Competition Commission of India: ਰਿਲਾਇੰਸ ਇੰਡਸਟਰੀਜ਼ ਅਤੇ ਡਿਜ਼ਨੀ ਹੌਟਸਟਾਰ ਦੇ ਰਲੇਵੇਂ ਨੂੰ ਭਾਰਤੀ ਮੁਕਾਬਲੇਬਾਜ਼ੀ ਕਮਿਸ਼ਨ (ਸੀਸੀਆਈ) ਤੋਂ ਮਨਜ਼ੂਰੀ ਮਿਲ ਗਈ ਹੈ। ਇਸ ਨਾਲ ਭਾਰਤ ਦੀ ਸਭ ਤੋਂ ਵੱਡੀ ਐਂਟਰਟੇਨਮੈਂਟ ਕੰਪਨੀ ਬਣਨ ਦਾ ਰਸਤਾ ਸਾਫ ਹੋ ਗਿਆ ਹੈ। ਦੋਵਾਂ ਕੰਪਨੀਆਂ ਦੇ ਸਾਂਝੇ ਉੱਦਮ ਦਾ ਬਾਜ਼ਾਰ ਮੁੱਲ ਲਗਭਗ 70,350 ਕਰੋੜ ਰੁਪਏ ਹੈ।
ਹਾਲ ਹੀ ਵਿੱਚ, ਜਾਣਕਾਰੀ ਸਾਹਮਣੇ ਆਈ ਸੀ ਕਿ ਸੀਸੀਆਈ ਨੇ ਕ੍ਰਿਕਟ ਪ੍ਰਸਾਰਣ ਅਧਿਕਾਰਾਂ ਨੂੰ ਲੈ ਕੇ ਇਸ ਰਲੇਵੇਂ 'ਤੇ ਕੁਝ ਇਤਰਾਜ਼ ਉਠਾਏ ਸਨ। ਇਸ ਸਬੰਧੀ ਮਾਮਲਾ ਅਟਕ ਗਿਆ ਸੀ। ਹਾਲਾਂਕਿ, ਦੋਵਾਂ ਕੰਪਨੀਆਂ ਤੋਂ ਜਵਾਬ ਮਿਲਣ ਤੋਂ ਬਾਅਦ, ਸੀਸੀਈ ਨੇ ਇਸ ਰਲੇਵੇਂ ਨੂੰ ਮਨਜ਼ੂਰੀ ਦੇ ਦਿੱਤੀ।
ਇਹ ਫੈਸਲਾ ਰਿਲਾਇੰਸ ਇੰਡਸਟਰੀਜ਼ ਦੀ 47ਵੀਂ AGM ਤੋਂ ਪਹਿਲਾਂ ਆਇਆ ਹੈ
CCI ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਕਿਹਾ ਕਿ ਰਿਲਾਇੰਸ ਇੰਡਸਟਰੀਜ਼, ਵਾਇਆਕਾਮ 18, ਡਿਜੀਟਲ 18, ਸਟਾਰ ਇੰਡੀਆ ਅਤੇ ਸਟਾਰ ਟੀਵੀ ਦੇ ਰਲੇਵੇਂ ਨੂੰ ਸਾਡੇ ਦੁਆਰਾ ਮਨਜ਼ੂਰੀ ਦਿੱਤੀ ਗਈ ਹੈ। ਭਾਰਤੀ ਮੁਕਾਬਲੇਬਾਜ਼ੀ ਕਮਿਸ਼ਨ ਦਾ ਇਹ ਫੈਸਲਾ ਰਿਲਾਇੰਸ ਇੰਡਸਟਰੀਜ਼ ਦੀ 47ਵੀਂ AGM (ਸਾਲਾਨਾ ਆਮ ਮੀਟਿੰਗ) ਤੋਂ ਪਹਿਲਾਂ ਆਇਆ ਹੈ। ਰਿਲਾਇੰਸ ਇੰਡਸਟਰੀਜ਼ ਇਸ ਸਾਂਝੇ ਉੱਦਮ ਵਿੱਚ 11,500 ਕਰੋੜ ਰੁਪਏ ਦਾ ਨਿਵੇਸ਼ ਕਰੇਗੀ।
