Stock Market Opening On 18th April: ਚਾਰ ਦਿਨਾਂ ਦੀ ਲੰਬੀ ਛੁੱਟੀ ਤੋਂ ਬਾਅਦ ਹਫ਼ਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਭਾਰਤੀ ਸ਼ੇਅਰ ਬਾਜ਼ਾਰ ਵੱਡੀ ਗਿਰਾਵਟ ਨਾਲ ਸ਼ੁਰੂ ਹੋਇਆ। ਮੁੰਬਈ ਸਟਾਕ ਐਕਸਚੇਂਜ ਦਾ ਸੂਚਕ ਅੰਕ ਸੈਂਸੈਕਸ 1000 ਅੰਕ ਡਿੱਗ ਕੇ 57,310 'ਤੇ ਅਤੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 290 ਅੰਕ ਡਿੱਗ ਕੇ 17,183 'ਤੇ ਆ ਗਿਆ। ਬੈਂਕ ਨਿਫਟੀ ਵੀ 1.73 ਫੀਸਦੀ ਦੀ ਗਿਰਾਵਟ ਨਾਲ 36,813 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਜਾਣੋ ਕਿਵੇਂ ਰਿਹਾ ਨਿਫਟੀ
ਅੱਜ ਦੇ ਕਾਰੋਬਾਰ ਵਿੱਚ ਨਿਫਟੀ ਦੇ 50 ਚੋਂ 7 ਸਟਾਕ ਹਰੇ ਨਿਸ਼ਾਨ ਦੇ ਨਾਲ ਵਪਾਰ ਕਰ ਰਹੇ ਹਨ ਤੇ 43 ਸਟਾਕ ਗਿਰਾਵਟ ਦੇ ਲਾਲ ਨਿਸ਼ਾਨ ਵਿੱਚ ਕਾਰੋਬਾਰ ਕਰ ਰਹੇ ਹਨ। ਜਦਕਿ ਸੈਂਸੈਕਸ ਦੇ 30 ਸ਼ੇਅਰਾਂ 'ਚੋਂ ਸਿਰਫ 4 ਸ਼ੇਅਰ ਹਰੇ ਨਿਸ਼ਾਨ 'ਤੇ ਤੇ 26 ਸ਼ੇਅਰ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ।
ਸੈਕਟੋਰੀਅਲ ਇੰਡੈਕਸ
ਅੱਜ ਜੇਕਰ ਅਸੀਂ ਸੈਕਟਰ-ਵਾਰ ਬਾਜ਼ਾਰ 'ਚ ਬੂਮਿੰਗ ਸੈਕਟਰਾਂ 'ਤੇ ਨਜ਼ਰ ਮਾਰੀਏ ਤਾਂ FMCG, ਧਾਤੂ ਨੂੰ ਛੱਡ ਕੇ ਬਾਕੀ ਸਾਰੇ ਸੈਕਟਰ ਲਾਲ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਸਮਾਲ ਕੈਪ ਤੇ ਮਿਡਕੈਪ ਸ਼ੇਅਰਾਂ 'ਚ ਵੀ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਬੈਂਕਿੰਗ, ਆਟੋ, ਆਈਟੀ, ਫਾਰਮਾ ਵਰਗੇ ਸੈਕਟਰਾਂ 'ਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।
ਚੜ੍ਹਣ ਵਾਲੇ ਸਟਾਕ
ਜੇਕਰ ਅੱਜ ਦੇ ਕਾਰੋਬਾਰ 'ਚ ਚੜ੍ਹ ਰਹੇ ਸ਼ੇਅਰਾਂ 'ਤੇ ਨਜ਼ਰ ਮਾਰੀਏ ਤਾਂ NTPC 1.59 ਫੀਸਦੀ, ਟਾਟਾ ਸਟੀਲ 0.87 ਫੀਸਦੀ, M&M 0.49 ਫੀਸਦੀ, ਪਾਵਰ ਗਰਿੱਡ 0.17 ਫੀਸਦੀ, HUL 0.12 ਫੀਸਦੀ, Nestle 0.05 ਫੀਸਦੀ, ITC ਸ਼ੇਅਰ 0.04 ਫੀਸਦੀ ਦੇ ਉਛਾਲ ਨਾਲ ਕਾਰੋਬਾਰ ਕਰ ਰਹੇ ਹਨ।
ਅੱਜ ਦੇ ਟੌਪ ਲੂਜ਼ਰਸ
ਇੰਫੋਸਿਸ 5.87 ਫੀਸਦੀ, ਟੈੱਕ ਮਹਿੰਦਰਾ 3.92 ਫੀਸਦੀ, ਕੋਟਕ ਮਹਿੰਦਰਾ 2.88 ਫੀਸਦੀ, ਐਚਡੀਐਫਸੀ 2.66 ਫੀਸਦੀ, ਐਚਡੀਐਫਸੀ ਬੈਂਕ 2.38 ਫੀਸਦੀ, ਵਿਪਰੋ 2.17 ਫੀਸਦੀ, ਆਈਸੀਆਈਸੀਆਈ ਬੈਂਕ 1.23 ਫੀਸਦੀ, ਐਕਸਿਸ ਬੈਂਕ 01.67 ਫੀਸਦੀ ਦੀ ਗਿਰਾਵਟ ਨਾਲ ਕੰਮ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: COVID-19 4th Wave: ਜੂਨ 'ਚ ਆਵੇਗੀ ਕੋਰੋਨਾ ਦੀ ਚੌਥੀ ਲਹਿਰ! ਨਵੇਂ ਵੇਰੀਐਂਟ XE ਨੇ ਵਧਾਇਆ ਡਰ