LPG E-KYC Deadline : ਇੰਡੇਨ ਗੈਸ, HP ਗੈਸ ਅਤੇ ਭਾਰਤ ਗੈਸ ਦੇ ਖਪਤਕਾਰਾਂ ਲਈ e-KYC ਕਰਵਾਉਣ ਦੀ ਮਿਆਦ ਅੱਜ ਖਤਮ ਹੋ ਰਹੀ ਹੈ। ਲੱਖਾਂ ਗਾਹਕ ਆਪਣਾ LPG ਬਾਇਓਮੈਟ੍ਰਿਕ ਆਧਾਰ ਆਥੈਂਟੀਕੇਸ਼ਨ ਪੂਰਾ ਕਰਨ ਲਈ LPG ਡਿਸਟ੍ਰੀਬਿਊਟਰ ਜਾਂ ਆਨਲਾਈਨ ਪੋਰਟਲ ’ਤੇ ਜਾ ਰਹੇ ਹਨ। ਇਸ ਤੋਂ ਪਹਿਲਾਂ e-KYC ਦੀ ਸਮਾਂ-ਸੀਮਾ 23 ਅਗਸਤ ਤੱਕ ਵਧਾਈ ਗਈ ਸੀ। ਯਾਨੀ ਆਖਰੀ ਮੌਕਾ ਅੱਜ ਐਤਵਾਰ ਨੂੰ ਖਤਮ ਹੋ ਰਿਹਾ ਹੈ।
ਜੇਕਰ ਗਾਹਕ ਸਮਾਂ-ਸੀਮਾ ਤੋਂ ਖੁੰਝ ਜਾਂਦੇ ਹਨ ਤਾਂ ਉਨ੍ਹਾਂ ਨੂੰ ਆਉਣ ਵਾਲੇ ਸਮੇਂ ਵਿੱਚ ਕਈ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਜਿਵੇਂ ਕਿ ਗੈਸ ਕਨੈਕਸ਼ਨ ਅਸਥਾਈ ਤੌਰ ’ਤੇ ਬੰਦ ਹੋ ਸਕਦੇ ਹਨ। ਇਸ ਲਈ ਜੇਕਰ ਤੁਸੀਂ ਆਪਣੀ LPG ਸਬਸਿਡੀ, LPG ਖਰੀਦ, ਬੁਕਿੰਗ, ਰੀਫਿਲਿੰਗ ਅਤੇ ਕਨੈਕਸ਼ਨ ’ਤੇ ਕੋਈ ਅਸਰ ਨਹੀਂ ਪੈਣ ਦੇਣਾ ਚਾਹੁੰਦੇ ਤਾਂ ਅੱਜ ਰਾਤ ਤੱਕ ਵੈਰੀਫਿਕੇਸ਼ਨ ਦਾ ਕੰਮ ਪੂਰਾ ਕਰ ਲਓ।
ਕੀ ਡੈੱਡਲਾਈਨ ਅੱਗੇ ਵਧਾਈ ਜਾਵੇਗੀ?
ਅਧਿਕਾਰਤ ਤੌਰ ’ਤੇ ਪਹਿਲਾਂ ਆਖਰੀ ਤਾਰੀਖ 16 ਅਗਸਤ ਸੀ। ਇਸ ਨੂੰ ਬਾਅਦ ਵਿੱਚ ਖਪਤਕਾਰਾਂ ਦੀ ਸਹੂਲਤ ਅਤੇ ਸਰਵਰ ਡਾਊਨ ਹੋਣ ਦੀਆਂ ਸ਼ਿਕਾਇਤਾਂ ਤੋਂ ਬਾਅਦ ਵਧਾ ਕੇ 23 ਅਗਸਤ ਕਰ ਦਿੱਤਾ ਗਿਆ ਸੀ। ਫਿਲਹਾਲ ਤੇਲ ਕੰਪਨੀਆਂ ਜਾਂ ਸਰਕਾਰ ਵੱਲੋਂ ਇਸ ਨੂੰ 23 ਅਗਸਤ ਤੋਂ ਅੱਗੇ ਵਧਾਉਣ ਦਾ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ।
ਜੇਕਰ ਤੁਹਾਡਾ ਵੈਰੀਫਿਕੇਸ਼ਨ ਪੈਂਡਿੰਗ ਰਹਿੰਦਾ ਹੈ ਤਾਂ ਤੁਸੀਂ ਘਰੇਲੂ ਰੇਟ ’ਤੇ LPG ਸਿਲੰਡਰ ਲੈਣ ਦੇ ਹੱਕਦਾਰ ਨਹੀਂ ਹੋਵੋਗੇ। ਇਸ ਦੇ ਮੁਕਾਬਲੇ ਤੁਹਾਨੂੰ ਕਾਫੀ ਮਹਿੰਗੇ ਕਮਰਸ਼ੀਅਲ ਰੇਟ ’ਤੇ ਗੈਸ ਖਰੀਦਣੀ ਪੈ ਸਕਦੀ ਹੈ। ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਉੱਜਵਲਾ ਯੋਜਨਾ (PMUY) ਅਤੇ ਹੋਰ ਆਮ ਸ਼੍ਰੇਣੀ ਦੇ ਲਾਭਪਾਤਰੀਆਂ ਦੇ ਬੈਂਕ ਖਾਤਿਆਂ ਵਿੱਚ ਆਉਣ ਵਾਲੀ ਸਬਸਿਡੀ ਵੀ ਤੁਰੰਤ ਰੋਕੀ ਜਾ ਸਕਦੀ ਹੈ।
ਅੱਜ LPG ਦੀ ਕੀਮਤ
ਅੱਜ 23 ਅਗਸਤ 2026 ਨੂੰ ਦੇਸ਼ ਭਰ ਵਿੱਚ LPG ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ। 14.2 ਕਿਲੋ ਵਾਲੇ ਘਰੇਲੂ LPG ਗੈਸ ਸਿਲੰਡਰ ਦੀਆਂ ਕੀਮਤਾਂ ਪੂਰੀ ਤਰ੍ਹਾਂ ਸਥਿਰ ਹਨ। ਇਸ ਮਹੀਨੇ ਸਰਕਾਰੀ ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ। ਉੱਥੇ ਹੀ ਕਮਰਸ਼ੀਅਲ ਸਿਲੰਡਰ ਦੇ ਰੇਟ ਇਸ ਮਹੀਨੇ 192 ਤੋਂ 209 ਰੁਪਏ ਤੱਕ ਘਟਾਏ ਗਏ ਹਨ, ਜਿਸ ਨਾਲ ਰੈਸਟੋਰੈਂਟਾਂ ਅਤੇ ਹੋਟਲ ਮਾਲਕਾਂ ਨੂੰ ਰਾਹਤ ਮਿਲੀ ਹੈ।
ਸ਼ਹਿਰਾਂ ਮੁਤਾਬਕ LPG ਦੀਆਂ ਕੀਮਤਾਂ
ਸ਼ਹਿਰ 14.2 ਕਿਲੋ ਵਾਲੇ ਸਿਲੰਡਰ ਦੀ ਕੀਮਤ 19 ਕਿਲੋ ਵਾਲੇ ਕਮਰਸ਼ੀਅਲ ਸਿਲੰਡਰ ਦੀ ਕੀਮਤ
ਦਿੱਲੀ — ₹942 — ₹2,738ਮੁੰਬਈ — ₹941.50 — ₹2,691.50ਗਾਜ਼ੀਆਬਾਦ — ₹939.50 — ₹2,738ਜੈਪੁਰ — ₹945.50 — ₹2,765.50ਹੈਦਰਾਬਾਦ — ₹994 — ₹2,985ਪਟਨਾ — ₹1,031.50 — ₹3,018ਲਖਨਊ — ₹979.50 — ₹2,860.50ਕੋਲਕਾਤਾ — ₹968 — ₹2,872.50