Crime News: ਯੂਪੀ ਦੇ ਗੋਂਡਾ ਜ਼ਿਲ੍ਹੇ ਦੇ ਰਹਿਣ ਵਾਲੇ ਰਾਜੇਸ਼ ਸ਼ੁਕਲਾ ਨੇ ਆਪਣੀ ਪਤਨੀ ਨਾਲ ਮਿਲ ਕੇ ਆਪਣੀ ਹੀ 21 ਸਾਲ ਦੀ ਧੀ ਸ਼ਵੇਤਾ ਸ਼ੁਕਲਾ ਦਾ ਕਤਲ ਕਰ ਦਿੱਤਾ। ਮੁਲਜ਼ਮ ਪਿਤਾ ਅਤੇ ਮਤਰੇਈ ਮਾਂ ਨੇ ਪੁੱਛਗਿੱਛ ਦੌਰਾਨ ਪੁਲਿਸ ਨੂੰ ਦੱਸਿਆ ਕਿ ਉਹ ਆਪਣੀ ਲੜਕੀ ਦਾ ਵਿਆਹ ਪਹਿਲਾਂ ਤੋਂ ਹੀ ਵਿਆਹੇ ਹੋਏ ਵਿਅਕਤੀ ਨਾਲ ਕਰਨਾ ਚਾਹੁੰਦੇ ਸਨ। ਇੰਨਾ ਹੀ ਨਹੀਂ ਉਹ ਆਪਣੀ ਕੁੜੀ ਦਾ ਵਿਆਹ ਅਜਿਹੇ ਵਿਅਕਤੀ ਨਾਲ ਕਰਨਾ ਚਾਹੁੰਦੇ ਸਨ ਜਿਸ 'ਤੇ ਪਹਿਲਾਂ ਹੀ ਦਾਜ ਲਈ ਕਤਲ ਕਰਨ ਦਾ ਦੋਸ਼ ਲੱਗਿਆ ਸੀ। ਇਹੀ ਕਾਰਨ ਸੀ ਕਿ ਸ਼ਵੇਤਾ ਨੇ ਉਸ ਬੰਦੇ ਨਾਲ ਨਾਲ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਇਸ ਕਰਕੇ ਦੋਹਾਂ ਨੇ ਰਲ ਕੇ ਉਸ ਵੇਲੇ ਸ਼ਵੇਤਾ ਦਾ ਕਤਲ ਕਰ ਦਿੱਤਾ, ਜਿਸ ਵੇਲੇ ਉਹ ਸੁੱਤੀ ਪਈ ਸੀ।
ਦਰਅਸਲ, ਜਦੋਂ 10 ਜੂਨ ਦੀ ਰਾਤ ਨੂੰ ਸ਼ਵੇਤਾ ਸ਼ੁਕਲਾ ਘਰ ਦੀ ਛੱਤ 'ਤੇ ਸੌਣ ਲਈ ਗਈ ਸੀ। ਜਦੋਂ ਉਹ ਸੌਂ ਰਹੀ ਸੀ ਤਾਂ ਉਸ ਦੇ ਪਿਤਾ ਅਤੇ ਮਤਰੇਈ ਮਾਂ ਛੱਤ 'ਤੇ ਪਹੁੰਚ ਗਏ ਅਤੇ ਸ਼ਵੇਤਾ ਨੂੰ ਜ਼ਬਰਦਸਤੀ ਛੱਤ ਤੋਂ ਖਿੱਚ ਕੇ ਕਮਰੇ 'ਚ ਲੈ ਗਏ। ਜਿਸ ਤੋਂ ਬਾਅਦ ਸ਼ਵੇਤਾ ਦੇ ਪਿਤਾ ਨੇ ਉਸ ਦਾ ਗਲਾ ਘੁੱਟ ਦਿੱਤਾ। ਸ਼ਵੇਤਾ ਦਰਦ ਨਾਲ ਤੜਫ ਗਈ ਅਤੇ ਉਸ ਨੇ ਭੱਜਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਦੋਂ ਹੀ ਉਸ ਦੀ ਮਤਰੇਈ ਮਾਂ ਨੇ ਉਸ ਦੇ ਪੈਰ ਅਤੇ ਹੱਥ ਫੜ ਲਏ। ਫਿਰ ਪਿਤਾ ਨੇ ਉਸ ਦਾ ਗਲਾ ਵੱਢ ਕੇ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ। ਮੁਲਜ਼ਮ ਰਾਜੇਸ਼ ਨੇ ਭੱਜਣ ਦੀ ਪੂਰੀ ਯੋਜਨਾ ਬਣਾ ਲਈ ਸੀ। ਕਤਲ ਤੋਂ ਬਾਅਦ ਰਾਜੇਸ਼ ਅਤੇ ਉਸ ਦੇ ਪੁੱਤਰ ਹਰਣ ਸ਼ੁਕਲਾ ਨੇ ਸ਼ਵੇਤਾ ਦੀ ਲਾਸ਼ ਘਰ ਦੇ ਦਰਵਾਜ਼ੇ 'ਤੇ ਸੁੱਟ ਦਿੱਤੀ।
ਇਹ ਵੀ ਪੜ੍ਹੋ: Viral Video: ਕੋਈ ਡਰ ਨਹੀਂ! ਚੌਂਕੀਦਾਰ ਨੇ ਸ਼ਰੇਆਮ ਘੁੰਮ ਰਹੇ ਚੋਰਾਂ ਨੂੰ ਰੋਕਿਆ ਤਾਂ ਉਸ 'ਤੇ ਕਰ'ਤਾ ਹਮਲਾ, ਫੋਨ ਖੋਹ ਕੇ ਹੋਏ ਫਰਾਰ
