Pre-Owned Royal Enfield Bikes in India: ਦੋ-ਪਹੀਆ ਵਾਹਨ ਨਿਰਮਾਤਾ ਕੰਪਨੀ ਰਾਇਲ ਐਨਫੀਲਡ, ਜੋ ਮੱਧਮ ਆਕਾਰ ਦੀਆਂ ਬਾਈਕ ਬਣਾਉਂਦੀ ਹੈ, ਨੇ ਜਾਣਕਾਰੀ ਦਿੱਤੀ ਹੈ ਕਿ ਇਸ ਨੇ ਪ੍ਰੀ-ਓਨਡ ਬਾਈਕ ਸੈਗਮੈਂਟ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ ਅਤੇ ਇਸਦੇ ਲਈ ਇੱਕ ਨਵੀਂ ਕੰਪਨੀ (ਰੀਓਨ) ਦੀ ਸ਼ੁਰੂਆਤ ਕੀਤੀ ਗਈ ਹੈ। ਇਹ ਮੌਜੂਦਾ ਅਤੇ ਸੰਭਾਵੀ ਗਾਹਕਾਂ ਲਈ ਆਪਣੀਆਂ ਰਾਇਲ ਐਨਫੀਲਡ ਬਾਈਕਾਂ ਨੂੰ ਖਰੀਦਣਾ ਜਾਂ ਵੇਚਣਾ ਅਤੇ ਆਪਣੀਆਂ ਬਾਈਕਾਂ ਨੂੰ ਐਕਸਚੇਂਜ ਕਰਨਾ ਜਾਂ ਨਵੀਂ ਬਾਈਕ 'ਤੇ ਅਪਗ੍ਰੇਡ ਕਰਨਾ ਆਸਾਨ ਬਣਾ ਦੇਵੇਗਾ।
ਪੀਟੀਆਈ ਦੀ ਰਿਪੋਰਟ ਮੁਤਾਬਕ, ਕੰਪਨੀ ਦੀ ਇਸ ਪਹਿਲ ਨਾਲ ਨਾ ਸਿਰਫ ਬ੍ਰਾਂਡ ਪ੍ਰਤੀ ਗਾਹਕਾਂ ਦਾ ਭਰੋਸਾ ਵਧੇਗਾ, ਸਗੋਂ ਬਾਈਕ ਖ਼ਰੀਦਣ ਅਤੇ ਵੇਚਣ ਦੀ ਪ੍ਰਕਿਰਿਆ ਵੀ ਆਸਾਨ ਹੋ ਜਾਵੇਗੀ। ਰਾਇਲ ਐਨਫੀਲਡ ਦੇ ਸੀਈਓ, ਬੀ ਗੋਵਿੰਦਰਾਜਨ ਨੇ ਕਿਹਾ ਕਿ ਅਸੀਂ REOWN ਨੂੰ ਇੱਕ ਪੂਰਵ-ਮਾਲਕੀਅਤ ਵਾਲੀ ਰਾਇਲ ਐਨਫੀਲਡ ਬਾਈਕ ਖਰੀਦਣ ਵੇਲੇ ਗਾਹਕਾਂ ਦੀ ਪਹੁੰਚ ਅਤੇ ਵਿਸ਼ਵਾਸ ਵਧਾਉਣ ਲਈ ਇੱਕ ਕਦਮ ਦੇ ਰੂਪ ਵਿੱਚ ਦੇਖਦੇ ਹਾਂ।
ਇੱਕ ਵਿਆਪਕ ਰਿਟੇਲ ਨੈੱਟਵਰਕ ਅਤੇ ਐਨਫੀਲਡ ਕਲੈਕਟਰਾਂ ਅਤੇ ਵਰਕਸ਼ਾਪਾਂ ਦੇ ਇੱਕ ਵੱਡੇ ਈਕੋਸਿਸਟਮ ਦੇ ਜ਼ਰੀਏ, ਕੰਪਨੀ ਕੋਲ ਪਹਿਲਾਂ ਤੋਂ ਮਲਕੀਅਤ ਵਾਲੇ ਰਾਇਲ ਐਨਫੀਲਡ ਮੋਟਰਸਾਈਕਲ ਖਰੀਦਦਾਰਾਂ ਨੂੰ ਇਕੱਠੇ ਲਿਆਉਣ, ਇਹ ਯਕੀਨੀ ਬਣਾਉਣ ਦੀ ਸਮਰੱਥਾ ਹੈ ਕਿ ਮੋਟਰਸਾਈਕਲ ਦੀ ਬਿਹਤਰ ਗੁਣਵੱਤਾ ਅਤੇ ਗਾਰੰਟੀ ਲਈ ਜਾਂਚ ਕੀਤੀ ਗਈ ਹੈ। ਜਿਸ ਲਈ ਬ੍ਰਾਂਡ ਵੱਲੋਂ ਭਰੋਸਾ ਵੀ ਦਿੱਤਾ ਗਿਆ ਹੈ।
ਗੋਵਿੰਦਰਾਜਨ ਨੇ ਅੱਗੇ ਕਿਹਾ, ਕੰਪਨੀ ਦੀ ਇਹ ਕੋਸ਼ਿਸ਼ ਰਾਇਲ ਐਨਫੀਲਡ ਬਾਈਕਸ ਦੀ ਲਾਈਨ-ਅੱਪ ਵਿੱਚ ਗਾਹਕਾਂ ਦੀ ਇੱਕ ਨਵੀਂ ਸ਼੍ਰੇਣੀ ਨੂੰ ਸ਼ਾਮਲ ਕਰਨ ਲਈ ਕੰਮ ਕਰੇਗੀ। ਭਾਰਤ ਵਿੱਚ ਰਾਇਲ ਐਨਫੀਲਡ ਬਾਈਕ ਪਸੰਦ ਕਰਨ ਵਾਲਿਆਂ ਵਿੱਚ ਹਰ ਉਮਰ ਦੇ ਬਾਈਕ ਦੇ ਸ਼ੌਕੀਨ ਸ਼ਾਮਲ ਹਨ। ਜਦੋਂ ਕਿ ਨਵੀਂ ਪੂਰਵ ਮਾਲਕੀ ਵਾਲੀ ਰਾਇਲ ਐਨਫੀਲਡ ਕੰਪਨੀ ਰੀਓਨ ਦੇ ਆਊਟਲੇਟ ਦਿੱਲੀ, ਮੁੰਬਈ, ਕੋਲਕਾਤਾ, ਬੈਂਗਲੁਰੂ ਅਤੇ ਚੇਨਈ ਵਿੱਚ ਮੌਜੂਦ ਹੋਣਗੇ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।
Car loan Information:
Calculate Car Loan EMI