Wheat Import Frm Russia: ਕਣਕ ਦੀ ਕਮੀ ਨੂੰ ਪੂਰਾ ਕਰਨ ਲਈ ਕੇਂਦਰ ਸਰਕਾਰ ਇਸ ਨੂੰ ਰੂਸ ਤੋਂ ਦਰਾਮਦ ਕਰਨ 'ਤੇ ਵਿਚਾਰ ਕਰ ਰਹੀ ਹੈ। ਇਸ ਕਾਰਨ ਘਰੇਲੂ ਕਣਕ ਦਾ ਸਟਾਕ ਵਧਣ ਦੀ ਸੰਭਾਵਨਾ ਹੈ ਤੇ ਆਟੇ ਦੀਆਂ ਕੀਮਤਾਂ 'ਚ ਰਾਹਤ ਮਿਲ ਸਕਦੀ ਹੈ। ਇਕਨਾਮਿਕ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਕੇਂਦਰ ਸਰਕਾਰ ਸਰਕਾਰੀ ਸੌਦਿਆਂ ਰਾਹੀਂ ਰੂਸ ਤੋਂ 90 ਲੱਖ ਟਨ ਕਣਕ ਦੀ ਦਰਾਮਦ 'ਤੇ ਵਿਚਾਰ ਕਰ ਰਹੀ ਹੈ। ਭਾਰਤੀ ਖਪਤਕਾਰ ਕਣਕ ਦੀ ਥੋਕ ਕੀਮਤ ਬੁੱਧਵਾਰ ਨੂੰ 2,480 ਰੁਪਏ ਪ੍ਰਤੀ ਕੁਇੰਟਲ ਤੋਂ 6.2 ਫੀਸਦੀ ਵਧ ਕੇ 2,633 ਰੁਪਏ ਹੋ ਚੁੱਕੀ ਹੈ।
ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਕਣਕ ਦੀ ਦਰਾਮਦ 'ਤੇ ਉੱਚ ਪੱਧਰ 'ਤੇ ਚਰਚਾ ਹੋ ਰਹੀ ਹੈ। ਦਰਾਮਦ ਦੀ ਯੋਜਨਾ ਇਸ ਲਈ ਵੀ ਕੀਤੀ ਜਾ ਰਹੀ ਹੈ ਕਿਉਂਕਿ ਘਰੇਲੂ ਉਤਪਾਦਨ 'ਚ ਕਮੀ ਦੀ ਚਿੰਤਾ ਹੈ, ਜਿਸ ਕਾਰਨ ਖੁੱਲ੍ਹੇ ਬਾਜ਼ਾਰ 'ਚ ਵਪਾਰੀਆਂ ਨੂੰ ਅਨਾਜ ਵੇਚਣ ਨਾਲ ਕੀਮਤਾਂ ਵਧ ਰਹੀਆਂ ਹਨ।
ਜੂਨ 'ਚ ਅਨਾਜ ਤੇ ਉਤਪਾਦਾਂ ਦੀ ਅਖਿਲ ਭਾਰਤੀ ਪ੍ਰਚੂਨ ਮਹਿੰਗਾਈ ਦਰ 16.3 ਫੀਸਦੀ ਰਹੀ। ਇਸ ਨਾਲ ਹੀ, ਵਿੱਤੀ ਸਾਲ 2024 ਵਿੱਚ ਜੂਨ ਦੇ ਅੰਤ ਤੱਕ, ਥੋਕ ਮਹਿੰਗਾਈ ਦਰ 7.6 ਫੀਸਦੀ ਸੀ, ਜੋ ਵਿੱਤੀ ਸਾਲ 23 ਵਿੱਚ ਵੱਧ ਕੇ 10.7 ਫੀਸਦੀ ਹੋ ਗਈ। ਰੇਟਿੰਗ ਏਜੰਸੀ ਕ੍ਰਿਸਿਲ ਨੇ ਸੋਮਵਾਰ ਨੂੰ ਇੱਕ ਰਿਪੋਰਟ 'ਚ ਕਿਹਾ, ਪਿਛਲੇ ਛੇ ਮਹੀਨਿਆਂ 'ਚ ਕਣਕ, ਚਾਵਲ ਤੇ ਮੋਟੇ ਅਨਾਜ 'ਚ ਮਹਿੰਗਾਈ ਦੋਹਰੇ ਅੰਕ 'ਚ ਵੇਖੀ ਗਈ ਹੈ। ਇਹ ਵਾਧਾ ਘੱਟ ਉਤਪਾਦਨ, ਘਟਦੇ ਸਟਾਕ ਤੇ ਵਧਦੀ ਮੰਗ ਕਾਰਨ ਹੋਇਆ ਹੈ।
