RBI On Currency Notes: ਆਰਬੀਆਈ ਨੇ ਮੌਜੂਦਾ ਕਰੰਸੀ ਨੋਟਾਂ ਤੇ ਬੈਂਕ ਨੋਟਾਂ ਤੋਂ ਰਾਸ਼ਟਰਪਿਤਾ ਮਹਾਤਮਾ ਗਾਂਧੀ ਦੀ ਤਸਵੀਰ ਹਟਾਉਣ ਦੀਆਂ ਰਿਪੋਰਟਾਂ ਦਾ ਖੰਡਨ ਕੀਤਾ ਹੈ। ਆਰਬੀਆਈ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਮੀਡੀਆ ਦੇ ਸੈਕਸ਼ਨ ਵਿੱਚ ਦੱਸਿਆ ਜਾ ਰਿਹਾ ਹੈ ਕਿ ਆਰਬੀਆਈ ਮੌਜੂਦਾ ਕਰੰਸੀ ਤੇ ਬੈਂਕ ਨੋਟ ਵਿੱਚ ਮਹਾਤਮਾ ਗਾਂਧੀ ਦੀ ਤਸਵੀਰ ਦੀ ਥਾਂ ਕੁਝ ਹੋਰ ਲੋਕਾਂ ਦੀ ਤਸਵੀਰ ਛਾਪਣ ਦੀ ਤਿਆਰੀ ਕਰ ਰਿਹਾ ਹੈ। ਆਰਬੀਆਈ ਮੁਤਾਬਕ ਅਜਿਹਾ ਕੋਈ ਪ੍ਰਸਤਾਵ ਆਰਬੀਆਈ ਦੇ ਸਾਹਮਣੇ ਨਹੀਂ ਹੈ।
ਦਰਅਸਲ, ਕੁਝ ਮੀਡੀਆ ਦੇ ਹਵਾਲੇ ਨਾਲ ਖਬਰਾਂ ਆਈਆਂ ਸਨ ਕਿ ਵਿੱਤ ਮੰਤਰਾਲਾ ਤੇ ਭਾਰਤੀ ਰਿਜ਼ਰਵ ਬੈਂਕ ਨਵੇਂ ਸੀਰੀਜ਼ ਵਾਲੇ ਨੋਟਾਂ 'ਤੇ ਰਬਿੰਦਰਨਾਥ ਟੈਗੋਰ ਤੇ ਮਿਸਾਇਲਮੈਨ ਤੇ ਸਾਬਕਾ ਰਾਸ਼ਟਰਪਤੀ ਏਪੀਜੇ ਕਲਾਮ ਦੀ ਤਸਵੀਰ ਛਾਪਣ 'ਤੇ ਵਿਚਾਰ ਕਰ ਰਹੇ ਹਨ। ਇਸ ਤੋਂ ਬਾਅਦ RBI ਨੂੰ ਇਸ ਖਬਰ ਦੀ ਪੁਸ਼ਟੀ ਲਈ ਅੱਗੇ ਆਉਣਾ ਪਿਆ। ਆਰਬੀਆਈ ਨੇ ਟਵੀਟ ਕਰਕੇ ਇੱਕ ਪ੍ਰੈਸ ਰਿਲੀਜ਼ ਜਾਰੀ ਕਰਕੇ ਸਪੱਸ਼ਟ ਕੀਤਾ ਕਿ ਮੌਜੂਦਾ ਕਰੰਸੀ ਤੇ ਬੈਂਕ ਨੋਟਾਂ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਜਾ ਰਿਹਾ ਹੈ।
ਇਸ ਅਫਵਾਹ 'ਤੇ ਆਰਬੀਆਈ ਨੂੰ ਦੇਣਾ ਪਿਆ ਸਪੱਸ਼ਟੀਕਰਨ
ਮੀਡੀਆ ਦੇ ਇੱਕ ਹਿੱਸੇ ਦੇ ਹਵਾਲੇ ਨਾਲ ਦੱਸਿਆ ਗਿਆ ਕਿ ਆਰਬੀਆਈ ਅਤੇ ਸਕਿਓਰਿਟੀ ਪ੍ਰਿੰਟਿੰਗ, ਐਂਡ ਮੀਟਿੰਗ ਕਾਰਪੋਰੇਸ਼ਨ ਆਫ ਇੰਡੀਆ (ਐਸਪੀਐਮਸੀਆਈਐਲ) ਜੋ ਕਿ ਵਿੱਤ ਮੰਤਰਾਲੇ ਦੇ ਅਧੀਨ ਹੈ, ਨੇ ਮਹਾਤਮਾ ਗਾਂਧੀ, ਰਬਿੰਦਰਨਾਥ ਟੈਗੋਰ ਅਤੇ ਏਪੀਜੇ ਕਲਾਮ ਦੇ ਦੋ ਵੱਖ-ਵੱਖ ਵਾਟਰਮਾਰਕ ਸੈੱਟਾਂ ਨੂੰ ਆਈਆਈਟੀ ਦਿੱਲੀ ਪ੍ਰੋਫੈਸਰ ਦਿਲੀਪ ਟੀ ਸਾਹਨੀ ਨੂੰ ਭੇਜਕੇ ਇਨ੍ਹਾਂ ਵਿੱਚੋਂ ਇੱਕ ਦੀ ਚੋਣ ਕਰਨ ਲਈ ਕਿਹਾ ਹੈ। ਜਿਸ ਤੋਂ ਬਾਅਦ ਇਹ ਪ੍ਰਸਤਾਵ ਸਰਕਾਰ ਦੇ ਸਾਹਮਣੇ ਰੱਖਿਆ ਜਾ ਸਕਦਾ ਹੈ। ਜਿਸ 'ਤੇ ਸਰਕਾਰ ਵੱਲੋਂ ਅੰਤਿਮ ਫੈਸਲਾ ਲਿਆ ਜਾਵੇਗਾ। ਰਿਪੋਰਟ ਦੇ ਅਨੁਸਾਰ, 2020 ਵਿੱਚ, ਆਰਬੀਆਈ ਦੀ ਅੰਦਰੂਨੀ ਕਮੇਟੀ ਨੇ ਮਹਾਤਮਾ ਗਾਂਧੀ ਤੋਂ ਇਲਾਵਾ ਰਬਿੰਦਰਨਾਥ ਟੈਗੋਰ ਅਤੇ ਏਪੀਜੇ ਕਲਾਮ ਦੇ ਚਿਹਰਿਆਂ ਵਾਲੇ ਨੋਟ ਛਾਪਣ ਦੀ ਸਿਫਾਰਸ਼ ਕੀਤੀ ਸੀ।