ਕੋਰੋਨਾ ਸੰਕਟ ਦੇ ਬਾਵਜੂਦ ਇਨ੍ਹਾਂ ਵਾਹਨ ਕੰਪਨੀਆਂ ਦੀ ਸੇਲ ਵਧੀ,  ਵੇਚੀਆਂ ਇੰਨੀਆਂ ਕਾਰਾਂ  

ਸਾਲ 2021 ਆਟੋ ਸੈਕਟਰ ਲਈ ਚੁਣੌਤੀਆਂ ਭਰਿਆ ਰਿਹਾ ਹੈ। ਇਸ ਦੌਰਾਨ ਸੈਮੀਕੰਡਕਟਰ ਦੀ ਸ਼ਾਰਟਜ਼ ਅਤੇ ਕੋਰੋਨਾ ਪਾਬੰਦੀਆਂ ਨੇ ਵਾਹਨਾਂ ਦੀ ਵਿਕਰੀ ਨੂੰ ਬਹੁਤ ਪ੍ਰਭਾਵਿਤ ਕੀਤਾ।

ਨਵੀਂ ਦਿੱਲੀ :  ਸਾਲ 2021 ਆਟੋ ਸੈਕਟਰ ਲਈ ਚੁਣੌਤੀਆਂ ਭਰਿਆ ਰਿਹਾ ਹੈ। ਇਸ ਦੌਰਾਨ ਸੈਮੀਕੰਡਕਟਰ ਦੀ ਸ਼ਾਰਟਜ਼ ਅਤੇ ਕੋਰੋਨਾ ਪਾਬੰਦੀਆਂ ਨੇ ਵਾਹਨਾਂ ਦੀ ਵਿਕਰੀ ਨੂੰ ਬਹੁਤ ਪ੍ਰਭਾਵਿਤ ਕੀਤਾ। ਹਾਲਾਂਕਿ ਇਸ ਦੇ ਬਾਵਜੂਦ ਨਿਸਾਨ ਮੋਟਰ ਇੰਡੀਆ (Nissan Motor India) ਅਤੇ ਐਮਜੀ ਮੋਟਰ ਇੰਡੀਆ  (MG Motor India) ਦੀ ਵਿਕਰੀ ਵਿੱਚ ਕਾਫ਼ੀ ਵਾਧਾ ਹੋਇਆ ਹੈ।

 

ਦਸੰਬਰ 2021 ਵਿੱਚ ਘਰੇਲੂ ਬਾਜ਼ਾਰ ਵਿੱਚ ਨਿਸਾਨ ਮੋਟਰ ਇੰਡੀਆ ਦੀ ਵਿਕਰੀ ਦੁੱਗਣੀ ਤੋਂ ਵੱਧ ਕੇ 3,010 ਯੂਨਿਟ ਹੋ ਗਈ ਹੈ। ਇਸ ਦੇ ਨਾਲ ਹੀ ਪਿਛਲੇ ਸਾਲ 2021 'ਚ MG ਮੋਟਰ ਇੰਡੀਆ ਦੀ ਪ੍ਰਚੂਨ ਵਿਕਰੀ 43 ਫੀਸਦੀ ਵਧ ਕੇ 40,273 ਯੂਨਿਟ ਹੋ ਗਈ। ਨਿਸਾਨ ਮੋਟਰ ਇੰਡੀਆ ਭਾਰਤੀ ਬਾਜ਼ਾਰ ਵਿੱਚ ਦੋ ਬ੍ਰਾਂਡਾਂ ਨਿਸਾਨ ਅਤੇ ਡੈਟਸਨ ਕਾਰਾਂ ਵੇਚਦੀ ਹੈ। ਪਿਛਲੇ ਸਾਲ ਇਸੇ ਮਹੀਨੇ ਕੰਪਨੀ ਨੇ ਘਰੇਲੂ ਬਾਜ਼ਾਰ 'ਚ 1,159 ਵਾਹਨ ਵੇਚੇ ਸਨ।

 