ਕਿੰਨਾ ਹੋਵੇਗਾ ਕਣਕ ਦਾ ਉਤਪਾਦਨ
ਸਰਕਾਰ ਨੇ 2023 ਵਿੱਚ ਭਾਰਤ ਦਾ ਕਣਕ ਉਤਪਾਦਨ ਰਿਕਾਰਡ 112.7 ਮਿਲੀਅਨ ਟਨ (ਐਮਟੀ) ਹੋਣ ਦਾ ਅਨੁਮਾਨ ਲਾਇਆ ਗਿਆ ਹੈ ਪਰ ਵਾਪਰੀਆਂ ਤੇ ਮਿਲ ਮਾਲਕਾਂ ਦਾ ਅਨੁਮਾਨ ਹੈ ਕਿ ਉੱਤਰੀ, ਮੱਧ ਤੇ ਪੱਛਮੀ ਮੈਦਾਨੀ ਇਲਾਕਿਆਂ ਵਿੱਚ ਫਰਵਰੀ-ਮਾਰਚ ਵਿੱਚ ਬੇਮੌਸਮ ਬਾਰਿਸ਼ ਤੇ ਗੜੇਮਾਰੀ ਕਾਰਨ 101-103 ਮਿਲੀਅਨ ਟਨ ਫਸਲ ਹੋਵੇਗੀ, ਜਿਸ ਕਾਰਨ ਨੁਕਸਾਨ ਹੋਇਆ ਹੈ। ਅਮਰੀਕਾ ਦੇ ਖੇਤੀਬਾੜੀ ਵਿਭਾਗ ਦੀ ਵਿਦੇਸ਼ੀ ਖੇਤੀ ਸੇਵਾ ਨੇ ਅਨੁਮਾਨ ਲਗਾਇਆ ਹੈ ਕਿ ਭਾਰਤ ਦੀ ਕਣਕ ਦਾ ਉਤਪਾਦਨ ਲਗਭਗ 108 ਮਿਲੀਅਨ ਟਨ ਹੋਵੇਗਾ।
ਕਣਕ ਦੀ ਖਰੀਦ ਵਿੱਚ ਆਈ ਰਿਕਾਰਡ ਕਮੀ
ਮਾਰਚ ਵਿੱਚ ਗਰਮੀ ਦੀ ਲਹਿਰ ਕਾਰਨ 2022 ਵਿੱਚ ਕਣਕ ਦਾ ਉਤਪਾਦਨ ਇੱਕ ਸਾਲ ਪਹਿਲਾਂ 109.6 ਮਿਲੀਅਨ ਟਨ ਤੋਂ ਘੱਟ ਕੇ 107.7 ਮਿਲੀਅਨ ਟਨ ਰਹਿ ਗਿਆ। ਇਸ ਨਾਲ ਹੀ, ਕੇਂਦਰੀ ਪੂਲ ਵਿੱਚ 1 ਜੁਲਾਈ ਤੱਕ 30.1 ਮਿਲੀਅਨ ਟਨ ਕਣਕ ਸੀ, ਜੋ ਕਿ 27.6 ਮਿਲੀਅਨ ਟਨ ਦੇ ਬਫਰ ਮਾਪਦੰਡ ਤੋਂ ਵੱਧ ਹੈ, ਪਰ ਜੁਲਾਈ 2021 ਵਿੱਚ 60.3 ਮਿਲੀਅਨ ਟਨ ਦੇ ਅੱਧ ਤੋਂ ਵੀ ਘੱਟ ਹੈ। ਇਸ ਦੇ ਨਾਲ ਹੀ, ਘੱਟੋ-ਘੱਟ ਸਮਰਥਨ ਮੁੱਲ ਦੇ ਤਹਿਤ ਕਣਕ ਦੀ ਖਰੀਦ 26.14 ਮਿਲੀਅਨ ਟਨ ਸੀ, ਜੋ ਕਿ 34 ਮਿਲੀਅਨ ਟਨ ਦੇ ਟੀਚੇ ਤੋਂ ਘੱਟ ਸੀ।