India-United Kingdom Free Trade Agreement: ਜੇਕਰ ਤੁਸੀਂ ਲਗਜ਼ਰੀ ਕਾਰਾਂ ਦੇ ਸ਼ੌਕੀਨ ਹੋ ਤਾਂ ਇਹ ਖ਼ਬਰ ਤੁਹਾਡੇ ਮਤਲਬ ਦੀ ਹੈ। ਅਸੀਂ ਇਹ ਇਸ ਲਈ ਕਹਿ ਰਹੇ ਹਾਂ ਕਿਉਂਕਿ ਜੈਗੁਆਰ ਲੈਂਡ ਰੋਵਰ, ਰੋਲਸ-ਰਾਇਸ ਅਤੇ ਐਸਟਨ ਮਾਰਟਿਨ ਵਰਗੀਆਂ ਲਗਜ਼ਰੀ ਕਾਰਾਂ ਸਸਤੀਆਂ ਹੋ ਜਾਣਗੀਆਂ। ਭਾਰਤ ਅਤੇ ਯੂਨਾਈਟਿਡ ਕਿੰਗਡਮ ਨੇ ਇੱਕ ਫ੍ਰੀ ਟ੍ਰੇਡ ਐਗਰੀਮੈਂਟ (FTA) 'ਤੇ ਹਸਤਾਖਰ ਕੀਤੇ ਹਨ, ਜੋ ਕਿ ਇੱਕ ਵਪਾਰ ਸਮਝੌਤਾ ਹੈ। ਇਹ ਸਮਝੌਤਾ ਨਾ ਸਿਰਫ਼ ਦੋਵਾਂ ਦੇਸ਼ਾਂ ਵਿਚਕਾਰ ਵਪਾਰਕ ਸਬੰਧਾਂ ਨੂੰ ਮਜ਼ਬੂਤ ਕਰੇਗਾ ਬਲਕਿ ਸਾਡੇ ਦੇਸ਼ ਦੇ ਆਟੋਮੋਟਿਵ ਸੈਕਟਰ ਨੂੰ ਵੀ ਹੁਲਾਰਾ ਦੇਣ ਦੀ ਉਮੀਦ ਹੈ।
ਇਸਦਾ ਅਸਰ ਲਗਜ਼ਰੀ ਅਤੇ ਪ੍ਰੀਮੀਅਮ ਵਾਹਨਾਂ ਦੇ ਆਯਾਤ 'ਤੇ ਦਿਖਾਈ ਦੇਵੇਗਾ
ਇਸ ਸਮਝੌਤੇ ਦਾ ਸਭ ਤੋਂ ਵੱਡਾ ਅਸਰ ਲਗਜ਼ਰੀ ਅਤੇ ਪ੍ਰੀਮੀਅਮ ਗੱਡੀਆਂ ਦੇ ਆਯਾਤ 'ਤੇ ਦੇਖਣ ਨੂੰ ਮਿਲੇਗਾ, ਜਿਸ ਕਾਰਨ ਇਨ੍ਹਾਂ ਦੀਆਂ ਕੀਮਤਾਂ ਵਿੱਚ ਵੱਡੀ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ। ਪਿਛਲੇ ਸਾਲ, ਭਾਰਤ ਨੇ ਬ੍ਰਿਟੇਨ ਤੋਂ ਲਗਭਗ 650 ਕਰੋੜ ਰੁਪਏ ਦੀਆਂ ਕਾਰਾਂ ਦਰਾਮਦ ਕੀਤੀਆਂ, ਜਦੋਂ ਕਿ ਬਾਈਕਾਂ ਦੀ ਦਰਾਮਦ ਲਗਭਗ 30 ਕਰੋੜ ਰੁਪਏ ਸੀ।
100% ਤੋਂ ਘੱਟ ਕੇ 10% ਹੋ ਜਾਵੇਗਾ ਟੈਰਿਫ
ਇਸ ਐਗਰੀਮੈਂਟ ਦੇ ਕਰਕੇ ਯੂਕੇ ਭਾਰਤ ਤੋਂ ਨਿਰਯਾਤ ਕੀਤੇ ਜਾਣ ਵਾਲੇ ਸਮਾਨ 'ਤੇ ਟੈਰਿਫ ਘਟਾ ਦੇਵੇਗਾ, ਜਦੋਂ ਕਿ ਭਾਰਤ ਯੂਨਾਈਟਿਡ ਕਿੰਗਡਮ ਤੋਂ ਆਯਾਤ ਕੀਤੀਆਂ ਜਾਣ ਵਾਲੀਆਂ ਲਗਜ਼ਰੀ ਅਤੇ ਹਾਈ-ਐਂਡ ਕਾਰਾਂ 'ਤੇ ਮੌਜੂਦਾ ਟੈਰਿਫ ਨੂੰ 100 ਪ੍ਰਤੀਸ਼ਤ ਤੋਂ ਘਟਾ ਕੇ ਸਿਰਫ 10 ਪ੍ਰਤੀਸ਼ਤ ਕਰ ਦੇਵੇਗਾ। ਬ੍ਰਿਟੇਨ ਵਿੱਚ ਬਣੀਆਂ ਕਾਰਾਂ 'ਤੇ ਆਯਾਤ ਡਿਊਟੀਆਂ ਵਿੱਚ ਭਾਰੀ ਕਮੀ ਆਵੇਗੀ। ਇਸ ਲਈ, ਜੈਗੁਆਰ ਲੈਂਡ ਰੋਵਰ, ਐਸਟਨ ਮਾਰਟਿਨ, ਬੈਂਟਲੇ ਅਤੇ ਰੋਲਸ-ਰਾਇਸ ਵਰਗੀਆਂ ਕੰਪਨੀਆਂ ਦੀਆਂ ਕਾਰਾਂ ਸਸਤੀਆਂ ਹੋ ਜਾਣਗੀਆਂ।
ਇਹ ਸਾਰੀਆਂ ਕਾਰ ਨਿਰਮਾਤਾ ਕੰਪਨੀਆਂ ਬ੍ਰਿਟੇਨ ਵਿੱਚ ਕਾਰਾਂ ਬਣਾਉਂਦੀਆਂ ਹਨ ਅਤੇ ਆਪਣੀਆਂ ਕਾਰਾਂ ਭਾਰਤ ਵਿੱਚ ਆਯਾਤ ਕਰਦੀਆਂ ਹਨ। ਹਾਈ ਇੰਪੋਰਟ ਡਿਊਟੀ ਦੇ ਕਰਕੇ ਇਹਨਾਂ ਕਾਰਾਂ ਦੀ ਕੀਮਤ ਆਮ ਲੋਕਾਂ ਤੱਕ ਪਹੁੰਚਣ ਤੱਕ ਕਾਫ਼ੀ ਵੱਧ ਜਾਂਦੀ ਹੈ। ਅਜਿਹੀ ਸਥਿਤੀ ਵਿੱਚ, ਟੈਰਿਫ ਵਿੱਚ ਕਟੌਤੀ ਦੇ ਕਾਰਨ, ਇਨ੍ਹਾਂ ਕਾਰ ਕੰਪਨੀਆਂ ਨੂੰ ਆਪਣੇ ਪੋਰਟਫੋਲੀਓ ਵਿੱਚ ਕੀਮਤ ਵਿੱਚ ਕਟੌਤੀ ਦਾ ਲਾਭ ਮਿਲਣ ਦੀ ਸੰਭਾਵਨਾ ਹੈ।
Car loan Information:
Calculate Car Loan EMI