UPI Payment Failures : ਯੂਨੀਫਾਈਡ ਪੇਮੈਂਟ ਇੰਟਰਫੇਸ ਯਾਨੀ UPI ਅੱਜ ਦੇ ਸਮੇਂ ਵਿੱਚ ਸਭ ਤੋਂ ਵੱਧ ਇਸਤੇਮਾਲ ਕੀਤੇ ਜਾਣ ਵਾਲਾ ਔਨਲਾਈਨ ਤਰੀਕਾ ਹੈ। ਤੁਸੀਂ ਕੁਝ ਮਿੰਟਾਂ ਵਿੱਚ UPI ਰਾਹੀਂ ਔਨਲਾਈਨ ਭੁਗਤਾਨ ਕਰ ਸਕਦੇ ਹੋ। ਪਰ ਕਈ ਵਾਰ UPI ਭੁਗਤਾਨ ਆਨਲਾਈਨ ਕਰਨ ਵਿੱਚ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਕਾਰਨ ਯੂਜਰ ਨੂੰ ਪਰੇਸ਼ਾਨੀ ਹੁੰਦੀ ਹੈ। ਅਜਿਹੀ ਸਥਿਤੀ ਵਿੱਚ ਇਸ ਸਮੱਸਿਆ ਨੂੰ ਦੂਰ ਕਰਨ ਲਈ ਭਾਰਤੀ ਰਾਸ਼ਟਰੀ ਭੁਗਤਾਨ ਨਿਗਮ (NPCI) ਨੇ ਇੱਕ ਰੀਅਲ ਟਾਈਮ ਭੁਗਤਾਨ ਵਿਵਾਦ ਨਿਪਟਾਰਾ ਸਿਸਟਮ ਤਿਆਰ ਕਰਨ ਦਾ ਫੈਸਲਾ ਕੀਤਾ ਹੈ।
ਜਲਦ ਚਾਲੂ ਹੋਵੇਗਾ ਰੀਅਲ ਟਾਈਮ ਪੇਮੈਂਟ ਵਿਵਾਦ ਨਿਪਟਾਰਾ ਸਿਸਟਮ
ਹਿੰਦੂ ਬਿਜ਼ਨਸ ਲਾਈਨ 'ਚ ਪ੍ਰਕਾਸ਼ਿਤ ਰਿਪੋਰਟ ਮੁਤਾਬਕ NPCI ਜਲਦ ਹੀ ਰੀਅਲ ਟਾਈਮ ਪੇਮੈਂਟ ਡਿਸਪਿਊਟ ਰੈਜ਼ੋਲੂਸ਼ਨ ਸਿਸਟਮ ਲਾਂਚ ਕਰੇਗੀ। ਇਹ ਪ੍ਰਣਾਲੀ ਸਤੰਬਰ 2022 ਤੱਕ ਸ਼ੁਰੂ ਹੋ ਜਾਵੇਗੀ। ਇਸ ਪ੍ਰਣਾਲੀ ਦੇ ਸ਼ੁਰੂ ਹੋਣ ਤੋਂ ਬਾਅਦ ਤੁਹਾਡੀ ਅਦਾਇਗੀ ਦੀਆਂ ਸਮੱਸਿਆਵਾਂ 90 ਪ੍ਰਤੀਸ਼ਤ ਤੱਕ ਘੱਟ ਜਾਣਗੀਆਂ।
ਤੁਹਾਨੂੰ ਬੈਂਕ ਨੂੰ ਵਾਰ-ਵਾਰ ਕਾਲ ਕਰਨ ਤੋਂ ਆਜ਼ਾਦੀ ਮਿਲੇਗੀ
ਤੁਹਾਨੂੰ ਦੱਸ ਦੇਈਏ ਕਿ ਇਸ ਨਵੀਂ ਪ੍ਰਣਾਲੀ ਦੇ ਬਣਨ ਤੋਂ ਬਾਅਦ ਤੁਹਾਨੂੰ ਬੈਂਕ ਨੂੰ ਵਾਰ-ਵਾਰ ਕਾਲ ਕਰਨ ਦੀ ਲੋੜ ਨਹੀਂ ਪਵੇਗੀ। ਇਸ ਦੇ ਨਾਲ ਹੀ ਸ਼ਾਖਾ ਦੇ ਇਧਰ-ਉਧਰ ਚੱਕਰ ਲਗਾਉਣ ਦੀ ਲੋੜ ਨਹੀਂ ਪਵੇਗੀ। ਤੁਸੀਂ ਆਪਣੀ UPI ਐਪ 'ਤੇ ਇਸ ਸਿਸਟਮ ਰਾਹੀਂ ਮਿੰਟਾਂ ਵਿੱਚ ਮਦਦ ਪ੍ਰਾਪਤ ਕਰ ਸਕੋਗੇ। ਇਸ ਦੇ ਨਾਲ ਤੁਹਾਡੀ ਮਦਦ ਰੀਅਲ ਟਾਈਮ ਵਿੱਚ ਆਪਣੇ ਆਪ ਹੋ ਜਾਵੇਗੀ। ਇਸ ਨਾਲ UPI 'ਚ ਫਸੇ ਪੈਸਿਆਂ ਦੀ ਸਮੱਸਿਆ ਲਗਭਗ 90 ਫੀਸਦੀ ਤੱਕ ਘੱਟ ਹੋ ਜਾਵੇਗੀ।
ਦੇਸ਼ ਵਿੱਚ ਵੱਧਦਾ ਯੂਪੀਆਈ ਦਾ ਇਸਤੇਮਾਲ
ਧਿਆਨ ਯੋਗ ਹੈ ਕਿ ਪਿਛਲੇ ਕੁਝ ਸਾਲਾਂ ਵਿੱਚ ਯੂਪੀਆਈ ਦੀ ਵਰਤੋਂ ਬਹੁਤ ਤੇਜ਼ੀ ਨਾਲ ਵਧੀ ਹੈ। UPI ਰਾਹੀਂ ਤੁਸੀਂ ਰੀਅਲ ਟਾਈਮ ਵਿੱਚ ਇੱਕ ਬੈਂਕ ਖਾਤੇ ਤੋਂ ਦੂਜੇ ਬੈਂਕ ਖਾਤੇ ਵਿੱਚ ਪੈਸੇ ਟ੍ਰਾਂਸਫਰ ਕਰ ਸਕਦੇ ਹੋ। ਅੱਜ ਕੱਲ੍ਹ ਲੋਕ ਗੂਗਲ ਪੇ, ਫੋਨਪੇ, ਭਾਰਤ ਪੇ, ਪੇਟੀਐਮ ਆਦਿ ਵਰਗੇ ਵੱਖ-ਵੱਖ ਐਪਾਂ ਰਾਹੀਂ ਆਸਾਨੀ ਨਾਲ UPI ਭੁਗਤਾਨ ਕਰ ਸਕਦੇ ਹਨ।