Most expensive car number in the world: ਕਈ ਲੋਕ ਗੱਡੀਆਂ ਦੇ ਰਜਿਸਟ੍ਰੇਸ਼ਨ ਨੰਬਰ ਨੂੰ ਬਹੁਤ ਅਹਿਮ ਮੰਨਦੇ ਹਨ। ਇਸ ਲਈ ਅਜਿਹੇ ਲੋਕ ਜੋਤਿਸ਼ ਦੀ ਸਲਾਹ ਵੀ ਲੈਂਦੇ ਹਨ ਕਿ ਉਨ੍ਹਾਂ ਨੂੰ ਵਾਹਨ ਦਾ ਨੰਬਰ ਕਿਵੇਂ ਤੇ ਕੀ ਰੱਖਣਾ ਚਾਹੀਦਾ ਹੈ। ਦੂਜੇ ਪਾਸੇ ਕੁਝ ਲੋਕ ਸਿਰਫ਼ ਫੈਂਸੀ ਨੰਬਰ ਲੱਭਦੇ ਹਨ। ਇਸ ਤਰ੍ਹਾਂ ਦੇ ਯੂਨੀਕ ਨੰਬਰਾਂ ਨੂੰ ਆਮ ਤੌਰ 'ਤੇ ਆਰਟੀਓ ਨਿਲਾਮੀ 'ਚ ਪੇਸ਼ ਕਰਦਾ ਹੈ। ਇਹ ਨੰਬਰ ਸਭ ਤੋਂ ਵੱਧ ਬੋਲੀ ਲਗਾਉਣ ਵਾਲੇ ਨੂੰ ਵੇਚਿਆ ਜਾਂਦਾ ਹੈ। ਇਹ ਰੁਝਾਨ ਸਿਰਫ਼ ਭਾਰਤ 'ਚ ਹੀ ਨਹੀਂ ਸਗੋਂ ਵਿਦੇਸ਼ਾਂ 'ਚ ਵੀ ਹੈ। ਅਜਿਹਾ ਹੀ ਇੱਕ ਮਾਮਲਾ ਯੂਨਾਈਟਿਡ ਕਿੰਗਡਮ ਤੋਂ ਸਾਹਮਣੇ ਆਇਆ ਹੈ। ਉੱਥੇ ਇੱਕ ਵਿਅਕਤੀ ਨੇ ਕਾਰ ਦੇ ਨੰਬਰ ਲਈ ਮੋਟੀ ਰਕਮ ਖਰਚ ਕੀਤੀ ਹੈ। ਇਹ ਰਕਮ ਬਹੁਤ ਵੱਡੀ ਹੈ। ਆਓ ਜਾਣਦੇ ਹਾਂ....


ਨੰਬਰ ਤੇ ਇਸ ਦੀ ਕੀਮਤ ਬਾਰੇ -


ਯੂਨਾਈਟਿਡ ਕਿੰਗਡਮ 'ਚ F1 ਰਜਿਸਟ੍ਰੇਸ਼ਨ ਪਲੇਟ ਦੀ ਹਮੇਸ਼ਾ ਮੰਗ ਰਹਿੰਦੀ ਹੈ। ਅਜਿਹੀਆਂ ਨੰਬਰ ਪਲੇਟਾਂ ਵਾਹਨ ਮਾਲਕਾਂ 'ਚ ਕਾਫੀ ਮਸ਼ਹੂਰ ਹਨ। ਦਰਅਸਲ, ਮਰਸੀਡੀਜ਼-ਮੈਕਲੈਰੇਨ ਐਸਐਲਆਰ ਅਤੇ ਬੁਗਾਟੀ ਵੇਰੋਨ ਵਰਗੀਆਂ ਕਈ ਹਾਈ-ਐਂਡ ਪਰਫਾਰਮੈਂਸ ਕਾਰਾਂ 'ਤੇ ਅਜਿਹੇ ਨੰਬਰ ਵੇਖੇ ਜਾਂਦੇ ਹਨ। ਐਫ1 ਨੰਬਰ ਪਲੇਟ ਫਾਰਮੂਲਾ-1 ਦਾ ਪ੍ਰਤੀਕ ਹੈ ਤੇ ਜ਼ਿਆਦਾਤਰ ਕਾਰ ਲਵਰ ਇਸ ਬਾਰੇ ਜਾਣਦੇ ਹਨ।


ਐਫ1 ਦੀ ਪ੍ਰਸਿੱਧੀ ਪੂਰੀ ਦੁਨੀਆਂ 'ਚ ਹੈ। ਇਹ ਦੁਨੀਆਂ ਦੇ ਸਭ ਤੋਂ ਮਨਪਸੰਦ ਮੋਟਰਸਪੋਰਟਸ ਈਵੈਂਟਾਂ ਵਿੱਚੋਂ ਇੱਕ ਹੈ। ਪਰ ਸਵਾਲ ਅਜੇ ਵੀ ਬਣਿਆ ਹੋਇਆ ਹੈ ਕਿ ਇਹ ਐਫ1 ਰਜਿਸਟ੍ਰੇਸ਼ਨ ਪਲੇਟ ਇੰਨੀ ਮਹਿੰਗੀ ਕਿਉਂ ਹੈ? ਇਸ ਦਾ ਇੱਕ ਕਾਰਨ ਇਹ ਹੈ ਕਿ ਆਮ ਰਜਿਸਟ੍ਰੇਸ਼ਨ ਦੇ ਮੁਕਾਬਲੇ ਯੂਕੇ ਸਰਕਾਰ ਰਜਿਸਟ੍ਰੇਸ਼ਨ ਪਲੇਟ 'ਤੇ ਕਿਸੇ ਹੋਰ ਡਿਜ਼ੀਟਲ ਜਾਂ ਸ਼ਬਦਕੋਸ਼ ਦੀ ਮਨਜ਼ੂਰੀ ਨਹੀਂ ਦਿੰਦੀ ਹੈ। ਇਸ ਲਈ ਲੋਕ ਇਸ ਨੂੰ ਕਾਫੀ ਪਸੰਦ ਕਰਦੇ ਹਨ।


