ਡਰਾਈਵਿੰਗ ਲਾਇਸੈਂਸ ਨੂੰ ਲੈ ਕੇ ਸਰਕਾਰ ਨੇ ਪਿਛਲੇ ਦਿਨੀਂ ਕਈ ਠੋਸ ਕਦਮ ਚੁੱਕੇ ਹਨ, ਜਿਸ ਤੋਂ ਬਾਅਦ ਲਾਇਸੈਂਸ ਲੈਣ ਵਾਲੇ ਲੋਕਾਂ ਨੂੰ ਕਾਫ਼ੀ ਸਹੂਲਤ ਮਿਲੀ ਹੈ। ਇਸ ਦੇ ਨਾਲ ਹੀ ਸਰਕਾਰ ਇਸ ਦਿਸ਼ਾ ਵਿਚ ਇੱਕ ਹੋਰ ਨਵੀਂ ਪਹਿਲ ਕਰਨ ਜਾ ਰਹੀ ਹੈ। ਦਰਅਸਲ, ਅਗਲੇ ਸਾਲ ਤੋਂ ਆਰਟੀਓ ਹਫਤੇ ਦੇ ਕਿਸੇ ਵੀ ਦਿਨ ਸਵੇਰੇ 8 ਵਜੇ ਤੋਂ ਰਾਤ 8 ਵਜੇ ਤੱਕ ਕਿਸੇ ਵੀ ਸਮੇਂ ਪ੍ਰੀਖਿਆ ਲਈ ਜਾ ਸਕੇਗਾ, ਯਾਨੀ ਕਿ ਇੱਥੇ 12 ਘੰਟੇ ਦੀ ਸ਼ਿਫਟ ਹੋਵੇਗੀ।
ਇਨ੍ਹਾਂ ਆਰਟੀਓ ਤੋਂ ਹੋਵੇਗੀ ਸ਼ੁਰੂਆਤ
ਸਰਕਾਰ ਇਸ ਦੀ ਸ਼ੁਰੂਆਤ ਦਿੱਲੀ ਦੇ ਪੰਜ ਸਭ ਤੋਂ ਰੁਝੇਵੇਂ ਆਰਟੀਓ ਇਨ੍ਹਾਂ ਵਿੱਚ ਸਰਾਏ ਕਾਲੇ ਖ਼ਾਨ (ਦੱਖਣੀ ਜੋਨ), ਲੋਨੀ ਰੋਡ (ਉੱਤਰ ਪੂਰਬ ਜ਼ੋਨ), ਸ਼ਕੂਰ ਬਸਤੀ (ਉੱਤਰ ਪੱਛਮੀ ਜ਼ੋਨ), ਰੋਹਿਨੀ (ਉੱਤਰ ਪੱਛਮੀ II ਜ਼ੋਨ) ਅਤੇ ਜਨਕਪੁਰੀ (ਪੱਛਮੀ ਜ਼ੋਨ) ਸ਼ਾਮਲ ਹਨ। ਜ਼ਿਆਦਾਤਰ ਬਿਨੈਕਾਰ ਇਨ੍ਹਾਂ ਆਰਟੀਓਜ਼ ਵਿਚ ਆਉਂਦੇ ਹਨ। ਇਸ ਦੇ ਨਾਲ ਹੀ ਲੋੜ ਅਨੁਸਾਰ ਇਹ ਸਹੂਲਤ ਹੋਰ ਆਰਟੀਓਜ਼ ਵਿੱਚ ਵੀ ਦਿੱਤੀ ਜਾਏਗੀ।
ਲਾਈਨ ਵਿਚ ਇੰਤਜ਼ਾਰ ਦੀ ਪ੍ਰੇਸ਼ਾਨੀ ਹੋ ਜਾਵੇਗੀ ਖ਼ਤਮ
ਅਗਲੇ ਸਾਲ ਲਾਡੋ ਸਰਾਏ, ਹਰੀਨਗਰ ਅਤੇ ਝੜੌਦਾ ਕਲਾਂ ਦੇ ਪੂਰਾ ਹੋਣ ਨਾਲ ਦਿੱਲੀ ਵਿੱਚ ਕੁੱਲ 12 ਡ੍ਰਾਇਵਿੰਗ ਟੈਸਟ ਟਰੈਕ ਹੋਣਗੇ। ਸਰਕਾਰ ਏਜੰਸੀ ਰਾਹੀਂ ਇਨ੍ਹਾਂ ਟਰੈਕਾਂ ਦੀ ਸਾਂਭ-ਸੰਭਾਲ ਦੀ ਯੋਜਨਾ ਵੀ ਬਣਾ ਰਹੀ ਹੈ। ਇਸ ਤੋਂ ਇਲਾਵਾ ਸਰਕਾਰ ਵੀ ਅਜਿਹੀ ਪ੍ਰਣਾਲੀ ਦੀ ਸ਼ੁਰੂਆਤ ਕਰੇਗੀ, ਜਿਸ ਨਾਲ ਲਾਈਨਾਂ ਵਿਚ ਭੀੜ ਤੋਂ ਛੁਟਕਾਰਾ ਮਿਲੇਗਾ।
