ਗੁਰੂਗ੍ਰਾਮ ਦੀ ਮਾਡਲਅਤੇ ਗੈਂਗਸਟਰ ਸੰਦੀਪ ਗਡੌਲੀ ਦੀ ਪ੍ਰੇਮਿਕਾ ਦਿਵਿਆ ਪਾਹੂਜਾ ਦੇ ਕਤਲ ਮਾਮਲੇ 'ਚ ਹੁਣ ਇਕ ਹੈਰਾਨ ਕਰਨ ਵਾਲਾ ਸਨਸਨੀਖੇਜ਼ ਖੁਲਾਸਾ ਹੋਇਆ ਹੈ। ਦਿਵਿਆ ਨੂੰ ਗੋਲੀ ਮਾਰਨ ਵਾਲੇ ਹੋਟਲ ਮਾਲਕ ਅਭਿਜੀਤ ਨੇ ਦੱਸਿਆ ਕਿ ਦਿਵਿਆ ਲੈਸਬੀਅਨ ਸੀ। ਇਹ ਗੱਲ ਦਿਵਿਆ ਨੇ ਖੁਦ ਉਸ ਨੂੰ ਦੱਸੀ ਸੀ ਅਤੇ ਆਪਣੇ ਲਈ ਲੜਕੀ ਦੀ ਮੰਗ ਵੀ ਕੀਤੀ ਸੀ।
Divya Murder Case: ਅਭਿਜੀਤ ਨੇ ਦੱਸਿਆ ਕਿ ਦਿਵਿਆ ਉਸ ਨੂੰ ਬਲੈਕਮੇਲ ਵੀ ਕਰ ਰਹੀ ਸੀ ਅਤੇ 30 ਲੱਖ ਰੁਪਏ ਦੀ ਮੰਗ ਕਰ ਰਹੀ ਸੀ। ਦਿਵਿਆ ਅਭਿਜੀਤ ਦੇ ਪਰਿਵਾਰ ਅਤੇ ਦੋਸਤਾਂ ਨੂੰ ਆਪਣੇ ਰਿਸ਼ਤੇ ਬਾਰੇ ਦੱਸਣ ਦੀ ਧਮਕੀ ਦੇ ਕੇ ਬਲੈਕਮੇਲ ਕਰ ਰਹੀ ਸੀ। ਬਦਲੇ 'ਚ ਮੋਟੀ ਰਕਮ ਦੀ ਮੰਗ ਕਰਨ ਲਈ ਉਹ ਲਗਾਤਾਰ ਉਸ 'ਤੇ ਦਬਾਅ ਬਣਾ ਰਹੀ ਸੀ।
ਇਸੇ ਕਾਰਨ 2 ਜਨਵਰੀ ਨੂੰ ਗੁਰੂਗ੍ਰਾਮ ਦੇ ਸਿਟੀ ਪੁਆਇੰਟ ਹੋਟਲ ਵਿੱਚ ਹੋਟਲ ਮਾਲਕ ਅਭਿਜੀਤ ਸਿੰਘ ਨੇ ਦਿਵਿਆ ਪਾਹੂਜਾ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ। ਪੁਲਿਸ ਦਾ ਮੰਨਣਾ ਹੈ ਕਿ ਇਹ ਸਨਸਨੀਖੇਜ਼ ਘਟਨਾ ਦਾ ਕਾਰਨ ਸੀ। ਅਦਾਲਤ ਵਿੱਚ ਦਾਇਰ ਚਾਰਜਸ਼ੀਟ ਵਿੱਚ ਇਹ ਖੁਲਾਸਾ ਹੋਇਆ ਹੈ।
ਅਭਿਜੀਤ ਤੇ ਦਿਵਿਆ ਪਾਹੂਜਾ ਇੱਕ ਦੂਜੇ ਨੂੰ 2014 ਤੋਂ ਜਾਣਦੇ ਸਨ। ਉਹ ਬੱਸ ਸਟੈਂਡ ਨੇੜੇ ਸਥਿਤ ਉਸ ਦੇ ਹੋਟਲ 'ਚ ਆਉਂਦੀ ਸੀ ਅਤੇ ਉਨ੍ਹਾਂ ਦੇ ਨਾਜਾਇਜ਼ ਸਬੰਧ ਸਨ। ਮੁੰਬਈ ਪੁਲਿਸ ਨੇ 2016 ਵਿੱਚ ਦਿਵਿਆ ਨੂੰ ਗੈਂਗਸਟਰ ਸੰਦੀਪ ਗਡੌਲੀ ਦੇ ਐਨਕਾਊਂਟਰ ਦੇ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤਾ ਸੀ। ਜੁਲਾਈ 2023 'ਚ ਜ਼ਮਾਨਤ 'ਤੇ ਬਾਹਰ ਆਉਣ ਤੋਂ ਬਾਅਦ ਦਿਵਿਆ ਫਿਰ ਅਭਿਜੀਤ ਦੇ ਸੰਪਰਕ 'ਚ ਆਈ ਅਤੇ ਉਦੋਂ ਤੋਂ ਹੀ ਅਭਿਜੀਤ ਨੇ ਦਿਵਿਆ ਨੂੰ ਆਈਫੋਨ ਸਮੇਤ 3.5 ਲੱਖ ਰੁਪਏ ਦਿੱਤੇ ਹਨ।
ਅਭਿਜੀਤ ਨੇ ਪੁਲਿਸ ਨੂੰ ਦਿੱਤੇ ਆਪਣੇ ਬਿਆਨ 'ਚ ਖੁਲਾਸਾ ਕੀਤਾ ਕਿ ਦਿਵਿਆ ਨੇ ਮੋਟੀ ਰਕਮ ਦੀ ਮੰਗ ਕਰਨੀ ਸ਼ੁਰੂ ਕਰ ਦਿੱਤੀ ਸੀ। ਅਭਿਜੀਤ ਰਕਮ ਦੇਣ ਤੋਂ ਇਨਕਾਰ ਕਰ ਰਿਹਾ ਸੀ। ਦਿਵਿਆ ਨੇ ਕਥਿਤ ਤੌਰ 'ਤੇ ਅਭਿਜੀਤ ਦੇ ਪਰਿਵਾਰ ਅਤੇ ਦੋਸਤਾਂ ਨੂੰ ਉਨ੍ਹਾਂ ਦੇ ਰਿਸ਼ਤੇ ਬਾਰੇ ਦੱਸਣ ਲਈ ਧਮਕੀਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਸਨ ਤਾਂ ਜੋ ਉਸ ਦੇ ਪਰਿਵਾਰ ਅਤੇ ਨਜ਼ਦੀਕੀ ਲੋਕਾਂ ਵਿਚ ਉਸ ਦੀ ਸਾਖ ਨੂੰ ਖਰਾਬ ਕੀਤਾ ਜਾ ਸਕੇ।