McDonald's India: McDonalds India ਨੇ ਇਕ ਵੱਡਾ ਐਲਾਨ ਕੀਤਾ ਹੈ ਜੋ ਕਿ ਸਿੱਧੇ ਤੌਰ 'ਤੇ ਤੁਹਾਡੇ ਮਨਪਸੰਦ ਖਾਣਿਆਂ ਨਾਲ ਜੁੜਿਆ ਹੋਇਆ ਹੈ। ਮੈਕਡੋਨਲਡਸ ਇੰਡੀਆ (McDonalds India) (ਉੱਤਰ ਅਤੇ ਪੂਰਬ) ਨੇ ਆਪਣੇ ਭੋਜਨ ਉਤਪਾਦਾਂ ਦੇ ਮੀਨੂ (Food products menu) ਤੋਂ ਟਮਾਟਰ ਨੂੰ ਹਟਾਉਣ ਦਾ ਫੈਸਲਾ ਕੀਤਾ ਹੈ।
ਕੰਪਨੀ ਨੇ ਅੱਜ 7 ਜੁਲਾਈ ਨੂੰ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਖਰੀਦ ਵਿੱਚ ਦਿੱਕਤਾਂ ਕਾਰਨ ਟਮਾਟਰਾਂ ਨੂੰ ਅਸਥਾਈ ਤੌਰ 'ਤੇ ਆਪਣੇ ਮੈਨਿਊ ਤੋਂ ਹਟਾਉਣ ਦਾ ਫੈਸਲਾ ਕੀਤਾ ਗਿਆ ਹੈ। ਮੈਕਡੋਨਲਡਸ ਇੰਡੀਆ (ਉੱਤਰੀ ਅਤੇ ਪੂਰਬੀ ਭਾਰਤ) ਦੇ ਬੁਲਾਰੇ ਨੇ ਕਿਹਾ ਕਿ ਮੌਸਮੀ ਮੁਸ਼ਕਿਲ ਕਰਕੇ ਫੂਡ ਚੇਨ ਆਪਣੇ ਭੋਜਨ ਮੈਨਿਊ ਵਿੱਚ ਟਮਾਟਰਾਂ ਨੂੰ ਸ਼ਾਮਲ ਕਰਨ ਵਿੱਚ ਅਸਮਰੱਥ ਹੈ।
ਮੈਕਡੋਨਲਡਜ਼ ਇੰਡੀਆ ਦੀ ਵੈਸਟ ਅਤੇ ਸਾਊਥ ਫ੍ਰੈਂਚਾਇਜ਼ੀ ਦਾ ਕੀ ਕਹਿਣਾ ਹੈ
ਹਾਲਾਂਕਿ, ਮੈਕਡੋਨਲਡਸ ਇੰਡੀਆ ਦੀਆਂ ਪੱਛਮੀ ਅਤੇ ਦੱਖਣੀ ਫ੍ਰੈਂਚਾਇਜ਼ੀ ਨੇ ਕਿਹਾ ਹੈ ਜਿੱਥੇ ਇਸ ਦੇ 10 ਤੋਂ 15 ਫੀਸਦੀ ਸਟੋਰਸ ਵਿੱਚ ਟਮਾਰਟ ਨੂੰ ਖਾਣ ਦੀਆਂ ਆਈਟਮਸ ਵਿੱਚ ਸ਼ਾਮਲ ਕਰਨ ਤੋਂ ਰੋਕਿਆ ਗਿਆ ਹੈ, ਉੱਥੇ ਹੀ ਇਨ੍ਹਾਂ ਇਲਾਕਿਆਂ ਵਿੱਚ ਕੰਪਨੀ ਕੋਈ ਗੰਭੀਰ ਟਮਾਟਰ ਦੀ ਉਪਲਬਧਤਾ ਤੋਂ ਸਬੰਧੀ ਸਮੱਸਿਆ ਦਾ ਸਾਹਮਣਾ ਨਹੀਂ ਕਰ ਰਹੀ ਹੈ।
ਮੈਕਡੋਨਲਡਸ ਇੰਡੀਆ ਵੈਸਟ ਐਂਡ ਸਾਊਥ ਨੇ ਕਿਹਾ ਹੈ ਕਿ ਇਹ ਮੌਸਮੀ ਸਮੱਸਿਆ ਹੈ ਅਤੇ ਹਰ ਸਾਲ ਮਾਨਸੂਨ ਦੌਰਾਨ ਰੈਸਟੋਰੈਂਟ ਅਤੇ ਫੂਡ ਇੰਡਸਟਰੀ ਨੂੰ ਇਸ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਇਹ ਵੀ ਪੜ੍ਹੋ: Last Date in July 2023: ਜੁਲਾਈ 'ਚ ਖ਼ਤਮ ਹੋ ਜਾਵੇਗੀ ਇਨ੍ਹਾਂ ਚੀਜ਼ਾਂ ਦੀ ਡੈੱਡਲਾਈਨ, ਜਲਦੀ ਕਰੋ ਇਹ ਕੰਮ
