Maruti Suzuki Cars Discount: ਹਾਲਾਂਕਿ ਕਾਰ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਆਪਣੀਆਂ ਕਾਰਾਂ ਦੀਆਂ ਕੀਮਤਾਂ ਵਧਾਉਣ ਨੂੰ ਲੈ ਕੇ ਸੁਰਖੀਆਂ 'ਚ ਹੈ ਪਰ ਹੁਣ ਕੰਪਨੀ ਨੇ ਆਪਣੀਆਂ ਦੋ ਕਾਰਾਂ ਆਲਟੋ ਕੇ 10 ਅਤੇ ਐੱਸ ਪ੍ਰੈਸੋ ਦੇ ਕੁਝ ਵੇਰੀਐਂਟ ਦੀਆਂ ਕੀਮਤਾਂ 'ਚ ਕਟੌਤੀ ਕੀਤੀ ਹੈ। ਇਹ ਕਾਰ ਉਨ੍ਹਾਂ ਲਈ ਪਰਫੈਕਟ ਸਾਬਤ ਹੋਣ ਵਾਲੀ ਹੈ ਜੋ ਘੱਟ ਕੀਮਤ 'ਤੇ ਚੰਗੀ ਕਾਰ ਦੀ ਤਲਾਸ਼ ਕਰ ਰਹੇ ਹਨ। ਆਓ ਜਾਣਦੇ ਹਾਂ ਇਨ੍ਹਾਂ ਕਾਰਾਂ ਦੀਆਂ ਐਕਸ-ਸ਼ੋਰੂਮ ਕੀਮਤਾਂ ਕੀ ਹਨ ਤੇ ਕਾਰਾਂ ਦੀਆਂ ਕੀਮਤਾਂ 'ਚ ਕਿੰਨੀ ਕਮੀ ਆਈ ਹੈ।
ਮਾਰੂਤੀ ਸੁਜ਼ੂਕੀ ਦੀ Alto K10 ਅਤੇ S-Presso ਦੀ ਕੀਮਤ ਵਿੱਚ ਕਟੌਤੀ ਬਾਰੇ ਗੱਲ ਕਰਦੇ ਹੋਏ, ਮੋਟਰ ਵਾਹਨ ਨਿਰਮਾਤਾ ਨੇ ਸਟਾਕ ਮਾਰਕੀਟ ਨੂੰ ਦੱਸਿਆ ਕਿ S-Presso LXI ਪੈਟਰੋਲ ਵੇਰੀਐਂਟ ਦੀ ਕੀਮਤ ਵਿੱਚ 2,000 ਰੁਪਏ ਦੀ ਕਟੌਤੀ ਕੀਤੀ ਜਾਵੇਗੀ ਜਦੋਂ ਕਿ Alto K10 VXI ਪੈਟਰੋਲ ਵੇਰੀਐਂਟ ਦੀ ਕੀਮਤ ਵਿੱਚ 6500 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ।
ਅਜਿਹੇ 'ਚ ਹੁਣ ਗਾਹਕਾਂ ਨੂੰ 3 ਲੱਖ 99 ਹਜ਼ਾਰ ਰੁਪਏ ਤੋਂ ਲੈ ਕੇ 5 ਲੱਖ 96 ਹਜ਼ਾਰ ਰੁਪਏ ਐਕਸ-ਸ਼ੋਰੂਮ 'ਚ ਆਲਟੋ ਕੇ10 ਖਰੀਦਣ ਦਾ ਮੌਕਾ ਮਿਲੇਗਾ। ਇਸ ਤੋਂ ਇਲਾਵਾ ਦਿੱਲੀ 'ਚ S-Presso ਦੀ ਐਕਸ-ਸ਼ੋਰੂਮ ਕੀਮਤ ਹੁਣ 4 ਲੱਖ 26 ਹਜ਼ਾਰ ਰੁਪਏ ਤੋਂ ਲੈ ਕੇ 6 ਲੱਖ 11 ਹਜ਼ਾਰ ਰੁਪਏ ਤੱਕ ਹੈ।
ਕੰਪਨੀ ਨੇ ਮਾਰੂਤੀ ਸੁਜ਼ੂਕੀ ਆਲਟੋ ਕੇ10 'ਚ 1.0 ਲਿਟਰ 3 ਸਿਲੰਡਰ ਇੰਜਣ ਦਿੱਤਾ ਹੈ। ਇਹ ਇੰਜਣ 66 BHP ਦੀ ਅਧਿਕਤਮ ਪਾਵਰ ਦੇ ਨਾਲ 89 Nm ਦਾ ਪੀਕ ਟਾਰਕ ਜਨਰੇਟ ਕਰਦਾ ਹੈ। ਇਸ ਕਾਰ ਵਿੱਚ ਸੀਐਨਜੀ ਵਿਕਲਪ ਵੀ ਉਪਲਬਧ ਹੈ। ਕੰਪਨੀ ਮੁਤਾਬਕ ਕਾਰ ਦਾ ਪੈਟਰੋਲ ਵੇਰੀਐਂਟ ਲਗਭਗ 25 ਕਿਲੋਮੀਟਰ ਪ੍ਰਤੀ ਲੀਟਰ ਦੀ ਮਾਈਲੇਜ ਦਿੰਦਾ ਹੈ। ਇਸ ਕਾਰ ਦਾ CNG ਵੇਰੀਐਂਟ 33 ਕਿਲੋਮੀਟਰ ਤੱਕ ਦੀ ਮਾਈਲੇਜ ਦੇਣ 'ਚ ਸਮਰੱਥ ਹੈ।
Maruti S-Presso ਦੇ ਮੈਨੂਅਲ ਵੇਰੀਐਂਟ 24.76kmpl ਦੀ ਮਾਈਲੇਜ ਦਿੰਦੇ ਹਨ ਅਤੇ ਆਟੋਮੈਟਿਕ ਟ੍ਰਾਂਸਮਿਸ਼ਨ ਦੇ ਨਾਲ 25.30kmpl ਤੱਕ ਦੀ ਮਾਈਲੇਜ ਹੈ। ਇਹ ARAI ਪ੍ਰਮਾਣਿਤ ਮਾਈਲੇਜ ਹੈ, ਜਿਸਦਾ ਮਤਲਬ ਹੈ ਕਿ ਇਹ ਮਾਈਲੇਜ ਦੇ ਲਿਹਾਜ਼ ਨਾਲ ਬਹੁਤ ਵਧੀਆ ਕਾਰ ਹੈ। S-Presso ਦੀ ਲੰਬਾਈ 3,565mm, ਉਚਾਈ 1,567mm ਅਤੇ ਚੌੜਾਈ 1520mm ਹੈ।
Car loan Information:
Calculate Car Loan EMI