ਨਿਸਾਨ ਮੋਟਰ ਇੰਡੀਆ ਨੇ ਦਰਜ ਕੀਤਾ 323 ਫੀਸਦੀ ਦਾ ਵਾਧਾ

ਨਿਸਾਨ ਮੋਟਰ ਇੰਡੀਆ ਨੇ ਸ਼ਨੀਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ ਚਾਲੂ ਵਿੱਤੀ ਸਾਲ ਦੇ ਪਹਿਲੇ ਨੌਂ ਮਹੀਨਿਆਂ, ਅਪ੍ਰੈਲ-ਦਸੰਬਰ, 2021 ਵਿੱਚ ਉਨ੍ਹਾਂ ਦੀ ਘਰੇਲੂ ਬਾਜ਼ਾਰ ਵਿੱਚ ਵਿਕਰੀ 27,965 ਯੂਨਿਟ ਰਹੀ, ਜਦੋਂ ਕਿ ਪਿਛਲੇ ਸਾਲ ਇਸੇ ਮਿਆਦ ਵਿੱਚ ਇਹ 6,609 ਯੂਨਿਟ ਸੀ। ਨਿਸਾਨ ਮੋਟਰ ਇੰਡੀਆ ਦੇ ਮੈਨੇਜਿੰਗ ਡਾਇਰੈਕਟਰ ਰਾਕੇਸ਼ ਵਾਸਤਵ ਨੇ ਕਿਹਾ, "ਕੋਵਿਡ-19 ਦੀ ਚੁਣੌਤੀ ਅਤੇ ਸੈਮੀਕੰਡਕਟਰਾਂ ਦੀ ਕਮੀ ਦੇ ਬਾਵਜੂਦ ਨਿਸਾਨ ਨੇ ਕੁੱਲ 323 ਫੀਸਦੀ ਵਾਧਾ ਦਰਜ ਕੀਤਾ ਹੈ।

 

Hector SUV ਨੇ ਵਧਾਈ MG Motor India ਦੀ ਸੇਲ 

ਐਮਜੀ ਮੋਟਰ ਇੰਡੀਆ ਨੇ ਸਾਲ 2021 ਵਿੱਚ 40,273 ਵਾਹਨ ਵੇਚੇ ਹਨ ਜਦੋਂ ਕਿ ਕੰਪਨੀ ਨੇ 2020 ਵਿੱਚ 28,162 ਵਾਹਨ ਵੇਚੇ ਹਨ। ਪਿਛਲੇ ਸਾਲ ਕੰਪਨੀ ਦੀ ਵਿਕਰੀ 'ਚ ਵੱਡਾ ਯੋਗਦਾਨ ਹੈਕਟਰ ਐੱਸ.ਯੂ.ਵੀ. ਇਸ ਸਮੇਂ ਦੌਰਾਨ ਕੰਪਨੀ ਨੇ ਹੈਕਟਰ SUV ਦੇ 31,509 ਯੂਨਿਟ ਵੇਚੇ। ਇਸ ਤੋਂ ਇਲਾਵਾ ਕੰਪਨੀ ਨੇ ਸਾਲ ਦੌਰਾਨ ਗਲੋਸਟਰ SUV ਦੀਆਂ 3,823 ਯੂਨਿਟ , JS EV ਦੀਆਂ 2,798 ਯੂਨਿਟ ਅਤੇ Aster SUV ਦੀਆਂ 2,143  ਯੂਨਿਟ ਵੇਚੇ। 

 

 

