One Missing Biscuit: ਜੇਕਰ ਬਿਸਕੁਟ ਦੇ ਪੈਕੇਟ 'ਤੇ ਲਿਖੇ ਨੰਬਰ ਤੋਂ ਇੱਕ ਬਿਸਕੁਟ ਵੀ ਘੱਟ ਹੈ, ਤਾਂ ITC ਨੂੰ ਹੁਣ ਖਪਤਕਾਰ ਨੂੰ 1 ਲੱਖ ਰੁਪਏ ਦਾ ਮੁਆਵਜ਼ਾ ਦੇਣਾ ਹੋਵੇਗਾ। ਇਹ ਸ਼ਾਇਦ ITC ਲਈ ਹੁਣ ਤੱਕ ਦਾ ਸਭ ਤੋਂ ਮਹਿੰਗਾ ਬਿਸਕੁਟ ਹੈ। ਕੰਪਨੀ ਨੂੰ ਆਪਣੇ 16 ਬਿਸਕੁਟ ਪੈਕ "ਸਨਫੀਸਟ ਮੈਰੀ ਲਾਈਟ" ਵਿੱਚ ਇੱਕ ਬਿਸਕੁਟ ਘੱਟ ਪੈਕ ਕਰਨਾ ਮਹਿੰਗਾ ਪਿਆ। ਆਈਟੀਸੀ ਲਿਮਟਿਡ ਨੂੰ ਇੱਕ ਖਪਤਕਾਰ ਅਦਾਲਤ ਨੇ ਚੇਨਈ ਦੇ ਇੱਕ ਖਪਤਕਾਰ ਨੂੰ ਮੁਆਵਜ਼ੇ ਵਜੋਂ 1 ਲੱਖ ਰੁਪਏ ਦਾ ਭੁਗਤਾਨ ਕਰਨ ਦਾ ਨਿਰਦੇਸ਼ ਦਿੱਤਾ ਹੈ।
ਇੱਕ ਪੈਕਟ ਵਿੱਚ ਬਿਸਕੁਟਾਂ ਦੀ ਗਿਣਤੀ ਕਿੰਨੀ ਹੈ?
ਬਿਸਕੁਟ ਦੇ ਇੱਕ ਪੈਕੇਟ ਦੀ ਕੀਮਤ ਆਮ ਤੌਰ 'ਤੇ 50 ਤੋਂ 100 ਰੁਪਏ ਤਕ ਹੁੰਦੀ ਹੈ। ਆਮ ਤੌਰ 'ਤੇ ਜ਼ਿਆਦਾਤਰ ਗਾਹਕ ਖਾਣ ਤੋਂ ਪਹਿਲਾਂ ਪੈਕਟ ਵਿਚ ਬਿਸਕੁਟਾਂ ਦੀ ਗਿਣਤੀ ਦੀ ਜਾਂਚ ਨਹੀਂ ਕਰਦੇ ਹਨ। ਹਾਲਾਂਕਿ, ਜ਼ਿਆਦਾਤਰ ਪੈਕੇਟਾਂ 'ਤੇ ਇਹ ਸਪੱਸ਼ਟ ਤੌਰ 'ਤੇ ਲਿਖਿਆ ਹੁੰਦਾ ਹੈ ਕਿ ਇੱਕ ਪੈਕਟ ਵਿੱਚ ਬਿਸਕੁਟਾਂ ਦੀ ਗਿਣਤੀ ਕਿੰਨੀ ਹੈ।
ਸਾਲ 2021 ਵਿੱਚ, ਪੀ ਦਿਲਬਾਬੂ, ਮਾਥੁਰ, MMDA, ਚੇਨਈ ਦੇ ਵਸਨੀਕ ਨੇ ਜਾਨਵਰਾਂ ਨੂੰ ਖੁਆਉਣ ਲਈ 'ਸਨਫੀਸਟ ਮੈਰੀ ਲਾਈਟ' ਬਿਸਕੁਟ ਦਾ ਇੱਕ ਪੈਕੇਟ ਖਰੀਦਿਆ। ਜਦੋਂ ਪੀ ਦਿਲੇਬਾਬੂ ਨੇ ਪੈਕਟ ਵਿਚ ਬਿਸਕੁਟਾਂ ਦੀ ਗਿਣਤੀ ਕੀਤੀ ਤਾਂ ਉਸ ਨੇ ਦੇਖਿਆ ਕਿ ਇਕ ਬਿਸਕੁਟ ਗਾਇਬ ਸੀ ਭਾਵ 16 ਦੀ ਬਜਾਏ ਪੈਕਟ ਵਿਚ 15 ਬਿਸਕੁਟ ਸਨ।
ਆਈਟੀਸੀ ਤੋਂ ਸਪੱਸ਼ਟੀਕਰਨ ਮੰਗਿਆ
