Bankrupt Airline: ਕਰਜ਼ੇ 'ਚ ਡੁੱਬੀ ਗੋ ਫਸਟ ਏਅਰਲਾਈਨ (Go First Airline) ਨੂੰ ਖਰੀਦਣ ਲਈ ਨਿਵੇਸ਼ਕਾਂ ਨੂੰ 31 ਜਨਵਰੀ ਤੱਕ ਦਾ ਮੌਕਾ ਦਿੱਤਾ ਗਿਆ ਹੈ। ਗੋ ਫਸਟ (Go First) ਨੇ ਪਿਛਲੇ ਸਾਲ ਮਈ 'ਚ ਦੀਵਾਲੀਆਪਨ ਲਈ ਦਾਇਰ ਕੀਤੀ ਸੀ। ਰਿਣਦਾਤਿਆਂ ਨੇ ਕਈ ਵਾਰ ਇਸਨੂੰ ਵੇਚਣ ਦੀ ਅਸਫਲ ਕੋਸ਼ਿਸ਼ ਕੀਤੀ ਹੈ। ਹੁਣ ਸਪਾਈਸਜੈੱਟ ਏਅਰਲਾਈਨ (SpiceJet Airline) ਸਮੇਤ ਹੋਰ ਕੰਪਨੀਆਂ ਵੱਲੋਂ ਦਿਲਚਸਪੀ ਦਿਖਾਉਣ ਤੋਂ ਬਾਅਦ ਇੱਕ ਵਾਰ ਫਿਰ ਗੋ ਫਸਟ ਨੂੰ ਵੇਚਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਵਧ ਗਈ Go First Airline ਦੇ ਵਿਕਣ ਦੀ ਸੰਭਾਵਨਾ
ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਬੈਂਕਿੰਗ ਖੇਤਰ ਦੇ ਸੂਤਰਾਂ ਨੇ ਮਿੰਟ ਨੂੰ ਦੱਸਿਆ ਕਿ ਵਾਡੀਆ ਗਰੁੱਪ (Wadia Group) ਦੀ ਮਾਲਕੀ ਵਾਲੀ ਗੋ ਫਸਟ ਏਅਰਲਾਈਨ ਦੀ ਵਿਕਰੀ ਦੀ ਸੰਭਾਵਨਾ ਵਧ ਗਈ ਹੈ। ਇਸ ਲਈ, ਕਰਜ਼ ਦੇਣ ਵਾਲੇ ਬੈਂਕਾਂ ਨੇ ਇੱਕ ਹੋਰ ਕੋਸ਼ਿਸ਼ ਕਰਨ ਦਾ ਫੈਸਲਾ ਕੀਤਾ ਹੈ। ਰਿਣਦਾਤਿਆਂ ਨੇ ਗੋ ਫਸਟ ਵੇਚਣ ਲਈ ਟੈਂਡਰ ਮੰਗੇ ਹਨ। ਜੇ ਇਸ ਵਾਰ ਚੰਗੇ ਟੈਂਡਰ ਆਉਂਦੇ ਹਨ ਤਾਂ ਕਰਜ਼ਦਾਰਾਂ ਨੂੰ ਇਸ ਨੂੰ ਵੇਚ ਕੇ ਬਹੁਤ ਸਾਰਾ ਪੈਸਾ ਵਾਪਸ ਮਿਲਣ ਦੀ ਉਮੀਦ ਹੈ।
ਏਅਰਲਾਈਨਜ਼ ਨੂੰ ਬੈਂਕਾਂ ਨੂੰ 65.21 ਅਰਬ ਰੁਪਏ ਕਰਨੇ ਪਏ ਵਾਪਸ
ਗੋ ਫਸਟ ਦੀ ਦੀਵਾਲੀਆਪਨ ਪਟੀਸ਼ਨ ਦੇ ਅਨੁਸਾਰ, ਏਅਰਲਾਈਨ 'ਤੇ ਸੈਂਟਰਲ ਬੈਂਕ ਆਫ ਇੰਡੀਆ (Central Bank of India), ਬੈਂਕ ਆਫ ਬੜੌਦਾ (Bank of Baroda), ਆਈਡੀਬੀਆਈ ਬੈਂਕ (IDBI Bank) ਅਤੇ ਡਿਊਸ਼ ਬੈਂਕ (Deutsche Bank) ਦਾ ਲਗਭਗ 65.21 ਅਰਬ ਰੁਪਏ ਦਾ ਬਕਾਇਆ ਹੈ।
ਸਪਾਈਸ ਜੈੱਟ ਸਮੇਤ 4 ਕੰਪਨੀਆਂ ਲੈ ਰਹੀਆਂ ਹਨ ਦਿਲਚਸਪੀ
ਪਿਛਲੇ ਮਹੀਨੇ ਭਾਰਤੀ ਹਵਾਬਾਜ਼ੀ ਖੇਤਰ ਦੇ ਸਪਾਈਸ ਜੈੱਟ ਨੇ ਗੋ ਫਸਟ ਨੂੰ ਖਰੀਦਣ ਦੀ ਇੱਛਾ ਜਤਾਈ ਸੀ। ਸੂਤਰਾਂ ਮੁਤਾਬਕ ਇਸ ਤੋਂ ਇਲਾਵਾ ਸ਼ਾਰਜਾਹ ਦੀ ਸਕਾਈ ਵਨ, ਅਫਰੀਕੀ ਕੰਪਨੀ ਸਫਰਿਕ ਇਨਵੈਸਟਮੈਂਟਸ ਅਤੇ ਅਮਰੀਕਾ ਦੀ ਐੱਨ.ਐੱਸ. ਐਵੀਏਸ਼ਨ ਵੀ ਗੋ ਫਸਟ ਨੂੰ ਖਰੀਦਣ 'ਚ ਦਿਲਚਸਪੀ ਰੱਖਦੀਆਂ ਹਨ। ਹਾਲਾਂਕਿ ਫਿਲਹਾਲ ਇਨ੍ਹਾਂ ਤਿੰਨਾਂ ਕੰਪਨੀਆਂ ਨੇ ਇਸ ਬਾਰੇ ਖੁੱਲ੍ਹ ਕੇ ਕੁਝ ਨਹੀਂ ਕਿਹਾ ਹੈ।
ਲੋੜ ਪੈਣ 'ਤੇ ਹੋਰ ਵਧਾਈ ਜਾ ਸਕਦੀ ਹੈ ਸਮਾਂ ਸੀਮਾ
ਇੱਕ ਬੈਂਕਰ ਨੇ ਕਿਹਾ ਕਿ ਜੇਕਰ ਕੰਪਨੀਆਂ ਨੇ ਹੋਰ ਸਮਾਂ ਮੰਗਿਆ ਤਾਂ ਕਰਜ਼ਦਾਰਾਂ ਦੀ ਕਮੇਟੀ 31 ਜਨਵਰੀ ਦੀ ਸਮਾਂ ਸੀਮਾ ਵਧਾ ਸਕਦੀ ਹੈ। ਗੋ ਫਸਟ ਦੇ ਰੈਜ਼ੋਲਿਊਸ਼ਨ ਪ੍ਰੋਫੈਸ਼ਨਲ ਨੇ ਵੀ ਫਿਲਹਾਲ ਇਸ ਮਾਮਲੇ 'ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।