Aadhaar Card Latest News : ਕੇਂਦਰ ਸਰਕਾਰ ਨੇ ਇੱਕ ਵਾਰ ਫਿਰ ਆਧਾਰ ਕਾਰਡ ਨੂੰ ਫ੍ਰੀ ਵਿੱਚ ਅਪਡੇਟ ਕਰਨ ਦੀ ਸੁਬਿਧਾ ਨੂੰ ਵਧਾ ਦਿੱਤਾ ਹੈ। UIDAI ਦੁਆਰਾ ਜਾਰੀ ਕੀਤੇ ਜਾ ਰਹੇ ਇਸ ਦਸਤਾਵੇਜ਼ ਨੂੰ ਅਪਡੇਟ ਕਰਨ ਦੀ ਅੰਤਿਮ ਮਿਤੀ 14 ਜੂਨ, 2023 ਤੱਕ ਸੀ, ਜਿਸ ਨੂੰ ਵਧਾ ਦਿੱਤਾ ਗਿਆ ਹੈ। ਹੁਣ ਤੁਹਾਡੇ ਕੋਲ ਆਧਾਰ ਕਾਰਡ ਨੂੰ ਅਪਡੇਟ ਕਰਨ ਲਈ ਤਿੰਨ ਮਹੀਨੇ ਹਨ, ਜਿਸ ਨੂੰ ਤੁਸੀਂ ਆਨਲਾਈਨ ਅਪਡੇਟ ਕਰ ਸਕਦੇ ਹੋ। UIDAI ਨੇ ਸੂਚਿਤ ਕੀਤਾ ਹੈ ਕਿ ਤੁਸੀਂ 14 ਸਤੰਬਰ ਤੱਕ ਪਛਾਣ ਪੱਤਰ ਅਤੇ ਪਤੇ ਦਾ ਸਬੂਤ ਅਪਲੋਡ ਕਰ ਸਕਦੇ ਹੋ।

CSC 'ਤੇ ਅੱਪਡੇਟ ਕਰਨ ਲਈ ਲੱਗੇਗਾ ਚਾਰਜ


UIDAI ਦੀ ਵੈੱਬਸਾਈਟ ਅਨੁਸਾਰ ਆਧਾਰ ਕਾਰਡ ਦੀ ਜਾਣਕਾਰੀ ਨੂੰ ਸਹੀ ਰੱਖਣ ਲਈ ਆਪਣੇ ਡੈਮੋਗ੍ਰਾਫਿਕ ਡਾਟਾ ਅੱਪਲੋਡ ਕਰੋ ਅਤੇ ਆਪਣਾ ਆਧਾਰ ਕਾਰਡ ਅੱਪਡੇਟ ਕਰੋ। ਤੁਸੀਂ ਆਪਣੇ ਆਧਾਰ ਕਾਰਡ ਨੂੰ ਮੁਫ਼ਤ ਵਿੱਚ ਅਪਡੇਟ ਕਰਨ ਲਈ https://myaadhaar.uidai.gov.in 'ਤੇ ਜਾ ਸਕਦੇ ਹੋ। ਇਸ ਦੇ ਨਾਲ ਹੀ CSC ਸੈਂਟਰ 'ਤੇ ਜਾ ਕੇ ਅਪਡੇਟ ਕਰਨ ਲਈ 25 ਰੁਪਏ ਦਾ ਚਾਰਜ ਦੇਣਾ ਹੋਵੇਗਾ।

 

ਇਹਨਾਂ ਚੀਜ਼ਾਂ ਦੀ ਹੁੰਦੀ ਹੈ ਲੋੜ


UIDAI ਦੁਆਰਾ ਜਾਰੀ ਇਸ ਪੋਰਟਲ 'ਤੇ ਆਧਾਰ ਕਾਰਡ ਵਿੱਚ ਪਤਾ, ਨਾਮ ਆਦਿ ਦੀ ਜਾਣਕਾਰੀ ਅਪਡੇਟ ਕੀਤੀ ਜਾ ਸਕਦੀ ਹੈ। ਇਸ ਦੇ ਲਈ ਉਪਭੋਗਤਾਵਾਂ ਨੂੰ ਆਧਾਰ ਨੰਬਰ ਅਤੇ ਮੋਬਾਈਲ ਨੰਬਰ ਦੀ ਲੋੜ ਹੁੰਦੀ ਹੈ। ਮੋਬਾਈਲ ਨੰਬਰ 'ਤੇ OTP ਦੇ ਜ਼ਰੀਏ ਤੁਸੀਂ ਪਤਾ ਅਤੇ ਹੋਰ ਚੀਜ਼ਾਂ ਨੂੰ ਬਦਲ ਸਕਦੇ ਹੋ।

