Flying Car: ਹੁਣ ਤੱਕ ਲੋਕ ਹਵਾਈ ਜਹਾਜ਼ਾਂ ਜਾਂ ਹੈਲੀਕਾਪਟਰਾਂ ਰਾਹੀਂ ਇੱਕ ਸ਼ਹਿਰ ਤੋਂ ਦੂਜੇ ਸ਼ਹਿਰ ਦੀ ਯਾਤਰਾ ਜ਼ਰੂਰ ਕਰਦੇ ਰਹੇ ਹਨ ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਇਹ ਹਵਾਈ ਯਾਤਰਾ ਕਾਰ ਰਾਹੀਂ ਵੀ ਕੀਤੀ ਜਾ ਸਕਦੀ ਹੈ। ਹਾਂ, ਇਹ ਸਚਮੁਚ ਹੋਇਆ ਹੈ। ਇੱਕ ਕਾਰ ਨੇ ਪਹਿਲੀ ਵਾਰ ਸਲੋਵਾਕੀਆ ਦੀ ਰਾਜਧਾਨੀ ਬ੍ਰੈਤਿਸਲਾਵਾ ਵਿੱਚ ਉਡਾਣ ਭਰੀ ਹੈ।
ਇਸ ਪ੍ਰੋਟੋਟਾਈਪ-1 ਉਡਾਣ ਵਾਲੀ ਕਾਰ ਨੇ ਬ੍ਰੈਤਿਸਲਾਵਾ ਤੇ ਨੀਤਰਾ ਸ਼ਹਿਰ ਦੇ ਵਿਚਕਾਰ ਦੂਰੀ ਨੂੰ ਪੂਰਾ ਕਰਨ ਲਈ ਸਿਰਫ 35 ਮਿੰਟ ਲਏ। ਫਲਾਈਟ ਨੂੰ ਪੂਰਾ ਕਰਨ ਤੋਂ ਬਾਅਦ, ਕਾਰ ਰਨਵੇ 'ਤੇ ਉਤਰ ਗਈ ਤੇ ਇਸ ਦੇ ਖੰਭ ਫੋਲਡ ਹੋ ਗਏ ਤੇ ਉਹ ਦੁਬਾਰਾ ਕਾਰ ਵਿਚ ਤਬਦੀਲ ਹੋ ਗਈ। ਲੋਕਾਂ ਨੇ ਇਸ ਦ੍ਰਿਸ਼ ਨੂੰ ਆਪਣੇ ਕੈਮਰਿਆਂ ਵਿੱਚ ਕੈਦ ਵੀ ਕਰ ਲਿਆ।
ਕੁਝ ਸੈਕੰਡਾਂ ’ਚ ਉਡਾਣ ਭਰਨ ਲੱਗਦੀ ਕਾਰ
ਇਸ ਉਡਾਣ ਵਾਲੀ ਕਾਰ ਵਿੱਚ ਕੰਪਨੀ ਕਲੀਨ ਵਿਜ਼ਨ ਏਅਰਕਾਰ ਨੇ 160 ਹਾਰਸ ਪਾਵਰ ਦੇ ਬੀਐੱਮਡਬਲਯੂ ਇੰਜਣ ਦੀ ਵਰਤੋਂ ਕੀਤੀ ਹੈ। ਉਡਾਣ ਭਰਨ ਵਾਲੀ ਇਸ ਕਾਰ ਨੇ ਸਫਲਤਾਪੂਰਵਕ 40 ਘੰਟੇ ਦੀ ਹਵਾਈ ਉਡਾਣ ਦੀ ਪ੍ਰੀਖਿਆ ਪੂਰੀ ਕੀਤੀ ਹੈ। ਖਬਰਾਂ ਅਨੁਸਾਰ, ਕਾਰ ਸੜਕ ’ਤੇ ਦੌੜਦੇ ਸਮੇਂ ਸਿਰਫ ਤਿੰਨ ਮਿੰਟਾਂ ਵਿੱਚ ਉਡਾਣ ਭਰਨ ਲੱਗਦੀ ਹੈ। ਇੰਝ ਹੀ 30 ਸੈਕੰਡਾਂ ਵਿੱਚ ਟੇਕ ਆਫ਼ ਕਰਕੇ ਇਹ ਅਸਮਾਨ ਵਿੱਚ ਉਡਾਣ ਭਰਨ ਲੱਗਦੀ ਹੈ
ਇਹ ਹੈ ਰੇਂਜ
ਤੇਲ ਭਰਨ ਤੋਂ ਬਾਅਦ, ਉਡਾਣ ਭਰਨ ਵਾਲੀ ਇਸ ਕਾਰ ਵਿਚ 190 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਇਕ ਹਜ਼ਾਰ ਕਿਲੋਮੀਟਰ ਤੱਕ 8200 ਫੁੱਟ ਦੀ ਉਚਾਈ 'ਤੇ ਉਡਾਣ ਭਰਨ ਦੀ ਸ਼ਕਤੀ ਹੈ. ਜਿੱਥੇ ਇਹ ਕਾਰ ਤਿੰਨ ਮਿੰਟ ਤੇ ਤੀਹ ਸੈਕਿੰਡ ਵਿਚ ਉੱਡ ਜਾਂਦੀ ਹੈ। ਇੰਨੇ ਕੁ ਹੀ ਸਮੇਂ ਵਿਚ ਇਹ ਫਿਰ ਕਾਰ ਦਾ ਰੂਪ ਧਾਰ ਲੈਂਦੀ ਹੈ। ਜਦੋਂ ਇਹ ਕਾਰ ਜ਼ਮੀਨ 'ਤੇ ਚਲਦੀ ਹੈ, ਤਾਂ ਇਹ ਆਪਣੇ ਖੰਭ ਸਮੇਟ ਲੈਂਦੀ ਹੈ। ਇਸ ਕਾਰ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵੀ ਛਾਈ ਹੋਈ ਹੈ।
Car loan Information:
Calculate Car Loan EMI