ਇਹ ਦੁਨੀਆਂ 'ਚ ਕਿਸੇ ਵਾਹਨ ਲਈ ਸਭ ਤੋਂ ਛੋਟੇ ਰਜਿਸਟ੍ਰੇਸ਼ਨ ਨੰਬਰਾਂ ਵਿੱਚੋਂ ਇੱਕ ਹੈ। ਐਫ1 ਨੰਬਰ ਪਲੇਟ ਅਸਲ 'ਚ 1904 ਤੋਂ ਐਸੈਕਸ ਸਿਟੀ ਕੌਂਸਲ ਦੀ ਮਲਕੀਅਤ ਸੀ। ਇਹ ਨੰਬਰ ਪਹਿਲੀ ਵਾਰ 2008 'ਚ ਨਿਲਾਮੀ ਲਈ ਰੱਖਿਆ ਗਿਆ ਸੀ। ਫਿਲਹਾਲ ਇਹ ਨੰਬਰ ਯੂਕੇ ਸਥਿੱਤ ਕਾਨਸ ਡਿਜ਼ਾਈਨ ਦੇ ਮਾਲਕ ਅਫਜ਼ਲ ਖ਼ਾਨ ਕੋਲ ਹੈ। ਉਨ੍ਹਾਂ ਨੇ ਇਹ ਨੰਬਰ ਆਪਣੇ ਬੁਗਾਟੀ ਵੇਰੋਨ ਲਈ ਖਰੀਦਿਆ ਸੀ ਅਤੇ ਇਸ ਨੰਬਰ ਲਈ ਲਗਭਗ 132 ਕਰੋੜ ਰੁਪਏ ਦਾ ਭੁਗਤਾਨ ਕੀਤਾ ਸੀ।


ਬੁਗਾਟੀ ਵੇਰੋਨ ਅਸਲ 'ਚ ਇੱਕ ਬਹੁਤ ਮਹਿੰਗੀ ਕਾਰ ਹੈ। ਬੁਗਾਟੀ ਵੇਰੋਨ ਨੂੰ ਕਿਸੇ ਵੀ ਤਰ੍ਹਾਂ ਸਸਤੀ ਗੱਡੀ ਨਹੀਂ ਕਿਹਾ ਜਾ ਸਕਦਾ। ਰਜਿਸਟ੍ਰੇਸ਼ਨ ਨੰਬਰ ਦੀ ਗੱਲ ਕਰੀਏ ਤਾਂ ਇਹ ਪਹਿਲੀ ਵਾਰ ਨਿਲਾਮੀ 'ਚ 4 ਕਰੋੜ ਰੁਪਏ ਵਿੱਚ ਵਿਕਿਆ ਸੀ। ਮਹਿੰਗਾਈ ਦੇ ਨਾਲ-ਨਾਲ ਨੰਬਰਾਂ ਦੀ ਮੰਗ ਵਧੀ ਅਤੇ ਨੰਬਰਾਂ ਦੀ ਕੀਮਤ ਵੀ ਵਧੀ।


ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਕਿਸੇ ਨੇ ਸਿਰਫ਼ ਇੱਕ ਰਜਿਸਟ੍ਰੇਸ਼ਨ ਨੰਬਰ ਲਈ ਵੱਡੀ ਰਕਮ ਅਦਾ ਕੀਤੀ ਹੋਵੇ। ਦੁਨੀਆਂ 'ਚ ਅਜਿਹੇ ਕਈ ਮਾਮਲੇ ਸਾਹਮਣੇ ਆਏ ਹਨ। ਉਦਾਹਰਣ ਵਜੋਂ ਆਬੂ ਧਾਬੀ 'ਚ ਇੱਕ ਭਾਰਤੀ ਵਪਾਰੀ ਨੇ ਇੱਕ ਰਜਿਸਟ੍ਰੇਸ਼ਨ ਨੰਬਰ ਖਰੀਦਿਆ, ਜਿਸ 'ਤੇ 'D5' ਲਿਖਿਆ ਹੋਇਆ ਸੀ। ਇਹ ਐਫ1 ਪਲੇਟ ਜਿੰਨੀ ਮਹਿੰਗੀ ਨਹੀਂ ਹੈ ਪਰ ਫਿਰ ਵੀ ਉਨ੍ਹਾਂ ਨੇ ਲਗਭਗ 67 ਕਰੋੜ ਰੁਪਏ ਦਾ ਭੁਗਤਾਨ ਕੀਤਾ ਹੈ। ਆਬੂ ਧਾਬੀ ਦੇ ਇੱਕ ਹੋਰ ਕਾਰੋਬਾਰੀ ਨੇ 66 ਕਰੋੜ ਰੁਪਏ ਦੇ ਕੇ ਸਿਰਫ਼ '1' ਦਾ ਰਜਿਸਟ੍ਰੇਸ਼ਨ ਨੰਬਰ ਖਰੀਦਿਆ ਸੀ।


Car loan Information:

Calculate Car Loan EMI