ਲੁਧਿਆਣਾ 'ਚ ਫਿਜੀਓਥੈਰੇਪਿਸਟ ਨਾਲ ਲੁੱਟ; ਹਥਿਆਰ ਦਾ ਡਰਾਵਾ ਦੇ ਕੇ 12 ਹਜ਼ਾਰ ਨਕਦ, ਮੋਬਾਈਲ ਸਣੇ ਲੁੱਟੀਆਂ ਹੋਰ ਚੀਜ਼ਾਂ, 16 ਦਿਨ ਬਾਅਦ ਵੀ FIR ਨਹੀਂ
ਪੀੜਤ ਓ.ਪੀ. ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੇ ਘਟਸਥਾਨ ਤੋਂ ਸੀਸੀਟੀਵੀ ਫੁੱਟੇਜ ਵੀ ਇਕੱਠਾ ਕੀਤਾ ਹੈ, ਜਿਸ ‘ਚ ਪੂਰੀ ਲੁੱਟ ਦੀ ਕਾਰਵਾਈ ਸਾਫ਼ ਦਿਖਾਈ ਦਿੰਦੀ ਹੈ। ਇੰਝ ਹੋਣ ਦੇ ਬਾਵਜੂਦ 16 ਦਿਨ ਲੰਘ ਜਾਣ ‘ਤੇ ਵੀ ਕੋਈ ਗੰਭੀਰ ਕਾਰਵਾਈ ਨਹੀਂ ਹੋਈ
ਲੁਧਿਆਣਾ ਦੀ ਜੈਨ ਕਾਲੋਨੀ ਦੇ ਰਹਿਣ ਵਾਲੇ ਅਤੇ ਐਮ.ਜੇ.ਐਸ. ਹਸਪਤਾਲ, ਦਰੇਸੀ 'ਚ ਫਿਜੀਓਥੈਰੇਪਿਸਟ ਵਜੋਂ ਕੰਮ ਕਰਨ ਵਾਲੇ ਓ.ਪੀ. ਸਿੰਘ 30 ਜੂਨ ਦੀ ਰਾਤ ਲੁੱਟ ਦਾ ਸ਼ਿਕਾਰ ਹੋ ਗਏ। ਡਾਬਾ ਰੋਡ 'ਤੇ ਬਾਈਕ ਸਵਾਰ ਦੋ ਬਦਮਾਸ਼ਾਂ ਨੇ ਉਨ੍ਹਾਂ ਦੀ ਗਰਦਨ 'ਤੇ ਤੇਜ਼ਧਾਰ ਹਥਿਆਰ ਤਾਨ ਕੇ 12,000 ਰੁਪਏ ਨਕਦ, ਮੋਬਾਈਲ ਫੋਨ, ਕੱਪੜੇ, ਘਰ ਦੀਆਂ ਚਾਬੀਆਂ ਅਤੇ ਜ਼ਰੂਰੀ ਦਸਤਾਵੇਜ਼ਾਂ ਨਾਲ ਭਰਿਆ ਬੈਗ ਲੁੱਟ ਲਿਆ। ਓ.ਪੀ. ਸਿੰਘ ਨੇ ਮਥੁਰਾ ਜਾਣ ਲਈ ਟਰੇਨ ਲੈਣੀ ਸੀ, ਪਰ ਲੁੱਟ ਦੀ ਘਟਨਾ ਕਰਕੇ ਉਨ੍ਹਾਂ ਨੂੰ ਆਪਣੀ ਯਾਤਰਾ ਰੱਦ ਕਰਨੀ ਪਈ।
ਘਟਨਾ ਤੋਂ ਬਾਅਦ, ਓ.ਪੀ. ਸਿੰਘ ਨੇ ਨੇੜੇ ਮੌਜੂਦ ਇਕ ਸੁਰੱਖਿਆ ਗਾਰਡ ਤੋਂ ਫੋਨ ਲੈ ਕੇ ਪੁਲਿਸ ਕੰਟਰੋਲ ਰੂਮ ਨੂੰ ਸੂਚਨਾ ਦਿੱਤੀ, ਪਰ ਕੋਈ ਮਦਦ ਨਹੀਂ ਮਿਲੀ। ਫਿਰ ਉਹ ਸ਼ੇਰਪੁਰ ਪੁਲਿਸ ਚੌਕੀ ਗਏ ਅਤੇ ਲਿਖਤੀ ਸ਼ਿਕਾਇਤ ਦਿੱਤੀ, ਪਰ ਐਫ਼ਆਈਆਰ ਦਰਜ ਕਰਨ ਦੀ ਬਜਾਏ ਉਨ੍ਹਾਂ ਨੂੰ ਏਐਸਆਈ ਪ੍ਰਿਤਪਾਲ ਸਿੰਘ ਦਾ ਨਾਂ ਅਤੇ ਫ਼ੋਨ ਨੰਬਰ ਲਿਖੀ ਇਕ ਪਰਚੀ ਦੇ ਦਿੱਤੀ ਗਈ। ਹੁਣ ਜਦੋਂ ਇਹ ਮਾਮਲਾ ਮੀਡੀਆ ਵਿੱਚ ਆਇਆ ਹੈ, ਤਾਂ ਪੁਲਿਸ ਨੇ ਯਕੀਨ ਦਿਵਾਇਆ ਹੈ ਕਿ ਕੇਸ ਹੱਲ ਕੀਤਾ ਜਾਵੇਗਾ ਅਤੇ ਐਫ਼ਆਈਆਰ ਵੀ ਦਰਜ ਹੋਵੇਗੀ, ਪਰ ਹਜੇ ਤੱਕ ਕਿਸੇ ਦੋਸ਼ੀ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ।
ਸੀਸੀਟੀਵੀ ‘ਚ ਕੈਦ ਘਟਨਾ
ਪੀੜਤ ਓ.ਪੀ. ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੇ ਘਟਸਥਾਨ ਤੋਂ ਸੀਸੀਟੀਵੀ ਫੁੱਟੇਜ ਵੀ ਇਕੱਠਾ ਕੀਤਾ ਹੈ, ਜਿਸ ‘ਚ ਪੂਰੀ ਲੁੱਟ ਦੀ ਕਾਰਵਾਈ ਸਾਫ਼ ਦਿਖਾਈ ਦਿੰਦੀ ਹੈ। ਇੰਝ ਹੋਣ ਦੇ ਬਾਵਜੂਦ 16 ਦਿਨ ਲੰਘ ਜਾਣ ‘ਤੇ ਵੀ ਕੋਈ ਗੰਭੀਰ ਕਾਰਵਾਈ ਨਹੀਂ ਹੋਈ। ਥਾਣਾ ਡਿਵੀਜ਼ਨ ਨੰਬਰ‑6 ਦੀ SHO ਕੁਲਵੰਤ ਕੌਰ ਨਾਲ ਸੰਪਰਕ ਕਰਨ ਲਈ ਤਿੰਨ ਵਾਰ ਫੋਨ ਕੀਤਾ ਗਿਆ, ਪਰ ਉਨ੍ਹਾਂ ਨੇ ਫੋਨ ਨਹੀਂ ਚੁੱਕਿਆ।
ਓ.ਪੀ. ਸਿੰਘ ਦਾ ਕਹਿਣਾ ਹੈ ਕਿ ਪੁਲਿਸ ਦੀ ਲਾਪਰਵਾਹੀ ਕਰਕੇ ਉਹਨਾਂ ਨੂੰ ਆਪਣੀ ਯਾਤਰਾ ਰੱਦ ਕਰਨੀ ਪਈ ਤੇ ਉਹ ਹੁਣ ਵੀ ਇਨਸਾਫ ਦੀ ਉਡੀਕ ਕਰ ਰਹੇ ਹਨ। ਦੂਜੇ ਪਾਸੇ, ASI ਪ੍ਰਿਤਪਾਲ ਸਿੰਘ ਨੇ ਦਾਅਵਾ ਕੀਤਾ ਹੈ ਕਿ ਲੁਟੇਰਿਆਂ ਨੂੰ ਜਲਦੀ ਕਾਬੂ ਕਰ ਲਿਆ ਜਾਵੇਗਾ; ਆਖਰੀ ਪੰਦਰਾਂ ਦਿਨਾਂ ਤੋਂ ਪੁਲਿਸ ਲਗਾਤਾਰ ਕਾਰਵਾਈ ਕਰ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
