Driving License Online: ਤੁਸੀਂ ਭਾਵੇਂ ਬਾਈਕ/ਕਾਰ ਚਲਾਉਣੀ ਹੋਏ ਜਾਂ ਫਿਰ ਕਿਸੇ ਹੋਰ ਕਿਸਮ ਦਾ ਵਾਹਨ ਤਾਂ ਇਸ ਲਈ ਇੱਕ ਡਰਾਈਵਿੰਗ ਲਾਇਸੈਂਸ ਦੀ ਲੋੜ ਹੁੰਦੀ ਹੈ। ਬਿਨਾਂ ਲਾਇਸੈਂਸ ਦੇ ਡਰਾਈਵਿੰਗ ਕਰਨਾ ਇੱਕ ਸਜ਼ਾਯੋਗ ਜੁਰਮ ਹੈ। ਇਹ ਤੁਹਾਡੇ ਹੋਰ ਦਸਤਾਵੇਜ਼ਾਂ ਵਾਂਗ ਮਹੱਤਵਪੂਰਨ ਹੈ। ਪਹਿਲੇ ਸਮਿਆਂ ਵਿੱਚ ਡਰਾਈਵਿੰਗ ਲਾਇਸੈਂਸ ਲੈਣ ਲਈ ਕਿਸੇ ਨੂੰ ਬਹੁਤ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਸੀ। ਆਰਟੀਓ ਜਾ ਕੇ ਅਧਿਕਾਰੀਆਂ ਨਾਲ ਗੱਲਬਾਤ ਕਰਨੀ ਪੈਂਦੀ ਸੀ ਪਰ ਹੁਣ ਇੰਟਰਨੈੱਟ ਤੇ ਅੱਪਡੇਟ ਸਿਸਟਮ ਕਾਰਨ ਡਰਾਈਵਿੰਗ ਲਾਇਸੈਂਸ ਲਈ ਅਪਲਾਈ ਕਰਨਾ ਆਸਾਨ ਹੋ ਗਿਆ ਹੈ।
ਹੁਣ ਇਹ ਇੱਕ ਪੂਰੀ ਤਰ੍ਹਾਂ ਡਿਜੀਟਲ ਪ੍ਰਕਿਰਿਆ ਹੈ, ਪਰ ਦਸਤਾਵੇਜ਼ ਤਸਦੀਕ ਦੀ ਪ੍ਰਕਿਰਿਆ ਅਜੇ ਵੀ ਫਿਜ਼ੀਕਲ ਹੈ। ਜੇਕਰ ਤੁਸੀਂ ਵੀ ਨਵਾਂ ਡ੍ਰਾਈਵਿੰਗ ਲਾਇਸੰਸ ਲੈਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਨ੍ਹਾਂ ਕਦਮਾਂ ਦੀ ਪਾਲਣਾ ਕਰਕੇ ਇਸ ਲਈ ਔਨਲਾਈਨ ਅਰਜ਼ੀ ਦੇ ਸਕਦੇ ਹੋ।
ਇਸ ਤਰੀਕੇ ਨਾਲ ਕਰੋ ਅਪਲਾਈ
- ਡਰਾਈਵਿੰਗ ਲਾਇਸੈਂਸ ਅਪਲਾਈ ਕਰਨ ਲਈ ਪਹਿਲਾਂ ਟਰਾਂਸਪੋਰਟ ਵਿਭਾਗ ਦੀ ਵੈੱਬਸਾਈਟ 'ਤੇ ਜਾਓ ਤੇ ਡਰਾਈਵਰ/ਲਰਨਰਸ ਲਾਈਸੈਂਸ 'ਤੇ ਕਲਿੱਕ ਕਰੋ।
- ਅੱਗੇ ਆਪਣਾ ਰਾਜ ਚੁਣੋ, ਤੇ ਲਰਨਰਜ਼ ਲਾਇਸੈਂਸ ਵਿਕਲਪ ਚੁਣੋ।
- ਇਸ ਤੋਂ ਬਾਅਦ ਅਗਲਾ ਫਾਰਮ ਭਰੋ। ਯਕੀਨੀ ਬਣਾਓ ਕਿ ਕੋਈ ਗਲਤੀ ਨਾ ਹੋਏ। ਸਭ ਕੁਝ ਸਹੀ ਹੋਣ ਤੋਂ ਬਾਅਦ, ਆਪਣੇ ਫਾਰਮ ਦੀ ਸਮੀਖਿਆ ਕਰੋ ਤੇ ਸਬਮਿਟ ਬਟਨ 'ਤੇ ਕਲਿੱਕ ਕਰੋ।
- ਇਸ ਤੋਂ ਬਾਅਦ ਅਗਲੇ ਪੇਜ 'ਤੇ ਤੁਹਾਨੂੰ ਸਾਰੇ ਸਹਾਇਕ ਦਸਤਾਵੇਜ਼ਾਂ ਤੇ ਫੋਟੋਆਂ ਨੂੰ ਅਪਲੋਡ ਕਰਨ ਤੋਂ ਬਾਅਦ ਦਸਤਾਵੇਜ਼ ਨੂੰ ਈ-ਸਾਇਨ ਕਰਨਾ ਹੋਵੇਗਾ।