ਪੂਰੇ ਮੋਟਰਜ਼ ਉਦਯੋਗ ਲਈ ਬਹੁਤ ਚੁਣੌਤੀਪੂਰਨ ਰਿਹਾ ਪਿਛਲਾ ਸਾਲ 

ਐਮਜੀ ਮੋਟਰ ਇੰਡੀਆ ਦੇ ਮੁੱਖ ਅਤੇ ਪ੍ਰਬੰਧ ਨਿਰਦੇਸ਼ਕ ਰਾਜੀਵ ਛਬਾ ਨੇ ਸ਼ਨੀਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ ਪਿਛਲੇ ਸਾਲ ਪੂਰੇ ਵਾਹਨ ਉਦਯੋਗ ਲਈ ਬਹੁਤ ਚੁਣੌਤੀਪੂਰਨ ਰਿਹਾ ਹੈ। ਰਾਜੀਵ ਛਬਾ ਨੇ ਕਿਹਾ ਕਿ ਇਹ ਨਾਜ਼ੁਕ ਸਥਿਤੀ 2022 ਦੇ ਪਹਿਲੇ ਅੱਧ ਵਿੱਚ ਵੀ ਜਾਰੀ ਰਹੇਗੀ। ਉਨ੍ਹਾਂ ਕਿਹਾ ਕਿ ਕੋਰੋਨਾ ਮਹਾਮਾਰੀ ਦੇ ਨਵੇਂ ਰੂਪ ਓਮੀਕਰੋਨ, ਵਿਸ਼ਵ ਪੱਧਰ 'ਤੇ ਸੈਮੀਕੰਡਕਟਰਾਂ ਦੀ ਕਮੀ ਦੇ ਨਾਲ-ਨਾਲ ਇਨਪੁਟ ਸਮੱਗਰੀ ਦੀ ਲਾਗਤ ਵਧਣ ਕਾਰਨ ਮਹਿੰਗਾਈ ਦਾ ਖਤਰਾ ਆਟੋ ਸੈਕਟਰ ਲਈ ਚੁਣੌਤੀਪੂਰਨ ਹੋਵੇਗਾ।

 

ਟਾਟਾ ਮੋਟਰਜ਼ ਦੀ ਵਿਕਰੀ 50% ਵਧੀ

ਦਸੰਬਰ 2021 'ਚ ਟਾਟਾ ਮੋਟਰਜ਼ ਦੀ ਯਾਤਰੀ ਵਾਹਨਾਂ ਦੀ ਕੁੱਲ ਵਿਕਰੀ 50 ਫੀਸਦੀ ਵੱਧ ਕੇ 35,299 ਯੂਨਿਟ ਹੋ ਗਈ। ਟਾਟਾ ਮੋਟਰਜ਼ ਨੇ ਸ਼ੇਅਰ ਬਾਜ਼ਾਰ ਨੂੰ ਦੱਸਿਆ ਕਿ ਕੰਪਨੀ ਨੇ ਇਕ ਸਾਲ ਪਹਿਲਾਂ ਇਸੇ ਮਹੀਨੇ ਕੁੱਲ 23,545 ਯੂਨਿਟਸ ਵੇਚੀਆਂ ਸਨ। ਕੰਪਨੀ ਨੇ ਕਿਹਾ ਕਿ ਦਸੰਬਰ 2021 ਨੂੰ ਖਤਮ ਹੋਈ ਤੀਜੀ ਤਿਮਾਹੀ ਦੌਰਾਨ ਉਸਦੀ ਕੁੱਲ ਯਾਤਰੀ ਵਾਹਨਾਂ ਦੀ ਵਿਕਰੀ 99,002 ਯੂਨਿਟ ਰਹੀ ਜਦੋਂ ਕਿ ਪਿਛਲੇ ਸਾਲ ਇਸੇ ਮਿਆਦ ਵਿੱਚ ਇਹ 68,806 ਯੂਨਿਟ ਸੀ। ਇਸ ਤਰ੍ਹਾਂ ਇਸ 'ਚ 44 ਫੀਸਦੀ ਦਾ ਵਾਧਾ ਹੋਇਆ ਹੈ।

 

ਇਹ ਵੀ ਪੜ੍ਹੋ : ਹਰਿਆਣਾ ਦੇ ਭਿਵਾਨੀ 'ਚ ਪਹਾੜ ਖਿਸਕਣ ਕਾਰਨ 4 ਲੋਕਾਂ ਦੀ ਮੌਤ , ਬਚਾਅ ਲਈ NDRF ਸਮੇਤ ਫੌਜ ਦੀ ਟੁਕੜੀ ਬੁਲਾਈ ਗਈ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ :

https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id81111490

Car loan Information: