EPFO Update: ਮਹਿੰਗਾਈ ਦੇ ਦੌਰ ਵਿੱਚ ਕੇਂਦਰ ਸਰਕਾਰ ਨੇ ਤਨਖ਼ਾਹਦਾਰਾਂ ਦੇ ਰਿਟਾਇਰਮੈਂਟ ਫੰਡ ’ਤੇ ਕੈਂਚੀ ਚਲਾਈ ਹੈ। ਸਰਕਾਰ ਨੇ ਸਾਲ 2021-22 ਲਈ ਕਰਮਚਾਰੀ ਭਵਿੱਖ ਫੰਡ (EPF) ਲਈ 8.1 ਪ੍ਰਤੀਸ਼ਤ ਦੀ ਵਿਆਜ ਦਰ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ 4 ਦਹਾਕਿਆਂ ਵਿੱਚ ਸਭ ਤੋਂ ਘੱਟ ਹੈ। ਇਸ ਨਾਲ ਈਪੀਐਫਓ ਦੇ ਪੰਜ ਕਰੋੜ ਗਾਹਕ ਪ੍ਰਭਾਵਿਤ ਹੋਣਗੇ।
ਪਿਛਲੇ 40 ਸਾਲਾਂ 'ਚ ਸਭ ਤੋਂ ਘੱਟ ਵਿਆਜ ਦਰ
ਇੰਪਲਾਈਜ਼ ਪ੍ਰੋਵੀਡੈਂਟ ਫੰਡ ਆਰਗੇਨਾਈਜ਼ੇਸ਼ਨ (EPFO) ਕਰੋੜਾਂ ਗਾਹਕਾਂ ਨੂੰ ਖੁਸ਼ਖਬਰੀ ਦੇਣ ਦੀ ਤਿਆਰੀ ਕਰ ਰਿਹਾ ਹੈ। ਦਰਅਸਲ, EPFO ਨੇ ਖਾਤਾਧਾਰਕਾਂ ਨੂੰ ਬਿਹਤਰ ਵਿਆਜ ਦੇਣ ਦੀ ਕੋਸ਼ਿਸ਼ ਵਿੱਚ ਇੱਕ ਵੱਡਾ ਕਦਮ ਚੁੱਕਿਆ ਹੈ। ਦੱਸ ਦੇਈਏ ਕਿ ਮੌਜੂਦਾ ਸਮੇਂ 'ਚ EPFO ਵੱਲੋਂ ਪੀਐੱਫ ਖਾਤਾਧਾਰਕਾਂ ਨੂੰ 8.1 ਫੀਸਦੀ ਵਿਆਜ ਦਿੱਤਾ ਜਾ ਰਿਹਾ ਹੈ। ਇਹ ਪਿਛਲੇ 40 ਸਾਲਾਂ ਵਿੱਚ ਸਭ ਤੋਂ ਘੱਟ ਵਿਆਜ ਦਰ ਹੈ।
ਆਉਣ ਵਾਲੇ ਸਾਲਾਂ 'ਚ ਵਿਆਜ ਦਰ ਵਧਣ ਦੀ ਉਮੀਦ
ਹੁਣ EPFO ਦੇ ਨਵੇਂ ਕਦਮ ਨਾਲ ਆਉਣ ਵਾਲੇ ਸਾਲਾਂ 'ਚ ਵਿਆਜ ਦਰ ਵਧ ਸਕਦੀ ਹੈ। ਵਿੱਤੀ ਸਾਲ 2020-21 ਲਈ ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਦੁਆਰਾ 8.50 ਪ੍ਰਤੀਸ਼ਤ ਵਿਆਜ ਦਰ ਦਾ ਐਲਾਨ ਕੀਤਾ ਗਿਆ ਸੀ। ਪਰ 2022 ਵਿੱਚ ਉਪਲਬਧ ਵਿਆਜ ਦਰ ਵਿੱਚ ਕਮੀ ਆਈ ਹੈ।
ਕਰੋੜਾਂ ਗਾਹਕਾਂ ਨੂੰ ਫਾਇਦਾ ਮਿਲਣ ਦੀ ਉਮੀਦ
ਰਿਪੋਰਟਾਂ ਹਨ ਕਿ ਈਪੀਐੱਫਓ ਇਕੁਇਟੀ ਨਿਵੇਸ਼ ਸੀਮਾ 15 ਫੀਸਦੀ ਤੋਂ ਵਧਾ ਕੇ 25 ਫੀਸਦੀ ਕਰਨ ਜਾ ਰਿਹਾ ਹੈ। ਭਵਿੱਖ ਵਿੱਚ EPFO ਦੇ ਇਸ ਕਦਮ ਨਾਲ ਕਰੋੜਾਂ ਗਾਹਕਾਂ ਨੂੰ ਲਾਭ ਹੋਣ ਦੀ ਉਮੀਦ ਹੈ। EPFO ਦੇ ਇਸ ਪ੍ਰਸਤਾਵ ਨੂੰ ਵਿੱਤ ਨਿਵੇਸ਼ ਕਮੇਟੀ ਨੇ ਮਨਜ਼ੂਰੀ ਦੇ ਦਿੱਤੀ ਹੈ।
ਇਹ ਵੀ ਪੜ੍ਹੋ: Sidhu Moose Wala Murder: ਪੰਜਾਬ ਭਾਜਪਾ ਆਗੂ ਸਿੱਧੂ ਮੂਸੇ ਵਾਲਾ ਕਤਲ ਕਾਂਡ ਦੀ ਸੀਬੀਆਈ ਜਾਂਚ ਦੀ ਮੰਗ ਲੈ ਕੇ ਪਹੁੰਚਿਆ ਸੁਪਰੀਮ ਕੋਰਟ