IRCTC Phishing Scam : ਹਾਲ ਹੀ 'ਚ ਇੰਡੀਅਨ ਰੇਲਵੇ ਕੈਟਰਿੰਗ ਐਂਡ ਟੂਰਿਜ਼ਮ ਕਾਰਪੋਰੇਸ਼ਨ (IRCTC) ਨੇ ਇਕ ਮੰਦਭਾਗੀ ਤੇ ਮੋਬਾਈਲ ਐਪ ਮੁਹਿੰਮ ਬਾਰੇ ਟਵੀਟ ਕਰ ਕੇ ਇੱਕ ਜ਼ਰੂਰੀ ਚਿਤਾਵਨੀ ਜਾਰੀ ਕੀਤੀ ਹੈ। ਧੋਖਾਧੜੀ ਕਰਨ ਵਾਲੇ ਵਿਆਪਕ ਤੌਰ 'ਤੇ ਫਿਸ਼ਿੰਗ ਲਿੰਕ ਪ੍ਰਸਾਰਿਤ ਕਰ ਰਹੇ ਹਨ, ਜੋ ਯੂਜ਼ਰਜ਼ ਨੂੰ ਫਰਜ਼ੀ 'IRCTC ਰੇਲ ਕਨੈਕਟ' ਮੋਬਾਈਲ ਐਪ ਡਾਊਨਲੋਡ ਕਰਨ ਲਈ ਭਰਮਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਇਨ੍ਹਾਂ ਘੁਟਾਲੇਬਾਜ਼ਾਂ ਦਾ ਉਦੇਸ਼ ਆਮ ਨਾਗਰਿਕਾਂ ਨੂੰ ਧੋਖਾਧੜੀ ਦੀਆਂ ਗਤੀਵਿਧੀਆਂ 'ਚ ਫਸਾਉਣਾ ਹੈ। ਆਈਆਰਸੀਟੀਸੀ, ਜੋ ਆਨਲਾਈਨ ਟਿਕਟਿੰਗ ਤੇ ਰੇਲਵੇ ਨਾਲ ਸਬੰਧਤ ਹੋਰ ਸੇਵਾਵਾਂ ਨੂੰ ਸੰਭਾਲਦਾ ਹੈ, ਨੇ ਜਨਤਾ ਨੂੰ ਸਾਵਧਾਨ ਅਤੇ ਸੁਚੇਤ ਰਹਿਣ ਲਈ ਕਿਹਾ ਹੈ।
IRCTC ਨੇ ਟਵੀਟ ਕਰ ਕੇ ਦਿੱਤੀ ਜਾਣਕਾਰੀ
ਇਕ ਟਵੀਟ ਵਿਚ IRCTC ਨੇ ਲਿਖਿਆ, "ਚੇਤਾਵਨੀ: ਇਹ ਦੱਸਿਆ ਗਿਆ ਹੈ ਕਿ ਇਕ ਖਤਰਨਾਕ ਤੇ ਜਾਅਲੀ ਮੋਬਾਈਲ ਐਪ ਮੁਹਿੰਮ ਪ੍ਰਚਲਿਤ ਹੈ, ਜਿੱਥੇ ਕੁਝ ਧੋਖੇਬਾਜ਼ ਵੱਡੇ ਪੱਧਰ 'ਤੇ ਫਿਸ਼ਿੰਗ ਲਿੰਕ ਭੇਜ ਰਹੇ ਹਨ ਤੇ ਆਮ ਨਾਗਰਿਕਾਂ ਨੂੰ ਧੋਖਾਧੜੀ ਦੀਆਂ ਗਤੀਵਿਧੀਆਂ 'ਚ ਲੁਭਾਉਣ ਲਈ ਨਕਲੀ 'IRCTC ਰੇਲ ਕਨੈਕਟ' ਮੋਬਾਈਲ ਐਪ ਡਾਊਨਲੋਡ ਕਰਨ ਲਈ ਪ੍ਰੇਰਿਤ ਕਰ ਰਹੇ ਹਨ।
ਲੋਕਾਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਅਜਿਹੇ ਧੋਖੇਬਾਜ਼ਾਂ ਦਾ ਸ਼ਿਕਾਰ ਨਾ ਹੋਣ ਤੇ ਗੂਗਲ ਪਲੇਅ ਸਟੋਰ ਜਾਂ ਐਪਲ ਐਪ ਸਟੋਰ ਤੋਂ ਸਿਰਫ ਆਈਆਰਸੀਟੀਸੀ ਅਧਿਕਾਰਤ ਰੇਲ ਕੁਨੈਕਟ ਮੋਬਾਈਲ ਐਪ ਦੀ ਵਰਤੋਂ ਕਰਨ, ਅਤੇ ਆਈਆਰਸੀਟੀਸੀ ਦੀ ਅਧਿਕਾਰਤ ਵੈੱਬਸਾਈਟ https://irctc.co.in ਅਧਿਕਾਰਤ ਪ੍ਰਕਾਸ਼ਿਤ ਨੰਬਰਾਂ 'ਤੇ IRCTC ਕਸਟਮਰ ਕੇਅਰ ਨੂੰ ਕਾਲ ਕਰਨ। ਸੁਚੇਤ ਰਹੋ! ਸੁਰੱਖਿਅਤ ਰਹੋ!