ਫਿਰ ਪਿਤਾ ਰਾਜੇਸ਼ ਸ਼ੁਕਲਾ ਨੇ ਚਲਾਕੀ ਨਾਲ ਪੁਲਿਸ ਨੂੰ ਗੁੰਮਰਾਹ ਕਰਨ ਲਈ 112 ਨੰਬਰ ਡਾਇਲ ਕੀਤਾ ਅਤੇ ਪੁਲਿਸ ਨੂੰ ਸੂਚਨਾ ਦਿੱਤੀ। ਰਾਜੇਸ਼ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਨੂੰ ਅਤੇ ਉਸ ਦੀ ਧੀ ਸ਼ਵੇਤਾ ਨੂੰ ਉਸ ਦੇ ਭਰਾਵਾਂ ਨੇ ਮਾਰ ਦਿੱਤਾ ਹੈ। ਥਾਣੇ ਤੋਂ ਕੁਝ ਹੀ ਦੂਰੀ ’ਤੇ ਵਾਪਰੀ ਇਸ ਘਟਨਾ ਨੇ ਪੁਲਿਸ ਮਹਿਕਮੇ ਵਿੱਚ ਹਾਹਾਕਾਰ ਮਚਾ ਦਿੱਤੀ ਹੈ। ਸਥਾਨਕ ਪੁਲਿਸ ਡਾਇਲ 112 ਟੀਮ ਸਮੇਤ ਮੌਕੇ 'ਤੇ ਪਹੁੰਚ ਗਈ। ਜਦੋਂ ਪੁਲਿਸ ਮੌਕੇ 'ਤੇ ਪਹੁੰਚੀ ਤਾਂ ਦੇਖਿਆ ਕਿ ਸ਼ਵੇਤਾ ਖੂਨ ਨਾਲ ਲੱਥਪੱਥ ਸੀ। ਜਿਸ ਤੋਂ ਬਾਅਦ ਪੁਲਿਸ ਉਸ ਨੂੰ ਸ਼ਵੇਤਾ ਹਸਪਤਾਲ ਲੈ ਗਈ। ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
ਮ੍ਰਿਤਕ ਦੇ ਗਲੇ 'ਤੇ ਤੇਜ਼ਧਾਰ ਹਥਿਆਰਾਂ ਦੇ ਨਿਸ਼ਾਨ ਸਨ। ਜਦੋਂ ਪੁਲਿਸ ਨੇ ਪੋਤੀ ਸ਼ਵੇਤਾ ਦੇ ਕਤਲ ਮਾਮਲੇ 'ਚ ਸ਼ਵੇਤਾ ਦੇ ਨਾਨੇ ਬ੍ਰਿਜ ਬਿਹਾਰੀ ਮਿਸ਼ਰਾ ਦਾ ਬਿਆਨ ਲਿਆ ਤਾਂ ਪੁਲਿਸ ਅਧਿਕਾਰੀ ਵੀ ਹੈਰਾਨ ਰਹਿ ਗਏ। ਸ਼ਵੇਤਾ ਦੇ ਨਾਨੇ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸਦੇ ਜਵਾਈ ਰਾਜੇਸ਼ ਅਤੇ ਉਸਦੀ ਦੂਜੀ ਪਤਨੀ ਨੇ ਸ਼ਵੇਤਾ ਦਾ ਕਤਲ ਕੀਤਾ ਹੈ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਸ਼ਵੇਤਾ ਦੇ ਨਾਨੇ ਨੇ ਦੱਸਿਆ ਕਿ ਸ਼ਵੇਤਾ ਦੇ ਪਿਤਾ ਰਾਜੇਸ਼ ਸ਼ੁਕਲਾ ਨੇ ਕਈ ਸਾਲ ਪਹਿਲਾਂ ਉਨ੍ਹਾਂ ਦੀ ਬੇਟੀ ਨੀਤੂ ਦਾ ਕਤਲ ਕਰ ਦਿੱਤਾ ਸੀ। ਜਿਸ ਤੋਂ ਬਾਅਦ ਰਾਜੇਸ਼ ਨੇ ਦੂਜਾ ਵਿਆਹ ਕਰ ਲਿਆ। ਪਰ ਉਸ ਨੂੰ ਆਪਣੀ ਧੀ ਦੇ ਕਤਲ ਬਾਰੇ ਕਈ ਸਾਲਾਂ ਬਾਅਦ ਪਤਾ ਲੱਗਿਆ।
ਇਹ ਵੀ ਪੜ੍ਹੋ: Bathinda News: ਤਲਵੰਡੀ ਸਾਬੋ ਦੇ ਗੁਰੂ ਕਾਸ਼ੀ ਕਾਲਜ ਨੇੜੇ ਨੌਜਵਾਨ 'ਤੇ ਚੱਲੀਆਂ ਗੋਲੀਆਂ, ਹਾਲਤ ਗੰਭੀਰ, ਹਮਲਾਵਰਾਂ ਦੀ ਭਾਲ ਜਾਰੀ