CNG -PNG Price Hike : ਮਹਿੰਗਾਈ ਦਾ ਅਸਰ ਹੁਣ ਗੱਡੀ ਚਲਾਉਣ ਤੋਂ ਲੈ ਕੇ ਰਸੋਈ ਦੇ ਬਜਟ ਤੱਕ ਪੈਣ ਲੱਗਾ ਹੈ। ਮਹਾਰਾਸ਼ਟਰ ਦੇ ਪੁਣੇ ਅਤੇ ਪਿੰਪਰੀ-ਚਿੰਚਵਾੜ ਵਿੱਚ CNG ਅਤੇ ਘਰੇਲੂ PNG ਗੈਸ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰ ਦਿੱਤਾ ਗਿਆ ਹੈ। ਮਹਾਰਾਸ਼ਟਰ ਨੈਚੁਰਲ ਗੈਸ ਲਿਮਟਿਡ (MNGL) ਵੱਲੋਂ ਦੋਵਾਂ ਤਰ੍ਹਾਂ ਦੀ ਗੈਸ ਦੇ ਰੇਟ 1.50 ਰੁਪਏ ਪ੍ਰਤੀ ਯੂਨਿਟ ਵਧਾਏ ਗਏ ਹਨ।
ਨਵੀਆਂ ਕੀਮਤਾਂ 12 ਨਵੰਬਰ ਦੀ ਅੱਧੀ ਰਾਤ ਤੋਂ ਲਾਗੂ ਹੋ ਗਈਆਂ ਹਨ। ਇਸ ਵਾਧੇ ਤੋਂ ਬਾਅਦ CNG ਨਾਲ ਚੱਲਣ ਵਾਲੀਆਂ ਕਾਰਾਂ, ਆਟੋ ਅਤੇ ਕੈਬ ਚਲਾਉਣ ਵਾਲਿਆਂ ਦੀ ਜੇਬ 'ਤੇ ਵਾਧੂ ਬੋਝ ਪਵੇਗਾ।ਉੱਥੇ ਹੀ ਘਰਾਂ ਵਿੱਚ ਪਾਈਪ ਰਾਹੀਂ ਸਪਲਾਈ ਹੋਣ ਵਾਲੀ PNG ਗੈਸ ਦੀ ਵਰਤੋਂ ਕਰਨ ਵਾਲੇ ਪਰਿਵਾਰਾਂ ਨੂੰ ਵੀ ਹੁਣ ਪਹਿਲਾਂ ਨਾਲੋਂ ਵੱਧ ਬਿੱਲ ਭਰਨਾ ਪਵੇਗਾ।
ਇਸ ਤਰ੍ਹਾਂ ਗੈਸ ਦੀਆਂ ਕੀਮਤਾਂ ਵਿੱਚ ਹੋਏ ਇਸ ਵਾਧੇ ਦਾ ਸਿੱਧਾ ਅਸਰ ਆਮ ਲੋਕਾਂ ਦੇ ਮਹੀਨਾਵਾਰ ਬਜਟ 'ਤੇ ਪਵੇਗਾ। ਹਾਲਾਂਕਿ, ਨਵੀਆਂ ਕੀਮਤਾਂ ਤੋਂ ਬਾਅਦ CNG ਅਤੇ PNG ਦੇ ਸਹੀ ਰੇਟ ਜਾਣਨ ਲਈ MNGL ਦੀ ਤਾਜ਼ਾ ਰੇਟ ਲਿਸਟ ਦੇਖਣੀ ਜ਼ਰੂਰੀ ਹੈ।