ਟਮਾਟਰ ਦੀ ਸਪਲਾਈ ‘ਤੇ ਪਿਆ ਅਸਰ
ਹਾਲਾਂਕਿ ਮੈਕਡੋਨਲਡਸ ਇੰਡੀਆ ਨੇ ਇਹ ਨਹੀਂ ਕਿਹਾ ਹੈ ਕਿ ਉਹ ਟਮਾਟਰ ਨਾ ਮਿਲਣ ਕਰਕੇ ਇਹ ਫੈਸਲਾ ਲੈ ਰਹੇ ਹਨ। ਹਾਲਾਂਕਿ, ਇਹ ਸਪੱਸ਼ਟ ਹੈ ਕਿ ਦੇਸ਼ ਵਿੱਚ ਟਮਾਟਰਾਂ ਦੀਆਂ ਕੀਮਤਾਂ ਅਸਮਾਨ ਛੂਹ ਰਹੀਆਂ ਹਨ ਅਤੇ ਇਸ ਦਾ ਕਾਰਨ ਕਈ ਰਾਜਾਂ ਵਿੱਚ ਭਾਰੀ ਮੀਂਹ ਹੈ। ਇਸ ਕਾਰਨ ਸਪਲਾਈ ਚੇਨ ਪ੍ਰਭਾਵਿਤ ਹੋਣ ਕਾਰਨ ਮੌਸਮੀ ਸਮੱਸਿਆਵਾਂ ਦੀ ਢੋਆ-ਢੁਆਈ ਤੋਂ ਲੈ ਕੇ ਫਸਲ ਦੀ ਗੁਣਵੱਤਾ 'ਤੇ ਮਾੜਾ ਅਸਰ ਦੇਖਣ ਨੂੰ ਮਿਲ ਰਿਹਾ ਹੈ। ਦਿੱਲੀ, ਮੁੰਬਈ, ਕੋਲਕਾਤਾ ਅਤੇ ਉੱਤਰ ਪ੍ਰਦੇਸ਼ ਵਰਗੇ ਖੇਤਰਾਂ ਵਿੱਚ ਟਮਾਟਰ ਦੀ ਕੀਮਤ 130-155 ਰੁਪਏ ਪ੍ਰਤੀ ਕਿਲੋ ਤੱਕ ਪਹੁੰਚ ਗਈ ਹੈ।
ਇਹ ਇੱਕ ਅਸਥਾਈ ਸਮੱਸਿਆ ਹੈ ਮੈਕਡੋਨਲਡਸ ਇੰਡੀਆ
ਮੈਕਡੋਨਲਡਸ ਇੰਡੀਆ ਨੇ ਆਪਣੇ ਪੂਰੇ ਬਿਆਨ 'ਚ ਕਿਹਾ ਹੈ ਕਿ ਇਹ ਇਕ ਅਸਥਾਈ ਸਮੱਸਿਆ ਹੈ ਅਤੇ ਕੰਪਨੀ ਉਨ੍ਹਾਂ ਸਾਰੇ ਤਰੀਕਿਆਂ 'ਤੇ ਵਿਚਾਰ ਕਰ ਰਹੀ ਹੈ, ਜਿਨ੍ਹਾਂ ਰਾਹੀਂ ਟਮਾਟਰ ਨੂੰ ਜਲਦ ਤੋਂ ਜਲਦ ਆਪਣੇ ਭੋਜਨ ਮੈਨਿਊ 'ਚ ਸ਼ਾਮਲ ਕੀਤਾ ਜਾ ਸਕੇ। ਕੰਪਨੀ ਨੇ ਇਹ ਵੀ ਕਿਹਾ ਹੈ ਕਿ ਬ੍ਰਾਂਡ ਹਮੇਸ਼ਾ ਫੂਡ ਕੁਆਲਿਟੀ ਅਤੇ ਸੁਰੱਖਿਆ ਨੂੰ ਲੈ ਕੇ ਸਾਵਧਾਨ ਰਿਹਾ ਹੈ ਅਤੇ ਇਸ ਕਾਰਨ ਟਮਾਟਰ ਨੂੰ ਫੂਡ ਮੈਨਿਊ ਤੋਂ ਕੁਝ ਸਮੇਂ ਲਈ ਹਟਾਉਣਾ ਪੈ ਰਿਹਾ ਹੈ ਕਿਉਂਕਿ ਇਹ ਕੰਪਨੀ ਨੇ ਵਰਲਡ ਕਲਾਸ ਕੁਆਲਿਟੀ ਚੈਕ ਨੂੰ ਪਾਸ ਨਹੀਂ ਕਰ ਪਾ ਰਹੇ ਹਨ।
ਇਹ ਵੀ ਪੜ੍ਹੋ: Gas Cylinder Tips: ਸਿਲੰਡਰ 'ਚੋਂ ਗੈਸ ਲੀਕ ਹੋਣ 'ਤੇ ਤੁਰੰਤ ਕਰੋ ਇਹ ਕੰਮ, ਨਹੀਂ ਤਾਂ...