Hurun India Philanthropy List 2023: ਦੇਸ਼ ਦੀ ਪ੍ਰਮੁੱਖ IT ਕੰਪਨੀ HCL Technologies ਦੇ ਸੰਸਥਾਪਕ ਅਤੇ ਚੇਅਰਮੈਨ ਸ਼ਿਵ ਨਾਦਰ ਸਭ ਤੋਂ ਵੱਡੇ ਦਾਨਵੀਰ ਬਣ ਕੇ ਉਭਰੇ ਹਨ। ਵਿੱਤੀ ਸਾਲ 2023-23 ਦੌਰਾਨ ਸ਼ਿਵ ਨਾਦਰ ਨੇ 2042 ਕਰੋੜ ਰੁਪਏ ਦਾਨ ਕੀਤੇ ਹਨ, ਜੋ ਪਿਛਲੇ ਵਿੱਤੀ ਸਾਲ ਨਾਲੋਂ 76 ਫੀਸਦੀ ਵੱਧ ਹਨ।
ਬਿਜ਼ਨਸ ਸਟੈਂਡਰਡ ਦੀ ਰਿਪੋਰਟ ਦੇ ਅਨੁਸਾਰ, EdelGive Hurun India Philanthropy List 2023 ਦੇ ਅਨੁਸਾਰ, ਸ਼ਿਵ ਨਾਦਰ 2042 ਕਰੋੜ ਰੁਪਏ ਦਾਨ ਕਰਕੇ ਦੇਸ਼ ਦੇ ਸਭ ਤੋਂ ਵੱਧ ਪਰਉਪਕਾਰੀ ਬਣ ਗਏ ਹਨ। ਉਹਨਾਂ ਨੇ 2022-23 ਵਿੱਤੀ ਸਾਲ ਦੌਰਾਨ ਔਸਤਨ 5.6 ਕਰੋੜ ਰੁਪਏ ਹਰ ਰੋਜ਼ ਦਾਨ ਕੀਤੇ ਹਨ। ਸ਼ਿਵ ਨਾਦਰ ਤੋਂ ਬਾਅਦ ਵਿਪਰੋ ਦੇ ਅਜ਼ੀਮ ਪ੍ਰੇਮਜੀ ਦੂਜੇ ਸਥਾਨ 'ਤੇ ਹਨ। ਉਹਨਾਂ ਨੇ 2022-23 ਵਿੱਚ ਕੁੱਲ 1774 ਕਰੋੜ ਰੁਪਏ ਦਾਨ ਕੀਤੇ ਹਨ। ਜੋ ਕਿ ਵਿੱਤੀ ਸਾਲ 2021-22 ਦੇ ਮੁਕਾਬਲੇ 267 ਫੀਸਦੀ ਜ਼ਿਆਦਾ ਹੈ।
ਰਿਲਾਇੰਸ ਇੰਡਸਟਰੀਜ਼ (Reliance Industries) ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ (Mukesh Ambani) ਦਾਨ ਦੇ ਮਾਮਲੇ 'ਚ ਤੀਜੇ ਸਥਾਨ 'ਤੇ ਹਨ। ਉਨ੍ਹਾਂ ਨੇ ਰਿਲਾਇੰਸ ਫਾਊਂਡੇਸ਼ਨ (Reliance Foundation) ਰਾਹੀਂ 376 ਕਰੋੜ ਰੁਪਏ ਦਾਨ ਕੀਤੇ ਹਨ। ਜ਼ੀਰੋਧਾ ਦਾ ਨਿਖਿਲ ਕਾਮਥ ਸਭ ਤੋਂ ਘੱਟ ਉਮਰ ਦਾ ਦਾਨੀ ਬਣ ਗਿਆ ਹੈ। ਉਹ 12ਵੇਂ ਸਥਾਨ 'ਤੇ ਹੈ ਅਤੇ ਉਸ ਨੇ 112 ਕਰੋੜ ਰੁਪਏ ਦਾਨ ਕੀਤੇ ਹਨ। ਰੋਹਿਣੀ ਨੀਲੇਕਣੀ ਮਹਿਲਾ ਦਾਨੀਆਂ ਵਿੱਚ ਪਹਿਲੇ ਨੰਬਰ 'ਤੇ ਹੈ ਅਤੇ ਉਨ੍ਹਾਂ ਨੇ 170 ਕਰੋੜ ਰੁਪਏ ਦਾਨ ਕੀਤੇ ਹਨ। EdelGive Hurun India Philanthropy List 2023 ਦੇ ਅਨੁਸਾਰ, ਉਹ 10ਵੇਂ ਸਥਾਨ 'ਤੇ ਹੈ।
ਰੋਹਿਣੀ ਨੀਲੇਕਣੀ ਤੋਂ ਇਲਾਵਾ ਹੋਰ ਚੈਰੀਟੇਬਲ ਔਰਤਾਂ ਦੇ ਨਾਂ 'ਤੇ ਨਜ਼ਰ ਮਾਰੀਏ ਤਾਂ ਅਨੁ ਆਗਾ ਅਤੇ ਲੀਨਾ ਗਾਂਧੀ ਨੇ 23 ਕਰੋੜ ਰੁਪਏ ਦਾਨ ਕੀਤੇ ਹਨ ਅਤੇ ਦੋਵੇਂ 40ਵੇਂ ਅਤੇ 41ਵੇਂ ਸਥਾਨ 'ਤੇ ਹਨ। ਕੁੱਲ ਦਾਨੀਆਂ ਵਿੱਚੋਂ 7 ਔਰਤਾਂ ਦਾਨੀਆਂ ਹਨ।
ਵਿੱਤੀ ਸਾਲ 2022-23 ਵਿੱਚ 119 ਉਦਯੋਗਪਤੀਆਂ ਨੇ 5 ਕਰੋੜ ਰੁਪਏ ਜਾਂ ਇਸ ਤੋਂ ਵੱਧ ਦਾ ਦਾਨ ਦਿੱਤਾ ਹੈ। ਅਤੇ ਜੇ ਅਸੀਂ ਇਨ੍ਹਾਂ ਸਾਰੇ ਦਾਨ ਨੂੰ ਜੋੜੀਏ ਤਾਂ ਇਹ ਰਕਮ 8445 ਕਰੋੜ ਰੁਪਏ ਬਣਦੀ ਹੈ। ਇਹ ਰਕਮ 2021-22 ਦੇ ਮੁਕਾਬਲੇ 59 ਫੀਸਦੀ ਜ਼ਿਆਦਾ ਹੈ। 2022-23 ਵਿੱਚ, 14 ਭਾਰਤੀਆਂ ਨੇ 100 ਕਰੋੜ ਰੁਪਏ ਤੋਂ ਵੱਧ ਦਾ ਦਾਨ ਕੀਤਾ ਹੈ, ਜੋ ਪਿਛਲੇ ਸਾਲ ਸਿਰਫ 6 ਸੀ। ਜਦਕਿ 12 ਲੋਕਾਂ ਨੇ 50 ਕਰੋੜ ਰੁਪਏ ਦਾਨ ਕੀਤੇ ਹਨ। 47 ਨੇ 20 ਕਰੋੜ ਰੁਪਏ ਦਾਨ ਕੀਤੇ ਹਨ।