ਜਦੋਂ ਇੱਕ ਬਿਸਕੁਟ ਗਾਇਬ ਦੇਖਿਆ ਤਾਂ ਪੀ ਦਿਲੀਬਾਬੂ ਨੇ ਸਥਾਨਕ ਸਟੋਰ ਕੋਲ ਪਹੁੰਚ ਕੀਤੀ ਤੇ ਕੋਈ ਤਸੱਲੀਬਖਸ਼ ਜਵਾਬ ਨਹੀਂ ਮਿਲਿਆ। ਇਸ ਤੋਂ ਬਾਅਦ ਉਸ ਨੇ ਇਸ ਘਟਨਾ ਲਈ ਆਈਟੀਸੀ ਤੋਂ ਸਪੱਸ਼ਟੀਕਰਨ ਮੰਗਿਆ, ਪਰ ਉਥੋਂ ਵੀ ਕੋਈ ਤਸੱਲੀਬਖਸ਼ ਜਵਾਬ ਨਹੀਂ ਮਿਲਿਆ।
ਇਸ ਤੋਂ ਬਾਅਦ ਦਿਲਬਾਬੂ ਨੇ ਕੰਪਨੀ ਤੇ ਇਸ ਨੂੰ ਵੇਚਣ ਵਾਲੇ ਸਟੋਰਾਂ ਦੇ ਖਿਲਾਫ ਖਪਤਕਾਰ ਫੋਰਮ ਦਾਇਰ ਕਰਕੇ 100 ਕਰੋੜ ਰੁਪਏ ਦੇ ਜੁਰਮਾਨੇ ਤੇ 10 ਕਰੋੜ ਰੁਪਏ ਦੀ ਅਨੁਚਿਤ ਵਪਾਰਕ ਪ੍ਰਥਾ ਅਤੇ ਸੇਵਾ ਵਿੱਚ ਕਮੀ ਦੇ ਦੋਸ਼ਾਂ ਲਈ ਮੁਆਵਜ਼ੇ ਵਜੋਂ 10 ਕਰੋੜ ਰੁਪਏ ਦੀ ਮੰਗ ਕੀਤੀ।
ਰੋਜ਼ਾਨਾ 29 ਲੱਖ ਰੁਪਏ ਤੋਂ ਵੱਧ ਦੀ ਠੱਗੀ
ਹਰੇਕ ਬਿਸਕੁਟ ਦੀ ਕੀਮਤ 75 ਪੈਸੇ ਹੋਣ ਦਾ ਜ਼ਿਕਰ ਕਰਦਿਆਂ ਉਨ੍ਹਾਂ ਆਪਣੀ ਸ਼ਿਕਾਇਤ ਵਿੱਚ ਕਿਹਾ ਕਿ ਆਈ.ਟੀ.ਸੀ ਲਿਮਟਿਡ ਰੋਜ਼ਾਨਾ 50 ਲੱਖ ਦੇ ਕਰੀਬ ਪੈਕੇਟ ਤਿਆਰ ਕਰਦੀ ਹੈ ਅਤੇ ਲਿਫ਼ਾਫ਼ੇ ਦੇ ਹਿਸਾਬ ਨਾਲ ਇਹ ਦਰਸਾਉਂਦਾ ਹੈ ਕਿ ਕੰਪਨੀ ਰੋਜ਼ਾਨਾ ਲੋਕਾਂ ਤੋਂ 29 ਲੱਖ ਰੁਪਏ ਤੋਂ ਵੱਧ ਦੀ ਠੱਗੀ ਮਾਰਦੀ ਹੈ।
ਖਪਤਕਾਰ ਨੂੰ 1 ਲੱਖ ਰੁਪਏ ਦਾ ਮੁਆਵਜ਼ਾ ਦੇਣ ਦਾ ਹੁਕਮ
ਪਰ 29 ਅਗਸਤ ਨੂੰ ਜ਼ਿਲ੍ਹਾ ਖਪਤਕਾਰ ਫੋਰਮ ਨੇ ਆਈਟੀਸੀ ਲਿਮਟਿਡ ਦੇ ਫੂਡ ਡਿਵੀਜ਼ਨ ਨੂੰ ਖਪਤਕਾਰ ਨੂੰ 1 ਲੱਖ ਰੁਪਏ ਦਾ ਮੁਆਵਜ਼ਾ ਦੇਣ ਦਾ ਹੁਕਮ ਦਿੱਤਾ ਕਿਉਂਕਿ ਬਿਸਕੁਟ ਬ੍ਰਾਂਡ ਸਨਫੀਸਟ ਮੈਰੀ ਲਾਈਟ ਦੇ ਪੈਕੇਟ ਵਿੱਚ ਦਰਜ ਬਿਸਕੁਟਾਂ ਦੀ ਗਿਣਤੀ ਤੋਂ ਇੱਕ ਬਿਸਕੁਟ ਘੱਟ ਪਾਇਆ ਗਿਆ ਸੀ।