Pradhan Mantri Shram Yogi Mandhan Yojana: ਸਰਕਾਰ ਅਸੰਗਠਿਤ ਖੇਤਰ ਨਾਲ ਸਬੰਧਤ ਮਜ਼ਦੂਰਾਂ (Unorganized Sector Workers) ਲਈ ਇੱਕ ਲਾਭਕਾਰੀ ਯੋਜਨਾ ਲੈ ਕੇ ਆਈ ਹੈ। ਸਰਕਾਰ ਨੇ ਘੱਟ ਆਮਦਨ ਵਾਲੇ ਲੋਕਾਂ ਨੂੰ ਉਨ੍ਹਾਂ ਦੇ ਬੁਢਾਪੇ ਵਿੱਚ ਸਹਾਇਤਾ ਕਰਨ ਲਈ ਇੱਕ ਯੋਜਨਾ ਸ਼ੁਰੂ ਕੀਤੀ ਹੈ।
ਪ੍ਰਧਾਨ ਮੰਤਰੀ ਸ਼੍ਰਮ ਯੋਗੀ ਮਾਨਧਨ ਯੋਜਨਾ (Pradhan Mantri Shram Yogi Mandhan Yojana) ਤਹਿਤ ਸਰਕਾਰ ਹੁਣ 36000 ਰੁਪਏ ਸਾਲਾਨਾ ਦੇਵੇਗੀ। ਇਸ ਯੋਜਨਾ ਤਹਿਤ ਹੁਣ ਤੱਕ 46 ਲੱਖ ਤੋਂ ਵੱਧ ਲੋਕ ਨਾਮ ਦਰਜ ਕਰਵਾ ਚੁੱਕੇ ਹਨ। ਇਸ ਸਕੀਮ ਦੀ ਖਾਸ ਗੱਲ ਇਹ ਹੈ ਕਿ ਇਸ ਵਿੱਚ ਸਰਕਾਰ ਵੀ ਯੋਗਦਾਨ ਦਿੰਦੀ ਹੈ। ਯਾਨੀ ਜਿੰਨਾ ਪੈਸਾ ਤੁਸੀਂ ਜਮ੍ਹਾ ਕਰਵਾਉਂਦੇ ਹੋ, ਉਨ੍ਹੇ ਹੀ ਸਰਕਾਰ ਵੀ ਆਪਣੀ ਤਰਫੋਂ ਜਮ੍ਹਾ ਕਰਵਾਉਂਦੀ ਹੈ।
ਕਿਸ ਨੂੰ ਮਿਲੇਗਾ ਸਕੀਮ ਦਾ ਲਾਭ?
ਅਸੰਗਠਿਤ ਖੇਤਰ ਦਾ ਹਰ ਮਜ਼ਦੂਰ ਪ੍ਰਧਾਨ ਮੰਤਰੀ ਸ਼੍ਰਮ ਯੋਗੀ ਮਾਨਧਨ ਯੋਜਨਾ ਦਾ ਲਾਭ ਲੈ ਸਕਦਾ ਹੈ। ਜੇਕਰ ਤੁਹਾਡੀ ਉਮਰ 18 ਸਾਲ ਤੋਂ 40 ਸਾਲ ਦੇ ਵਿਚਕਾਰ ਹੈ ਤੇ ਤੁਹਾਡੀ ਮਹੀਨਾਵਾਰ ਆਮਦਨ 15000 ਜਾਂ ਇਸ ਤੋਂ ਘੱਟ ਹੈ ਤਾਂ ਤੁਸੀਂ ਇਸ ਪੈਨਸ਼ਨ ਸਕੀਮ ਦਾ ਲਾਭ ਲੈ ਸਕਦੇ ਹੋ। ਜੇਕਰ ਤੁਹਾਡੀ ਮਹੀਨਾਵਾਰ ਆਮਦਨ 15 ਹਜ਼ਾਰ ਤੋਂ ਵੱਧ ਹੈ ਤਾਂ ਤੁਸੀਂ ਇਸ ਸਕੀਮ ਲਈ ਯੋਗ ਨਹੀਂ ਹੋ। ਨਾਲ ਹੀ, ਜੋ ਲੋਕ ਇਨਕਮ ਟੈਕਸ (Income Tax) ਦਾ ਭੁਗਤਾਨ ਕਰਦੇ ਹਨ ਜਾਂ EPFO, NPS ਤੇ ESIC ਦੇ ਮੈਂਬਰ ਹਨ ਉਹ ਵੀ ਇਸ ਸਕੀਮ ਲਈ ਯੋਗ ਨਹੀਂ ਹਨ।