ਇਲੈਕਟ੍ਰਾਨਿਕ ਕਤਾਰ ਪ੍ਰਬੰਧਨ ਪ੍ਰਣਾਲੀ ਦੀ ਮਦਦ ਨਾਲ ਬਿਨੈਕਾਰ ਆਪਣੀ ਗਿਣਤੀ ਮੁਤਾਬਕ ਪ੍ਰੀਖਿਆ ਲਈ ਆਉਣਗੇ। ਇਨ੍ਹਾਂ ਟੈਸਟ ਸੈਂਟਰਾਂ ਵਿਚ ਹਰ ਜਗ੍ਹਾ ਸੀਸੀਟੀਵੀ ਕੈਮਰੇ ਲਗਾਏ ਜਾਣਗੇ, ਜਿਨ੍ਹਾਂ ਦੀ ਨਿਗਰਾਨੀ ਟਰਾਂਸਪੋਰਟ ਵਿਭਾਗ ਦੇ ਮੁੱਖ ਦਫ਼ਤਰ ਕਰ ਸਕਦੀ ਹੈ। ਇਸਦੇ ਨਾਲ ਹੀ, ਇਨ੍ਹਾਂ ਕੇਂਦਰਾਂ ਵਿਖੇ ਸਹੂਲਤ ਲਈ ਪ੍ਰਬੰਧਕ ਵੀ ਹੋਣਗੇ।
ਸਲੋਟ ਆਨਲਾਈਨ ਬੁੱਕ ਕੀਤਾ ਜਾ ਸਕਦਾ ਹੈ
ਬਿਨੈਕਾਰ ਟੈਸਟ ਲਈ ਆਪਣੇ ਸਲੋਟ ਆਨਲਾਈਨ ਬੁੱਕ ਕਰ ਸਕਣਗੇ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਬੁੱਕ ਕੀਤੇ ਤਰੀਕ ਅਤੇ ਸਮੇਂ ਅਨੁਸਾਰ ਕੇਂਦਰ ਵਿਚ ਆਉਣਾ ਪਏਗਾ। ਇਸ ਤੋਂ ਬਾਅਦ ਅਧਿਕਾਰੀ ਸਾਰੇ ਦਸਤਾਵੇਜ਼ਾਂ ਦੀ ਜਾਂਚ ਕਰਨਗੇ। ਫਿਰ ਬਿਨੈਕਾਰ ਨੂੰ ਇੰਤਜ਼ਾਰ ਵਾਲੇ ਖੇਤਰ ਵਿੱਚ ਆਪਣੀ ਵਾਰੀ ਦਾ ਇੰਤਜ਼ਾਰ ਕਰਨਾ ਪਵੇਗਾ ਅਤੇ ਆਪਣੀ ਵਾਰੀ ਆਉਣ ਤੇ ਟੈਸਟ ਦੇਣਾ ਪਵੇਗਾ। ਇਸ ਤੋਂ ਬਾਅਦ ਟੈਸਟ ਦਾ ਨਤੀਜਾ ਸਬੰਧਤ ਅਧਿਕਾਰੀ ਨੂੰ ਭੇਜ ਦਿੱਤਾ ਜਾਵੇਗਾ, ਜਿਸ ਤੋਂ ਬਾਅਦ ਬਿਨੈਕਾਰ ਨੂੰ ਲਾਇਸੈਂਸ ਜਾਰੀ ਕੀਤਾ ਜਾਵੇਗਾ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
Car loan Information:
Calculate Car Loan EMI