PF Rules 2026 : 17 ਸਤੰਬਰ 2026 ਤੋਂ PF (Provident Fund) ਨਾਲ ਜੁੜੇ ਨਿਯਮਾਂ ਵਿੱਚ ਬਦਲਾਅ ਦੀ ਚਰਚਾ ਹੈ। ਇਸ ਤਹਿਤ ਜਿਨ੍ਹਾਂ ਕਰਮਚਾਰੀਆਂ ਦੀ ਬੇਸਿਕ ਸੈਲਰੀ 15,000 ਰੁਪਏ ਤੋਂ 25,000 ਰੁਪਏ ਦੇ ਵਿਚਕਾਰ ਹੈ, ਉਨ੍ਹਾਂ ਦੀ PF ਕਟੌਤੀ ਅਸਲ ਬੇਸਿਕ ਸੈਲਰੀ ਦੇ ਆਧਾਰ ’ਤੇ ਹੋ ਸਕਦੀ ਹੈ। ਇਸ ਨਾਲ ਕਰਮਚਾਰੀ ਦੀ ਇਨ-ਹੈਂਡ ਸੈਲਰੀ ਘਟੇਗੀ, ਪਰ PF ਵਿੱਚ ਜਮ੍ਹਾਂ ਹੋਣ ਵਾਲੀ ਰਕਮ ਅਤੇ ਪੈਨਸ਼ਨ ਵਿੱਚ ਵਾਧਾ ਹੋ ਸਕਦਾ ਹੈ।
ਕਿਸ ’ਤੇ ਪਵੇਗਾ ਅਸਰ?
ਜਿਨ੍ਹਾਂ ਦੀ ਬੇਸਿਕ ਸੈਲਰੀ 15,000 ਰੁਪਏ ਤੋਂ ਘੱਟ ਹੈ, ਉਨ੍ਹਾਂ ’ਤੇ ਖਾਸ ਅਸਰ ਨਹੀਂ ਹੋਵੇਗਾ। 15,000 ਰੁਪਏ ਤੋਂ 25,000 ਰੁਪਏ ਤੱਕ ਬੇਸਿਕ ਸੈਲਰੀ ਵਾਲੇ ਕਰਮਚਾਰੀਆਂ ’ਤੇ ਸਭ ਤੋਂ ਵੱਧ ਪ੍ਰਭਾਵ ਪਵੇਗਾ। 25,000 ਰੁਪਏ ਤੋਂ ਵੱਧ ਤਨਖਾਹ ਵਾਲੇ ਅਤੇ ਪਹਿਲਾਂ ਹੀ ਉੱਚੀ ਸੈਲਰੀ ’ਤੇ PF ਦੇ ਰਹੇ ਕਰਮਚਾਰੀਆਂ ਲਈ ਯੋਗਦਾਨ ਦੇ ਨਿਯਮ ਵੱਖਰੇ ਹੋ ਸਕਦੇ ਹਨ।
ਕਰਮਚਾਰੀਆਂ ਨੂੰ 4 ਵੱਡੇ ਫਾਇਦੇ
ਰਿਟਾਇਰਮੈਂਟ ਫੰਡ ਵਧੇਗਾ : PF ਵਿੱਚ ਕਰਮਚਾਰੀ ਅਤੇ ਕੰਪਨੀ ਦੋਵੇਂ ਯੋਗਦਾਨ ਪਾਉਂਦੇ ਹਨ, ਜਿਸ ਨਾਲ ਲੰਬੇ ਸਮੇਂ ਵਿੱਚ ਰਿਟਾਇਰਮੈਂਟ ਫੰਡ ਵਧੇਗਾ।ਪੈਨਸ਼ਨ ਵਧ ਸਕਦੀ ਹੈ : EPS ਵਿੱਚ ਵੱਧ ਯੋਗਦਾਨ ਨਾਲ ਯੋਗ ਕਰਮਚਾਰੀਆਂ ਦੀ ਭਵਿੱਖੀ ਪੈਨਸ਼ਨ ਵਧਣ ਦੀ ਸੰਭਾਵਨਾ ਹੈ। ਬੀਮਾ ਕਵਰ ਵਧ ਸਕਦਾ ਹੈ: EDLI ਤਹਿਤ ਬੀਮਾ ਲਾਭ ਵਿੱਚ ਵੀ ਵਾਧਾ ਹੋ ਸਕਦਾ ਹੈ।ਸਰਕਾਰੀ ਯੋਗਦਾਨ ਵਧੇਗਾ : ਸਰਕਾਰ ਵੱਲੋਂ ਪੈਨਸ਼ਨ ਲਈ ਕੀਤਾ ਜਾਣ ਵਾਲਾ ਯੋਗਦਾਨ ਵੀ ਵਧ ਸਕਦਾ ਹੈ।
ਨੁਕਸਾਨ ਵੀ ਸਮਝੋ
ਸਭ ਤੋਂ ਵੱਡਾ ਅਸਰ ਇਨ-ਹੈਂਡ ਸੈਲਰੀ ’ਤੇ ਪਵੇਗਾ। ਉਦਾਹਰਨ ਲਈ, ਜੇ ਬੇਸਿਕ ਸੈਲਰੀ 25,000 ਰੁਪਏ ਹੈ ਅਤੇ 12% PF ਕੱਟਿਆ ਜਾਂਦਾ ਹੈ ਤਾਂ 3,000 ਰੁਪਏ PF ਵਿੱਚ ਜਾਣਗੇ। ਪਹਿਲਾਂ 15,000ਰੁਪਏ ਦੀ ਸੀਮਾ ’ਤੇ 1,800 ਰੁਪਏਕੱਟਦੇ ਸਨ, ਇਸ ਲਈ 1,200 ਰੁਪਏ ਤੱਕ ਵੱਧ ਕਟੌਤੀ ਹੋ ਸਕਦੀ ਹੈ।
ਇਸ ਨਾਲ ਮਹੀਨੇ ਦਾ ਘਰੇਲੂ ਬਜਟ ਪ੍ਰਭਾਵਿਤ ਹੋ ਸਕਦਾ ਹੈ ਅਤੇ PF ਵਿੱਚ ਗਿਆ ਪੈਸਾ ਲੰਬੇ ਸਮੇਂ ਲਈ ਬਚਤ ਵਜੋਂ ਜੁੜੇਗਾ। ਹਾਲਾਂਕਿ, ਅੰਤਿਮ ਨਿਯਮਾਂ ਅਤੇ ਲਾਗੂ ਹੋਣ ਦੀ ਪ੍ਰਕਿਰਿਆ ਬਾਰੇ ਸ਼੍ਰਮ ਮੰਤਰਾਲੇ ਦੇ ਵਿਸਥਾਰਤ ਦਿਸ਼ਾ-ਨਿਰਦੇਸ਼ਾਂ ਦੀ ਉਡੀਕ ਰਹੇਗੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।