Share Market News : ਜੇਕਰ ਤੁਸੀਂ ਸ਼ੇਅਰ ਬਾਜ਼ਾਰ ਵਿੱਚ ਨਿਵੇਸ਼ ਕਰਦੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਅਹਿਮ ਹੈ। ਆਉਣ ਵਾਲੇ ਦਿਨਾਂ ਵਿੱਚ BSE ਅਤੇ NSE 'ਤੇ ਲਗਾਤਾਰ ਤਿੰਨ ਦਿਨ ਟ੍ਰੇਡਿੰਗ ਨਹੀਂ ਹੋਵੇਗੀ। ਇਸ ਕਾਰਨ ਨਿਵੇਸ਼ਕਾਂ ਨੂੰ ਬਾਜ਼ਾਰ ਬੰਦ ਰਹਿਣ ਦੇ ਸਮੇਂ ਦਾ ਧਿਆਨ ਰੱਖਣਾ ਹੋਵੇਗਾ।
ਕਿਉਂ ਬੰਦ ਰਹੇਗਾ ਸ਼ੇਅਰ ਬਾਜ਼ਾਰ?
ਦਰਅਸਲ 2 ਅਕਤੂਬਰ, ਸ਼ੁੱਕਰਵਾਰ ਨੂੰ ਦੇਸ਼ ਭਰ ਵਿੱਚ ਗਾਂਧੀ ਜਯੰਤੀ ਮਨਾਈ ਜਾਵੇਗੀ। ਇਸ ਮੌਕੇ ਸਰਕਾਰੀ ਛੁੱਟੀ ਹੋਣ ਕਾਰਨ ਸ਼ੇਅਰ ਬਾਜ਼ਾਰ ਬੰਦ ਰਹੇਗਾ। ਇਸ ਤੋਂ ਅਗਲੇ ਦਿਨ 3 ਅਕਤੂਬਰ, ਸ਼ਨੀਵਾਰ ਹੈ, ਜਦਕਿ 4 ਅਕਤੂਬਰ, ਐਤਵਾਰ ਨੂੰ ਵੀ ਹਫ਼ਤਾਵਾਰੀ ਛੁੱਟੀ ਹੋਵੇਗੀ। ਇਸ ਤਰ੍ਹਾਂ 2 ਤੋਂ 4 ਅਕਤੂਬਰ ਤੱਕ ਲਗਾਤਾਰ ਤਿੰਨ ਦਿਨ BSE-NSE ਵਿੱਚ ਟ੍ਰੇਡਿੰਗ ਬੰਦ ਰਹੇਗੀ।
ਇਸ ਹਫ਼ਤੇ ਸਿਰਫ਼ 4 ਦਿਨ ਹੋਵੇਗੀ ਟ੍ਰੇਡਿੰਗ
ਇਨ੍ਹਾਂ ਛੁੱਟੀਆਂ ਕਾਰਨ ਇਸ ਹਫ਼ਤੇ ਸ਼ੇਅਰ ਬਾਜ਼ਾਰ ਵਿੱਚ 28 ਸਤੰਬਰ, ਸੋਮਵਾਰ ਤੋਂ 1 ਅਕਤੂਬਰ, ਵੀਰਵਾਰ ਤੱਕ ਹੀ ਟ੍ਰੇਡਿੰਗ ਹੋਵੇਗੀ। ਇਨ੍ਹਾਂ ਵਿੱਚੋਂ ਸੋਮਵਾਰ ਦਾ ਕਾਰੋਬਾਰੀ ਦਿਨ ਲੰਘ ਚੁੱਕਾ ਹੈ।
ਅਕਤੂਬਰ ਵਿੱਚ ਹੋਰ ਵੀ ਰਹੇਗੀ ਬਾਜ਼ਾਰ ਦੀ ਛੁੱਟੀ
ਸ਼ੇਅਰ ਬਾਜ਼ਾਰ ਆਮ ਤੌਰ 'ਤੇ ਸੋਮਵਾਰ ਤੋਂ ਸ਼ੁੱਕਰਵਾਰ ਤੱਕ ਖੁੱਲ੍ਹਦਾ ਹੈ, ਜਦਕਿ ਸ਼ਨੀਵਾਰ ਅਤੇ ਐਤਵਾਰ ਨੂੰ ਬੰਦ ਰਹਿੰਦਾ ਹੈ। ਇਸ ਤੋਂ ਇਲਾਵਾ ਸਰਕਾਰੀ ਛੁੱਟੀਆਂ ਅਤੇ ਕੁਝ ਤਿਉਹਾਰਾਂ 'ਤੇ ਵੀ ਟ੍ਰੇਡਿੰਗ ਨਹੀਂ ਹੁੰਦੀ। 2 ਅਕਤੂਬਰ ਤੋਂ ਬਾਅਦ 20 ਅਕਤੂਬਰ ਨੂੰ ਦਸ਼ਹਿਰੇ ਮੌਕੇ ਵੀ ਸ਼ੇਅਰ ਬਾਜ਼ਾਰ ਬੰਦ ਰਹੇਗਾ। ਇਸ ਤੋਂ ਇਲਾਵਾ ਦੀਵਾਲੀ ਅਤੇ ਕ੍ਰਿਸਮਸ ਵਰਗੇ ਮੌਕਿਆਂ 'ਤੇ ਵੀ ਬਾਜ਼ਾਰ ਦੀਆਂ ਛੁੱਟੀਆਂ ਹੁੰਦੀਆਂ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।