Amazon Go Stores Closing : ਦੁਨੀਆ ਦੀ ਮਸ਼ਹੂਰ ਤਕਨੀਕੀ ਕੰਪਨੀਆਂ 'ਚੋਂ ਇਕ ਅਮੇਜ਼ਨ ਨਾਲ ਜੁੜੀਆਂ ਵੱਡੀਆਂ ਖਬਰਾਂ ਸਾਹਮਣੇ ਆ ਰਹੀਆਂ ਹਨ। ਐਮਾਜ਼ਾਨ ਕੰਪਨੀ ਹੁਣ ਆਪਣੀ ਲਾਗਤ ਘਟਾਉਣ ਲਈ ਠੋਸ ਕਦਮ ਚੁੱਕ ਰਹੀ ਹੈ। Amazon ਅਮਰੀਕਾ ਵਿੱਚ ਆਪਣੇ 8 ਗੋ ਸਟੋਰਾਂ ਨੂੰ ਪੂਰੀ ਤਰ੍ਹਾਂ ਬੰਦ ਕਰਨ ਜਾ ਰਿਹਾ ਹੈ।


ਕੰਪਨੀ ਦਾ ਇਹ ਫੈਸਲਾ ਲਾਗਤਾਂ ਵਿੱਚ ਕਟੌਤੀ ਦੇ ਮਕਸਦ ਨਾਲ ਲਿਆ ਗਿਆ ਹੈ। ਕੰਪਨੀ ਦੇ ਸੀਨੀਅਰ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਇਸ ਸਮੇਂ ਸੀਏਟਲ, ਨਿਊਯਾਰਕ ਸਿਟੀ ਅਤੇ ਸੈਨ ਫਰਾਂਸਿਸਕੋ ਵਿੱਚ ਐਮਾਜ਼ਾਨ ਗੋ ਸਟੋਰਾਂ ਨੂੰ ਬੰਦ ਕਰਨਾ ਸਹੀ ਹੈ। ਕੰਪਨੀ ਹੁਣ ਇਸ ਸਟੋਰ ਤੋਂ ਜ਼ਿਆਦਾ ਕਮਾਈ ਨਹੀਂ ਕਰ ਰਹੀ ਹੈ।


18,000 ਕਰਮਚਾਰੀਆਂ ਦੀ ਛਾਂਟੀ


IANS ਦੇ ਅਨੁਸਾਰ, Amazon Inc ਨੇ ਜਨਵਰੀ 2023 ਵਿੱਚ ਈ-ਰਿਟੇਲ ਦਿੱਗਜ ਦੇ 18,000 ਤੋਂ ਵੱਧ ਕਰਮਚਾਰੀਆਂ ਦੀ ਸਭ ਤੋਂ ਵੱਡੀ ਛਾਂਟੀ ਸ਼ੁਰੂ ਕੀਤੀ ਹੈ। ਕੰਪਨੀ ਦੇ ਸੀਈਓ ਐਂਡੀ ਜੈਸੀ ਨੇ ਕਿਹਾ ਕਿ ਨੌਕਰੀਆਂ ਵਿੱਚ ਕਟੌਤੀ ਕੰਪਨੀ ਦੇ ਲਗਭਗ 300,000 ਕਾਰਪੋਰੇਟ ਕਰਮਚਾਰੀਆਂ ਵਿੱਚੋਂ ਲਗਭਗ 6 ਪ੍ਰਤੀਸ਼ਤ ਨੂੰ ਪ੍ਰਭਾਵਤ ਕਰੇਗੀ, ਜਿਆਦਾਤਰ ਈ-ਕਾਮਰਸ ਅਤੇ ਮਨੁੱਖੀ ਸੰਸਾਧਨ ਵਿਭਾਗਾਂ ਦੇ ਕਰਮਚਾਰੀ ਪ੍ਰਭਾਵਿਤ ਹੋਣਗੇ।


1 ਅਪ੍ਰੈਲ ਤੋਂ ਬੰਦ ਹੋਣਗੇ ਇਹ ਸਟੋਰ


ਤਕਨੀਕੀ ਦਿੱਗਜ ਐਮਾਜ਼ਾਨ ਅਗਲੇ ਮਹੀਨੇ 1 ਅਪ੍ਰੈਲ ਨੂੰ ਨਿਊਯਾਰਕ ਸਿਟੀ ਵਿੱਚ 2 ਗੋ ਸਟੋਰ, ਸੀਏਟਲ ਵਿੱਚ 2 ਸਥਾਨ ਅਤੇ ਸੈਨ ਫਰਾਂਸਿਸਕੋ ਵਿੱਚ 4 ਸਟੋਰ ਬੰਦ ਕਰਨ ਜਾ ਰਹੀ ਹੈ। ਐਮਾਜ਼ਾਨ ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਸਾਰੇ ਪ੍ਰਭਾਵਿਤ ਕਰਮਚਾਰੀਆਂ ਨੂੰ ਕੰਪਨੀ ਵਿੱਚ ਹੋਰ ਭੂਮਿਕਾਵਾਂ ਸੁਰੱਖਿਅਤ ਕਰਨ ਵਿੱਚ ਮਦਦ ਕਰਨ ਲਈ ਕੰਮ ਕਰੇਗੀ।


ਇਹ ਵੀ ਪੜ੍ਹੋ: Ugliest People: ਇਹ ਹਨ ਦੁਨੀਆ ਦੇ 6 ਸਭ ਤੋਂ ਬਦਸੂਰਤ ਲੋਕ, ਵਰਲਡ ਰਿਕਾਰਡ 'ਚ ਇਨ੍ਹਾਂ ਦੇ ਨਾਂ ਹਨ ਦਰਜ


ਫ੍ਰੈਸ਼ ਗ੍ਰੋਸਰੀ ਚੈਨ ‘ਤੇ ਰੋਕ


ਸੀਈਓ ਐਂਡੀ ਜੇਸੀ ਨੇ ਕਿਹਾ ਕਿ ਕੰਪਨੀ ਫ੍ਰੈਸ਼ ਗਰੋਸਰੀ ਚੇਨ ਦੇ ਵਿਸਤਾਰ ਨੂੰ ਅਸਥਾਈ ਤੌਰ 'ਤੇ ਰੋਕਣ ਜਾ ਰਹੀ ਹੈ। ਜਦੋਂ ਤੱਕ ਇਹ ਇੱਕ ਅਜਿਹਾ ਫਾਰਮੈਟ ਨਹੀਂ ਲੱਭਦਾ ਜੋ ਗਾਹਕਾਂ ਨਾਲ ਤਾਲਮੇਲ ਰੱਖਦਾ ਹੈ। ਇਹ ਜਾਣਿਆ ਜਾਂਦਾ ਹੈ ਕਿ 2018 ਵਿੱਚ, ਪਹਿਲਾ Amazon Go ਸਟੋਰ ਸੀਏਟਲ ਵਿੱਚ ਕੰਪਨੀ ਦੇ ਮੁੱਖ ਦਫਤਰ ਵਿੱਚ ਆਮ ਲੋਕਾਂ ਲਈ ਖੋਲ੍ਹਿਆ ਗਿਆ ਸੀ।


ਇਸ ਵਜ੍ਹਾ ਕਰਕੇ ਲਿਆ ਗਿਆ ਫੈਸਲਾ


ਐਮਾਜ਼ਾਨ ਕੰਪਨੀ ਜੈਸਿਕਾ ਮਾਰਟਿਨ (Amazon Spokesperson Jessica Martin) ਦਾ ਕਹਿਣਾ ਹੈ ਕਿ, ਕਿਸੇ ਵੀ ਫਿਜਿਕਲ ਰਿਟੇਲਰ ਦੀ ਤਰ੍ਹਾਂ, ਅਸੀਂ ਸਮੇਂ-ਸਮੇਂ 'ਤੇ ਸਟੋਰ ਦੇ ਪੋਰਟਫੋਲੀਓ ਦਾ ਮੁਲਾਂਕਣ ਕਰਦੇ ਹਾਂ ਅਤੇ ਫਿਰ ਜਾ ਕੇ ਫੈਸਲਾ ਕਰਦੇ ਹਾਂ। ਮਾਰਟਿਨ ਨੇ ਕਿਹਾ ਕਿ, ਅਸੀਂ ਸੀਏਟਲ, ਨਿਊਯਾਰਕ ਸਿਟੀ ਅਤੇ ਸੈਨ ਫਰਾਂਸਿਸਕੋ ਵਿੱਚ ਕੁਝ ਐਮਾਜ਼ਾਨ ਗੋ ਸਟੋਰਾਂ ਨੂੰ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ। ਅਸੀਂ Amazon Go ਫਾਰਮੈਟ ਲਈ ਵਚਨਬੱਧ ਹਾਂ, ਸੰਯੁਕਤ ਰਾਜ ਵਿੱਚ 20 ਤੋਂ ਵੱਧ Amazon Go ਸਟੋਰ ਚਲਾ ਰਹੇ ਹਾਂ।


ਇਹ ਵੀ ਪੜ੍ਹੋ: ਛੱਤੀਸਗੜ੍ਹ ਪਹੁੰਚੇ ਮੁੱਖ ਮੰਤਰੀ ਭਗਵੰਤ ਮਾਨ, ਭਾਜਪਾ ਅਤੇ ਕਾਂਗਰਸ 'ਤੇ ਸਾਧੇ ਨਿਸ਼ਾਨੇ