13th Installment of PM Kisan Yojana: ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ ਦੀ 13ਵੀਂ ਕਿਸ਼ਤ (13th Installment of PM Kisan Yojana) ਬਾਰੇ ਇੱਕ ਹੋਰ ਅਪਡੇਟ ਸਾਹਮਣੇ ਆਇਆ ਹੈ। ਛਾਂਟੀ ਲਈ ਕੇਂਦਰ ਸਰਕਾਰ ਵੱਲੋਂ ਚਾਰ ਫਿਲਟਰ ਲਗਾਏ ਗਏ ਹਨ। ਚੌਥਾ ਫਿਲਟਰ ਲਾਗੂ ਹੁੰਦੇ ਹੀ ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ (PM Kisan Yojana List) ਦੀ ਸੂਚੀ ਤੋਂ ਲਗਭਗ 2 ਕਰੋੜ ਕਿਸਾਨਾਂ ਦੇ ਨਾਂ ਹਟਾ ਦਿੱਤੇ ਗਏ ਹਨ। ਜੇਕਰ ਭਵਿੱਖ 'ਚ ਵੀ ਅਜਿਹਾ ਜਾਰੀ ਰਿਹਾ ਤਾਂ ਇਨ੍ਹਾਂ 2 ਕਰੋੜ ਕਿਸਾਨਾਂ ਨੂੰ 13ਵੀਂ ਕਿਸ਼ਤ ਨਹੀਂ ਮਿਲੇਗੀ।
ਇਸ ਸੂਚੀ ਵਿੱਚੋਂ ਵੱਖ-ਵੱਖ ਰਾਜਾਂ ਦੇ ਕਿਸਾਨਾਂ ਦੇ ਨਾਂ ਹਟਾ ਦਿੱਤੇ ਗਏ ਹਨ। ਕੇਂਦਰ ਸਰਕਾਰ ਨੇ ਜਾਣਕਾਰੀ ਦਿੱਤੀ ਹੈ ਕਿ ਜਾਅਲਸਾਜ਼ੀ ਨੂੰ ਰੋਕਣ ਲਈ ਆਧਾਰ ਲਿੰਕ (Aadhaar Link) ਵਾਲਾ ਫਿਲਟਰ ਲਾਇਆ ਗਿਆ ਹੈ। ਇਸ ਕਾਰਨ ਇਨ੍ਹਾਂ ਕਿਸਾਨਾਂ ਦੇ ਨਾਂ ਸੂਚੀ ਵਿੱਚੋਂ ਹਟਾ ਦਿੱਤੇ ਗਏ ਹਨ। ਜੇਕਰ ਤੁਸੀਂ ਵੀ ਇਸ ਯੋਜਨਾ ਦੇ ਤਹਿਤ ਆਧਾਰ ਨੂੰ ਲਿੰਕ ਨਹੀਂ ਕੀਤਾ ਹੈ ਜਾਂ ਕੇਵਾਈਸੀ (E-KYC) ਦਾ ਕੰਮ ਪੂਰਾ ਨਹੀਂ ਕੀਤਾ ਹੈ, ਤਾਂ ਤੁਸੀਂ 13ਵੀਂ ਕਿਸ਼ਤ ਦੀ ਰਕਮ (13th Installment of PM Kisa Scheme) ਤੋਂ ਵਾਂਝੇ ਰਹਿ ਜਾਵੋਗੇ।
ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ ਦੀ 13ਵੀਂ ਕਿਸ਼ਤ ਕਦੋਂ ਕੀਤੀ ਜਾਵੇਗੀ ਜਾਰੀ?
ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ (PM Kisan Yojana Kist) ਦੀ 13ਵੀਂ ਕਿਸ਼ਤ ਦੀ ਗੱਲ ਕਰੀਏ ਤਾਂ ਕੇਂਦਰ ਸਰਕਾਰ ਇਹ ਕਿਸ਼ਤ ਨਵੇਂ ਸਾਲ 'ਤੇ ਜਾਰੀ ਕਰ ਸਕਦੀ ਹੈ। ਕਿਉਂਕਿ ਸਾਲ 2021 ਦੀ ਆਖਰੀ ਕਿਸ਼ਤ ਵੀ ਜਨਵਰੀ 2022 ਵਿੱਚ ਜਾਰੀ ਕੀਤੀ ਗਈ ਸੀ। ਦੱਸਣਯੋਗ ਹੈ ਕਿ ਸਰਕਾਰ ਨੇ ਕਰੀਬ 10.45 ਕਰੋੜ ਕਿਸਾਨਾਂ ਨੂੰ 11ਵੀਂ ਕਿਸ਼ਤ ਭੇਜੀ ਸੀ ਪਰ 12ਵੀਂ ਕਿਸ਼ਤ ਸਿਰਫ਼ 8.58 ਕਰੋੜ ਹੀ ਦਿੱਤੀ। ਹੁਣ 13ਵੀਂ ਕਿਸ਼ਤ ਸਿਰਫ਼ ਇੰਨੇ ਕਿਸਾਨਾਂ ਨੂੰ ਹੀ ਭੇਜੀ ਜਾ ਸਕੇਗੀ।
ਕਿਹੜੇ ਸੂਬੇ 'ਚੋਂ ਕਿੰਨੇ ਕਿਸਾਨਾਂ ਦੇ ਹਟਾਏ ਗਏ ਨਾਂ?
ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ ਤਹਿਤ ਕਰੀਬ 58 ਲੱਖ ਕਿਸਾਨਾਂ ਦੇ ਨਾਂ ਹਟਾਏ ਗਏ ਹਨ। ਇਸ ਤੋਂ ਇਲਾਵਾ ਪੰਜਾਬ ਵਿੱਚ ਕਿਸਾਨਾਂ ਦੀ ਗਿਣਤੀ 17 ਲੱਖ ਤੋਂ ਘੱਟ ਕੇ 2 ਲੱਖ ਰਹਿ ਗਈ ਹੈ। ਇਸੇ ਤਰ੍ਹਾਂ ਕੇਰਲ ਅਤੇ ਰਾਜਸਥਾਨ ਦੇ ਕਰੀਬ 14 ਲੱਖ ਕਿਸਾਨਾਂ ਦੇ ਨਾਂ ਹਟਾਏ ਗਏ ਹਨ।
ਕਿਨ੍ਹਾਂ ਕਿਸਾਨਾਂ ਦੇ ਹਟਾਏ ਗਏ ਨਾਮ
ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਯੋਜਨਾ ਤਹਿਤ ਹੁਣ ਸਿਰਫ਼ ਉਨ੍ਹਾਂ ਕਿਸਾਨਾਂ ਨੂੰ ਹੀ ਲਾਭ ਦਿੱਤਾ ਜਾ ਰਿਹਾ ਹੈ, ਜੋ ਇਸ ਯੋਜਨਾ ਤਹਿਤ ਯੋਗ ਹਨ। ਅਯੋਗ ਲੋਕਾਂ ਨੂੰ ਇਸ ਸਕੀਮ ਦਾ ਲਾਭ ਨਹੀਂ ਦਿੱਤਾ ਜਾ ਰਿਹਾ ਹੈ। ਅਜਿਹੇ ਲੋਕਾਂ ਨੂੰ ਸਕੀਮ ਦਾ ਲਾਭ ਲੈਣ ਤੋਂ ਰੋਕਣ ਲਈ ਚਾਰ ਫਿਲਟਰ ਲਗਾਏ ਗਏ ਹਨ।