ਇਸ ਸਕੀਮ ਵਿੱਚ ਸ਼ਾਮਲ ਹੋਣ ਲਈ ਇਹ ਕੰਮ ਕਰਨਾ ਪਵੇਗਾ
ਇਸ ਸਕੀਮ ਵਿੱਚ ਸ਼ਾਮਲ ਹੋਣਾ ਕਾਫ਼ੀ ਆਸਾਨ ਹੈ। ਸਕੀਮ ਦਾ ਲਾਭ ਲੈਣ ਲਈ, ਤੁਹਾਡੇ ਕੋਲ ਆਧਾਰ ਕਾਰਡ (Aadhaar Card) ਅਤੇ ਸੇਵਿੰਗ ਬੈਂਕ ਖਾਤਾ (Saving Bank Account) ਹੋਣਾ ਚਾਹੀਦਾ ਹੈ। ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ (Pradhan Mantri Jan Dhan Yojana) ਦੇ ਤਹਿਤ ਖੋਲ੍ਹੇ ਗਏ ਸਾਰੇ ਖਾਤੇ ਇਸ ਯੋਜਨਾ ਲਈ ਵੈਧ ਹਨ। ਤੁਹਾਨੂੰ ਸਿਰਫ਼ ਨਜ਼ਦੀਕੀ CSC ਕੇਂਦਰ 'ਤੇ ਜਾਣਾ ਹੈ ਤੇ ਆਪਣੇ ਖਾਤੇ ਦੇ ਨਾਲ IFSC ਜਾਣਕਾਰੀ ਦੇ ਕੇ ਅਰਜ਼ੀ ਦੇਣੀ ਹੈ। ਸਾਰੀ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ, ਤੁਹਾਨੂੰ CSC ਤੋਂ ਹੀ ਸ਼੍ਰਮ ਯੋਗੀ ਪੈਨਸ਼ਨ ਖਾਤਾ ਨੰਬਰ (Shram Yogi Pension Account Number) ਤੇ ਸ਼੍ਰਮ ਯੋਗੀ ਕਾਰਡ (Shram Yogi Card) ਮਿਲ ਜਾਵੇਗਾ।
ਸਰਕਾਰ 36000 ਰੁਪਏ ਸਾਲਾਨਾ ਦੇਵੇਗੀ
ਇਹ ਸਕੀਮ ਤੁਹਾਨੂੰ 60 ਸਾਲ ਦੀ ਉਮਰ ਤੋਂ ਬਾਅਦ ਪੈਨਸ਼ਨ ਦੇ ਰੂਪ ਵਿੱਚ ਲਾਭ ਦੇਵੇਗੀ। ਸਰਕਾਰ ਇਸ ਯੋਜਨਾ ਨਾਲ ਜੁੜੇ ਲੋਕਾਂ ਨੂੰ ਹਰ ਮਹੀਨੇ 3 ਹਜ਼ਾਰ ਰੁਪਏ ਪੈਨਸ਼ਨ ਦੇਵੇਗੀ, ਯਾਨੀ ਤੁਹਾਨੂੰ ਇੱਕ ਸਾਲ ਵਿੱਚ 36000 ਰੁਪਏ ਪੈਨਸ਼ਨ ਦੇ ਰੂਪ ਵਿੱਚ ਮਿਲਣਗੇ।
ਇਹ ਵੀ ਪੜ੍ਹੋ: Coronavirus in India: ਦੇਸ਼ 'ਚ ਇੱਕ ਦਿਨ 'ਚ ਕੋਰੋਨਾ ਦੇ 2.86 ਲੱਖ ਕੇਸ ਹੋਏ ਦਰਜ, ਐਕਟਿਵ ਕੇਸ 22 ਲੱਖ ਤੋਂ ਉਪਰ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin