Bank Deposit: ਹਾਲ ਹੀ ਵਿੱਚ, ਆਰਬੀਆਈ ਅਧਿਕਾਰੀਆਂ ਨਾਲ ਮੀਟਿੰਗ ਦੌਰਾਨ, ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਬੈਂਕਾਂ ਦੇ ਡਿਪਾਜ਼ਿਟ ਵਿੱਚ ਗਿਰਾਵਟ 'ਤੇ ਚਿੰਤਾ ਪ੍ਰਗਟ ਕੀਤੀ ਸੀ। ਵਿੱਤ ਮੰਤਰੀ ਨੇ ਬੈਂਕਾਂ ਨੂੰ ਡਿਪਾਜ਼ਿਟ ਵਧਾਉਣ ਲਈ ਆਕਰਸ਼ਕ ਯੋਜਨਾਵਾਂ ਲਿਆਉਣ ਲਈ ਕਿਹਾ ਸੀ। ਲੋਨ ਸਿਰਫ਼ ਉਨ੍ਹਾਂ ਲੋਕਾਂ ਨੂੰ ਦਿੱਤਾ ਜਾਣਾ ਚਾਹੀਦਾ ਹੈ ਜਿਨ੍ਹਾਂ ਨੂੰ ਇਸਦੀ ਲੋੜ ਹੈ। ਹੁਣ ਸਰਕਾਰ ਦੇ ਇਸ ਪੈਂਤੜੇ ਤੋਂ ਬਾਅਦ ਸਾਰੇ ਬੈਂਕ ਗੰਭੀਰਤਾ ਨਾਲ ਜਮ੍ਹਾ ਰਾਸ਼ੀ ਵਧਾਉਣ ਵਿਚ ਲੱਗੇ ਹੋਏ ਹਨ। ਆਉਣ ਵਾਲੇ ਸਮੇਂ 'ਚ ਨਾ ਸਿਰਫ ਲੋਨ ਮਹਿੰਗੇ ਕੀਤੇ ਜਾਣਗੇ, ਸਗੋਂ ਇਕ ਤੋਂ ਬਾਅਦ ਇਕ ਫਿਕਸਡ ਡਿਪਾਜ਼ਿਟ ਦੀ ਸ਼ੁਰੂਆਤ ਦੇ ਨਾਲ-ਨਾਲ ਜਮ੍ਹਾ 'ਤੇ ਆਕਰਸ਼ਕ ਵਿਆਜ ਦੇਣ ਦਾ ਐਲਾਨ ਵੀ ਹੋਣ ਦੀ ਸੰਭਾਵਨਾ ਹੈ।
ਡਿਪੋਜਿਟ ਨਾਲਂ ਨਾਲੋਂ ਵੱਧ ਹੈ ਲੋਨ ਦੀ ਰਫ਼ਤਾਰ
ਆਰਬੀਆਈ ਦੇ ਅੰਕੜਿਆਂ ਅਨੁਸਾਰ ਬੈਂਕਿੰਗ ਪ੍ਰਣਾਲੀ ਵਿੱਚ ਲੋਨ ਦੀ ਵਾਧਾ ਦਰ 13.7 ਫ਼ੀਸਦੀ ਹੈ ਅਤੇ ਡਿਪੋਜਿਟ ਵਾਧਾ ਦਰ ਸਿਰਫ਼ 10.6 ਫ਼ੀਸਦੀ ਸਾਲਾਨਾ ਹੈ। ਇਸ ਬਾਰੇ ਪਹਿਲਾਂ ਵੀ ਕਈ ਵਾਰ ਚਿੰਤਾ ਪ੍ਰਗਟਾਈ ਜਾ ਚੁੱਕੀ ਹੈ। ਹਾਲ ਹੀ ਵਿੱਚ ਆਰਬੀਐਲ ਬੈਂਕ, ਬੈਂਕ ਆਫ ਮਹਾਰਾਸ਼ਟਰ, ਫੈਡਰਲ ਬੈਂਕ ਅਤੇ ਤਾਮਿਲਨਾਡੂ ਮਰਕੈਂਟਾਈਲ ਬੈਂਕ ਸਮੇਤ ਕਈ ਛੋਟੇ ਬੈਂਕਾਂ ਨੇ ਵਿਸ਼ੇਸ਼ ਐਫਡੀ ਸਕੀਮਾਂ ਲਾਂਚ ਕੀਤੀਆਂ ਹਨ।
ਬੈਂਕ ਸ਼ੁਰੂ ਕਰ ਰਹੇ ਹਨ ਸਪੈਸ਼ਲ ਵਿਸ਼ੇਸ਼ ਐਫਡੀ ਸਕੀਮ
ਫੈਡਰਲ ਬੈਂਕ ਨੇ 400 ਦਿਨਾਂ ਦੀ ਮਿਆਦ ਲਈ 7.35 ਪ੍ਰਤੀਸ਼ਤ, 777 ਦਿਨਾਂ ਦੀ ਮਿਆਦ ਲਈ 7.40 ਪ੍ਰਤੀਸ਼ਤ ਅਤੇ 50 ਮਹੀਨਿਆਂ ਦੀ ਇੱਕ ਵਿਸ਼ੇਸ਼ ਯੋਜਨਾ ਦੀ ਸ਼ੁਰੂਆਤ ਕੀਤੀ ਹੈ। ਇਨ੍ਹਾਂ ਸਾਰੀਆਂ ਸਕੀਮਾਂ ਤਹਿਤ ਸੀਨੀਅਰ ਨਾਗਰਿਕਾਂ ਨੂੰ 0.50 ਫੀਸਦੀ ਵਾਧੂ ਵਿਆਜ ਮਿਲੇਗਾ। ਇਸ ਦੌਰਾਨ 400 ਦਿਨਾਂ ਲਈ 1 ਕਰੋੜ ਰੁਪਏ ਤੋਂ ਵੱਧ ਦੀ ਜਮ੍ਹਾ ਰਾਸ਼ੀ 'ਤੇ 7.50 ਫੀਸਦੀ ਵਿਆਜ ਦਿੱਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ 777 ਦਿਨ ਅਤੇ 50 ਮਹੀਨਿਆਂ ਦੀ ਮਿਆਦ ਲਈ 7.55 ਫੀਸਦੀ ਵਿਆਜ ਦਿੱਤਾ ਜਾਵੇਗਾ। RBL ਬੈਂਕ ਨੇ ਵਿਜੇ ਡਿਪਾਜ਼ਿਟ ਸਕੀਮ ਸ਼ੁਰੂ ਕੀਤੀ ਹੈ। ਇਸ 'ਚ 500 ਦਿਨਾਂ ਦੀ ਮਿਆਦ ਲਈ 8.10 ਫੀਸਦੀ ਅਤੇ ਸੀਨੀਅਰ ਨਾਗਰਿਕਾਂ ਨੂੰ 8.60 ਫੀਸਦੀ ਵਿਆਜ ਮਿਲੇਗਾ।
ਵੱਡੇ ਬੈਂਕ ਵੀ ਵਧਾ ਰਹੇ ਹਨ FD 'ਤੇ ਵਿਆਜ ਦਰਾਂ
ਬੈਂਕ ਆਫ ਮਹਾਰਾਸ਼ਟਰ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਐਲਾਨ ਕੀਤਾ ਹੈ ਕਿ ਉਹ 777 ਦਿਨਾਂ ਦੀ ਜਮ੍ਹਾ 'ਤੇ 7.25 ਫੀਸਦੀ ਵਿਆਜ ਦੇਵੇਗਾ। ਇਸ ਤੋਂ ਇਲਾਵਾ ਤਾਮਿਲਨਾਡ ਮਰਕੈਂਟਾਈਲ ਬੈਂਕ 400 ਦਿਨਾਂ ਦੀ ਮਿਆਦ ਲਈ 7.50 ਫੀਸਦੀ ਵਿਆਜ ਦਰ ਦੀ ਪੇਸ਼ਕਸ਼ ਕਰ ਰਿਹਾ ਹੈ। ਬੰਧਨ ਬੈਂਕ ਨੇ 21 ਮਹੀਨਿਆਂ ਦੀ ਮਿਆਦ ਲਈ ਵਿਸ਼ੇਸ਼ FD ਸਕੀਮ 'ਤੇ 8 ਫੀਸਦੀ ਵਿਆਜ ਦੇਣ ਦਾ ਐਲਾਨ ਵੀ ਕੀਤਾ ਹੈ। ਇਸ ਤੋਂ ਪਹਿਲਾਂ HDFC ਬੈਂਕ, ਸਟੇਟ ਬੈਂਕ ਆਫ ਇੰਡੀਆ ਅਤੇ ਬੈਂਕ ਆਫ ਬੜੌਦਾ ਸਮੇਤ ਵੱਡੇ ਬੈਂਕਾਂ ਨੇ ਵੀ ਵਿਸ਼ੇਸ਼ FD ਸਕੀਮਾਂ ਸ਼ੁਰੂ ਕੀਤੀਆਂ ਹਨ।