- ਇਸ ਤੋਂ ਬਾਅਦ ਤੁਹਾਨੂੰ ਫੀਸਾਂ ਦਾ ਭੁਗਤਾਨ ਕਰਨਾ ਹੋਵੇਗਾ, ਸਲਾਟ ਬੁੱਕ ਕਰਨਾ ਹੋਵੇਗਾ ਤੇ ਲਰਨਰਜ਼ ਲਾਇਸੈਂਸ ਟੈਸਟ ਲਈ ਸਮਾਂ ਚੁਣਨਾ ਹੋਵੇਗਾ।
- ਧਿਆਨ ਰਹੇ ਕਿ ਆਧਾਰ ਕਾਰਡ ਵਾਲੇ ਬਿਨੈਕਾਰਾਂ ਲਈ ਤੁਰੰਤ ਆਨਲਾਈਨ ਪ੍ਰੀਖਿਆ ਲਈ ਜਾ ਸਕਦੀ ਹੈ ਤੇ ਈ-ਲਰਨਰ ਲਾਇਸੰਸ ਤੁਰੰਤ ਜਾਰੀ ਕਰਨ ਦਾ ਵਿਕਲਪ ਉਪਲਬਧ ਹੋਵੇਗਾ। ਹਾਲਾਂਕਿ, ਆਧਾਰ ਕਾਰਡ ਤੋਂ ਬਿਨਾਂ ਬਿਨੈਕਾਰਾਂ ਲਈ, ਉਨ੍ਹਾਂ ਨੂੰ ਪ੍ਰੀਖਿਆ ਦੇਣ ਲਈ ਪ੍ਰੀਖਿਆ ਕੇਂਦਰ ਜਾਣਾ ਪਵੇਗਾ।
ਲਰਨਰ ਲਾਇਸੈਂਸ ਲੈਣ ਤੋਂ ਬਾਅਦ
ਲਰਨਰ ਲਾਇਸੰਸ ਪ੍ਰਾਪਤ ਕਰਨ ਤੋਂ ਬਾਅਦ, ਤੁਸੀਂ ਕਾਨੂੰਨੀ ਤੌਰ 'ਤੇ ਗੱਡੀ ਚਲਾਉਣ ਲਈ ਤਿਆਰ ਹੋ। ਹਾਲਾਂਕਿ, ਕੁਝ ਧਾਰਾਵਾਂ ਲਈ ਤੁਹਾਨੂੰ ਆਪਣੇ ਵਾਹਨ 'ਤੇ ਇਹ ਦਿਖਾਉਣ ਦੀ ਲੋੜ ਹੋਵੇਗੀ ਕਿ ਤੁਸੀਂ ਲਰਨਰ ਹੋ ਤੇ ਤੁਹਾਡੇ ਕੋਲ ਹਰ ਸਮੇਂ ਇੱਕ ਵੈਧ ਲਾਇਸੈਂਸ ਹੈ। ਇਹ ਰਾਜ 'ਤੇ ਨਿਰਭਰ ਕਰਦਾ ਹੈ, ਇਸ ਲਈ ਆਪਣੇ ਰਾਜ ਅਨੁਸਾਰ ਨਿਯਮਾਂ ਦੀ ਧਿਆਨ ਨਾਲ ਜਾਂਚ ਕਰੋ।
ਇਹ ਵੀ ਪੜ੍ਹੋ: France Ban iPhone: ਫਰਾਂਸ ਨੇ ਬੈਨ ਕਰ ਦਿੱਤਾ iPhone 12, SAR ਦਾ ਪੱਧਰ ਜਿਆਦਾ ਹੋਣ ਮਗਰੋਂ ਸਰਕਾਰ ਦਾ ਐਕਸ਼ਨ
ਇਸ ਤਰ੍ਹਾਂ ਤੁਸੀਂ ਸਥਾਈ ਲਾਇਸੈਂਸ ਪ੍ਰਾਪਤ ਕਰੋ
ਇੱਕ ਵਾਰ ਜਦੋਂ ਤੁਸੀਂ ਲਰਨਰ ਲਾਇਸੰਸ ਪ੍ਰਾਪਤ ਕਰ ਲੈਂਦੇ ਹੋ, ਤਾਂ ਤੁਹਾਨੂੰ ਸਰੀਰਕ ਡਰਾਈਵਿੰਗ/ਰਾਈਡਿੰਗ ਟੈਸਟ ਦੇਣ ਲਈ 30 ਦਿਨਾਂ ਬਾਅਦ ਆਰਟੀਓ ਜਾਣਾ ਪਵੇਗਾ, ਜਿਸ ਨੂੰ ਪਾਸ ਕਰਨ ਤੋਂ ਬਾਅਦ ਤੁਹਾਨੂੰ ਇੱਕ ਸਥਾਈ ਲਾਇਸੈਂਸ ਜਾਰੀ ਕੀਤਾ ਜਾਵੇਗਾ। ਇਹ ਗੱਲ ਧਿਆਨ ਵਿੱਚ ਰੱਖੋ ਕਿ ਕੁਝ ਪ੍ਰਕਿਰਿਆਵਾਂ ਰਾਜ ਦੇ ਆਧਾਰ 'ਤੇ ਵੱਖ-ਵੱਖ ਹੋ ਸਕਦੀਆਂ ਹਨ, ਪਰ ਲਗਪਗ ਸਾਰੀਆਂ ਇੱਕੋ ਜਿਹੀਆਂ ਰਹਿੰਦੀਆਂ ਹਨ।
ਇਹ ਵੀ ਪੜ੍ਹੋ: Viral News: ਚਮਤਕਾਰੀ ਖੂਹ! ਇਸ ਦਾ ਉਬਾਲ ਦਾ ਪਾਣੀ ਹੁੰਦਾ ਠੰਡਾ, ਨਹਾਉਣ ਨਾਲ ਠੀਕ ਹੁੰਦੇ ਹੱਡੀਆਂ ਦੇ ਰੋਗ, ਜਾਣੋ ਰਾਜ਼
Car loan Information:
Calculate Car Loan EMI