ਆਧਾਰ ਕਾਰਡ ਨੂੰ ਕਿਵੇਂ ਅਪਡੇਟ ਕਰਨਾ ਹੈ


ਸਭ ਤੋਂ ਪਹਿਲਾਂ ਆਧਾਰ ਦੀ ਵੈੱਬਸਾਈਟ myaadhaar.uidai.gov.in 'ਤੇ ਜਾਓ
ਹੁਣ ਲੌਗਇਨ ਕਰੋ ਅਤੇ ਨਾਮ/ਲਿੰਗ/ਜਨਮ ਦੀ ਮਿਤੀ ਅਤੇ ਪਤਾ ਵਿਕਲਪ ਦੀ ਚੋਣ ਕਰੋ
ਆਧਾਰ ਅੱਪਡੇਟ ਦਾ ਵਿਕਲਪ ਚੁਣੋ
ਹੁਣ ਐਡਰੈੱਸ ਜਾਂ ਹੋਰ ਜਾਣਕਾਰੀ ਨੂੰ ਅਪਡੇਟ ਕਰਨ ਦੇ ਵਿਕਲਪ 'ਤੇ ਕਲਿੱਕ ਕਰੋ
ਇਸ ਤੋਂ ਬਾਅਦ ਸਕੈਨ ਕੀਤੀ ਕਾਪੀ ਅਪਲੋਡ ਕਰੋ ਅਤੇ ਡੈਮੋਗ੍ਰਾਫਿਕ ਦਸਤਾਵੇਜ਼ਾਂ ਦੀ ਜਾਣਕਾਰੀ ਅਪਲੋਡ ਕਰੋ
ਹੁਣੇ ਭੁਗਤਾਨ ਕਰੋ, ਜਿਸ ਤੋਂ ਬਾਅਦ ਤੁਹਾਨੂੰ ਇੱਕ ਨੰਬਰ ਮਿਲੇਗਾ
ਇਸ ਨੂੰ ਸੰਭਾਲ ਕਰ ਰੱਖੋ ,ਸਟੇਟਸ ਚੈੱਕ ਕਰਨ ਲਈ ਕੰਮ ਆਵੇਗਾ 

ਆਧਾਰ ਅਪਡੇਟ ਨੂੰ ਕਿਵੇਂ ਟ੍ਰੈਕ ਕਰਨਾ ਹੈ

ਜਦੋਂ ਤੁਸੀਂ ਆਧਾਰ ਕਾਰਡ ਵਿੱਚ ਪਤਾ ਬਦਲਣ ਲਈ ਸਫਲਤਾਪੂਰਵਕ ਇੱਕ ਬੇਨਤੀ ਜਮ੍ਹਾਂ ਕਰਦੇ ਹੋ ਤਾਂ ਤੁਹਾਨੂੰ ਇੱਕ URN ਨੰਬਰ ਦਿੱਤਾ ਜਾਂਦਾ ਹੈ। ਇਹ ਤੁਹਾਡੀ ਸਕ੍ਰੀਨ 'ਤੇ ਦਿਖਾਈ ਦੇਵੇਗਾ ਅਤੇ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ 'ਤੇ SMS ਰਾਹੀਂ ਭੇਜਿਆ ਜਾਵੇਗਾ। ਹੁਣ ਤੁਸੀਂ https://ssup.uidai.gov.in/checkSSUPStatus/checkupdatestatus 'ਤੇ ਜਾ ਕੇ ਆਪਣੇ ਆਧਾਰ ਕਾਰਡ ਦੀ ਅਪਡੇਟ ਸਥਿਤੀ ਨੂੰ ਟਰੈਕ ਕਰ ਸਕਦੇ ਹੋ।

 ਕਦੋਂ ਬਦਲਣਾ ਪੈਂਦਾ ਹੈ ਡੈਮੋਗ੍ਰਾਫਿਕ ਡਾਟਾ 


ਜਦੋਂ ਇੱਕ ਔਰਤ ਦਾ ਵਿਆਹ ਹੁੰਦਾ ਹੈ, ਤਾਂ ਉਪਨਾਮ ਲਈ ਬਦਲਿਆ ਜਾਂਦਾ ਹੈ। ਦੂਜੇ ਪਾਸੇ ਜੇਕਰ ਜਨਮ ਮਿਤੀ, ਨਾਮ ਅਤੇ ਪਤੇ ਵਿੱਚ ਕੋਈ ਅੰਤਰ ਹੈ ਤਾਂ ਵੀ ਤੁਸੀਂ ਆਪਣਾ ਆਧਾਰ ਕਾਰਡ ਅਪਡੇਟ ਕਰ ਸਕਦੇ ਹੋ।