Stock Market Record High: ਭਾਰਤੀ ਸ਼ੇਅਰ ਬਾਜ਼ਾਰ ਲਗਾਤਾਰ ਨਵੀਆਂ ਸਿਖਰਾਂ 'ਤੇ ਪਹੁੰਚ ਰਿਹਾ ਹੈ ਅਤੇ ਅੱਜ ਫਿਰ ਇਸ ਨੇ ਨਵੇਂ ਰਿਕਾਰਡ ਉੱਚ ਪੱਧਰ 'ਤੇ ਸ਼ੁਰੂਆਤ ਕੀਤੀ ਹੈ। ਬੈਂਕ ਨਿਫਟੀ ਦਾ ਵਾਧਾ ਜਾਰੀ ਹੈ ਪਰ ਇਹ ਆਪਣੇ ਰਿਕਾਰਡ ਹਾਈ ਤੋਂ ਕੁਝ ਪੁਆਇੰਟ ਦੂਰ ਹੈ। ਆਈਟੀ ਸ਼ੇਅਰਾਂ 'ਚ ਲਗਾਤਾਰ ਵਾਧੇ ਨਾਲ ਬਾਜ਼ਾਰ ਨੂੰ ਸਮਰਥਨ ਮਿਲ ਰਿਹਾ ਹੈ। ਅੱਜ ਸੈਂਸੈਕਸ ਨੇ 77,100 ਦੇ ਪੱਧਰ ਨੂੰ ਪਾਰ ਕਰਕੇ ਨਵਾਂ ਇਤਿਹਾਸ ਰਚਿਆ ਹੈ ਅਤੇ ਨਿਫਟੀ 23500 ਦੇ ਨੇੜੇ ਆ ਗਿਆ ਹੈ।
ਬਾਜ਼ਾਰ ਦੀ ਇਤਿਹਾਸਿਕ ਉੱਚਾਈ 'ਤੇ ਸ਼ੁਰੂਆਤ
ਭਾਰਤੀ ਸ਼ੇਅਰ ਬਾਜ਼ਾਰ ਦੀ ਸ਼ੁਰੂਆਤ ਇਤਿਹਾਸਕ ਪੱਧਰ 'ਤੇ ਹੋਈ ਹੈ ਅਤੇ ਅੱਜ ਬੀਐਸਈ ਸੈਂਸੈਕਸ 495 ਅੰਕ ਜਾਂ 0.65 ਫੀਸਦੀ ਦੇ ਵਾਧੇ ਨਾਲ 77,102.05 'ਤੇ ਖੁੱਲ੍ਹਿਆ ਹੈ। NSE ਨਿਫਟੀ 158 ਅੰਕ ਜਾਂ 0.68 ਫੀਸਦੀ ਦੇ ਵਾਧੇ ਨਾਲ 23480.95 'ਤੇ ਖੁੱਲ੍ਹਿਆ। ਇਹ ਸੈਂਸੈਕਸ-ਨਿਫਟੀ ਲਈ ਰਿਕਾਰਡ ਉੱਚ ਪੱਧਰ ਹੈ। ਮਿਡਕੈਪ ਇੰਡੈਕਸ 'ਚ ਰਿਕਾਰਡ ਉਚਾਈ ਦਾ ਰੁਝਾਨ ਜਾਰੀ ਹੈ ਅਤੇ ਇਹ ਸਟਾਕ ਲੰਬੇ ਸਮੇਂ ਤੋਂ ਬਾਜ਼ਾਰ 'ਚ ਉਤਸ਼ਾਹ ਪੈਦਾ ਕਰ ਰਹੇ ਹਨ।
430 ਲੱਖ ਕਰੋੜ ਤੋਂ ਪਾਰ ਪਹੁੰਚਿਆ ਮਾਰਕਿਟ ਕੈਪੇਟੇਲਾਈਜੇਸ਼ਨ
ਜੇਕਰ ਅਸੀਂ BSE 'ਤੇ ਸੂਚੀਬੱਧ ਸਾਰੀਆਂ ਕੰਪਨੀਆਂ ਦੇ ਮਾਰਕੀਟ ਪੂੰਜੀਕਰਣ 'ਤੇ ਨਜ਼ਰ ਮਾਰੀਏ ਤਾਂ ਇਹ 431.18 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ, ਜੋ ਕਿ ਇਸਦਾ ਰਿਕਾਰਡ ਉੱਚ ਪੱਧਰ ਹੈ। ਇਸ ਤਰ੍ਹਾਂ ਪਹਿਲੀ ਵਾਰ 430 ਲੱਖ ਕਰੋੜ ਰੁਪਏ ਨੂੰ ਪਾਰ ਕੀਤਾ ਗਿਆ ਹੈ।
ਪ੍ਰੀ-ਓਪਨਿੰਗ ਵਿੱਚ ਹੀ ਬਾਜ਼ਾਰ ਦਾ ਨਵਾਂ ਰਿਕਾਰਡ
ਪ੍ਰੀ-ਓਪਨਿੰਗ ਵਿੱਚ ਬਾਜ਼ਾਰ ਦੀ ਸ਼ੁਰੂਆਤ 'ਚ ਬੀ.ਐੱਸ.ਈ. ਦਾ ਸੈਂਸੈਕਸ 498 ਅੰਕ ਜਾਂ 0.65 ਫੀਸਦੀ ਵਧ ਕੇ 77105 ਦੇ ਪੱਧਰ 'ਤੇ ਰਿਹਾ। ਉੱਥੇ ਹੀ NSE ਨਿਫਟੀ 157.40 ਅੰਕ ਜਾਂ 0.67 ਫੀਸਦੀ ਦੇ ਵਾਧੇ ਨਾਲ 23480 'ਤੇ ਦੇਖਿਆ ਗਿਆ।