ਰਲੇਵੇਂ ਦਾ ਐਲਾਨ ਫਰਵਰੀ 2024 ਵਿੱਚ ਕੀਤਾ ਗਿਆ ਸੀ
ਰਿਲਾਇੰਸ ਇੰਡਸਟਰੀਜ਼ ਦੀ ਸਹਾਇਕ ਕੰਪਨੀ ਵਾਇਆਕਾਮ 18 ਅਤੇ ਡਿਜ਼ਨੀ ਦੀ ਭਾਰਤੀ ਕੰਪਨੀ ਸਟਾਰ ਇੰਡੀਆ ਨੇ ਫਰਵਰੀ 2024 ਵਿੱਚ ਆਪਣੇ ਕਾਰੋਬਾਰਾਂ ਨੂੰ ਮਰਜ ਕਰਨ ਦਾ ਐਲਾਨ ਕੀਤਾ ਸੀ। ਇਸ ਰਲੇਵੇਂ ਦੇ ਕਾਰਨ ਦੇਸ਼ ਦੀ ਸਭ ਤੋਂ ਵੱਡੀ ਟੀਵੀ ਅਤੇ ਡਿਜੀਟਲ ਸਟ੍ਰੀਮਿੰਗ ਕੰਪਨੀ ਦਾ ਜਨਮ ਹੋਵੇਗਾ। ਫੈਸਲੇ ਦੇ ਤਹਿਤ, Viacom 18 ਦੇ ਮੀਡੀਆ ਸੰਚਾਲਨ ਨੂੰ ਸਟਾਰ ਇੰਡੀਆ ਵਿੱਚ ਮਿਲਾ ਦਿੱਤਾ ਜਾਵੇਗਾ।
ਇਸ ਸਾਂਝੇ ਉੱਦਮ ਦਾ ਬਾਜ਼ਾਰ ਮੁੱਲ ਲਗਭਗ 70 ਹਜ਼ਾਰ ਕਰੋੜ ਰੁਪਏ ਹੋਵੇਗਾ। ਰਿਲਾਇੰਸ ਅਤੇ ਡਿਜ਼ਨੀ ਮਿਲ ਕੇ ਸੋਨੀ, ਨੈੱਟਫਲਿਕਸ ਅਤੇ ਐਮਾਜ਼ਾਨ ਨੂੰ ਸਖ਼ਤ ਮੁਕਾਬਲਾ ਦੇਣਗੇ।
ਨੀਤਾ ਅੰਬਾਨੀ ਸਾਂਝੇ ਉੱਦਮ ਦੀ ਚੇਅਰਪਰਸਨ ਹੋਵੇਗੀ
ਰਿਲਾਇੰਸ ਇੰਡਸਟਰੀਜ਼ ਮੁਤਾਬਕ ਨਵੇਂ ਬੋਰਡ ਦੇ 10 ਮੈਂਬਰ ਹੋਣਗੇ। ਇਨ੍ਹਾਂ ਵਿੱਚੋਂ ਰਿਲਾਇੰਸ ਦੇ 5, ਡਿਜ਼ਨੀ ਦੇ 3 ਅਤੇ 2 ਸੁਤੰਤਰ ਨਿਰਦੇਸ਼ਕ ਹੋਣਗੇ। ਇਹ ਰਲੇਵਾਂ ਵਿੱਤੀ ਸਾਲ 2024-25 ਦੀ ਤੀਜੀ ਜਾਂ ਚੌਥੀ ਤਿਮਾਹੀ ਤੱਕ ਪੂਰਾ ਹੋ ਜਾਵੇਗਾ। ਇਸ ਸਾਂਝੇ ਉੱਦਮ ਦੀ ਚੇਅਰਪਰਸਨ ਨੀਤਾ ਅੰਬਾਨੀ ਹੋਵੇਗੀ। ਉਦੈ ਸ਼ੰਕਰ ਕੰਪਨੀ ਦੇ ਉਪ ਚੇਅਰਮੈਨ ਹੋਣਗੇ।