੋਡ SUV 2.0-ਲੀਟਰ mStallion ਟਰਬੋ ਪੈਟਰੋਲ ਇੰਜਣ ਅਤੇ 2.2-ਲੀਟਰ KMhawk ਡੀਜ਼ਲ ਇੰਜਣ ਦੇ ਨਾਲ ਆਉਂਦੀ ਹੈ। ਜਿਸ ਨੂੰ 6-ਸਪੀਡ ਮੈਨੂਅਲ ਅਤੇ ਆਟੋਮੈਟਿਕ ਯੂਨਿਟਸ ਨਾਲ ਜੋੜਿਆ ਗਿਆ ਹੈ। ਇਸ ਦੇ ਨਾਲ ਹੀ ਇਸ SUV ਦੇ ਰੀਅਰ ਵ੍ਹੀਲ ਡਰਾਈਵ ਵੇਰੀਐਂਟ 'ਚ 1.5-ਲੀਟਰ ਡੀਜ਼ਲ ਇੰਜਣ ਮੌਜੂਦ ਹੈ। ਇਸ ਇੰਜਣ ਨੂੰ ਸਿਰਫ 6-ਸਪੀਡ ਮੈਨੂਅਲ ਇੰਜਣ ਨਾਲ ਜੋੜਿਆ ਗਿਆ ਹੈ। ਕੰਪਨੀ ਇਸ ਸਾਲ ਦੇ ਅੰਤ ਤੱਕ ਕਾਰ ਦੇ 5-ਦਰਵਾਜ਼ੇ ਵਾਲੇ ਵੇਰੀਐਂਟ ਨੂੰ ਪੇਸ਼ ਕਰ ਸਕਦੀ ਹੈ।
ਮਹਿੰਦਰਾ ਥਾਰ ਦੀਆਂ ਵਿਸ਼ੇਸ਼ਤਾਵਾਂ
ਇਸ ਆਫ-ਰੋਡ SUV 'ਚ ਪਾਏ ਜਾਣ ਵਾਲੇ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ 'ਚ ਹੈਲੋਜਨ ਹੈੱਡਲੈਂਪਸ, ਐਂਡ੍ਰਾਇਡ ਅਤੇ ਐਪਲ ਕਾਰਪਲੇ ਕਨੈਕਟੀਵਿਟੀ ਦੇ ਨਾਲ ਇੰਫੋਟੇਨਮੈਂਟ ਸਿਸਟਮ, ਆਟੋ AC ਫੀਚਰ, ਕਰੂਜ਼ ਕੰਟਰੋਲ, ਸਟੀਅਰਿੰਗ ਵ੍ਹੀਲ ਮਾਊਂਟਿਡ ਕੰਟਰੋਲ ਵਰਗੇ ਫੀਚਰਸ ਮੌਜੂਦ ਹਨ। ਇਸ ਤੋਂ ਇਲਾਵਾ ਇਸ ਦੀ ਛੱਤ ਨੂੰ ਹਟਾਇਆ ਜਾ ਸਕਦਾ ਹੈ ਅਤੇ ਇਸ ਦੇ ਅੰਦਰੂਨੀ ਹਿੱਸੇ ਨੂੰ ਵੀ ਧੋਇਆ ਜਾ ਸਕਦਾ ਹੈ।
ਕੀਮਤ
ਮਹਿੰਦਰਾ ਇਸ ਕਾਰ ਨੂੰ ਆਪਣੇ ਟਾਪ ਵੇਰੀਐਂਟ ਲਈ 9.99 ਲੱਖ ਰੁਪਏ ਤੋਂ ਲੈ ਕੇ 16.49 ਲੱਖ ਰੁਪਏ ਤੱਕ ਦੀ ਕੀਮਤ 'ਤੇ ਵੇਚਦੀ ਹੈ।
ਇਨ੍ਹਾਂ ਨਾਲ ਮੁਕਾਬਲਾ
ਘਰੇਲੂ ਬਾਜ਼ਾਰ 'ਚ ਮਹਿੰਦਰਾ ਥਾਰ ਦਾ ਮੁਕਾਬਲਾ Hyundai Creta, Kia Seltos, Renault Duster, MG Hector, Skoda ਕੁਸ਼ਾਕ ਵਰਗੀਆਂ ਗੱਡੀਆਂ ਨਾਲ ਹੈ।
Car loan Information:
Calculate Car Loan EMI