LPG E-KYC : ਅੱਜ ਦੇ ਸਮੇਂ ਵਿੱਚ ਖਾਣਾ ਬਣਾਉਣ ਲਈ ਕਈ ਹੋਰ ਵਿਕਲਪ ਵੀ ਮੌਜੂਦ ਹਨ, ਜਿਵੇਂ PNG ਅਤੇ ਇੰਡਕਸ਼ਨ ਪਰ ਇਸ ਦੇ ਬਾਵਜੂਦ ਅੱਜ ਵੀ ਵੱਡੀ ਗਿਣਤੀ ਵਿੱਚ ਘਰਾਂ ਵਿੱਚ LPG ਗੈਸ ਸਿਲੰਡਰ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਜੇਕਰ ਤੁਹਾਡੇ ਘਰ ਵਿੱਚ ਵੀ LPG ਸਿਲੰਡਰ ਦੀ ਵਰਤੋਂ ਹੁੰਦੀ ਹੈ, ਪਰ ਤੁਸੀਂ ਅਜੇ ਤੱਕ E-KYC ਨਹੀਂ ਕਰਵਾਈ ਹੈ ਤਾਂ ਹੁਣ ਚਿੰਤਾ ਕਰਨ ਦੀ ਲੋੜ ਨਹੀਂ ਹੈ। ਗੈਸ ਖਪਤਕਾਰਾਂ ਨੂੰ E-KYC ਪੂਰੀ ਕਰਨ ਲਈ ਹੁਣ 31 ਅਗਸਤ ਤੱਕ ਦਾ ਸਮਾਂ ਦਿੱਤਾ ਗਿਆ ਹੈ।
ਕਈ ਲੋਕਾਂ ਨੇ 23 ਅਗਸਤ ਤੱਕ E-KYC ਨਹੀਂ ਕਰਵਾਈ ਸੀ ਅਤੇ ਉਨ੍ਹਾਂ ਨੂੰ ਗੈਸ ਕੁਨੈਕਸ਼ਨ ਕੱਟਣ ਦਾ ਡਰ ਸੀ। ਪਰ ਹੁਣ ਘਬਰਾਉਣ ਦੀ ਬਜਾਏ ਜਲਦ ਤੋਂ ਜਲਦ E-KYC ਨਾਲ ਜੁੜੀ ਪ੍ਰਕਿਰਿਆ ਪੂਰੀ ਕਰ ਲਓ।
ਬਿਨਾਂ ਕਿਤੇ ਜਾਏ ਘਰ ਬੈਠੇ ਕਰੋ E-KYC
ਸਭ ਤੋਂ ਖਾਸ ਗੱਲ ਇਹ ਹੈ ਕਿ E-KYC ਕਰਵਾਉਣ ਲਈ ਤੁਹਾਨੂੰ ਕਿਤੇ ਜਾਣ ਦੀ ਵੀ ਲੋੜ ਨਹੀਂ ਹੈ। ਤੁਸੀਂ ਘਰ ਬੈਠੇ ਆਨਲਾਈਨ E-KYC ਪੂਰੀ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਕਿ ਆਨਲਾਈਨ E-KYC ਕਿਵੇਂ ਕੀਤੀ ਜਾ ਸਕਦੀ ਹੈ।
ਆਨਲਾਈਨ E-KYC ਕਰਨ ਦਾ ਤਰੀਕਾ
ਸਭ ਤੋਂ ਪਹਿਲਾਂ ਆਪਣੀ ਗੈਸ ਕੰਪਨੀ ਦੀ ਅਧਿਕਾਰਤ ਐਪ ਡਾਊਨਲੋਡ ਕਰੋ।ਇਸ ਦੇ ਨਾਲ ਹੀ AadhaarFaceRD ਐਪ ਵੀ ਡਾਊਨਲੋਡ ਕਰੋ।ਆਪਣੇ ਰਜਿਸਟਰਡ ਮੋਬਾਈਲ ਨੰਬਰ ਨਾਲ ਲੌਗਇਨ ਕਰਕੇ OTP ਰਾਹੀਂ ਵੈਰੀਫਾਈ ਕਰੋ।ਇਸ ਤੋਂ ਬਾਅਦ 4 ਅੰਕਾਂ ਦਾ MPIN ਬਣਾਓ।ਹੁਣ ਐਪ ਦੇ ਹੋਮ ਪੇਜ 'ਤੇ ਜਾ ਕੇ Complete LPG eKYC ਦਾ ਵਿਕਲਪ ਚੁਣੋ।ਇਸ ਤੋਂ ਬਾਅਦ ਫੇਸ ਆਥੈਂਟੀਕੇਸ਼ਨ ਦੀ ਪ੍ਰਕਿਰਿਆ ਪੂਰੀ ਕਰੋ।ਮੋਬਾਈਲ ਦੇ ਕੈਮਰੇ ਰਾਹੀਂ ਆਪਣਾ ਚਿਹਰਾ ਸਕੈਨ ਕਰੋ।ਸਾਰੀ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ E-KYC ਪੂਰੀ ਹੋਣ ਦਾ ਮੈਸੇਜ ਆ ਜਾਵੇਗਾ।ਸਮੇਂ ਸਿਰ E-KYC ਨਾ ਕਰਵਾਈ ਤਾਂ ਹੋ ਸਕਦੀ ਹੈ ਦਿੱਕਤ
ਜੇਕਰ ਕੋਈ ਖਪਤਕਾਰ ਡੈੱਡਲਾਈਨ ਤੱਕ E-KYC ਨਹੀਂ ਕਰਵਾਉਂਦਾ ਤਾਂ ਉਸ ਨੂੰ ਸਬਸਿਡੀ ਅਤੇ ਗੈਸ ਬੁਕਿੰਗ ਨਾਲ ਜੁੜੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਲਈ ਸਮੇਂ ਸਿਰ ਇਹ ਪ੍ਰਕਿਰਿਆ ਪੂਰੀ ਕਰ ਲਓ, ਤਾਂ ਜੋ ਬਾਅਦ ਵਿੱਚ ਕਿਸੇ ਤਰ੍ਹਾਂ ਦੀ ਪਰੇਸ਼ਾਨੀ ਨਾ ਹੋਵੇ। ਜੇਕਰ ਆਨਲਾਈਨ E-KYC ਕਰਨ ਵਿੱਚ ਕੋਈ ਦਿੱਕਤ ਆਉਂਦੀ ਹੈ ਤਾਂ ਤੁਸੀਂ ਆਪਣੇ ਨੇੜਲੇ ਗੈਸ ਏਜੰਸੀ 'ਤੇ ਜਾ ਕੇ ਵੀ E-KYC ਦੀ ਪ੍ਰਕਿਰਿਆ ਪੂਰੀ ਕਰਵਾ ਸਕਦੇ ਹੋ।
ਇਸ ਗੱਲ ਦਾ ਖਾਸ ਧਿਆਨ ਰੱਖੋ
ਕਈ ਵਾਰ ਲੋਕ ਆਨਲਾਈਨ E-KYC ਕਰਨ ਤੋਂ ਬਾਅਦ ਇਹ ਸਮਝ ਲੈਂਦੇ ਹਨ ਕਿ ਉਨ੍ਹਾਂ ਦੀ E-KYC ਪੂਰੀ ਹੋ ਗਈ ਹੈ, ਪਰ ਅਸਲ ਵਿੱਚ ਪ੍ਰਕਿਰਿਆ ਅਧੂਰੀ ਰਹਿ ਸਕਦੀ ਹੈ। ਇਸ ਲਈ ਪਹਿਲਾਂ ਇਹ ਜ਼ਰੂਰ ਚੈੱਕ ਕਰੋ ਕਿ ਤੁਹਾਡੀ E-KYC ਸਫਲਤਾਪੂਰਵਕ ਪੂਰੀ ਹੋਈ ਹੈ ਜਾਂ ਨਹੀਂ। ਇਸ ਦੀ ਜਾਂਚ ਤੁਸੀਂ ਆਪਣੀ ਗੈਸ ਕੰਪਨੀ ਦੀ ਅਧਿਕਾਰਤ ਐਪ 'ਤੇ ਜਾ ਕੇ ਕਰ ਸਕਦੇ ਹੋ।